رواية خادمة الصقر الجزء الثاني الحلقة السابعة عشر 17 بقلم يوستينا سامي
رواية خادمة الصقر الجزء الثاني الجزء السابع عشر 17 بقلم يوستينا سامي
رواية خادمة الصقر الجزء الثاني البارت السابع عشر 17 بقلم يوستينا سامي
 |
| رواية خادمة الصقر الجزء الثاني الفصل السابع عشر 17 بقلم يوستينا سامي |
رواية خادمة الصقر الجزء الثاني الفصل السابع عشر 17 بقلم يوستينا سامي
كارمن بحزن / انا شفتها و هي ... و هي
معاذ بعصبية / و هي ايه اتكلمي هو انا هشحت منك الكلمة . اي يا كارمن
كارمن اتوترت و قالتله بكدب / ولا حاجة يا معاذ شوفت الحب في عينيهم لبعض و خوفها عليه لما رجع و سمعتها و هي بتطلب منه انه ميبعدش عن الفيلا تاني فتاكدت انها بتحبه فقررت ابعد انا
بس هي دي كل الحكاية
..معاذ اتعصب اوي و ساب المطبخ و طلع جري علي اوضة اخته جميلة و فتح الباب و دخل منغير ما يخبط و لقاها واقفة بتلم شعرها قدام المراية
________________________________________________
في اوضة جميلة 😘
جميلة استغربت ان معاذ دخل اوضتها اساسا بصتله
بصدمة/ معاذ غريبة جاي ليه هو حصل حاجة تحت
معاذ قفل الباب و قرب منها / طلاما جيت يبقي اكيد في حاجة .. كنت عايز اعرف منك بصراحة و منغير كدب او ملاوعة ايه اللي بينك انتي و ادهم
جميلة اتوترت اوي / اي السؤال ده.. اي هيكون بينا يعني
و لفت و ادته ضهرها لانها مكنتش قادرة تواجه لكن معاذ قرب منها و شدها من ايديها و لفها ناحيته
معاذ بحدة / لما اكلمك تبصيلي .. و لاخر مره هسالك يا جميلة ايه بينك و بين ادهم .. انتي بتحبيه مش كدة
جميلة سكتت و مقدرتش ترد و معاذ شكوكه اتكدت ان اخته بتحب ادهم ووقتها اتغاظ اوي
و قالها بعند / طيب طلاما مش عايزة تقولي يبقي انا هجيبه هنا و اعرف منه هو
...و طلع معاذ تليفونه و كلمه انه يجي اوضة جميلة و كانت نظرات جميله لاخوها رجاء انه ميعملش كدة فيها لكن معاذ مهتمش لدموعها و دخل ادهم بعد دقايق و هو بيضحك
ادهم / ايه انا مش فاهم يعني الاماكن خلصت من الفيلا كلها علشان اجيلك اوضة البنت الغلبانة دي ..اي ده انتوا واقفين كدة ليه.. هو في حاجة
معاذ / اه في حاجة يا ادهم بيه .. في اني جايبك هنا علشان اكلمك راجل لراجل .. انت عايش معانا هنا وسط كارمن و جميلة و انا و بابا و عمي و فهد مدينك الثقة دي مش كدة
ادهم بدا يقلق من طريقته و بص لجميلة و لقاها موطية راسها و بتعيط و قال/ انا مش فاهم حاجة بطل لف و دوران يا معاذ و قول عايز اي من سؤالك ده
معاذ / تمام .. انا شاكك من حاجة و عايز اتاكد منها علشان قلبي يرتاح و عايزك تجاوب عليا بصراحة زي اي راجل ملوي هدومه .. انت في حاجة بينك و بين اختي . يعني من الاخر بتحب جميلة ؟
ادهم اتصدم من كلام معاذ و اتوتر و بدا يفكر في رد.
________________________________________________
في شقة كريم ☺️
كانوا قاعدين كلهم علي السفره و يزن صحي من النوم و كان لابس تيشرت كات علشان يتجنب كلام كريم
ياسمين بحب / صباح الفل يا حبيبي كنت لسه هصحيك تفطر تعالي اقعد هنا
يزن / صباح الخير يا حبيبتي .. صباح الخير يا كيمو
كريم / اي و ميرا شفافة مثلا مافيش صباح الخير ليها مش كفاية ضحكت علي البت و نمت علي السرير و هي في الصالون.. ده انت اللي علمك الرجولة ظلمك ياض
يزن رفع حاجبه/ والله صعبانة عليك نيمها علي سريرك و بعدين ما في اوضة الضيوف وضبوها من التراب و خليها تتخمد فيها وانا مالي
ياسمين/ ما انت عارف يا يزن اني فضيحتها من كل العفش اللي فيها معلش يا حبيبي فتره استحملها وانا هظبطلها الاوضة و افرشهلها
كريم / لا مافيش داعي انا كلمت صقر و طلبت منه انها تروح تقعد مع كارمن و جميلة و نسمة كمان لانها راحت الفيلا و هو رحب جدا ... و هوصلها النهاردة
يزن بعصبية/ هو اي ده معلش .. هتروح فين
كريم و هو بياكل / اي ده هو صقر مقلكش اصل خالد هيعمل عزومة كبيره في الفيلا و كله رايح احنا و عساف و انت معزوم و معانا ميرا
يزن بعصبية خبط التربيزة بايده / بابا بلاش تتوه الموضوع انا كلامي واضح انت طلبت منهم ان ميرا تقعد معاهم في الفيلا ليه .. انت اخدت راي
كريم بحده / اخد رايك ليه بقي إنشاءالله مينفعش تفضل معانا هنا و انت موجود فهتروح هناك
يزن/ يسلام .. و معاذ و فهد و ادهم دول كياس لب صح .. عموما انا مش هعصب نفسي اساسا لأن البت دي مش هتمشي من هنا ... لو مش عايزنها انا هوديها مكان تاني
كريم / وانت مالك ومالها هي كانت اشتكت ليك يا بايخ و بعدين هي هترتاح في اي مكان بعيد عنك يا يزن حتي لو في جهنم
يزن بغيره / لا يا كريم ميرا في حماتي و مش هتبعد عني و بطل كلامك ده و بلاش حرقة دم .. افف انا قايم
و سابهم و دخل اوضته و هو في قمه غضبه
كريم بفرحة ابتسم لياسمين و قالها / النهاردة اتاكدت ان ابنك عنده قلب والله ده انا كنت فقدت الامل والله
...و بص لميرا اللي كانت موطية وشها و من الكسوف كانت حاسة نفسها هيغم عليها و فاجاه سمعت صوت يزن بينادي عليها بعصبية قامت جري و دخلتله الاوضة
في اوضة يزن كان لابس القميص لكن مفتوح و كان واقف مديها ضهره و العصبية باينة عليه جدا
ميرا بخوف / نعم يا يزن في حاجة عايزني اعملهالك
يزن مسك دراعها بقوة / انتي اللي طلبتي تمشي من البيت يا ميرا .. انتي اللي قولتي تقعدي مع اي حد ارحم مني صح .. ايوة اكيد قولتي كدا علشان بتخافي مني طب ما انا قولتلك اني مش هعملك حاجة
ميرا ابتسمت من اللهفة اللي في صوته و قالتله / يزن عمو كان بيهزر معاك .. انا مش همشي من هنا لان للاسف معنديش مكان تاني اروحه تاني
يزن بدا يهدي اعصابه و اخد نفسه و في اللحظة دي بدا يستوعب اللي عمله و قالها بحده/ طب اخرجي برا عايز اغير هدومي .. يلا امشي
و خرجت ميرا من الاوضة و يزن قعد علي السرير و حط ايده في شعره بغل / ايه اللي انا هببته ده جرا اي يا يزن ما تمسك نفسك شوية معقوله هتنخ كدة مع واحدة لسه عارفها ولا ايه .. الله يخربيتك يا ميرا
_______________________________________________
في اوضة جميلة 😭
معاذ بحده / ايه اتخرست ليه .. مش قادر تواجهني زي اي راجل وتقولي اه او لاء .. للدرجة دي السؤال صعب
ادهم بغيظ / انت عايز توصل لايه ... ماشي يا معاذ علشان اريحك بس .. لا مش بحبها ولا عمري حبيت جميلة .. انا بعتبرها زي اختي يارب تكون ارتاحت
و خرج ادهم من الاوضة و رزع الباب وراه و معاذ بص لجميلة بتانيب / هو ده اللي بتحبيه مش كدة هو ده اللي اول ما ذكرت اسمه قدامك عيونك بقت بتطلع قلوب وغرام . عيل و مش راجل ياريت بقي تخلي عندك كرامة و تبعدي عنه
جميلة بصتله بغيظ / وانت مالك بيا حد قالك انك ولي امري ... ما انا احب او اكره دي حياتي انا وانت ملكش دعوة
بس انا عارفة انت بتعمل كدة .. انت بتكره تشوف حد فرحان عايزنا كلنا نبقي متنكدين زيك مش كدة
معاذ بستغراب / اي التخلف اللي انتي بتقوليه ده وانا مالي بيكي اصلا .. انتي تبقي متخلفة لو افتكرتي اني ممكن اشغل دماغي بواحدة زيك
جميلة دموعها كانت بتنزل بوجع و حرقة قلب لكنها حاولت تتكلم بصمود و تحدي / ايوة ما انا عارفة ده انت تتقبل العما و لا تتقبلني اكمني اول ما جيت الدنيا دي محدش بقي شايفك ولا حاسس بيك اساسا.. معاذ انت مش بس بتكرهني انت بتكره نفسك
معاذ بعصبية/ طب احترمي نفسك و اتكلمي مع اخوكي الكبير عدل بدل ما اقسم بالله ..
جميلة انفجرت و اتكلمت بصوت عالي/ اقسم بالله هتعمل ايه يا عني .. انت فاكر انك ممكن تاذيني او تفكر حتي تمد ايدك عليا .. عارف ساعتها صقر هيرميك في الشارع و هيبقي لا عندك ام ولا اب
في اللحظة دي معاذ ضرب جميلة بالقلم جامد و شدها من شعرها بقوة/ روحي قوليله .. لو فاكره اني هخاف تبقي غلطانة و انا بقي ورحمة امي لاقولوا كل حاجة عنك و عن تربيتك الزبالة دي .. اتفو عليكي
و خرج معاذ و ساب جميلة تعيط بانهيار علي اللي يزن قاله ليها و انكار ادهم تفتكروا ممكن يبقي ايه رد فعلها
_______________________________________________
بليل في بيت كريم
في اوضة يزن كان بيلبس و بيجهزوا علشان يروحوا فيلا الحديدي وفاجاه لقه الباب بيخبط و دخلت ميرا و هي لابسة فستان رقيق جدا بيج يزن سرح في شكلها .
ميرا باحراج/ ممكن لما تجهز اقف في الاوضة احط ميكب و اجهز نفسي
يزن بانبهار / ميكب كمان لا طبعا بلاش اي مكياج انا مش حابب و بعدين هو احنا هنروح فين بالحفلة اللي انتي عملاها في نفسك دي كلها
ميرا بحزن / هو انا شكلي وحش اوي كدة يا يزن دي ياسمين هي اللي جبتهولي علشان مش معايا هدوم تنفع والله
يزن قرب ناحيتها لما حس انها ممكن تعيط و حط ايده علي شعرها باعجاب / لا انا ماقولتش وحش بس اوفر .. خليكي سمبل هتبقي احلي .. انا هخرج استناكي برا
و خرج يزن و ساب ميرا و بعدها اتحركوا هما الاربعة لفيلا الحديدي
________________________________________________
في فيلا الحديدي 💪
كريم و خالد و صقر كانوا بيحاولوا يتكلموا مع عساف علشان يجي ومكنوش يعرفوا ان في مشكلة وميرا كانت ماسكة في ايد يزن منغير قصد
يزن/ في ايه ماسكة ايدي كدا ليه هو انا ههرب منك يا بنتي .. اتعاملي عادي يا حجة
ميرا / يزن انا بتوتر من اي مكان جديد ممكن تخليك جمبي
يزن / اوعي يا بت ايدك دي هو انا خلفتك و نسيتك ابعدي و متقلقيش قبل ما امشي هاخدك في ايدي اوعي اطلع اشوف معاذ و اشوف عز اتاخر ليه كدة
_______________________________________________
في اوضة معاذ ☺️
كان قاعد مضايق و بيفكر في كلامه لجميلة و فاجأه لقه الباب بيخبط و دخل يزن وواقف علي الباب
يزن / احم يا ساتر .. اديني بستاذن اهو قبل ما ادخل
معاذ ضحك / يسلام علي الادب .. ادخل يا عم مالك لازق ليه كدة عند الباب انت صدقت نفسك
يزن / اصل بعيد عنك كلهم قالولي انك مقريف و قاعد في اوضتك و رافض تنزل و انا اكيد مش هقعد لوحدي مع العيلين دول.. اي بقي مالك
معاذ / مضايق بصراحة و كويس انك جيت لاني بجد كنت محتاج اقعد اتكلم معاك اوي
يزن / و ايه اللي مانعك ما انا موجود في المكتب يا بتخانق مع عز .. يا بضرب في المساجين. موجود يعني
معاذ ضحك / بص انا هحكيلك بس تحفلي بغلاوة امك و ابوك ان محدش يعرف الحوار ده
يزن / حاضر يا سيدي و غلاوتهم ما هقول لحد .. احكي بقي انا اتوترت بجد
بدا معاذ يحكي ليزن كل حاجة اللي كان رده صريح وصدم معاذ
يزن / طبعا غلطان يا معاذ مهما عملت مكنتش تمد ايديك عليها .. اما حوار ادهم انا مش موافق انه يرتبط الفتره دي بالذات باي حد مش بس اختك . هو حتي الآن مذبذب علي الاخر و انت عارف كويس انه لازم يروح عند دكتور نفسي واحنا لازم نقنعه
معاذ بتعب و كان ساند ضهره بارهاق / انت عارف ان كلامي مع ادهم مش كتير و بعد اللي حصل النهاردة تاكد ان علاقتنا اتقطع خالص
يزن / ما انت برضو اتسرعت الصراحة يامعاذ حد يعمل كدة عموما انا وانت لازم نتصرف اديك شايف ادهم و فهد و الاتنين علي الله حكايتهم اوي
معاذ ضحك بتعب / الله يكون في عون صقر شال العيلة دي كتير اوي بمشاكلها .. و مهما كبرنا مشاكلنا بتكبر معانا
يزن / علشان كدة بقولك حاول تشيل عن ابوك يا معاذ .. ابوك كبر و اه ياريت تحب اختك شوية و بطل اسلوبك و بصاتك معاها و انت فاهمني كويس
_____________________________________________
تحت في الجنينة
ادهم و فهد كانوا واقفين مع ميرا
فهد/ هو انتي مش بتتكلمي ليه .. يعني بذمتك في واحدة يبقي قاعد معاها اتنين جينتل مان زينا و تبقي قاعدة ساكتة
ميرا بخوف / هو يزن فين لو سمحت. هو قالي انه مش هيمشي منغير ما يقولي
فهد / يا اختي كتكوتة يا ناس شايف ياض يا ادهم الرقة .. ده انتي تيجي تشوفي نسمة بتعاملني ازاي
ادهم / والله عندك حق .. بت ميرا اوعي تكوني زعلتي من هزاري معاكي اخر مره .. انا والله لذوذ و بحب اناغش الناس
فهد بهزار / اي ده انت زعلتها ولا ايه.. تصدق بقي انا ممكن اخسرك فيها دي
ميرا بضحك ربعت ايديها / طب خلاص خلصتوا ممكن تقولولي فين طنط و اونكل علشان مش عايزة اقعد لوحدي
فهد ربع رجليه و قعد قدامها / اخس عليكي يا ميرا و تخونك العشره و عايزة تسيبيني .. يا شيخة ده انا خلاص قولت اني لقيت نصي التاني
ادهم / لا مش حقيقي يا ميرا متصدقيهوش ده كداب هو متجوز اساسا.. انا اللي لسه عازب ووحيد
ميرا غصب عنها ضحكت علي خفة دمهم و في نفس الوقت نسمة كانت واقفة قريب منهم و حزينة اوي و متغاظة ان فهد بيعاكس في ميرا و سايبها و كارمن قربت منها و شافت عصبيتها
كارمن بهزار / عليا النعمة اخويا ده مش بيضيع وقت لا هو ولا الصايع اللي واقف معاه
نسمة بغيظ / والله بقولك ايه انا مش ناقصة استظرافك ده
كارمن خبطتها في كتفها / طب بذمتك مش غيرانة عليه .. يا بت ده انتي مراته و من حقك تروحي تشديه من ايده و توقفيه جمبك كدة
نسمة / لا مش من حقي انا عايزة اتجنبه تماما كنت عارفة ان فهد عديم المسؤولية بس مش كدة واحد غيره كان يفكر مين عمل فيا انا و هو كدا ، انا اتفضحكت و هو كان هيموت بس شوفي اخوكي عمل اي واقف بيعاكس في الست ميرا
سابتها نسمة و بدات تتمشي في جنينة الفيلا و يزن كان نزل الجنينة يدور علي ميرا و لقه فهد و ادهم بيغلسوا عليها
يزن بغيره / اتفضل يا عم الثنائي المرح اللي هناك اهوم بيرسموا علي البت
معاذ فضل يضحك جامد/ الحق البت بدل ما يكلوها انا هروح معايا مكالمة مهمة و بعدها هاجي اتفرج
و بعد معاذ يتكلم في التليفون و يزن بدا يقرب من ميرا و ادهم و فهد و سمع فهد بيقولها
فهد / يا بنتي هاتي ايدك اقرالك الكف هو انا هكلها مثلا .. اما انتي غريبة اوي ثقي فيا انا زي يزن برضو
يزن من وراه / مين ده اللي زي ياض انت .. انتوا مكتفين البت كدة ليه
ميرا اتبسطت اوي انه جيه وجريت علي يزن و مسكت ايده
و قالتله بلهفة / كنت فين يا يزن .. انا دورت عليك كتير
يزن بغل و بصوت واطي/ حسابك معايا بعدين انك خرجتي من الفيلا اساسا
ادهم / ما براحة عليها يا عم .. احنا كنا بنتعرف يعني
يزن رفع حاجبه / لا يا اخويا متتعرفش .. ولا انت و هو بلاش سماجة هااا علشان انا مش جاي اتخانق
فهد / بس بس يا عم القفيل انت .. ادهم تعالي ندخل الفيلا ندور علي اي حد جوا نرخم عليه في كتير جوا
و دخلوا هما الاتنين و يزن بص لميرا و قالها بحده / كنتي واقفة معاهم لوحدك ليه ولا انتي كنتي حابة معكساتهم و هزارهم .. طبعا
ميرا بدموع / لا والله مكنتش حابة خالص .
و فاجاه لقوا حد داخل الفيلاااا ...
يزن بقلق / اي ده في ايه 😳😟
يتبع...
لقراءة الفصل الثامن عشر اضغط على : ( رواية خادمة الصقر الجزء الثاني الفصل الثامن عشر )
لقراءة باقي الفصول اضغط على : ( رواية خادمة الصقر الجزء الثاني )