رواية فراشة فوق النار الفصل الحادي عشر 11 بقلم ميفو السلطان

رواية فراشة فوق النار الحلقة الحادية عشر 11 بقلم ميفو السلطان
رواية فراشة فوق النار الجزء الحادي عشر 11 بقلم ميفو السلطان
رواية فراشة فوق النار البارت الحادي عشر 11 بقلم ميفو السلطان
رواية فراشة فوق النار الفصل الحادي عشر 11 بقلم ميفو السلطان

رواية فراشة فوق النار الفصل الحادي عشر 11 بقلم ميفو السلطان

كانت جيدا قد نتشت الفون لتصرخ... نعم افندم قول عايز ايه. 
ليقول بهدوء.. ازيك يا جيدا.
 لتسرع بالرد وهيا غاضبه.. كويسه طول مانت بعيد.
ليحس بوجعها.. انا اسف انا عارف اني غلطت بس علي الاقل اسمعيني..
لتصرخ فيه.... مش عايزه اسمعك ولا عايزه اعرفك ولا عدت تتصل بيا هنا تاني وبقول لك ابعد عن طريقي احسن لك انت فاهم. لترزع الخط وتنتحب بشده لتحتضنها فكريه
لتنهار.... راجع ليه عايز  ايه بيعمل فيا كده ليه انا قلبي هيموتني ماعتش قادره. 
لتهتف فكريه.. اهدي حبيبتي وانسيه منه لله. 
لتهتف بقهر.. انسي ايه يا داده انساه ازاي حاسه اني هموت ليه يعمل كده ويرجعلي ليه ليه. 
اما هو فكان مهتاجا... طب اعمل ايه اشوفها ازاي عارف ماهتقابلنيش عارف منك لله يا جراح علي حرقه قلبي طب ايه هقعد كده محصور وهيا بتتوجع لا لازم اشوفها ماقدرش. 
كانت كارما جالسه تكتب بعض الايميلات ليدخل سعد ويقترب منها فكان شخصيه قميئه ليهتف... ايه يا مز مش هتلين بقه ماتيجي اعزمك انهارده عالعشاء
لتهتف غاضبه.. مستر سعد من فضلك ممكن تسيبني في حالي. 
ليهتف.. يا بنتي بطلي تبقي بومه هنخرج نهيص ونفك وننبسط ليلمس ذراعها والله هننبسط. 
لتشد ذراعها ليسمع جراح يهتف بغضب.. سعد لم ايدك ومكتبي مايجراش فيه كده. 
ليستدير سعد وينظر اليه فجراح كان متلبسه الشياطين.
ليهتف سعد بلا مبالاه.. ايه ياعم بنمسي عالقمر المقفل ده ماتبقاش قطاع ارزاق.
ليهتف جراح.. لا ارزاقك اتقطعت في السكه دي وزق عجلك عشان ماتغاباش عليك.
ليبهت سعد من كلامه. ليرفع حاجبيه اوامرك يا كبير. ليرحل ويترك ورائه نار مشتعله ليهتف.. ورايا ويستدير لتتنهد وتقوم ورائه وما ان دخلت حتي رزع الباب ومسكها من ذراعها يهرس ذراعها ايه عاجبك البيه ايه والبيه بيملس علي ذراعك ايه بتحلقي انا علي جنب ومحمود علي جنب وسعد نازل بتقله ايه مهبوله عالرجاله. سيباله دراعك يلمسه انت ايه الرخص ده.
ليهوي قلبها من اتهاماته لتدفع يديه وتصرخ.. انت تحترم نفسك رخص ايه وزفت ايه انت ازاي تكلمني كده ومين دَي اللي مهبوله وفرحانه بايه انت حد مش طبيعي والله ماطبيعي وانهارت من البكاء واستدارت تهرب من امامه ليحس بالرعب لاندفاعه ليهجم عالباب يقف امامها.
لتصرخ... اوعي من قدامي اوعي انت ايه يا اخي عملتلك ايه كل شويه تقلي كده وتتعصب انا لا عايزه حد ولا بجري ورا حد.. اوعي من سكتي. 
ليتنهد ويهتف.. طب اهدي ماكنوش كلمتين انت اللي سيباه يملس علي دراعك. 
لتصرخ... انا ماسيبتش حد هو اللي قليل الادب واوعي من وشي ليستدير ويقفل الباب ويبتعد لتصرخ افتح الباب ده. 
ليهتف... مش قبل ما تهدي انا اسف ماكنش قصدي.
لتنظر اليه بغضب.... وانا مش قابله اسفك. خرجني من هنا والله لاسيبهالك مخضره.
ليتنهد.... هتقولي لماما ايه خطيبك خلع. لتطرق راسها ودموعها تنزل ليهتف... طب انا اسف جراح بيعتذرلك اهوه ماتحملتش اشوفه بيلمسك انت المفروض خطيبتي.
لتمسح دموعها.. انا خطيبتك بالاسم بس مش حقيقي. تتنرفز ليه وتقلي كلام وحش. ليك عندي ايه. 
ليهتف.. كارما بطلي طريقتك دي وترجعي تقولي بقول كلام وحش ليا عندك انك هتبقي خطيبتي. 
لتهتف... كده َو كده ايه ده الله هو فيه ايه. 
ليهتف... حتي لو ايه ماقبلش حد يقرب منك انت بتاعتي طول مانا في الصوره. 
لتهتف... ايه بتاعتك دي عيب كده.
ليهتف.. لا بتاعتي بقه واخبطي راسك في الحيط مش جراح اللي اسمه يتربط بحد وحد تاني يقرب منه حتي لو كان عالورق اعقلي كده وماتطلعيش غباوتي.
لتظل تنظر اليه غاضبه ليتنهد ويقترب.. خلاص بقه فكي انا اسف ماكانوش كلمتين.
لتهتف.. يا جراح انت بتقلب عفريت من غير سبب
ليبتسم ويهتف.... جراح.
لترتبك وتهتف.. اسفه يا مستر جراح وتطرق وجهها.
ليضحك ويقترب... لا يا ستي انا جراح ويلا عشان نتغدي ونتفق هنعمل ايه..
لتتنهد وتقول حاضر يا.. ليهتف هاه قولي مستر جراح مش هيحصلك طيب..
لتتنهد وتهتف... حاضر يا جراح ليشدها ويخرج بها وهو يشاكسها احبك وانت رايقه كده.
مرت الايام وزيدان يتصل بها ويحس بالجنون فهو يريد ان يقابلها ليعلم ان هناك مناسبه في الدار ليذهب مسرعا ليقابلها وما ان راته حتى احست ان قلبها  خلع لتبتعد مسرعه ليراها من بعيد تدخل احد الحجرات ليتصل بها وهي لا ترد يبعث لها رساله انه سيفتعل فضيحه اذا لم ترد عليه لترد عليه وتصرخ... انت عايز ايه مني مش قلنا خلصنا انت عايز ايه يا اخي.
ليتجلد هو ويهتف بصبر....... الموضوع كبير يا جيدا مش بيني وبينك بس الموضوع اخوكي جراح داخل فيه..
لتقطب حاجبيها وتتسائل جرااااح..
ليكمل... ارجوكي يا جيدا ارجوكي عشان خاطري..
لتهتف بسخريه... والله خاطرك راح من عندي شوفلك حاجه تانيه..
ليحس بقهر من كلمتها ليهتف.... ماشي يا ستي ماشي.. الموضوع مايتقالش في الفون ارجوكي يا جيدا
كانت تصارع قلبها.. كانت تريد ان تعرف بشده لماذا قتلها هكذا ولكنها لا تريد ان تترك نفسها مره اخري له.. لتهتف هي.... ما اعتقدش ان في حاجه هتفرق تقابلنا ولا ما تقابلناش يخص اخويا ولا ما يخصوش انا مش هقابلك ومن فضلك امشي بقى وما تعمليش مشاكل.. وقفلت السكه
ليتنهد.. يا رب انا تعبت.. اهديهالي يا رب وحنن قلبها.. والا و وقعت يا زيدان والحب ذلك وبهدلك.. ليظل ينتظرها حتى انهت ما تفعله في الدار ليقوم علي الفور ليذهب اليها.. كانت تقف عند الدار متوتره لتجده علي الفور يقف بعربته امامها وينتظرها ان تركب ولكنها لم تفعل.. فتنهد وترجل من العربه وذهب اليها لم تنظر اليه واشاحت بوجهها.
لتقول.... انت ايه يا اخي مش قلت لك خلاص كل اللي بينا انتهى انت جاي ليه انت عايز ايه ليتنهد بألم...... طب اسمعيني طيب اسمعيني اديني فرصه اقول لك ايه اللي حصل ارجوك اسمعيني ما ينفعش ما تسمعنيش.
لتتنهد هي وتظل صامته لتهتف مره واحده.. اتفضل قول سمعاك..كانت شاحبه للغايه وانتقص وزنها الكثير فاحس بوجع في قلبه فهو السبب.. كان يريد ان يري عينيها ولكنها حرمته من ذلك فاحس بوجع في قلبه.ليقول... اركبي يا جيدا مش هنقف نتكلم في الشارع..
لتقول ..ماعتقدش ليه لزوم قول كلمتينك عشان امشي.. ليقوم بفتح العربه ووضعها عنوه بداخل العربه وقفل الباب.. وما ان دخل..
هتفت غاضبه.. انت اتجننت هو عافيه..
ليمسك يدها ويضغط عليها.... يا ريت تهدي انا فيا اللي مكفيني.. كانت نبرته حاده وقاطعه
لتستدير وتصمت ساخطه تتمتم ببعض الكلمات.. فابتسم هو علي عفويتها.. كان سعيدا انها بجواره اراد ان ياخذها ويرحل بها بعيدا.. ليضع فراشته في شرنقه حبه.. بعد فتره اوقف العربه وعم الصمت..
لتهتف.. هو انت جايبني عشان تسكت ماتنطق..
ليهتف.. حاضر يا جيدا.. اخر مقابله بيني وبينك فاكره كلمتيني عن جراح اخوكي.. انا ماكنتش اعرف ان جراح اخوكي..
لتهتف وماله جراح..
ليقول.. ماله كتير.. جراح بيني وبينه عداوه سنين وخراب بيوت.. اخوكي لسه مخسرني انهارده ملايين.. احنا عايشين نطحن انا وهوا في بعض خصوصا اخوكي مابيسيبش فرصه الا وعايز يخرب بيتي ولو طال يموتني هيفرح ويزغرط.. جراح اخوكي ده عمل فيا كتير وانا كمان كنت برد عمايله وناس اتوسطت لفض الحرب دي هوا رفض. جراح بيكرهني لله في لله وسنين العداوه اتقلبت عنده فجر كل حاجه متاحه.. لما حصل وعرفت اتهزيت ماعرفتش اعمل ايه قلت انت هتتذل يا زيدان انت لازم تبعد جراح هيأذيها ومش هيسكت.. كنت بموت من غيرك اقسم بالله لدرجه جبت خط غريب اسمع منه صوتك.. لتبهت قليلا اكان هو من يتصل بها كثيرا وتسمع انفاسه.. جيدا حسي بيا انا عارف اني اذيتك بس صدقيني غصب عني.
 لتقول... والله طب تمام وايه الجديد انت واخويا اتصالحتو وحبيتو بعض فعشان كده راجعلي..
ليهتف... لا يا جيدا اكتشفت انك بتاعتي واستحاله اسيبه ياخدك مني اسبوعين عدو مت فيهم وانفاسي راحت واستحاله جراح يقف وياخدك مني ..
لتصرخ... هو انا صفقه هتتخانقو عليها..
ليقول.. لا يا قلب زيدان انت اغلي حاجه عندي انت الدنيا اللي بتنفسها يا قلبي .. انا كنت بموت من غيرك لا عارف اشتغل ولا عارف انام.. كنت هتجنن.. مَاقدرش اعيش من غيرَك..
لتصرخ... ولما انا كده موتني اسبوعين ليه.. ليه طعنتني كده انا كنت بموت انت ازاي تعمل فيا كده ماجيتش قلتلي ليه.. حرام عليك حرام عليك.. لتجهش بالبكاء وقد احست بالوهن من جراء تعب قلبها ولكن انفجارها بالبكاء كان بسبب انها اكتشفت انه مازال يحبها وان سبب البعد شئ اخر.. كانت تبكي ثم قالت.. وانت عايز ايه دلوقتي..
ليقول.... عايزك وعايزك اوي تبقي بتاعتي مراتي حبيبتي.. كانت غير مصدقه كم الحنين في صوته. 
لتهتف مستنكره... وعايزني اثق فيك ازاي انت فاكرني ايه.. ليقول فاكرك احن واحسن واحده في الدنيا.. ليمسك يدها جيدا ممكن تبصيلي بقالنا كتير بنتكلم نفسي اشوف عينيك.. لتنظر اليه والدموع في عينيها ليهتف... وحشتيني... لتحاول سحب يدها ولكنه شدد عليها وقال جيدا.. انا.. انا بحبك..
لتنظر اليه وقلبها يرجف لم يعترف بهذا مسبقا كانت تحس بحبه ولكنه لم يقلها صريحه ليرجف قلبها ليكمل.. لا بحبك دي قليله انا بعشقك يا روح زيدان ارجوكي سامحيني انا عارف اني اذيتك بس والله بحبك..
كانت دموعها تنزل من فرط مشاعرها َلكنها كانت موجوعه لتهتف.. انت وجعتني قوي..
ليقربها منه ويقول انت قلبك اكبر واحن انت حاجه تانيه وانا عارف اني غلطت وندمت والله وكنت بتعذب جيدا انا عايز اتجوزك لتنظر اليه بدهشه..
ليقطب حاجبيه.. امال انت فاكراني هعمل ايه.. جيدا انا عايزك جنبي وبتاعتي مراتي وكل ماليا جيدا انا نفسي انام واصحي الاقيكي في حضني.. كانت كلماته تنزل كالبلسم علي فؤادها المجروح.. ليكمل عايزك تعرفي اني هحارب الدنيا عشانك.. اللي جاي مش سهل وهتبقي حرب بس المهم انت َمعايا يا قلبي.
لتهتف بلين... لا يا زيدان ما عادش ينفع خلاص انت كسرت جوايا حاجه حلوه كنت حيشاها ليك اسبوعين وانا مش عارفه انت عملت كده ليه ازاي قدرت تعمل فيا كده اسبوعين وانا بتقطع من جوايا مش من حقك اصلا تاخد قرار ده لوحدك اثق فيك ازاي بعد كده انت بتقول ايه بس. اخاف اثق فيك اديك قلبي في اي وقت يحصل حاجه ما بينك وما بين اخويا تقرر تبعد من غير حتى ما تقول لي. انت وجعت لي قلبي انا حبيتك وانت دبحتني مش متخيله انك تبعد عني بالشكل ده
 ليقترب منها ويمسك يدها ويقبلها.... والله اسف والله كنت بموت انا عارف اني غلط بس اللي بيننا كبير وساعتها انصدمت وما قدرتش ارجوك سامحيني انت قلبك كبير طيبه انا ما اقدرش ابعد عنك فعلا وقت اللي بعدت عنك فيه كنت بموت بموت والله العظيم بموت كنت حاسس اني مجنون او ممسوس كنت بجيب الخط واكلمك اسمع صوتك لما اسمع صوتك ونبرته بتوجعني الحزن فيه بيقطعني لا عارف ااكل ولا اشرب ولا انام وهنا عرفت وقدرت انك انت ما ينفعش تبقي لغيري ولا تبقي بعيد عني ولا تبقي بره حياتي اصلا انت كل حاجه في حياتي وان كان على جراح انا هقفله وانا قده بس انت تبقي في ظهري الا لما انت تبقي بظهري وتوعديني انك تبقي في ظهري ومهما حصل ومهما عمل ما تسيبنيش جراح مش سهل جراح عنده غباء وكبر لو في العادي كنت قدرت عليه انما ده هيبقى حرب لاني هاخد منه حته من بيته وحط فوق ده ان جراح مش لوحده  معاه تعبان ازرق بيقوموا عليا وهو سعد سعد ده هو اس البلاوي كلها جيده انا مستعد اخش النار عشان لو عمل ايه هقفله لو طلب ايه هعمله   انك ما تبقي لحد ثاني. حبيبتي سامحيني انت حياتي كلها وروحي والله روحي ما اقدرش ابعد عنك ولا اقدر اسيبك من اساسه والله فكرت اخطفك واهرب بك بعيد بس قلت انت ما تستحقيش كده انت تستحقي كل حاجه حلوه في الدنيا جيدا اديني ثقتك اديني قلبك وهتعرفي ان حبيبك يستحق لانه ما ينفعش يبقى لك غيره. يا حبيبتي.
لتبعد نظرها وتهز راسها ليشدها اليه ويحتضنها ليهتف... دا مكانك والله مكانك اسف الف مره اني وجعتك.
لتهمس خايفه ابعد ماتعملش كده.
ليمسد عليها ويقبل راسها... انت ايه يرضيكي هعمله بس تفضلي معايا.
لتتذكر الصحيفه ودولي لتدفعه وتصرخ انت كداب وبتلعب بيا.
ليبهت من تحولها ليهتف انا يا جيدا والله ما اوعي أعملها.
لتخبطه وتصرخ انت كداب وصاحبتك اللي متصور معاها ومبسوط وماسكه ايدك يا كداب يا بتاع.... لتحاول ان تتذكر.. هيا اسمها ايه البت الزرقه دي.. اه يا بتاع دولي.
ليندهش.. دولي انا بتاع دولي. ليتنهد... دولي بنت عمي يا جيدا مش صاحبتي.
لتنظر اليه غاضبه.. كمان كمان.. روح روح اتجوزها وحب فيها وامسك ايديها وفعص براحتك.
ليبتسم ويشدها اليه لتضربه اوعي والله ماسكتالك يعني توجعني وتروح تخرج مع السحليه بتاعتك وراجع تقلي ايه انا مش عايزاك ولا هثق فيك.
ليكلبش فيها ويهتف... ولا عيوني بصت لحد تاني ولا هيجي فيهم حد العمر كله. لتتنهد بغلب ليهمس.... بصيلي طيب وحشتيني بصي حبيبك عيونه فيها ايه فيها لوعه وحرقه.
لتهمس.... لا مش هبصلك.
ليتنهد... خايفه تشوفي حبي اللي طافح جوايا خايفه تسامحيني. بصيلي يا قلب زيدان والله قلبه ليدير وجهها لتنساب مشاعرها من نظراته ليهمس شايفه ايه ليضع يدها علي قلبه.. حاسه بايه بيصرخ من عشقه والله كت بموت وعهد عليا لاحارب وانهش في الصخر عشانك انت بتاعتي انا غلطت واهوه بتمني حبيبي يرجعلي يبقي ليا العمر كله. لتحس بدقات قلبه ليشدها اكثر ويمسك وجهها بين يديه ليهمس شايف حبك في عيونك ودا عندي بالدنيا لو اخوكي عمل ايه لو رشق سكينته في قلبي عشان نظره عيونك دي هحارب.
لتهمس بهيام ولين.. انت وحش قوي.
ليقبلها قبلات حانيه ليهمس واهوه براضي حبيبي يرجعلي هموت والله ويرجعلي جيدا انت العشق اللي عمري ماحسيته الا معاكي عمري مابصيت لوحده من اساسه انت من اول نظره والله قلبي حبك 
. سامحيني يا عمري 
ظلت تنظر اليه قلبها يحثها ان تستجيب وهيا خائفه ان تثق فيه مره اخري لتهتف اخيرا .
يتبع...
لقراءة الفصل الثاني عشر اضغط على : ( رواية فراشة فوق النار الفصل الثاني عشر )
لقراءة باقي الفصول اضغط على : ( رواية فراشة فوق النار )
تعليقات



حجم الخط
+
16
-
تباعد السطور
+
2
-