رواية قدري الحلقة العاشرة 10 بقلم ملك شكري
رواية قدري الجزء العاشر 10 بقلم ملك شكري
رواية قدري البارت العاشر 10 بقلم ملك شكري
 |
| رواية قدري الفصل العاشر 10 بقلم ملك شكري |
رواية قدري الفصل العاشر 10 بقلم ملك شكري
الفصل/العاشر(الاخير 🥹)
فهد اتصدم وعينو متعلقه على قدر: اء انتي بجد
اتعدل بسرعه ووقف قدامها وبيبصلها بشتياق وعشق وندم وحزن وتعب
وهي بتبصلو بلوم وحزن واشتياق وحب
وقدر وفهد الصغيرين بيبصولهم ومش فاهمين حاجه
فهد بدون اي مقدمات شدها ف حضنو
قدر مقدرتش تحدد مشاعرها وقتها وليه مش عايزه تبعد عن حضنو الي افتقدتو ل تلت سنين هي الي حددتو انها اسعد انسانه دلوقتي لان حبيب عمرها كلو بين ايديها وف حضنها
اما فهد ف دموعه نزلت على صغيرته وحبيبته اتكلم مابين دموعه وهو حاضن فيها زي الطفل الي كان تايهه ولقا امه: متسبنيش تاني ياقدر ارجوكي اوعي تسبيني انا بحبك اوي انا بقالي تلت سنين مش عارف انام او اعيش حياتي الطبيعيه كفايه عقاب انتي عقبتيني العقاب الي موتني ف اليوم الف مره وهو بعدك بلاش بعد ياقدر خلاص
قدر ابتسمت وشددت من حضنها ليه بعد وقت بعدو عن بعض والاتنين دموعهم نازله
فهد وقدر الصغيرين ف نفس واحد: خلصتوو
قدر الصغيره: انتي مين
فهد الصغير: وانت مين
فهد وقدر بصو ل بعض لانهم اصلا نسيوهم
فهد فكر ل ثانيه بعد كده برق مره واحده واتصدم
وكذلك قدر
فهد بصدمه: ابن مين دهه
قدر ف نفس الحظه: بنت مين دي
فهد الصغير بغرور كطبع والده حط ايدو ف جيبو: انا فهد ابقا ابن قدر البنت الي واقفه قدامك دي عندك اعتراض
فهد بصدمه: ابن مين يااض
مسكو فهد من هدومه زي الحرامي: ابن مين يلا انت
قدر زقت ايد فهد: اي يافهد في اي ومين دي بردو اعرف
فهد برتباك: د د د
قدر بسخريه: د د اي بس مين دي يافهدد
قدر بطريقه لا تليق بطفله حطت ايدها ف وسطها: انا قدر فهد المرشدي
قدر بلغبطه وبطريقه مضحكه: لا ثانيه واحده مين بنت مين وابن مين وانا فين وانت مين هو في اي
فهد: احم د دي بنتي ياقدر
قدر بعدم استيعاب: يااه ياراجل مش كنت تقو.... ايههه يعنيااا
فهد بخوف: اهدا ياوحش
قدر: وحش مين يااض مين دي وبنت مين وازاي
قدر: انا ابقا بنت مامي مرام وبابي فهد
قدر عيونها دمعت بصدمه وهي بتقول بتأثر: لحقت تنساني يافهد للدرجادي مكنتش مهمه عندك للدرجادي مصدقت تخلص مني انت ايه كملت بصراخ: انت ايهههه قولي انت استحاله تكون بني ادم وعندك دم وبتحس زينا انت واحد حقير يلا يافهد
مسكت ايد فهد ابنها ومشيت
فهد وبنته طلعو يجرو وراها
فهد بندم: قدر استني هفهمك
مسكها من ايدها ولفها ليه: قولتلك استني واسمعيني تعالي نقعد ف حتى وهفهمك
قدر بنرفزه: مش عايزه افهم ولا اسمع كلمه من واحد كداب ومخادع زيك
فهد وفقد السيطره من عصبيته واتكلم بغضب وصوت عالي: لا بقا ياقدر متفتكريش ان انتي الوحيده الي مظلومه وبريئه وانا حيوان وزباله انتي كمان ماصدقتي وعيشتي حياتك واتجوزتي والنتيجه دهه (شاور على ابنها فهد) ده ابنك ياقدر ابنك الي ابوه راجل غيري اتجوزتي وعشتي مع راجل غيري انتي مش مظلومه انا وانتي غلطنا نفس الغلط ف متفتكريش نفسك ملاك هااا انتي انتي مش قدر ال اعرفها انتي واحده غريبه
قدر دموعها نزلت وهي بتتكلم بسخريه وضحكه حزن وتعب: خلصت طول عمرك هتفضل كده يافهد تعرف ليه لانك اناني لا لا متستغربش ايوا اناني ومبتفكرش غير ف نفسك ما انت اتجوزت وعيشت وخلفت من واحده غيري وعيشت حياتكك ولا احنا مش زي بعض وتعرف انا غلطت ف حاجه واحده وهي اني قعدت التلت سنين دول مشتاقه ليك وحبي مقلش ولو سنتي بالعكس ده كان بيزيد ولما لقيتك كأني لقيت كنز لقيت الحاجه الوحيده الي كنت بحبها ف دنيتي سامحتك مره واتنين انما المرادي صعبه يافهد صعبه انك تشك فيا قبل ما تسألني
خدت ايد ابنها ومشيت خطوه بعد كده رجعتلو واتكلمت بسخريه: واه انا متجوزتش يافهد بيه اعتقد ان جيه الوقت للقاء الاب مع ابنو ايواااا هو انا مقولتلكش فهد حبيبي ده بابي وعشان كده سميتك على اسمو ياحبيبي مش كنت كل شويه تسأل بابي فين جبتلك بابي اهو ياحبيبي
فهد فضل متنح بيبصلها وعايز حد يخبطو على دماغو عشان يفوق يعني ده ابنو يعني عايش تلت سنين ميعرفش ان عندو ابن
اما فهد ابنها ف عيط: ب بابي انت بابي
جري عليه وحضنو
فهد فضل متنح ومتردد رفع ايدو بتردد واحتوا بيها فهد ودموعه نازله
فهد الصغير بدموع بريئه: بابي انا كنت كل يوم بثأل عليك مامي وتقول انك مثافر عشان تجبلي العاب وهترجع كانت بتحكيلي عنك كنت كل يوم بحلم بيك انا زعلان منك اوي يابابي انك ثبتني كل ده
فهد كان ندمان على كل كلمه قالها كده غلطاتو زادت عندها كتير
اما قدر بنتو ف هي واقفه بصالو ببرائه ومش فاهمه حاجه
قدر وبتتصنع بالقوه: يلا يافهد عشان نروح
فهد مسك ف ابوه اكتر: لا انا عاوز افضل مع بابي
قدر بزعيق: فهد قولت يلاا
فهد: سيبي ياقدر معايا ارجوكي سيبيني اشبع منو واشوفو
قدر: لا يافهد مينفعش لان انا وفهد هنسافر زي ما سبتلك مصر زمان هسيبلك تركيا دلوقتي اي حتى انت فيها انا مش هبقا فيها من دلوقتي
فهد بغضب: انتي بتقولي اي مفيش الكلام ده انسي
قدر: الي. قولتو هعملو واعتقد انك طليقي يعني ملكش حاجه عندي
فهد ببرود: مم بقا كده
قدر: ايوا
فهد الصغير قرب من ودنو وقالو حاجه
فهد غمزلو: لا انت صاحبي جدا ياض
قدر حبيبتي تعالي
جت بنتو: نعم يابابي
فهد قالها حاجه ف ودنها وضحكت: يلا يابوص انا جاهزه
قدر بصتلهم بستغراب كلهم
فهد الصغير مسك ايد قدر الصغيره واتحركو ع قدام
اما فهد ف قرب من قدر وهووب شالها على كتفو
قدر بصراخ: فهد نزلني بقولك نزلني
اتكلمت بالتركي عشان حد يجي ويلحقها Yardım edin beni kaçırmaya çalışıyor(ساعدوني انه يحاول اختطافي)
قرب منه شباب وقالو: Ne yapıyorsun, hemen indir onu yoksa senin için polisi ararım(ماذا تفعل انزلها حالا والا سأطلب لك الشرطه)
فهد ببرود: O benim karım ve aramız bozuktu ve ben onu uzlaştırmaya çalışıyorum(انها زوجتي وكنا على خلاف واحاول مصالحتها)
شاور على قدر وفهد ولادو وقال: Ve bunlar bizim çocuklarımız (وهؤلاء ابنائنا)
اعتذر الشباب ومشيو
قدر وهي متعلقه: هااي انت يلي مشيت والله كداب تعالى
فهد ضحك وكمل طريقه لحد العربيه وركبها جمبو وورا فهد وقدر
قعد بيسوق وشغل اغنيه حبيبي ولا على. بالو شوقي اليه ل عمرو دياب
فهد بيحاول استفزازها: حبيبي ولا على بالو شوقي اليه ولا شاغل بالي انادي عليه وليالي كتير افكر فيه واحن اليه ولا داري
قدر بغيظ: نينيني صوتك وحش على فكره
فهد ابنهم: لا يامامي ثوتو حلو
قدر بغيظ: ولا هلاقيها منك ولا منو مهي جينات ياربي
قدر الصغيره وبنفس برود والدها: يعني اي جينات ياطنط
قدر بصدمه: ههءء طنط انا طنط طب رد انت ونبي عشان انا لسه صغيره ع الجلطه
فهد ضحك ورد على بنته: قوليلها يادودو
قدر الصغنونه بضحكه طفوليه: اوكي يادودو يعني اي جينات بقا
ضحكت قدر: يعني طبع بيبقا ف الاب بعد كده يبقا ف ابنو
قدر ببرائه: يعني اي طبع
قدر بنفاذ صبر: لا يارب انت عالم بيا والله
بعد وقت وصلو ل كافيه وخلو قدر وفهد ف ال Kids Aria
فهد: قدر بقينا لوحدنا ومكان هادي ممكن افهمك واشرحلك بقا
قدر: ياريت يافهد لاني لحد دلوقتي مش عايزه افهمك غلط وافهم فعلا انك مكنتش بتحبني
فهد: شوفي ياستي من تلت سنين
بعد سفرك ب شهر كانت حالتي لا يرثى لها مكنتش بروح الشركه ولا بطلع من اوضته اساساً وكل اوضتي مليانه بصورك وف كل لحظه مرت عليا واحنا مع بعض كنت عاملها ف صوره وحاطتها برواز ف الاوضه
بعد 15يوم جدتي تعبت جدا وودناها لكل الدكاتره قالو ان عندها مرض خطير والمرض ده انتشر ف المخ ويعتبر مبقتش تمشي غير بسيط لان المرض بعد وقت سيطر على المشي لان حاولنا بكل الطرق وبكذا عمليه استئصالو ولكن كان انتشر ومهمة حاولنا منفعش ف يوم جدتي طلبتني ف اوضتها دخلت قعدت معاها وقالتلي
فلاااااااش بااااااك
خديجه بتعب وهي بتكح: كح كح شوف يبني انا العمر قدامي مش طويل ومش هعيشلكو طول العمر ياحبيبي
فهد بحزن: ربنا يديكي طوله العمر ياجدتي
خديجه: فهد انا عيزاك تتجوز
فهد برفض قاطع وبصدمه: انتي بتقولي اي ياجدتي انتي عارفه معنى كلامك ده اني بخون قدر انا مقدرش
خديجه: اسمع يافهد قدر مش هترجعلك يابني انا عارفه انا قريت قدر ف الفتره الي قعدتها معاها قدر بتبدي كرامتها على اي شيئ يبني اتجوز ياحبيبي واعمل بيت عشان اطمن عليك ومسيبكش ف الوحده دي واموت
فهد وبيهاودها: هشوف الموضوع ده ياجدتي
خديجه: متهاودنيش يافهد اسمع الي بقولك عليه في بنت انا شوفتها عندك ف الشركه وعجبتني وهجوزهالك انا جبتها عندي امبارح لما كنت برا بتجيب التحاليل بتاعتي وفاتحتها والبت طلعت بتحبك يافهد
فهد بغضب بيحاول يكتمو لان صحه جدته متسمحش: اي الي عملتيه ده ياجدتي مينفعش انا مش عيل على فكره
خديجه وابتدت تنهج: كحح كححح دي وصيتي يافهد وده الي قولتلو انا مش هطمن عليك غير كده
فهد لاحظ تعبها ف اتكلم بخوف: خ خلاص حاضر ياجدتي هعمل الي انتي عيزاه
خديجه: بكره كتب الكتاب تمام يافهد
فهد قام وسابها وطلع على اوضته وهو بيبص ل صور قدر وبيبكي زي الطفل: ارجعيلي ياقدر ارجوكي ارجعيلي بقا انا بقالي شهرين ف عذاب
تاني يوم صحي لقا المأذون تحت والبنت الي اصلا مشفهاش قبل كده
اول ماشافاها اتصدم لانها سكرتيره الشركه المنافسه ليه متكلمش لانها هتبقا فرصتو وياخد العقود الي الشركه سرقتها منه
تم كتب الكتاب وتاني يوم كان الفرح
بعد الفرح
فهد بغضب: اسمعي يابت انتي قسما بالله لو مافضلتي زيك زي الكرسي ده ف الاوضه لاكون دفنك مكانك
مرام بتمثيل للخوف: ح حاضر حاضر والله
بليل الساعه 4الفجر سمع صريخ الخدامه
نزل فهد يجري لقا الخدامه بتصرخ لان جدته قاطعه النفس
فهد بدموع: ج جدتي جدتي
مراد الي مقدرش يمسك نفسو لانه متعلق بجدته جدا انهار مراد من البكاء: ج جدتي جدتيي ارجوكي قومي ياجدتي جدتيي
بعد شهر ونص رجع فهد من شغله
ملقاش مرام
مرام من وراه: سوربريز
فهد افتكر قدر لما احتفلت بعيد ميلاده وكان اول سنه يفرح بعيد ميلاده كده
فهد بغضب: اي الهبل ده
مرام: عيد ميلادك يابيبي
فهد بسخريه: يااه تصدقي مكنتش اعرف
مرام: ودي هديتككك
طلعت اختبار حمل: هتبقا اب ياروحي
فهد اتعصب جدا ومكانش طايق نفسه
باااااااااك
فهد بحزن شديد: بس ياستي ده الي حصل
قدر دموعها نزلت: الله يرحمك ياتيته
بعد كده كملت: يعني افهم ان مرام دي عقربه
فهد اشار براسه بنعم: ايوااا وسحليه يختي والله
قدر بتخطيط: لا انت سيبلي الطلعه دي قولي بس هي بتعامل قدر بنتك ازاي
فهد: تقدري تقولي مبتتعاملش معاها اصلا
قدر بصدمه: ازاي
فهد: اه والله زي مابقولك مبطيقهاش كأنها مش بنتها اي لحظه تزعقلها عشان كده انا على طول الي ببقا مع قدر
قدر بتأثر: ياحبيبتي يابنتي
فهد: ومفيش كلمه حبيبك للغلبان ده
قدر بشر: انسااا لما نخلص من العقربه دي نبقا نشوف
فهد:مش هتحكيلي بقا عن فهد
قدر: انا اول ما طلعت الطياره قعدت ساعتين بظبط وكنت قايمه اروح التواليت ووقعت اغمى عليا لحقتني المضيفه وكان فيه دكتوره ف الطياره وكشفت عليا بعد كده قالتلي اني حامل طبعا انا مصدقتهاش ابدا اول ما وصلت تركيا روحت الصيدليه جبت اختبار حمل وطلعت حامل روحت المستشفى اعمل تحاليل وطلعت حامل فضلت عايشه التسع شهور دول لوحدي وكان اصعب شهر عليا السابع من السابع للتاسع مكنتش بنام من التعب والي كانت بتساعدني كارمه صحبتي قابلتها لما دخلت الكليه
فهد: صح انتي دخلتي كليه اي
قدر ببتسامه: طب
فهد بفرحه: بجد ياقدري احلى دكتوره ياناس
قدر:قابلتها بس انا دكتوره اطفال وهي دكتوره نفسيه
فهد: مم
بعد وقت جم الاطفال وركبو العربيه
قدر: هبعتلك لوكيشن البيت عشان مش لسه هشرح بقا
فهد: بيت اي
قدر: بيتي!
فهد بطريقه تضحك: هو انا مقولتلكيش
قدر: لاا مقولتليش
فهد: ما انتو هتيجو تعيشو معايا
قدر: ايهههه
فهد: اء اي
قدر: مفيش الكلام ده انا مش هعيش مع ام اربعه واربعين دي ف بيت واحد عشان ف مره هتيجي تلاقيني يا قتلاها ياقتلاها
فهد: يخربيتك انتي مسبتيش حل تاني اهدي بس احنا هنروح وهي ملهاش حاجه عندي ده بيتك انتي مش بيتها هي وانا مستني اعرف حاجه بس وهطلقها
قدر قالت مع نفسها بتفكير: انا مش هسيبها تاخدو مني اكيد فهد بتاعي انا بس مش هتيجي العقربه دي وتاخدو مني: اوكي انا موافقه
بعد وقت وصلو القصر وفتح فهد الباب ودخلو
مرام جت من جوا: اتأخرت اوي يابيب... اي ده انتي مين
قدر بكيد: اوبس انت مقولتلهاش ياحبيبي
فهد بيحاول يداري ضحكتو
قدر كملت: انا ابقا مراتو من خمس سنين يعني قبلك بكتيير اوي انا قدر اعتقد غانيه عن التعريف ولا اي اه وده فهد ابننا قول هاي ل طنط يافهد
مرام بغل: انتي خرفتي انتي بتقولي اي
فهد بصرامه: احترمي نفسك يامرام والا وربي ل من دلوقتي اخرجك برا البيت ده وبأول طياره على مصر وهطلقك ولا يفرق معايا انتي سامعه
سكتت مرام وبتبصلها بتوعد
بصتلها قدر بنتصار وقالت ف نفسها: ولسه يا ام اربعه واربعين ل اوريكي واما وريتك النجوم ف عز الضهر مبقاش انا قدر
مرام نفخت ودبدبت ف الارض وطلعت على فوق بتفكر ل قدر ف مصيبه
عند قدر وفهد
قدر بغضب بعد ما مرام طلعت: مين دي الي مراتك انت هتكدب
فهد ببرود حط ايده ف جيبه: ما انا رديتك ل عصمتي
قدر بغيظ: وده ازاي
فهد: بمزاجي
قدر بغيظ: نينيني وريني الاوضه الي هنام فيها لان انهارده اليوم كان قنبله بالنسبالي كفايه لحد كده
فهد بمشاكسه: أحلى قنبله بالنسبالي ياروحي
قدر ابتسمت غصب عنها: مااشي بتثبتني انت
فهد: اعملي حسابك انا هبات معاكي انهارده
قدر وقلبت: نعمم شوف يافهد قدر القديمه الي تعرفها الي كانت ليل ونهار بتحب فيك وبتتمنى تفضل قدامها طول الوقت مش هترجع غير لما السلعوه دي تمشي
فهد بحزن: ياقدر ياقدر ياحبيبتي كفايه بقا كفايه بعد مش تبقي لما تبقي مش قدامي بعيد عن بعض ولما تبقي قدامي ومعايا نبقا بعيد عن بعض مينفش والله ارفقي بيا حسي ب فهد حبيبك
فهد ابنهم اتدخل بغيره على امه: فهد حبيبها الي هو انا اوكي
فهد مسكو من هدومه: ولاا انت لو مبطلتش تطلعلي زي العفريت كده هنسى انك ابني ماشي ياباشا
فهد بضحك: تمام يامعلم
قدر الصغيره: اي وانا مش هبقا معاكم
فهد: ده انتي ف قلبي ياروح بابي
قدر ابتسمت ونزلت ل مستوى قدر بنت فهد: ديدو حبيبتي
قدر: نعم يادودو
قدر ابتسمت: ايه رأيك نبقا صحاب
قدر بضحكه بريئه: طبعا موافقه
ضحكو مع بعض وخدهم فهد وطلع قدر اوضتها وخد فهد الصغير وداه اوضه كلها العاب وسرير
قدر بقلق: لا انا ابني هينام ف حضني صح ياروح مامي
فهد: صح يامامي
فهد: لا ماهو فهد روح قلب بابي انا هبات انا وهو مع بعض انهارده وهينام ف حضن بابي اوكي يابطل
فهد بفرحه: طبعاا اوكي
ابتسمت ليهم قدر وقالت: طب تصبحو على خير
فهد: وانتي من اهلي
ابتسمت قدر وخرجت من الاوضه
دخلت قدر اوضتها خدت شاور ونامت ع السرير وبتفكر ف الي حصل انهارده لقت الباب بيخبط
قامت قدر فتحت الباب لقتها السلعوه سوري اقصد مرام🦦
قدر بضيق: خير
مرام بغل: اسمعي يابت انتي
قدر وقفتها بحزم: لا اسمعي انتي ياسلعوه كلمه بت دي تقوليها ف الاوضه بتاعتك عندي هنا وقسما بالله لو سمعتك بتنتطقي عليا بكلمه متعجبنيش لاكون مخلياكي زي السجاده دي ميغوركيش العين الملونه ولا الشكل الكيوت ده
مرام بتداري خوفها منها واتكلمت بغل: انسي ان فهد يرجعلك ياقدر انا بقالي تلت سنين بحاول انسي انك كنتي ف حياته
قدر بكيد: تؤ تؤ تؤ انتي كده جيتي المنطقه الخطر انتي لو نستيه بنات العالم كلو متعرفيش تنسيه قدر حبيبته وام ابنه ياحبيبتي ومش هسيبهولك يامرام والله ما هسيبهولك وكل ده مش راضيه اوريكي وش قدر التاني واحذري انك تشوفيه لان الي هيجي عند سكه فهد هيزعل مني اوي
خلصت كلامها وقفلت ف وشها الباب
ودخلت قعدت ع سريرها بكل ارتياحيه
بعد دقيقتين الباب خبط تاني قامت قدر بغضب وقالت وهي بتفتح الباب: لا كده كتير بقا وربنا لو شوفتك هنا تا.. اي ده فهد خير في اي
فهد بستغراب: انتي الي في اي هو انا بوليس اي الكلام ده
قدر: لا مفيش اصل ام اربعه واربعين كانت هنا
فهد بستغراب: مين ام اربعه واربعين دي
قدر: مرام الزفت يافهد
حكتلو قدر الي حصل من ساعه ما مرام خبطت عليها
فهد بغضب: شكلنا ابتدينا
قدر: سيبك منها قولي كنت جاي هنا ليه
فهد: اه افتكرت ابعتيلي لوكيشن البيت الي كنتي قاعده فيه عشان هروح بكره اجيبلك هدومك من هناك ولا ننزل نشتري احسن
قدر: لا هاتلي الهدوم من هناك وموضوع انزل ده ابقا اشوفلو يوم رايقه فيه
فهد: تمام ابعتيهولي بقا متنسيش تصبحي على خير ياقدري
قدر ببتسامه: وانت من اهله
مشي فهد وقفلت قدر الباب وبعتتلو الوكيشن
تاني يوم الصبح صحيت قدر على خبط ع الباب
الخدامه: Günaydın kadr Hanim (صباح الخير قدر هانم)
قدر: Hayırlı sabahlar(صباح النور)
الخدامه: fahd bih Kahvaltıda seni bekliyor ve bu çantaları getiriyor(فهد بيه ينظرك على الافطار وجلب هذه الشنط)
مشيت الخدامه وقامت قدر خدت شاور وطلعت فستان قصير ل قبل الركبه ب شويه صغيرين لونه لافندر وشوز ابيض وسيبت شعرها الدهبي الطويل ورشت من برفانها الساحر ونزلت وهي ف دماغها حاجه نزلت بخطوات انيقه وواثقه غافلا عن عيونه التي تنظر لها بعشق وهيام واعجاب
اما مرام ف كانت هتطق من نظرات فهد ومن جمال قدر الي خلاها تفقد الثقه ف نفسها والغل يزيد جواها اكتر
فهد بعشق: تعالي ياقدر
جت قدر وقعدت جمب فهد وقدامها من الناحيه التانيه مرام
نزلو فهد وقدر الصغيرين
فهد جري على قدر: ماامي جود مورنينج
قدر ببتسامه جميله: جود مورنينج ياروحي
قدر: جود مورنينج يادودو جود مورنينج بابي جود مورنينج مامي
مرام بضيق: جود مورنينج ياقدر اقعدي جمبي يلا عشان تفطري
قدر ببرائه: لا انا هقعد جمب فهد ودودو
مرام بغيظ وبتتكلم وهي بتتك على سنانها: بقولك تعالي اقعدي ياقدر
فهد بحزم: سيبي البنت براحتها يامرام اقعدي ياروحي
قعدت قدر جمب قدر وفهد وهي مبتسمه وقدر كانت مهتمه بأكلهم وبتأكلهم اما فهد اول مره يشوف بنته بتضحك بالشكل ده او بتتقبل الاكل بدون غلبه وتعب
خلصو الفطار وقعدو ف اليڤنج
مرام خطرت فكره على بالها وقامت عشان تنفذها: احم انا هروح اقول للخدامه تعملنا حاجه نشربها
فهد: اوك
راحت مرام المطبخ وطلبت من الخدامه عصير
مرام بخبث:اناس(اناس دي شغاله مرام كانت جيباها من مصر) عيزاكي تحطي برشامتين من الدوا ده ف الكوبايه دي وليكي خمسين الف جنيه
اناس بطمع: موافقه ياست هانم
خدت اناس الدوا من مرام
خرجت مرام من المطبخ وقعدت معاهم
بعد خمس دقايق خرجت اناس وادتهم العصير
شربو العصير وعدا دقيقتين بعد شرب العصير وكانت مرام مستنيه صراخ قدر ف اي لحظه ولكن اتقلب السحر ع الساحر عدا دقيقه كمان بظبط ومرام حست بألم شديد ف بطنها فضلت تعرق لحد ما صرخت مره واحده: اههههه الحقنيي يافهد مش قادرهههه بطني بتتقطع
فهد: مرام مالك
قدر بقلق: م مرام مالك انتي كويسه
مرام بنهيار: اههه مش قادره اطلبو الدكتووررر
طلب فهد الدكتور
مرام بتحاول تتكلم من تعبها: ق قدر سامحيني ا ا انا حطتلك سم ف العصير واناس اتلغبت بين كوبايتي وكوبايتك و وشربت ا انا السم اهههه مش قادرههههه
فهد بغضب: انتي بتقولي اي
مرام: سامحني يافهد سامحني ارجوك
فهد: اخرسي خالص
قدر ببكاء: ف فهد ونبي هات الدكتور حرام ونبي يافهد لو بتحبني بنتها منهاره حرام عليك
طلب فهد الدكتور وقدر قاعده وحاضنه فهد وقدر خلت الخادمه تاخد فهد وقدر فوق عشان ميخافوش اكتر من كده
واحده مرام بتطلع رغوه من بقها ووقفت عن الصراخ
ف لحظه دخول الدكتور الي كشف عليها بسرعه بعد كده قال بحزن: البقاء لله يافهد بيه كميه السم كانت كبيره اوي ومستحملتش كده احسن ليها من العذاب الي كانت هتعيشو
قدر عيطت جامد: ا انت بتقول اي فهد حرام حرام ماتت بذنب
فهد: ده قدرها ومكتوبلها ياقدر الحمدالله على كل شيئ ربنا يرحمها
مشيو ف اجرائات العزا والدفن عشان يرجعو مصر بسرعه
عند مراد ف مصر كان ماشي ف ممر المستشفى وخبط ف بنت
البنت: انا اسفه
مراد ببتسامه: عادي محصلش حاجه مفيش داعي للأعتذار
ابتسمت البنت والي تبقا كارمه: شكرا ل حضرتك
مراد لاحظ بالطو الدكاتره الي لبساه: اي ده انتي دكتوره
كارمه بغيظ: لا سباك
مراد ضحك عليها: اصل شكلك صغير اوي
كارمه بضيق: ليه جايه من كرتون حياه الحشرات في اي يادكتور
مراد ضحك جامد: والله ما اقصد قصدي انتي دكتوره ولا نازله تدريب
كارمه: لا تدريب والمفروض رايحه اقابل الدكتور المسؤل عن تدريبي وحضرتك بالوقفه دي اخرتني
مراد: لا بعتذر جدا بس انتي دكتوره اي
كارمه: دكتوره نفسيه
مراد: واو نفس القسم بتاعي
كارمه بتقصير: يامحاسن الصدف باي بقا
مشيت كارمه وضحك مراد ع المجنونه دي
كارمه وقفت قدام باب اوضه ودخلت ودي اوضه الي هيدربها الفتره الي هتفضل فيها ف المستشفى
دخلت الاوضه بعد خبط كتير. ومحدش رد
دخلت ملقتش حد قعدت ع الكرسي اللي قدام المكتب مستنياه
بعد دقيقتين دخل مراد وهو بيعتذر: اسف ع التأخير... اي ده هو انتي بتاعه كرتون حياه الحشرات
كارمه بطريقه تضحك: تصدقك بالله يا اخي انا كرهت الشغلانه دي واول مره اقابل حد بالرزاله دي
مراد اتصدم: رزاله
كارمه خافت يديها تقيم وحش ف قالت: احم بعتذر ل حضرتك هو انا دبش على طول كده
مراد ابتسم: لا ولا يهمك
ف تركيا بعد يومين من الي حصل
فهد اتصل ب مراد وكانو بيتكلمو
فهد ببتسامه حكالو ازاي لقا قدر
مراد بفرحه: يابن الايه وحشاني البت دي والله
فهد بغيره: لم نفسك ياض
مراد ابتسم: انا بعاملها انها اختي قبل ما تكون مراتك ولا تكون حبتك اصلا يالذيذ
ضحك فهد
مراد: اه صح انا ف تركيا اصلا
فهد بستغراب: اي ده ياعم انا سايبك ف مصر
مراد ابتسم: لا ماجالي شغل ف المستشفى بتاعه تركيا وفي دكتوره جديده نازله تدريب وانا المسؤل عن تدريبها وكده
فهد لسه هيرد لقا قدر جايه مبتسمه: بتكلم مين
فهد: ده مراد
قدر ابتسمت: ياااه اديهوني اكلمه
ابتسم فهد واداها الفون
قدر: مرااد عامل اي
مراد ابتسم بفرحه: ازيك عامله اي وحشتي اخوكي والله
قدر ابتسمت ولسه هترد فهد اتكلم: شكلك عايز تضرب ولا يلا اقفل هستناك ع الغدا انهارده
مراد: ماشي ياعم يلا سلام عشان عندي مريض
قفل فهد معاه واتكلمت قدر: فهد انا صحبتي كارمه الي قولتلك عليها انهارده جايالي واهو بالمره تشوف مراد الي حالف ميتجوزش ده يمكن نوفق راسين ف الحلال يبني
ضحك فهد على طريقتها: انتي مشكله والله فين الولاد
قدر ببتسامه: بيلعبو مع بعض فوق
بعد شويه جهزت قدر الغدا لان فهد مشى كل الخدامين الي ف البيت واولهم اناس لحد ما يشوف شغالين جداد
بعد وقت جت كارمه الي اول ماشافت قدر جريت عليها حضنتها بفرحه: حياتي الي وحشاااني
قدر ببتسامه: وحشاني اكتر والله
كارمه ببتسامه: استاذ فهد ازي حضرتك معلش اتشغلت مع قدر عشان وحشاني
فهد ببتسامه: لا طبعا ولا يهمك وبعدين اي استاذ وحضرتك دي انا زي جوز صحبتك بردو
ضحكت كارمه: اه صح يلا بقا قولي عامل اي يافهود
قدر بغيره: بتت اتلمي وربنا هسيب عليكي فهد هو الي هيعرف يلمك
كارمه بتمثيل للخوف: لا وع اي فهد بيه مره واحده
فهد نزل من فوق: بتندهي ياكارمه
كارمه: حبيب كارمه الي واحشها عامل اي ياحضره الظابط
فهد: كويث
نزلت قدر وبصت ل كارمه بستغراب وكارمه بصالها بردو: اي ده انتو خلفتو وكبرتوها ف يومين اي ده مين دي
قدر: انا قدر بنت بابي فهد ومامي قدر
قدر لفتلها بسرعه بعيون مدمعه: م مامي
قدر ببتسامه بريئه: ايوا انتي مامي عثان مامي مرام مش كانت بتتحثثني انها مامي وانتي بث الي بتلعبي معايا وبتحبيني
قدر حضنتها: ياروح مامي وانا بحبك اوي ياحبيبتي انتي وفهد اخوكي
كارمه واقفه باصلهم بطريقة تضحك: بقولك يافهد
فهد: اي
كارمه: هي دي بنتك بجد
فهد: اه
كارمه: ازاي
فهد بطريقه تضحك: هو اي الي ازاي معلش
كارمه: ها لا مقصدش اقصد مين ازاي انا فين انا عايزه اروح
ضحك فهد وقدر عليها
قدر: هبقا احكيلك يافضوليه هانم
كارمه بمرح: اه اذا كان كده ماشي طب انا جعانه ياجماعه والله جايه من شغل وسبحان الله الدكتور الي بيدربني اتنح حاجه ف الدنيا يعني وسد نفسي ف مفطرتش
ضحكت قدر وفهد عليها وعلى اسلوبها بعد خمس دقايق الباب خبط قام فهد الصغير يفتح الباب
مراد لقا الباب بيتفتح بس مفيش حد واقف: بسم الله الرحمن الرحيم هو البيت اتلبس ولا اي
فهد بيبصله: مين انت
مراد بص ل تحت عشان الصوت اتكلم بمرح: ياروحي انت مين ياحبيبي
فهد: انا فهد
مراد بضحك: هو فهد صغر ولا اي
جيه فهد من ورا ابنه: اي يامراد ما تدخل اي الي موقفك كده
مراد برق: بسم الله الرحمن الرحيم هو في اي
فهد ضحك لانه فهم سبب استغراب مراد: اه قصدك ع فهد
مراد: اه ده شبهك انتو لحقتو تخلفو وتكبروه ف يومين
فهد: لا يالذيذ ده فهد ابني انا وقدر هبقا افهمك بعدين
دخل مراد وجريت عليه قدر الصغيره:مراد وحثتني اوي
مراد وهو بيحضنها: قلب مراد
بص لقا كارمه قاعده: اي بقا الصدف الحلوه دي
كارمه بضيق: مم يااه ع الانبساط يا ياقدر بس سوري جدا بقا افتكرت معاد مهم ولازم اروحو استأذن انا
لسه هتقوم مسكتها قدر من قفاها: اقعدي يابت هنا معاد اي انتي هتستعبطي
كارمه: لا مهو معاد مستعجل
قدر بتحذير: اقعدي ياكارمه
ضحك مراد بخبث وبصلو فهد وضحك
قعدو كلهم وحكالهم فهد كل حاجه من اول ماشاف قدر
مراد: يعني انا عمك
فهد شاور براسه ايوا
مراد: وفهد ابوك
فهد هز راسه ب اه
مراد: وقدر امك
فهد بردو هز راسه ب اه
فهد: اي ياعم انت جاي تسأل هنا
مراد: اصل مش مستوعب الواحد يبقا قاعد ف امان الله يلاقي نفسه بقا عم ل عيلين
فهد: معلش يبني جايين عليك احنا
ضحكو كلهم واتغدو مع بعض ومراد وكارمه ابتدو يضحكو ويتقبلو بعض ومراد الي حس انه اعجب ب كارمه جدا من طريقتها واسلوبها وضحكها وشكلها
مشي مراد وكارمه وفهد وقدر طلعو نيمو ولادهم
ودخلو اوضتهم عشان ينامو
فهد حضن قدر جامد واستنشق رائحه شعرها الي بيدمنها
فهد: وحشتيني اوي ياقدر ووحشني حضنك
قدر بعشق: وحشتني اكتر ياقلب قدر اوحش تلت سنين عدو عليا وانا بعيد عنك كنت كل يوم بشوف صورنا وببتسم وببص ل ملامحك وادعي نتقابل وتكون لسه مستنيني بحبك اوي يافهد رغم كل البعد والي حصلنا ده انا بعشقك انا ابويا وصاحبي وجوزي وحبيبي انت كل حاجه بالنسبالي
فهد بعيون مدمعه: وانا بعشقك ياقدر كان اليوم بيعدي عليا سنه وانتي بعيد عني انا عمري ماحبيت حد كده انا انا بعشقك وبموت فيكي
حضنتو قدر وهو حضنها جامد اول مره ينامو براحه كده من تلت سنين
*بعد مرور عشر سنوات*
كارمه: كنت ف المستشفى وبشتغل عادي زي اي يوم جيه دكتور وكان واقف معايا بنتكلم وهو حاول يلمحلي بأعجابه لقيناا مين وااقف
فرح بنت كارمه:اكيد بابي
كارمه: بظبط كده جيه على كلمه انا معجب بيكي وعازمك ع العشا بليل فكري براحتك طبعا بابي سمع الكلمه دي واتجنن راح للدكتور وقاله مش عيب تكلم واحده متجوزه طبعا الدكتور اتحرج وقاله سوري مكنتش اعرف واعتذر ومشي انا طبعا اتعصبت
كريم ابنها:ياماامي هنكدب من اولها اهو انتي اصلا بتحبي بابي من اول يوم شوفتيه
كارمه:احم ولد سيبني اكمل
كريم:ها كملب
كارمه:المهم قولتله انت ازاي تقوله كده ومين جوزي قالي انا جوزك لو عاجبك انا بحبك من اول ما شوفتك وعايزك مراتي طبعا انا فرحت وعملنا فرح كبير وكان عمو فهد وخالتو قدر وفهد وقدر الصغيرين فرحانين اوي
فرحانه: الله يامامي قصتكو حلوه اوي ولا الروايات
دخل مراد من باب البيت وهما بيتكلمو: مم قفشتكو بتضحكو من غيري
كريم: لا يابابي دي ماما بتحكيلنا ازاي اتجوزتو
مراد: مم قولتولي
باس كارمه من راسها: عامله اي ياروحي
كارمه: الحمدالله ياحبيبي بنتك هي الي تعباني
مراد: طب نروح للدكتوره ياحبيبتي
كارمه: لا ده هو الشهر السابع على طول كده كنت كده ف كريم ولا ناسي
فرح بمرح: ياسيدي ياسيدي
مراد: اتلمي يابت
ضحكو كلهم
مراد: يلا قومو البسو عشان هنروح ل فهد انهارده زي كل يوم رأس السنه
كريم قام بسرعه: هيهه هشوف قدر
مراد مسكو من قفاه: هتشوف مين ياض
كريم: قدر يابابي دي وحشاني اوي
فرح نطت:وانا هشوف فهد يلا ياكريم نطلع نلبس
جريو على فوق ومراد بيبصلهم: مكناش عيال والله
عند فهد وعيلته
فهد بعشق: اقعدي ياروحي هتتعبي امال الخدامين بيعملو اي انتي تعبانه لوحدك الاستاذه الي تعباكي دي
قدر ببتسامه: متخافش ياروحي انا كويسه وبعدين دي عادتنا كل سنه انا الي بطبخ عشان نتجمع سوا
حضنها فهد: اوكي ياروحي على راحتك بس عشان خاطري لو تعبانه بلاش
قدر بحب: لا ياحبيبي انا كويسه والله وبعدين خلاص انا ف السابع شهرين والنونو هتيجي وهخليك تقعد بيها وانام انا
فهد: ياسلام وانا اطول اشيل قطعه منك
جت عليهم قدر بمرح وهي بتاكل جزر: مش عيب ياجماعه الكلام ده لو حد جاي كده ولا كده كنتو قولتولي وقفت ع باب المطبخ اراقبلكو الجو
فهد بصدمه: يابت انتي انتي متأكده انك عشر سنين وبعدين اي الجزر دي انتي ارنب
قدر: اه هاتها فيا يخويا
قدر ضحكت على حوارهم بتاع كل يوم الي اتعودت عليه: يابت ياقدر لمي نفسك هجيلك
قدر: لا انا الي اجيلك ياقمر انتي
راحتلها قدر وباستها من خدها
ابتسمت قدر: اي فين الكيك الريد فيلفت الي قولتي هتعمليها
قدر: اوبس لا يلا بينا
فهد بيتفرج عليهم بسعاده وسمع صوت فهد ابنه جاي
الي شبهه ف الشكل والطبع العصبي والغيور والبرود
فهد: عامله اي يامامي
قدر: ياروح مامي الحمدالله
فهد: عامل اي يابابي
فهد بحب لابنه: الحمدالله ياقلب بابي
فهد: انا جهزت الزينه يلا بينا
فهد: يلا ياباشا
خرجو برا وابتدو يجهزو الزينه جم مراد وكارمه وولادهم
دخلت كارمه مع قدر المطبخ وفرح بتعمل مع قدر الكيك وكريم بيجهز الزينه مع فهد ومراد وفهد
بعد وقت جهزو الغدا واتغدو وجت الساعه 12 الا دقيقه
طفا فهد النور
فهد: واحد اتنين تلاته
قدر وكارمه صرخو ف وقت واحد وقالو: بولددد
فهد ومراد بصو ل بعض بصدمه: بت اي يختي بتولديي ينهار اسودد
قدر بصراخ: انت لسه هتسودها ودونا المستشفى ياض منك ليهه همووووت
قدر وكارمه بيصرخو طول الطريق
كارمه مسكت ايد مراد وعضتها جامد
مراد بصرخه: اه يابنت العضاضه ايدييي اهههه
لسه فهد هيتكلم لقا قدر بتعضو بأيده الي مش بيسوق بيها
فهد: اهههه يابنت المجنونه انتي اتحولتي فمباير ولا ايههه
وصلو المستشفى بسرعه وسابو الولاد مع بعض ف البيت
دخلو العمليات بسرعه بعد وقت خرجت الدكتوره بأرهاق
فهد ومراد جريو عليها
فهد: د دكتوره قدر كويسه
الدكتوره: قدر وكارمه الحمدلله كويسين وولدو بالسلامه والبنات هتخرج دلوقتي
مراد: بس هما ولدو ف السابع يعني مش هيدخلو حضانات ولا الامهات هتتعب
الدكتوره بطمأنان: لا متقلقش الجنين كان اكتمل وصحتو الحمدالله كويسه وهما كويسين عن اذنكو
بعد تلت شهور
قدر: فهد انا نفسي انام
فهد بشفقه عليها: طب هاتي ليان ياروحي وروحي نامي انتي انا هقعد بيها شويه
قدر ادتو ليان ونامت من التعب
اما عن الثنائي الفاقد للعقل
مراد بتعب: بت ياكارمه انا مش قادر بنتك نازله زن عيوطه زي امها وانا عايز انام لازم اروح المستشفى بكره بدري
كارمه: مراد هات لين ونام بس متبقاش تتفاجأ ها
مراد مفهمهاش ونام
بعد اربع ساعات صحي مراد على كوب مايه نازل ع وشه
مراد قام مفزوع: اععع بغرق بغرق
ضحكت كارمه: اه حاسب الموج لا يخبط فيك
مراد بغيظ: يابت مش هتبطلي حركات الاطفال دي
كارمه: تؤ تؤ يلا عشان تروح المستشفى
الخاتمه
بعد تلت سنين
فهد: نفسي ف مره يافرح تنصفيني وتصوري صوره عدله
فرح: عيب عليك يافهود متقلقش
فهد: ما كلامك ده الي قالقني
اتجمعو كلهم ف صوره واحده وكل واحد ليه ابتسامته الخاصه بعد كده اتصورو سيلفي ودخلت فرح معاهم وبيضحكو بنبساط
قدر: ياجماعه انا جوعت يلا نااكل
فهد: يلا يختي
كريم: عمو فهد
فهد: نعم ياحبيبي
كريم: انا لما اكبر هتجوز قدر
فهد: نعم يخويا تتجوز مين ياض وبنتي اصلا مش هتقبل بي..
بص ل قدر الي بتبص بكسوف
فهد بغيظ: وحياه امك مكسوفه يختي والله لاقعدك جمبي ياقدر وما هيشوف رمش عينك ده بس
قدر: ويشوف رمش عيني ليه اصلا
فهد: هي بتتقال كده اسكتي
فهد: عمو مراد
مراد بطريقه تضحك: نعم ياحبيبي قول طلبك هتجوز مين فيهم
فهد: انا هاخد فرح واكون شاكر جدا ليك
مراد بجنون: لا متغلاش عليك خدها وخد عليها لين كادو مني ليك
كلهم ضحكو جامد على كلام اولادهم
لقراءة باقي الفصول اضغط على : ( رواية قدري )