رواية زوج للايجار الفصل التاسع عشر 19 بقلم أميرة محمد

رواية زوج للايجار الحلقة التاسعة عشر 19 بقلم أميرة محمد
رواية زوج للايجار الجزء التاسع عشر 19 بقلم أميرة محمد
رواية زوج للايجار البارت التاسع عشر 19 بقلم أميرة محمد
رواية زوج للايجار الفصل التاسع عشر 19 بقلم أميرة محمد

رواية زوج للايجار الفصل التاسع عشر 19 بقلم أميرة محمد

نايا بتوتر : اهدي يا الياس خلاص عدت لينظر لها الاخر نظره ناريه تصمت بعدها ليقول بعصبيه : ماشي وحياه امه لعرفه ازاي يبص لمراتي وانا قاعد جمبها هي البجاحه للدرجادي 
لا تعلم لما ولكن تشعر بفراشات تدور في بطنها أثر كلماته، شخص واحد هل يستطيع ارسالك لسابع سماء لتعود محطما للارض 
نايا بضيق : خلاص عدت بلاش تحتك بيه اهم حاجه تستعد لان عمك هيعزم الناس يتعرفوا علينا بكره ولازم نجهز 
الياس وهو يزفر بضيق: يعني اي المفروض افرح ان هو بيدايقني لا وعايزاني اسكت لما يتكلم معاكي كده وبعدين هو ده وقته يعني لازم يعزم امه لا اله إلا الله 
لترفع الاخري كتفيها ببرود وهي تكتم ضحكاتها حتي لا تزيد من عصبيته اكثر : اظن هو ده السبب اللي جينا عشانه فطبيعي يعزم الناس 
الياس بضيق : عندك سبب مقنع لكل حاجه ماشي يختي نامي خلينا نشوف القرف اللي ورانا ده لتنظر له نايا بتوتر وهي تقول : انا هنام فين 
الياس بأستغراب : في الحمام امال هتنامي زي الناس الطبيعيه علي السرير مثلا لا اقولك اطلعي فوق الدولاب ونامي عشان تبقي نومه فريده من نوعها وتحلفي بيها عمرك كله 
نايا بعصبيه : الياس مش بهزر دلوقتي انا عايزه انام ومينفعش انام جمبك انا هكسف وبعدين مش انت الراجل المفروض تنام علي الارض او الكنبه 
ليبتسم الاخر بأستفزاز : معلش اكسفيلك شويه او اقولك حطي علي وشك فرده جزمه واتخمدي فيومك اللي مش معدي عشان انا اصلا جايب اخري منك وهو انا عشان راجل لازم ضهري يتقطم في النومه لا يحبيبتي يفتح الله 
لتنظر له الاخري بضيق : طب ابعد شويه متتلزقش بقي ليرفع الاخر احدي حاجبيه بسخريه وهو يبتعد : استني حط المخده دي بينا عشان متجيش جمبي 
الياس وهو يضغط علي اسنانه بغيظ: مش ميت عليكي عشان أقرب للدرجادي لولا مضطر مكنتش قعدت معاكي فأوضه واحده بعدين شيلي دي مش عارف انام السرير مش واسع للدرجادي 
نايا بشهقه : يا كذاب السرير كبير انت اللي متحر'ش علي راي البت تالي صح صح قالتلي ان الشله كلها كده مصدقتهاش 
الياس وهو يكاد يبكي : ياااربييي هو حد مسطلك عليا يا نايا عايز اتخمد اخلصي وبعدين اتحر'ش بمين يما انتي مش شايفه حالتي مش قادر ارفع ايدي حتي نامي يا نايا اخلصي انتي وصحابك المتخلفين زيك 
لتزفر الاخري بضيق وهي تحاول أن تناء بهدوء ولكنها لم تشعر بالنوم ابدا لتقابل وجهه بعد مده وهي تنظر له بشرود ولم تشعر الا وهي تتلمس شعره بحب لينزعج الاخر في نومه وهو يحتضنها لتصدم الاخري من فعلته وهي تحاول ابعاده 
نايا بهمس : الياس ابعد انت يعم عشان اقولك انك متحرش مسمعتش كلامي ابعد يرخم ليتمتم الاخر أثناء نومه وهو يقول : اخرسي يا نايا ونامي انتي اللي بداتي وصحتيني اتنيلي اسكتي 
لتصمت الاخري وهي تنظر له بغيظ سرعان ما تحول لخجل وهي تغمض عينيها بأستمتاع للدفئ الذي غمرها 
________________
في صباح اليوم التالي 
نونيا وهي تتراجع بخوف : اي في اي لتنظر الاخري لها وهي تقول : قلتيلي انك رايحه تقابلي شادي ها 
نونيا بأبتسامه غبيه : اه صح قلتلك لا استني انتي اللي عرفتي لوحدك لتنظر لها الاخري بخبث وهي تقول : هاجي معاكي 
نونيا بصدمه : تيجي معايا فين لتقول تالي بلا مبالاه :مكان ما رايحه تقابليه لترفع الاخري حاجبيها بسخريه وهي تقول : محسساني بنت اختي بتقولي هاجي معاكي الحديقه في اي يماما
تالي بضيق : واشمعنا انتي رايحه تقابليه اظن قلتي معدش في داعي يبقي ليه بقي لتقول نونيا بلا مبالاه : عادي هو عزمني علي الغدا مره وانا بردله العزومه 
تالي بخبث : قلتيلي بتردي العزومه مش شايفين انها طولت شويه لعبه الاستغمايه دي لتنظر لها نونيا بنظرات ثاقبه وهي تقول: اخرتها عشان اتاخرت انا هروح دلوقتي واياكي تلحقيني يا تالي يلا سلام 
لتتركها وتذهب لتنظر الاخري بضيق لها لتلمع فكره في راسها سريعا وتمسك بالهاتف وهي تقول لأحد ما : اظاهر في حجات بتحصل من ورانا انا بقول تيجي عشان تشوف الخيانه بعينك لازم تقفشهم سوا 
________________
تفتح الاخري عينيها بكسل أثر ضربات متتاليه علي باب الغرفه لتجد نفسها في احضان الاخر لتنظر له بهيام وهي تحاول تلمس وجهه لتجده يتململ في نومه لتغمض عينيها سريعا 
الياس بكسل : طيب ثواني لينظر حوله ويجد نايا تنام في هدوء ليمسح علي شعرها بحب وهو يقوم سريعا ويفتح الباب : صباح الخير يا استاذ الياس الكل مستنيين تحت عشان الفطار والحج الكبير بيقولك ياريت تستعجل وراكم شغل كتير النهارده 
ليومئ لها الاخر بهدوء: تمام ثواني وهننزل ليتجه لنايا وهو يحاول جعلها تستيقظ لتمد الاخري يديها بكسل كأنها استيقظت للتو : في اي يا الياس سيبني شويه كمان 
الياس بأبتسامه خبيثه : علي حد علمي صاحيه من ساعتها انما اي بقي الكسل ده لتنظر له الاخري بخجل وهو يضحك عليها : اصحي يلا الكل مستنيين تحت شايف واحده زعقت لما شبعت امبارح مش عايزه تنام هنا ودلوقتي مش حابه تصحي عشان تعرفي بس 
نايا بصراخ وهي تضع يديها علي وجهها بخجل: خلاص اسكت الله قايمه اهه ليضحك الاخر عليها بشده ويذهب ليتجهز سريعا ليهبطوا بعد فتره وهو ممسك بيديها بحب أمام للجميع: صباح الخير جميعا 
ليحييه الجميع وينظر له أدهم بخبث وهو يقول : ده يا احلي صباح البيت نور والله  لينظر له الياس سريعا بغيظ 
ليقطع تحديقهم ببعض وتلك النظرات الناريه عمه وهو يقول بهدوء: سيبك من أدهم يا الياس ودلوقتي بعد الفطار تجهزوا كل حاجه جهزت والناس جايه مش حابب غلط يحصل 
ليومئ له الياس بهدوء وهو ينظر لنايا ليمسك يديها لعد فتره وهو يقول : عن اذنكوا يجماعه سفره دايمه هنروح نجهز عشان منتاخرش يعني حضراتكم عارفين اخر يوم النهارده 
أدهم بحزن مصطنع : خساره بجد نهايه التسليه دي تبقي النهارده طب فكر واقعد شويه بجد هنفرح بيكوا اوي 
الياس بأستفزاز : معلش بقي يا أدهم اصل نايا وحشتني ومش عارف استفرد بيها هنا بس واحد زيك مجربش الحب قبل كده وللأسف وحداني فسنك مش هيفهم ده لا مؤاخذه انت عارف اني مقصدش 
أدهم بالا مبالاه : اذنك معاك يحبيبي منا واثق انك متقصدش ليبتسم الياس وهو يقول : كويس كنت خايف تزعل اوي متعرفش أنت غالي عندي ازاي عن اذنكوا 
ليرحل تحت نظرات أدهم البارده وهو ينظر لهم بهدوء 
_________________
تمارا بتوتر : انت بتبصلي كده ليه بقالك ساعه قاعد قدامي بتتأملني بدات اخاف منك ليبتسم الاخر وهو يقول : موناليزا قاعده قدامي يولاد اي الجمال ده يتمارا يحبيبتي 
تمارا بريبه : من امتي يبو سعيد ها ده انا قربت اكره نفسي منك قول اللي عايزه من غير لف ودوران مصيبه اي اللي عملتها جديده 
 ليبتسم عدي بهدوء وهو يقترب منها ليمثل الخجل وهو يقول : متكسفنيش بقي يا والدتي بعدين هو انا مختص للمصايب ما عندي اوبشنات كتير غير المصايب ده انا لسه محدش ابديت جديد انما اي 
تمارا وهي تضيق عينيها بشك : ابديت اي الجديد نزلت مدبلج يعني ولا اي ليزفر الاخر من غبائها وهو يقول : لا لسه بلغه موحده زي منتي شايفه كده بس نزلت بتحديث محن جديد 
لتنكمش ملامح الاخري بتقزز : يييع لا حول الله يارب طب مينفعش تتخلي عن الابديت ده وتنقله لابوك بدل مهو زي اللوح كده 
عدي بشهقه: يمفتريه ياللي مبتراعيش ربنا الراجل مظلوم معاكي مش قالك من ست شهور فعيد الحب انك اجمل من الجاتوه اللي بتعمليه 
تمارا بضيق : ومين يشهد للعروسه يخويا رجاله طفسه بتاعه بطنها لتستمع لصوت هاتفها لتجيب سريعا : نايا يحيوانه انا قلت نستني اي كل ده 
نايا بهدوء: مش وقته يا تمارا انا محتاره البس اي في العزومه النهارده لتقول تمارا بتفكير : افتحي فيديو طيب وانا اختار معاكي 
نايا بهدوء: طب استني خليكي معايا ، ها بقي موجود ده وده وده اختار اي فيهم ليضع عدي راسه في الهاتف وهو يقول بشك : بت يا نايا هي أوروبا قلبت علي سيدي زايد كده ليه 
نايا بتوتر : يخربيتك يتمارا مقلتيش ان ابو لسان ده جمبك ليه عدي يحبيبي ازيك لينظر لها الاخر ببرود وهو يقول : حبيبك اه انتي قلتيلي انتي فبلد اي اصل اللي شايفه ده متجيش أوروبا الا لو أوروبا المصريه 
نايا وهي تضغط علي أسنانها بغيظ : غور ياض من وشي يحبيب عمتو انا عارفه ابوك بلاني بيك انت وامك ليه اختاري يا زفته اخلصي 
عدي بهدوء: تختار اي بس صلي علي النبي دي ستي فشبابها كانت تقرف تلبس دول وحاليا تاخدهم تمسح بيهم رجليها بعد صلاه العشا 
لتنظر له تمارا بفخر وهي تقول: حبيب مامي اللي بيفهم الواد ده بيقول كلام صح الصح لينظر لها عدي بهدوء: تسلمي يحجه الهي اشوفك بتفهمي زيي 
تمارا بملامح متجهمه: غور يا حيوان من هنا جتك نيله تاخدك معدش غيرك يقول رأيه ليخرج الاخر وهو يقول بغيظ : ماشي يا تمارا خارج بس ابقي قابليني لو قلتي قول رايك تاني خليها شكل ام اربعه وأربعين تستاهلوا كورتين هيفرقعوا سوا ادخل بينهم ليه 
لتلقي الاخري خفها سريعا عليه ليركض الاخر في ثواني لتنظر لنايا بهدوء وهي تقول : كلامه صح اي القرف ده أخضر وازرق واحمر اي يا نايا انتي فشم النسيم 
نايا بضيق : امال اختار اي يعني مفيش وقت اقولهم انزل اجيب حاجه لتنظر لها تمارا بتفكير وهي تقول فجاه: فاكره الفستان الاسمر اللي اشتريناه وملبستيهوش ولا مره 
نايا وهي تومئ سريعا : ايوه ايوه جبته معايا معرفش خدته احتياطي لتقول تمارا سريعا بفخر : زوقي البسيه وافردي شعرك وحطي ميكب خفيف وظللي عينك أخضر عشان تظهر لون عينك نفسها 
نايا بسعاده : طب يلا غوري بقي ضيعتي وقتي معدش غيرك اخد رأيه سلام لتغلق المحادثه سريعا لتنظر تمارا في الهاتف بوجه ثابت ويأتي عدي وهو يضحك بشده : تستاهلي اه ياني حسيت غليلي اشفي احسن آخره الغز علقه 
__________________
شادي بأبتسامه: فرحتيني بجد اوي انك قبلتي وجيتي حاسس بقالي كتير مشوفتكيش لتقول نونيا بخجل : مجرد يومين وتلات سعات وأربع ثواني 
شادي بخبث : الله ده احنا بنحسب بتركيز اهه أمال اي بقي ليستمع لصوت خلفه وهو يقول : هيييح ايوه امال انت مفكر اي واقعه واقعه تفو 
لينظر الاثنان لهم سريعا لتقول نونيا بصدمه : تالي مؤمن بتعملوا اي هنا ليقول مؤمن وهو يحرك راسه بأسف : خيانه فعز الضهر اخص بجد جيت اشوف الغدر اللي بيحصل من ورا ضهري يا استاذه نونيا 
شادي بأستغراب : غدر اي يا مؤمن انت محسسني انك مراتي ليه لتقول تالي بشهقه : تاني يا مؤمن مش كنا خلصنا يعني اي دلوقتي هتبقي ضره نونيا 
مؤمن وهو يضرب راسها بخفه : اخرسي يا تالي يا غبيه احنا جايين نقفشهم مش نتخانق ونشمتهم فينا لتومئ تالي سريعا وهي تقول : ايوه صح ركز علي اهدافك 
لينظر مؤمن لشادي وهو يضيق عينيه : بتعملوا اي من غيرنا ومقابلات من ورا ضهري هممم دي كبرت بقي لتقول نونيا بتوتر : عادي شادي عزمني مره وانا بردله العزومه
مؤمن بسخريه : وهو مكتوب علي قفايا ضد العزومات ولا اي لا يماما فوقي ده انا جامد او مفتح اوي مش هتضحكي عليا بكلمتين 
شادي بضيق: اخلص يا مؤمن هو مينفعش ابدا نقعد من غير وجع دماغ عرفت اننا جايين مسبتناش لوحدنا ليه ولا جسمك ياكلك لو مقطعتش علينا 
تالي بشهقه وهي تشير لهم : الحق ياض يا مؤمن اعترف اهه انه عايز البت لوحدهم يا قليل الادب عايز تقعد مع البت من غير رقيب ولا قريب ولا حد يحن ويزن 
نونيا بغيظ : ماشي يا تالي ان ما عرفتك علي اللي بتعمليه لينظر مؤمن لشادي بهدوء وهو يقول : انا ميرضنيش الحال المايل وكأب للشله الوسخه دي يا تتجوز البت يا كفايه لف وصياعه بقي بنات الناس مش لعبه 
شادي وهو يزفر بهدوء: اب مين يا ابو اب انت ناسي انك اصغر واحد فينا ليقول مؤمن بعصبيه : متغيرش الموضوع وسيبني اتقمص الدور براحتي الله انطق هتتجوز البت ولالا شرفنا مش لعبه يا استاذ 
لينظر له شادي بهدوء وهو يقول : ما حضرتك لو مكنتش جيت وقطعت الليله السوده اللي مش باينلها ملامح دي كنت عرضت عليها الجواز النهارده 
لتنظر له نونيا بصدمه وهي تقول : شادي لينظر لها الاخر بحب وهو يقول : عيون شادي اظن كفايه كده يا نونيا امه لا اله الا الله عرفت معاداكي انا بحبك يا نونيا من اول يوم شوفتك فيه فا... 
لتقطع تالي حديثه وهي تقول : اه فاكره يا شويه شواذ لما دخلنا ولقيناك انت ومؤمن بت... ليضع مؤمن يده علي فمها بضيق وهو يقول بأبتسامه غبيه :كملوا كملوا اللي بعده ولا كأنها نطقت اصلا 
لينظر له شادي بغيظ وهو يقول : قصره تتجوزيني يا نونيا لتنظر له نونيا بتأثر وتهم بالحديث لتقول تالي بصراخ : عااااا يماااا علي الرومانسيه اكيد موافقه البت كانت هتموت عليك اصلا لووولوولووي مبروك يحبيبتي الحق اتصل يواد يا مؤمن بالكوافير يحجزلنا بسرعه 
نونيا بصدمه : ايوه بس انا لسه موافقتش ليقاطعها مؤمن وهو يقول : الف الف مبروك يا شادي يحبيبي نقيت ووفيت والله زي القمر ربنا يحميها بدور علي رقم حد بتاع دي جي معاك ولا اشوف انا 
نونيا بعدم استيعاب : يجدعان بس انا .. لتقول تالي بأستعجال : انتي لسه قاعده تتأتأي قومي خلينا نشوفلك فستان بسرعه ونتصل بنايا ترجع تلحقنا والبت تمارا احيه لتولد علينا لا هتصل بيها اقولها تأجلها 
نونيا بصراخ : بس اخرسوا بقي انتو جوزتوني وخلصتوا وانا لسه موافقتش اصلا ليقول مؤمن بشهقه وهو يضرب كفيه ببعضها : نعممم يدلعدي كمان ناقص متوافقيش مش شايفه الواد مز ومسمسم ازاي صحيح رضينا بالهم والهم مش راضي بينا 
تالي بعصبيه : استني يا مؤمن دي عايزه تخليني الغي مع بتاع الكوافير والفستان بعد محجزته لتنظر له نونيا بصدمه : حجزتيه اي احنا لحقنا دي تلات ثواني بس 
تالي وهي تمسح دمعه وهميه بتأثر : منا كنت حاسه وعامله حسابي ليوم زي ده فوصيت عليه بدري بدري ليقول شادي بصدمه وهو يهمس لنونيا: انا بقول نلحق نفسنا لا انا اعرفك تاني ولا انتي تشوفي وشي لو اتجوزنا هيلزقولنا صح 
لتومئ له نونيا بعدم استيعاب ليكمل ببرود : طب عن اذنكوا انا اسف يجماعه بس مراره الناس مش لعبه برده انتو لو قعدتوا معانا بعد الجواز هنخلف عاهات لا يمكن اضحي بعيالي برده شرفي يناس 
نونيا وهي تومئ : ايوه كفايه غباء تالي مقدرش نجمعها مع مؤمن ونقعدهم مع عيالنا لتقول تالي بتأثر وهي تنظر لهم : الحق يا مؤمن بيفكروا فعيالهم من دلوقتي هييح عشت وشوفتك عروسه يا نونيا يا حبيبتي يلا عشان منتاخرش بس استني هو مش المفروض اهلك يعرفوا 
نونيا وهي تنظر لشادي ببكاء مصطنع : منك لله يشاااااديييييييييبي 
___________________
الياس : نايا اخلصي كل ده بتجهزي نفسك بقينا المغرب لتقول الاخري من الداخل : ثواني يا الياس طالعه اهه لتخرج بعد فتره وهي تقول بضيق : اي نازل نايا يا نايا صدعتني مش عارفه اجهز براحتي 
ليلتفت الاخر بعصبيه وهو يقول : نعم ساعتين ومش عارفه تج.... ليصمت وهو يراها بذلك الفستان الأسود والذي يظهر لون بشرتها بأمتياز وشكلها المختلف ليفتح فمه بعدم تصديق 
نايا وهي تحرك يديها أمام وجهه : انت يعم مالك البطاريه خلصت ولا اي ليقول الياس بعدم وعي : لا بس قمر هو المنتج ده بتاعي انا 
لتنظر له نايا بخجل وهي تقول سريعا : انا هطلع استناك بره في الهوا مش هنزل من غيرك استعجل شويه ليومئ لها الياس سريعا وهو يذهب ليستعد 
نايا وهي تضع يديها علي وجهها بخجل وتذهب للخارج : يالاهوي لما بيبصلي ويسهم كده ببقي مش عارفه انطق يخربيت جمال امه افهم يا منار كنتي بتتوحمي علي اي
لتستمع لصوت ساخر من خلفها : علي توم مهو اللي ميبصش لواحده زيك مظنش بيفهم بعيدا عن المدح اللي قلتيه 
لتنظر له نايا بضيق وهي تقول : أدهم ازيك بعدين بتقول عنه كده ليه الياس جوزي مظنش اسمحلك تقول عنه كده قدامي 
أدهم وهو يضع يديه في جيبه ليقول بسخريه : جوزك اممم ويتري جوزك مقدر حبك وخوفك عليه بقي لتقول نايا بضيق : دي حاجه بيني وبينه مظنش ليك تدخل فيها 
أدهم وهو يرفع كتفه بلا مبالاه : الحق عليا حبيت اساعدك يا مدام الياس ولا اي لتنظر له نايا بشك وهي تقول: انت اول يوم مكنتش كده حصلك اي ليه بتدايق الياس 
أدهم بهدوء: عشان هو واحد غبي مش فاهم نفسه حتي لتقول نايا بشك : قصدك اي مش فاهمه 
أدهم وهو يبتسم بجانبيه : قصدي اني عرفت كل حاجه يا نايا مفيش داعي تمثلوا قدامي لتنظر له نايا وهي تبتلع ريقها بتوتر : عرفت اي بالظبط 
لينظر لها أدهم بتركيز وهو يضيق عينيه : انك والياس مش متجوزين حقيقي والاتفاق اللي بينكوا انا عرفت كل حاجه 
يتبع....
لقراءة الفصل العشرون اضغط على : ( رواية زوج للايجار الفصل العشرون )
لقراءة باقي الفصول اضغط على : ( رواية زوج للايجار )
تعليقات



حجم الخط
+
16
-
تباعد السطور
+
2
-