القائمة الرئيسية

الصفحات

رواية احفاد الاسيوطي (أسيرة ظلامي الجزء الثاني) الفصل الأول 1 بقلم رنا أحمد

رواية احفاد الاسيوطي (أسيرة ظلامي الجزء الثاني) الحلقة الأولى 1 بقلم رنا أحمد
رواية احفاد الاسيوطي (أسيرة ظلامي الجزء الثاني) الجزء الأول 1 بقلم رنا أحمد
رواية احفاد الاسيوطي (أسيرة ظلامي الجزء الثاني) البارت الأول 1 بقلم رنا أحمد
رواية احفاد الاسيوطي (أسيرة ظلامي الجزء الثاني) الفصل الأول 1 بقلم رنا أحمد

رواية احفاد الاسيوطي (أسيرة ظلامي الجزء الثاني) الفصل الأول 1 بقلم رنا أحمد


بعد مرور 30عاما .
في قصر طاهر ..
قبل وفاه طاهر قد أصر في وصيته علي جلوس ادهم وعدي ومعتز وزوجاتهم وابنائهم في القصر معا ...
***************.
في المطبخ ....
كانت تجلس رباب وهي تستمع لذلك الصريخ اليومي بحسره بين ادهم وعز .
رباب بغيظ /اقول عليك ايه بس ي عز ي ابني فوضت امري لله فيك هتجيب ل راجل جلطه انا مش عارفه مطلعش زي جاسر ليه .
نور بضحك/ههههه طب والله الواد عز ده مفيش زيه واد عسل .
رحمه بابتسامه/عندك حق ي نور والله .
رباب بغيظ /خودوه انا مستغنيه عنده مهاب واد ي مهاب .
مهاب صاحب الست سنوات ببرود /عايزه ايه ي وليه .
رباب بغيظ شديد/وليه ي حيوان روح اقول ل ابوك يوطي صوتهم شويه جاسر نايم هيقوم يقلب الدنيا .
مهاب ببرود /تتدفعي كام .
رباب بغيظ /هدفف الي انت عايزه بس روح .
*************.
في غرفه المعركه 😂😂😂.
كان يقف عز وهو يحتمي بالوساده ويقغ ادهم في قمه غضبه منه .
عز بخوف شديد/بقولك ايه ي ابو الادهيم صلي على النبي في قلبك كده مش مكالمه تليفون دي الي هتخسرنا بعض .
ادهم بغيظ شديد/هو مفيش فايده فيك انت ايه ي اخي جنسك ايه عايزه تجبلي جلطه .
عز بقلق /بعد الشر عليك ي غالي بالعكس ده انا كنت ناوي اطلع الاول السنه دي واشرفك مش سمعتني امنبارح وانا بقول ل صاحبي ان انا لازم اعدي المرحله .
ادهم بسخرية وغيظ /انهي مرحله مرحله البؤس مش كده .
عز بفخر /لا ي ادهم ابنك جامد انا عديت المرحله دي من زمان دخلت في مرحله الخلفه من غير جواز هي الأساس .
ادهم بغيظ وتوعد /لا ي حبيبي فيه مرحله أن جالك الطوفان حط ابنك تحت رجليك وانا مش هحطك رجلي وبس ده انا هولع فيك .
عز بتأثر مصتنع /واهون عليك برضه ي كبير .
مهاب ببرود /الحاجه مرائتك بتقولكم وطوا صوتكم أبيه جاسر نايم ولو صحي انتوا عارفين هيعمل ايه.
عز برعب شديد/ايه ده هو جاسر هنا يبقا الله يرحمني .
ادهم بابتسامه استفزازية /جاسر هو انا خلفت غير جاسر ده الحاجه الي طلعت بيها من الدنيا .
عز ببكاء مصتنع /ايوه ايوه مانا عارف انك طول عمرك بتحب جاسر اكتر مني زي ماكون مش ابنك وده عمل شرخ جوايا اهي اهي .
مهاب وهو يحتضنه ببرود /متعملش كده في نفسك ي اخويا ربك كبير علي المفتري .
ادهم وهو يمسك حزامه بغضب وتوعد /انا بقا هوريكم الافتراء بصحيح.
ليتبعهم ليسرعوا سريعا الي الاسفل .
(جاسر وعز ومهاب اولا رباب وادهم كل واحد شخصيه مختلفه تماما وهنعرفهم مع بعض )..
****************.
في غرفه جاسر ..
جاسر مقدم في الداخليه شخصيه قويه جدا الكل يخشاه شخص لا يتحمل التهوان في اي شي شخص جاد جدا ووسيم جدا .
كان يتململ في نومه بازعاج من رنين الهاتف ليفتح الخط بغضب جحيمي.
/جرا ايه ي حيوان انت فيه علي الصبح .
سيف صديقه بابتسامه /صباح الفل ي باشا اللواء محمد عايزك ضروري .
جاسر ببرود /أما اصحا من النوم هبقا هاجي قوله يستنا سلام .
ليحاول أن يغفا مجددا ليتحدث /الله يحرقك ي سيف طيرت من النوم من عيني اقوم اخد دش وانزل .
بعد ساعه ..
كان يقف جاسر وهو يرتدي ملابسه ليقتحم الوحيد الذي له الحق في ذلك ليرتمي بين أحضانه .
مهاب بسعاده وطفوله /أبيه جاسر وحشتني اوي .
جاسر بابتسامه ساحره وحب /انت الي وحشتني اكتر ي هوبا .
مهاب بطفوله/فين الشيكولاتة .
جاسر بابتسامه /اه ي عني الحضن ده علشان الشيكولاته ماشي ي مصلحجي خود اهيه .
عز بسخرية/وانا ماليش شيكولاته .
جاسر بجديه /لما تعدي من أولي جامعه هجبلك ي نونه يلا علشان نفطر .
******************.
في جناح رحمه وعدي ...
في غرفه مليكه ....
كانت تقف وهي ترتدي حجابها لكي تذهب الي المستشفي فهي تعمل دكتوره لعلاج الحروق وصاحبه المستشفي أيضا شخصيه جميله وحنونه .
فرح بسخرية وغيره /رايحه المستشفي مش كده .
مليكه بابتسامه /ايوه ي فروحه اول يوم ادعيلي مرعوبه اوي .
حسن بابتسامه /صباح الخير علي اخواتي الغالين ايه ي دكتوره جاهزه .
مليكه وهي تمسك يده بارتباك /خايفه اوي ي حسن حاسه اني رايحه الامتحان .
فرح بسخرية واستفزاز/مش كان احسالك فكرتي في الجواز بدل مانتي عديتي ال 35كده من غير جواز يلا ادعي ربك مفيش حاجه بعيده .
حسن وهو يمسك يدها بغضب /اعتزري ل اختك ولو قررتي الكلام ده تاني هقطع لسانك فاهمه .
مليكه بحزن شديد/علشان خاطري ي حسن سيبها .
حسن بغضب /اعتزري ل اختك يالا .
فرح بغيظ شديد/اسفه .
حسن بحده /يلا علشان نفطر.
حسن وفرح ومليكه اولاد عدي ورحمه حسن يعمل دكتور في الجامعه شخصيه متتدينه وحازمه وفرح في الجامعه شخصيه حقوده بشده وتعشق جاسر .
******************.
في جناح معتز ونور ...
كانت تقف نور بغيظ شديد وحسره علي يوسف فهو شخص بخيل بشده يعمل موظف في بنك  .
يوسف بابتسامه /صباح الخير ي امي .
نور بابتسامه/صباح النور ي حبيبي ها هتعزمنا النهارده بسبب تريقتك صح كده .
يوسف ببخل /ليه ي امي هي فلوس وخلاص مش لسه عازمكم من 5سنين .
معتز بسخرية/لا طبعا ودي تتنسي عزمتنا احنا واعمامك وأولادهم علي لتر سفن مش كده كل واحد خد شفطه .
يوسف بجديه /المهم اني عزمتكم والتبزير مش حلو يلا علشان الفطار .
معتز بحسره /عوض عليا عوض الصابرين يارب .
****************.
في الاسفل .
علي مائده الطعام.
عدي بابتسامه/ربنا مايحرمنا من بعض ولا من اللمه دي ابدا .
الجميع /امين .
مليكه بابتسامه /جاسر مش عارفه اقولك ايه بجد علي قرار فتح المستشفي بالسرعه دي ربنا يخليك ليا.
جاسر بابتسامه/اي خدمه .
مليكه بابتسامه/اه طب خدمه ب خدمه بقا وصلني في سكتك للمستشفي .
فرح بغيظ وغيره /متاخدي تاكسي .
جاسر بحده /لا متاخدش تاكسي ورجاله البيت موجودين ي انسه فرح.
يوسف ببخل /والله الواحد المفروض يمشي ده المشي نفيد جدا للصحه .
عز بغيظ شديد/لا وانت الصادق علشان توفر الاجره انا هموت واعرف الفلوس الي بتحوشها دي كلها هتوديها فين .
مهاب بطفوله /هيجيب بيها شيكولاته .
وبعد الافطار يسرع كلا منها للخارج للذهاب الي عمله .
***************
في وزاره الداخليه...
كانت تسير سما سريعا علي السلالام وهي تعدل نظارتها الطبيه لتشعر بمن بمد يده ليغلق عليه الطريق ليتحدث ببرود مخيف .
/انا محدش يطلع قدامي اترمي تحت .
سما بغيظ شديد/نعم ليه أن شاء الله طالعين مسابقه ولا ايه اوعا كده بلاش كلام فارغ انت شكلك مجنون .
ليتحدث بنبره رجوليه غاضبه ارعبت الجميع فهو جاسر الاسيوطي .
/ربيع .
ربيع الساعي برعب /اومرك ي جاسر باشا 
جاسر بنبره غيره قابله للنقاش/الحشره دي تترمي بره المبني ويبقا يوريني هنا مين هيقدر يدخلها .
سما بضيق وخوف / حشره انت سافل وقليل الادب .
جاسر وهو يدفعها للخارج بحده وغضب فلا أحد يستطيع أن يعترض طريقه وهو يحدث الأمن بحده .
/البت دي تفضل مرزوعه هنا لحد يرجع عقلها وتعرف هي بتكلم مين .
ربيع بقلق /خودي ي بنتي اشربي كوبايه الشاي دي انت ايه ي بنتي الي خلاكي تردي عليه انتي مش عارفه ده مين  .
سما بغيظ شديد/هيكون مين ابو لهب .
ربيع بقلق وهمس /انيل ده المقدم جاسر الاسيوطي الشيطان مفيش مجرم مهما إن كان يقدر يفلت من تحت أيديه كل القيادات بتعمله الف حساب .
سما بغيظ شديد/طيب انا بقا تبع اللواء محمد وهنشوف لما يعرف الي عمله هيعمل فيه ايه انا هخليه يرفده .
ربيع بابتسامه /انتي بتحلمي ي بنتي .
سيف بابتسامه/ازيك ي عمي ربيع مين المزه دي بتلعب ب ديلك ي راجل ي خرفان .
ربيع بضحك /هههه دمك زي العسل ي سيف باشا دي واحده جايه تقابل اللواء محمد واول مدخلت شبطت هي وجاسر باشا ورماها بره زي مانت شايف .
سيف وهو ينظر إليها بإعجاب وهو يسير للداخل /منه لله جاسر حد يطرد القمر دي .
****************.
في كليه التربيه...
كان يسير حسن الي السيكشن ليتلزموا الجميع الصمت لتسير همس الي الداخل لتجلس بمراره وهي تشعر بالتهامسات من حولها .
حسن بحده /انتي ي انسه انا مش قولت محدش يحضر المحاضره بتاعتي الا وكل بنت لبسه الحجاب .
همس وهي تقف بقوه وثبات /انا اسفه ي دكتور بس بصراحه انا لو لبست الحجاب هكون بسي ليه .
حسن باستغراب /قصدك ايه مش فاهم .
أحدا الفتيات باستفزاز /أصلها شغاله رقاصه ي دكتور .
حسن بغضب /افندم .
همس بقوه وثبات/ايوه ي دكتور رقاصه ايه فيه قانون بيقول أن الرقاصه متنفعش تتعلم كلكم شايفين الموضوع من بره علشان مشفتوش الي انا شفته انا كان لازم اعمل كده علشان اصرف علي اختي المعاقه ابويا كان شغال بواب وامي بتخدم في البيوت ي عني مكنش عندنا لا معاش ولا فلوس في البنك كان لازم اعمل اي حاجه علشان نعيش انا واختي ها ي دكتور اقعد ولا أخرج .
حسن بتنهيده عاليه /اتفضلي .
******************.
في المستشفي الخاصه ب مليكه .
كانت تجلس في مكتبها وهي تتابع بعض الحالات لتسير نفيسه مساعدتها بفزع شديد.
/الحقي ي دكتوراه مليكه في حاله جات ل شاب محروق حرق غائر .
*****************.
في الجامعه ..
كان يجلس عز وهو يضع الاب توب أمامه لتاتي تلك الكوره بقوه لتتدفع الاب توب لتسقطه أرضا لينظر هو إليها بغضب جحيمي.
عزه وهي تاخذ أنفاسها /احنا اسفين ي كابتن .
عز بغضب /ايه اسفين دي بوضتيلي الاب وبعدين مش عيب واحده شاحطه زيك تلعب كوره وتجري كده زي الهبله .
عزه وهي تشمر يديها بتوعد /انت قولت ايه ي شبح .
عز بغيظ شديد/قولت انك هبله والمفروض تحترمي نفسك وسنك .
عزه بتوعد وغيظ /يبقا استعنا علي الشقاء تعالا بقا ي حلو .
***********.
بعد مده .
كان عز يفترش الأرض بكدمات وهو ينظر إليها بتوعد .
/قسما بالله مهسيبك .
عزه وهي تنظر إليه باستفزاز /بعد كده ي كبير تتكلم علي قدك انا عزه الفيومي بلعب كارتيه بقالي 15سنه والكل هنا ي عرفني فابعد عني احسالك ماشي ي شبح سلام .
عز بغيظ شديد/ي فضحتك ي عز ي فضحتك ي شماته ابله ظاظا فيا .
********************.
في وزاره الداخليه..
في مكتب اللواء محمد...
اللواء محمد بابتسامه /خلاص بقا ي سما متزعليش قولتلك هجبلك حقك .
جاسر وهو يجلس ببرود /من مين أن شاء الله ي سياده اللواء.
سما بغيظ شديد/انت فاكر اني هسكت علي الي حصل .
سيف بإعجاب وهمس /حقك هجبهولك انا ي عسل .
اللواء محمد بجدية/خلونا نتكلم في الجد شويه سما هتكون معاكم في مهمه القبض علي هشام الدميري وأولاده لأنها حريفه كمبيوتر ومهاها اسعافات اوليه بمهاره دورها كبير اوي في العمليه دي وهيكون ليها اوامر وتتنفذ .
جاسر بغضب شديد/ده علي جثتي أن ده يحصل مش جاسر الاسيوطي الي ياخد أوامر من واحده ست ويريت ست دي متسواش .
سما بغيظ شديد/نعم شايف ي سياده اللواء.
محمد بحده/جاسر كفايه اوي كده انا قولت أن سما هتكون معاكم ي عني هتكون معاكم دي أمر وهتسافروا بعض بكره هولندا .
سما بغيظ وهمس /اوووف ده بعد بكره 12احمم بقول ل سعادتك مينفعش بعد اسبوع .
محمد باستغراب /اشمعنا ي عني بعد اسبوع .
سما بارتباك شديد/ابدا ي عني هظبط حالي اكتر واكون مرتاحه .
جاسر بغمزه ووقاحه /اه هو الموضوع ده بيحصل معاكي زي ما البنات علشان خاطري ي سياده اللواء اجلاها السفريه شويه اصل الموضوع بيطول .
سما بخجل وغيظ /انت وقح ....
يتبع...
لقراءة باقي الفصول اضغط على : ( رواية احفاد الاسيوطي (أسيرة ظلامي الجزء الثاني) )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.