رواية خادمة الصقر الجزء الثاني الحلقة الثالثة عشر 13 بقلم يوستينا سامي
رواية خادمة الصقر الجزء الثاني الجزء الثالث عشر 13 بقلم يوستينا سامي
رواية خادمة الصقر الجزء الثاني البارت الثالث عشر 13 بقلم يوستينا سامي
 |
| رواية خادمة الصقر الجزء الثاني الفصل الثالث عشر 13 بقلم يوستينا سامي |
رواية خادمة الصقر الجزء الثاني الفصل الثالث عشر 13 بقلم يوستينا سامي
صقر بصدمة / اي ده في ايه .. مين الناس دي عساف
عساف/ الراي العام مقلوب يا صقر و مطلوب القبض علي فهد الحديدي لان فيديو اعتدائه علي نسمة اتسرب
صقر/ انت بنقول ايه يا عساف .. فيديو ايه اللي اتسرب
عساف بحزن/ الفيديو موجود علي اليوتيوب .. خد شوف يا صقر
...صقر شاف الجزء اللي انتشر علي اليوتيوب و الفيس و هو كان ميتخطاش الدقيقة كانت موضح فيه ان فهد بيحاول يعتدي علي نسمة لكن مكنش فيه اي تفاصيل .
جميلة بدموع حضنت صقر / يعني ايه يا بابا كدة هيحبسوا فهد .. مش انت قولت ان مش هيحصل كدة ابدا
ادهم خرج من اوضته و اتصدم من المنظر / في ايه بس يا عمي .. ايه حصل
الضابط/ لو سمعت يا عساف باشا الامر لازم يتنفذ انا مافيش في ايدي حاجة
عساف/ عارف يا جمال الموضوع قلب راي عام .. عموما فهد مع معاذ نايم في الاوضة اللي في الجنينة
وبص عساف لصقر و مرديش يوجه كلام لخالد
و قاله / انا هروح اجيبه و هيبقي عندي في المكتب متقلقيش
خالد بحده / لو عملت كدة يا عساف انا هخرب الدنيا علي دماغك و دماغكم كلهم .. ابني المفروض يتحبس و لو عرفت انك مدخلتوش الحبس انا هقلب الراي العام كله عليك واقول انك بتدافع عن مجرم
...صقر بص لخالد بصدمة و مكنش مصدق اللي بيحصل و كأن الزمن بيرجع من جديدي صقر فضل يجي في دماغه الف سؤال / معقول يكون ده رايه
اومال لو مكنش داق مراره الحبس
لوهله حس صقر ان خالد بيتقم من ابنه و عايز يعيش ابنه نفس المراره اللي هو عاشها لكن فاق صقر من الحرب الداخلية اللي كان فيها علي صوت عساف و هو بيزعق جامد
عساف بحده / انت تسكت خالص اوعي تفتكر انا بعمل كدة علشان احميه لا انا بعمل كدة علشان انا واثق من برائة ابني . جمال استني هنا هجيب فهد
و اجيلك
..في الاوضة اللي في الجنينة دخل عساف جوا و حاول يتماسك و قرب من فهد اللي كان واضح علي ملامحه التعب و حط اه علي وشه بحب
عساف بحنية / فهد قوم يا حبيبي
معاذ قام بخضة من جمبه / عساف .. انت بتعمل ايه هنا في الاوضة ، في حاجة حصلت ولا ايه
عساف / صحي بس فهد و انا هفهمكم كل حاجة
..و صحي فهد و كان مخضوض من شكل عساف و توترمعاذ .
فهد بخوف / في ايه يا عساف بابا كويس حصله حاجة.. انت ساكت ليه كدة ما تتكلم
عساف قرب منه و اخده في حضنه حط ايده في شعر فهد و كانه بيتعامل مع طفله / انت عارف اني مخلفتش ولاد و بعتبرك ابني .. انا هقولك اللي حصل و عايز تقف واقفة راجل و اوعي تخاف انا هفضل في ضهرك و لو العالم كله اتهد حواليك
...و حكي عساف كل حاجة لفهد اللي منع نفسه من الانهيار و حزن مش علي نفسه لكن علي نسمة اللي اتفضحت بسببه ولكن اتبهه لكلام عساف و نفذه بالحرف و غير هدومه و عساف اخده و ركب معاه في عربيته و طلع علي القسم
_______________________________________________
في اوضة يزن 💪
...كانت ياسمين بتحضر الفطار و صحت كريم و دخلت اوضة يزن و اتصدمت اول ما شافت يزن نايم علي السرير جمب بنت غريبة لكن كان نايم بعيد عنها و كان متغطي بالبطانية
ياسمين بصدمة و صوت عالي / يالهوووووي . ايه اللي بيحصل في بيتي ده
..ميرا قامت من النوم مفزوعة و بصت حواليها لقت يزن نايم جمبها .
ميرا بصدمة / اي ده انا بعمل ايه هنا .. مين حضرتك
انا ايه اللي جابني هنا
ياسمين قربت منها و شدتها من ايديها الملفوفة برباط ضاغظ / والله و عاملالي فيها فاقدة الذاكرة
انتي مين و الحيوان ده جايبك من اني مصيبة
ميرا بدات تدمع من وجع ايديها / اقسملك بالله ما اعرف اي حاجة ابنك ده اصلا ظالم تقريبا خدرني امبارح
ياسمين بصت لابنها اللي مكنش موجود معاهم و بدات تصرخ / قوم يا كلب يا ابن الكلب .. هي وصلت لكده انت يلااا يا يزن
ميرا بصدمة أنه مصحيش بعد كل الزعيق ده / اي ده يا طنط هو مات ولا ايه
كريم دخل الاوضة و هو بيحاول يفتح عينيه / اي يا ياسمين الصوت العالي ده .. و ..مين البنت دي و بتعمل ايه هناا
ياسمين / انت بتسالني انا يا كريم دخلت اصحي القذر ابنك لقيت الهانم في اوضته و نايمة علي سرير جمبه .
كريم بصدمة / يا بن الكلب ... انا قولتلك دور الالتزام ده انا مش داخل عليا
..و قرب كريم من يزن و ضربه بالبوكس في وشه و من قوته ميرا حطت ايديها علي بوقها بخضة
يزن قام من علي السرير بخضة و مسك بقه من اللي اتعور جامد و بقي ينزل دم
يزن بصدمة / اي ده في ايه يا حاج انت قررت تلعب ملاكمة ولا ايه و جاي تجرب فيا
..و قام بسرعة يزن من علي السرير و شال الغطا و كان برضو نايم من غير تيشرت و ده احرج ميرا جدا
كريم و هو بيجري وراه / و كمان بتهزر يا ابنالكلاب .. قالب بيتي كباريه يا يزن بقي انا بيتي يبقي كدة .. انت معمول من ايه ياض .. ياض يا بارد
يزن و هو ماسك المخده قدامه علشان يتفادي اللي كريم بيحدفه / استهدي بالله يا حاج والله انت فاهم غلط
كريم بيرمي عليه ازايز البرفان و الساعات / فاهم غلط .. عايز تروح في داهية زي ابن خالد يا صايع يا معفن
يزن / يا كريم اهدي بقي مش كدة البرفانات دي غالية اوي .. صدقني انا معملتش حاجة دي واحدة انا كنت بعطف عليها و جبتها هنا علشان معندهاش مكان تروحه
ميرا / انت كداب اوي علفكره انا معرفش انك هتجيبني هنا .. صدقني يا اونكل هو جابني هنا بعد ما حط منديل علي وشي و بعدها اغم عليا
يزن من ورا كريم/ صبرك عليا وحياه امك لاعلقك في مروحة السقف اللي في القسم فكراها
ياسمين بصدمة / يا نهار اسود و مهبب هي وصلت بيك لكده يا يزن اومال لو مكنتش ظابط
يزن جري من الاوضة و وقف بعيد / طب ممكن نوقف شتايم و خناق و افهمكوا بجد اللي حصل
و قعد علي السفره و خرجوا كلهم قعدوا قداموا
ياسمين/ ها يلا قولي بقي اي حكاية البت دي .. والله شكلها غلبانة و انت اللي جزمة .. احكي
كريم / استني انتي التانية.. قوم اتنيل اغسل بوقك مكان الدم ده و البس اي زفت .. اومال لو مكناش في الشتا كنت هتلبس ايه يا نيلة
يزن ضحك بتريقة/ علي اساس مش عارف يعني .. بنام بالبوكس...
و قبل ما يكمل الجملة كريم رمي عليه طبق فاضي و يزن جري علي اوضته و ميرا كانت مبهورة بعلاقتهم اللي كانت شبيها بالقط و الفار
_______________________________________________
في الورشة عند لارا 🙈
دخلوا الحرس و كانوا اتنين و بدا يضربوا في عاصي و عاصي قدر انه يقفلهم و كان بيضربهم بغل
لارا / بس سيبووه .. ابعدوا عنه
عاصي و هو بيضرب واحد منهم / ايه جايبة معاكي بلطجية .. هو انتي مين بالضبط يا بت انتي
لارا / هو انت في ايه ولا في ايه .. كفاية ضرب لو سمحتوا
...و فعلا عاصي كان بيضرب بحترافية بس للاسف لانهم كانوا اتنين و هو واحد فكان بيضرب اكتر ما بيضرب و فاجاه عاصي مسك جزء من العربيات الخردة اللي في الورشة و ضرب بيه اول واحد و جري علي التاني و بدا يضربه بعنف .
لارا كانت واقفة مزهولة و معجبة جدا بيه و بقوته و فاجأه لقته قرب منها و مسك ايديها و قالها / جيه وقت حسابي انا وانتي وحياه ربنا لتتحاسبي علي البهدلة اللي انا شوفتها دي .. تعالي معايا
...لارا كانت سرحانة فيه و شدها عاصي من ايديها علشان يخرج من الورشة و مكنش حد من الشغالين هناك قدر يتكلم معاه لكن فاجاه حد من الحراس ضرب نار علي عاصي اعتقادا منه انه مجرم و عايز يخطف بنت اللواء عساف . مسك عاصي ايد لارا بوجع ووقع علي ركبته في الارض
عاصي و هو بيضغط علي سنانه بوجع/ اعاا .. لارا
لارا بخضة صرخت / يا نهار اسوود... انت عملت ايه ضربته بالنار ليه ...عاصي رد عليا انت كويس
عاصي الرصاصة جاتلك فين ... بالله عليك ما تخوفني عليك .
الحرس قرب منها / ابعدي عنه يا انسة لارا و انا هكلم عساف باشا و هنخده علي القسم حالا
لارا بعياط / اطلب الاسعاف بسرعة حرام عليك بتضربه بالنار ليه ..ده غلبان .. عاصي قوم والنبي ما تخوفني كدة عليك
...الحرس كان مش فاهم رد فعل لارا لكن طلب الاسعاف و نقل عاصي و زميله كمان اللي دماغه اتفتحت بسبب عاصي .
_______________________________________________
في القسم 😭
فهد كان قاعد في مكتب عساف و بيشرب ليمون و معاذ واقف جمبه .
عساف/ ها فهمت هتعمل ايه يا فهد ولا لاء
فهد / فهمت يا عساف .. بس نسمة طمني عليها اهلها عملوا ايه معاها
عساف / بص علشان ابقي صريح معاك كتير من اللي في المستشفى قالوا انهم حاشوا ابوها و اخوها عنها بالعافية و انها حاولت تنتحر لكن.
فهد قام من مكانه بخوف / انت بتقول ايه هي معملتش ولا حاجة غلط .. انا الذنب ذنبي انا لازم اروحلها
معاذ / اقعد و بطل غباء لو روحت دلوقتي هتبقي مصيبة . هو انت مفهمتش كلام عساف ولا ايه
عساف / اطمن يا فهد نسمة خرجت من المستشفى اساسا و بقت في حمايتي انا و اتكلمت مع ابوها
ودلوقتي مافيش اي ورقة بتثبت انها دخلت المستشفى.. فهمت
فهد / اه فهمت.. طب هنكتب الكتاب امتي
عساف/ حالا انا اتفقت من ابوها علي كل حاجة و الماذون كمان جاي ..
..الباب خبط و دخل صقر و ادهم و فهد جري علي صقر و حضنه جامد
فهد / عمي ايه اللي جابك هو انت ناقص
صقر / لو موقفتش جمبك يا حبيبي هقف جمب مين
انا عايزك تجمد يا فهد كلامك قدام الإعلام هيفرق اوي و هياكد انك انت المجني عليه مش الجاني
فهد/ متقلقش انا عارف هعمل ايه كويس اوي .
..و بعد وقت قليل دخل والد نسمة و اخوها اللي اول ما شافوا فهد جريوا يضربوه لكن صقر اخده ورا ضهره بحماية
صقر / مش وقته الكلام ده . احنا المفروض جاين هنا نصلح المشكلة مش نبوظ الدنيا اكتر. الصحافة برا
ابو نسمة/ ابعد عن وشي يا راجل أنت انا مش هرتاح الا لما اقتله بايدي و اشرب من دمه
اخو نسمة / لا انا اللي هدفنه بس يصبر عليا نخلص من الفضيحة دي الاول
عساف بحده / ببببس .. انا عايز الماذون يكتب الكتاب و نحل المشكلة بقي .. يلا يا حج استهدي بالله و اقعد
...و بداوا يكتبوا الكتاب و تم زواجهم و لكن بتاريخ قديم و دي كانت خطة عساف علشان يثبت ان اللي حصل بينهم ده كان طبيعي بين زوج و زوجته و ان اللي صور الفيديو ده هو اللي مجرم 😜💪
جامد برضو عساف 🤣🙊
_______________________________________________
برا اوضة عساف في القسم
خرجوا كلهم و الاعلام كان ملفوفين حواليهم
صقر كان ماسك ايد فهد علشان يقويه علي المواجهة
الاعلامي / اي رد حضرتك يا صقر باشا .. هل هيتحكم علي فهد الحديدي بالحبس بعد انتشار الفيديو ده
صقر ابتسم بثقة / اهو عندك و اسالوا
فهد رد بقوة / الفيديو اللي نزله هيروح في ستين داهيه انا هنا انا و حمايا و عيلة الحديدي كلها
علشان نرفع قضية عليه و بعدين يتحكم عليا بالحبس ليه علشان كنت بحضن مراتي
حصلت وقتها شوشره لان الكل مكنش مصدق اللي اتقال و اعلامي اخر سال / ازاي بس يا فهد بيه و الناس بتقول انك اعتديت عليها و انها كانت محجوزة في المستشفى ..
فهد قاطعه في الكلام / كدب مافيش الكلام ده نسمة مراتي و اللي هيتكلم في حقها نص كلمة هخرب بيته
و بعدين انا اللي كنت في المستشفى علشان السكر كان عندي عالي و هي زي اي زوجة كانت جمبي
و بص فهد لحماه / مش كدة يا عمي
والد نسمة بغيظ / اه .. اه طبعا ربنا ينتقم منهم ولاد الحرام بس بعون الله هنخرب بيتهم .
و منع عساف الاعلام و خرجوهم من القسم و اصر فهد انه يروح يطمن علي نسمة ...
______________________________________________
في بيت كريم🎊
يزن حكي كل حاجة لكريم عن ميرا
يزن / بس و لقيتها طلعتلي تاني و عرفت ان امها طردتها من البيت و عمها حاول يقتلها فهي هربت و جاتلي انا .
كريم بستغراب/ و تجيلك انت ليه علي اساس انك عندك قلب يعني ده انت رخم
ميرا بدموع / ايوة يا عمو هو وحش اوي و ضربني كتير جدا و منغير حتي ما اعمله اي حاجة بس مكنتش اعرف حد غيره اروحله و خصوصا بعد ما اهلي باعوني .
ياسمين/ يا ضنايا يا بنتي .. تعالي يا حبيبتي في حضني .. بقي انت كنت بتضربها الهي ايدك كانت تتكسر يا اخي مخلفة بلطجي .
يزن رفع حاجبه / جرا اي يا حاجة انتي بتدعي علي ابنك علشان واحدة متعرفيهاش
ياسمين / اشش اخرس يا اخي .
كريم بص ليزن / بص يا ابني انا مش هتكلم معاك لاني فقت الامل فيك خلاص .. قوم روح لعساف علشان عايزك و مش عايز اشوف وشك النهاردة تماما .
يزن قام اخد مفاتيحه و خرج من الشقة لانه كان جاهز و راح لعساف يشوف حوار فهد .
_______________________________________________
في المستشفى
لارا كانت قاعدة جمب عاصي و ماسكة ايده بعد ما اخد الرصاصة في جمبه و فاجاه دخل عليها...
يتبع...
لقراءة الفصل الرابع عشر اضغط على : ( رواية خادمة الصقر الجزء الثاني الفصل الرابع عشر )
لقراءة باقي الفصول اضغط على : ( رواية خادمة الصقر الجزء الثاني )