رواية اسرار قدس الحلقة السادسة 6 بقلم زينب ماجد
رواية اسرار قدس الجزء السادس 6 بقلم زينب ماجد
رواية اسرار قدس البارت السادس 6 بقلم زينب ماجد
 |
| رواية اسرار قدس الفصل السادس 6 بقلم زينب ماجد |
رواية اسرار قدس الفصل السادس 6 بقلم زينب ماجد
واسألهم عليّ وشوف شيكولون
بكيفه من يطك وبكيفه يخطيهن
اوحتى الما اطكهن مخلي بيهن عيب
انا الما اطكهن مخرب معانيهن
(علي المنصوري)
خطاب : ما طلعت للشغل ظليت متاني خالي كلت ما اريد اسوي مشاكل وياه خليني اكضيها على خير خاطر باجر من اخطب ما يسويلي عرضة .. اسايره شسوي
بلغت امي بزواجة خالي وظليت بين الدوانية والمزرعة
اروح وارجع وافكر وشايل هم مصاريف العرس .. عمامي تكفلوهن
بس اني العدي مليون ونص يكفي غرفة ونيشان للعروس .. ولازم بدلة وازواكات وهم ينرادلها حساب .. ما تكفي احتمال اداين من رحمان مليون اسويهن مليونين اسد المصاريف وعود بعدين اسددهن
يصيرن عدي مليونين ونص .. ٧٠٠ الف اشوفلي غرفة زينة
ومليون اشتري حلقة ومحبس ونيشان ملابس الها .. والباقي اثث بيه الغرفة
فراش دواشك مخدات .. هم يالله يكفن
دايخ بهالتفكير اجيبها منا واردها منا
سمعت صوت سيارة خالي .. والاهلا ناطرينه ما يتغدون الا يجي
كمت من سمعته خاطر اتلكاه .. اجا ووياه مرة منكبة وعيونها طالعة
اجا كال : ها خطاب بلغت الربع
- اي الحاجة بانتظارك
دحكت العيون مو غريبة لثانية من الوكت نغزني كلبي وسألته : - حرمة رابعة بالخير ؟
- قدس مرتي بأذن الله
صدمة بوجهي ما عرفت شلون استقبلها .. مثل شي ونهدم فوك راسي
مشيت منه بسرعة وبس رايد استوعب السواه صدك لو انا بحلم ؟ .. خالي صدك عرس على البنية الانا ردتها .. هي لو مو هي .. عيونها وسمنها وطولها
صدك سواها خالي لو يتهيألي
ليش يسويها وليش يخطب البنية الانا ردتها
خالي ما يسويها .. مو هي اكيد اني غلطان اي علطان .. مو هي
بس هي عيونها وطولها وكلشي بيها حسيته
خالي شسوا بيه وليش .. الشفته صدك انا اتخيل لو صدك
طلعتلي امي من ورا .. كضبتني من اجتافي : ما انا كتلك يبني لا تامن ابت وسام .. البت على ذيل امها يالولد يبني
كضبتها حيل : وخالي يمه سواها بيه
- لاون عده اسباب ..وراد يشكف الضيم عنك .. اطلع ولا تكرب منه هالساع
- يمه خطب البت الانا رايدها يمه
-ابعد يمه وذب حملك على الله ضيم والله ابعده عنك
- يا ضيم يمه واخوج باك احلاااامي اخووووووج باك احلامي يمه
- اش وابعد خل اشوفلك الموضوع وارجع .. لا تتهور اصبر علي اروح واردلك
مشت انا اريد رجلية تشيلني كوات واكف على حيلي بس غير لو اكدر اكعد اكدر افرزن امري .. بس مصدوم رايد بس استوعب شلون خالي سواها بيه وخذا البنية الانا ردتها
رجعتلي امي رادت تكضبني نفرتها عني : انت تدرين بالراد يسويه خالي انت تعرفيييييييييييييين
_ حسك يمه وغلاة احمد وصوابه البكلبي ما عرف
- ورضيتي لاخوج ياخذها وكتيلها هلا وانا وكفتي عظمة بزردومي انت صفيتي ويا اخوج علي يمه بعتيني انت واخوج
- عمت عين التبيع بزرها لاجل احد يمه والله مو زينه لونها زينة ما رضت بخالك وهي تدري بحالك
افرك بوجهي وانضح عرك واتنفس بقوة ؛ اسمعي تدخلين على خالي هسه وتكليله يردها منين ما جابها والا وتراب ابوي وغياب اخوي افخخ البيت هذا بيكم وكلكم امحيكم
- لا تتهور
- ادخلي كليله لخالي يردها
- يتغدا واحاجي بس اركد يمه لا يصبك شر اعلى حالك هاذ اكعد
- اكلج
ادخلين ادكليله ياخذها منا ما يخليهاااااااا
- هسه احاجي بس وغلاة احمد عليك يمه لا تتهور ويا خالك .. حسبة ابوك يمه
- لا تخليني اكفر بابوي روحيلاااااااااا يمه
مشت عني ..
نطرته يطلع .. كلت هسه تحاجي امي وياخذها ويردها .. خالي اكيد يريد يخضعني .. خالي يسويها صدك ويتزوجها .. هسه يرجعها
احساس قري بداخلي يكلي خالي سواها بيه
بس جاي اجذب احساسي ما رايد اصدك
كل قساوته وعصبيته جنت احبه واحترمه وما اطلع عن طوره يسوي بيه هيجي ليش .. شنهو السويته وياه ؟ بس لان ذبيت جرش ويا عمامي وما انضميت لجيش المجاهدين .. سواها بيه ؟
انا النار شابة بروحي
واسمعهم ياكلون وصوتهم طالع ولا على بالهم ..
هنا انا بركان وانفجر كمت اصيح وادفر بالباب ومشيت ادور الكسرية مالت الزرع وينها خاطر احط جيلة بكلبه وانهي .. شلت الكسرية ومشيت عليهم
تلكتني امي تركض : ابني يمه
- وخري عنه اليوم اجيب اجلو والله
- ابني خطاب السبع يممممه
- وخرررري عني اليوم احطها بكلب خالي وانعل ابوه لابوه الجابه لابوه الخلاه فوك روسنا .. اليوم افجرررررركم
طلع خالي وصاح : تفجر ياهو ولك صاير زلمة
حجاها وانا دفعت امي حيل وهديت عليه حاف الكسرية بنص وجها .. كضب وجهه وصرخ : ولك خطاب انا تطكني انا تكتلنيييييييي
وكعنا انا وياه مكاون .. وهب ولده الباقين فزعوله النسوان .. وهو يريد يهد عله وامي تجرني منه وانا اصرخ واكله : تحط عينك على مرة انا رايدها وتعقد عليها .. حسبالك اخليك تتهنى افجرك واااااالله
- جتلك اليوم على ايدي خطاااااب
كب البيت صياح اجوا ناس من العرب على صياحنا تفازعولنا وجروني منه .. وجروه للدوانية هديت البيت وطلعت على بيت عمي الجبير
دكيت الباب عليهم والنار شابه بيه فاير فور .. من الدك الباب راد يتكسر اجا ابن عمي محمد يركض : ها خير سلامات
- عمي وينو
- توا فات جوا يرتاح خيرررك
طلع عمي فزعان على دكت الباب : شكو محمد .. خطاب شجالو شبيه
- خالي خطب البنية الاريدها وجابها على البيت حرمة رابعة
- يا عفو الله .. اهدا ولي وسمي باسم الله وتعال جاي
- لا تكلي اكعد ولا استراح عمي تهدون وياي لو اهد واسوي الما يخطر على البال
- دكعد يا عمي خن نستفسر نفهم شنهو الموضوع البت شنهو وضعها غير نفتهم خاطر نعتب ونهادد مو هيج
-
دخلت وهو يكل لابنو : جيبلا ماي بارد
كعدت وانا كوة النفس اخذه .. لو ميت اهون علي من السواه خالي بيه خلاني افرفح بهالظهرية
- شصار ومنهي البت هاي
- البت بيتهم بالجول
- ووصفتله المكان وظليت احجيله
- وشنهو الغاية خطبها
- عمي ما خطبها دكلك خالي ملج عليعا وجابها للبيت حرمة
- البت رايدتك عدك شي وياها
- انا رايدها من زمان بس ما صار شي بيناتنا بس ادحك عليها من ابعيد وعد ما كضبتني امها ردت اخطبها ونويت وانت تعرف بنيتي
- اهلها اطوها اخذها غصب اشلون
- اكيد اهلها غصبوها على الزواج واطوها الهم هو منظم لجيش المجاهدين وذال اركابهم يخافون منه
- زين عمي احنا من نروح بيش نحكه ؟ نعاتبه ونهرنا بيش نحكه ؟
- خطب على خطبتي عمي
- احنا بعدنا لا خطبنا ولا مشينا خاطر يخطب على خطبتك
- عمي كول ما رايد تدخل
- وروح ابوك ذاك الزين يا عمي حاس بيك وفاير دمي عليك بس خالك كبحي ونذل لا يحشم زلم ولا يقد احد ونروح نفشل روحنا ويطلع هو صاحب الحك زعم ماخذها ومالح عليها بعلم اهلها هاي اذا ما برضاتها هي
- واهد خالي هيج وهو حرك دمي وباك احلامي
- لا ما نهده وحكنا عليه يفرغ الدار اليوم كبل باجر وتروح على خواتك يسولك توكيل بالبيت خاطر تبيع البيت وتفلسه وخله هو وربه
- وانا لو بعت البيت شراح احصل البنية ما احصلها
- وانت عندك امل تردها ما جاي تكول ملج عليها
- يعني ياخذها هيج واسكت ؟
- عجل شنهو البيدنا ول عمي ؟
- انا لا رايد بيت ولا رايد فلوس ولا حلال الردته البنية الردتها يطلكها
- مالك حك بيها وهساه هي حرمته
ظليت ادحك بوجه عمي
عرفت حكي ما ياخذه احد غير وكلها راح تلومني لو ردت اتصرف .. بس ما اخلي
من بيت عمي ورجعت للبيت .
……
اميرة : شنهي واظلن هيج مالجن همة عليه
عفاف : وشنهو النسويه زلمة وعرس
- واحنا شكاصرنا ويعرس علينا
عفاف : اسألي روحج يوم الرضيتي تاخذي وتجين ضرة على راسي ما فكريتي بهالساعة
عواطف : لا تحاجيها وجنج بريه انت وياها واحد من تعرفين تلومين تذكرين شلون اجيتي اعلى راسي زوجة ثانية
اميرة : موت الكرفجن كون احنا وين وانتن وين رجلنا اخذ بت احديثة بكبر جهالنا الوضوع مو مثل وضعنا باجر يحطها فوك روسنا ولازم نخدمها زعم هي الزغيرة والمدللة
عواطف : وشنهو النسوي اذا هو عرس وكضى
- انتن سمعتن لو طرشات الخطبها جان رايدها خطاب
عفاف: وليش سوا هجي خطاب ازلمة عدل ما طلع منه صوج فرد يوم
- هاذ الكاتلني عليش سوا هجي … اخ يا حرورة كلبي اليوم ياخذها ويعرس عليها ويخليها علي ضرة
- كلنا ضكنا هالمرار جا دورج
- وانا انتن خاطر ارضى بهالمرار لو اعرف هسه اگسم راسها وادفنو جوا التراب ولا اخليه يعرس عليها
- ذيج هي وروحي گسمي راسها ياهو الكاضبج
- يحححححححح منجن من حكه يفضلني عليجن من كون دوثات وكلشي ما تفهمن
عافتهن وكامت للدوانية
الحاجة كاعدة تعاتبه وهو يكللها : اسمعي سليمة انا ريسان اسوي الاشوفه صح لا انت ولا ابنج هالمكطم هاذ يكلي شسوي .. والبت انا حاط احطاطي عليها من زمان
سليمة - ومن شفت خطاب رايدها لا تخليه ولا تاخذها تولي عليش صبيت الزيت فوك النار يخوية .. ويامن اصف وياك لو ويا ابني
- صفي ويا الحك انا اخوج ما ملت من الحك يوم وابنج بعد رباي جازاني وراح صف ويا عمامه وخل اكلج سالفة ما عده مانع ابنج باجر عكبه يلفق عليّ ويذب علي تهمة .
- خطاب يحبك ويحترمك رد البت احلفك بالخوة يمه ردها وخلي الماي ترد لمجاريها
- تالله ماني رادها رلا اخليه يعرف ياهو خاله الراح صف ويا عمامه خاطر يخطب بلا رضاي .. اطلعلو كلب
- ولو جن الولد
- وعساه باردى حال .. هذا عاق يسليمه وغسلي ايدج منه لا تتعشمين بيه جلب والجلب احسن منه ربني وانا وليد اهلي .. ربيناه وانكسرت ظهورنا علي تاليتها يحطنا وراه ويريد يروح يخطب بلا رضانا عجل وين الاحترام التحجين عنه ؟
- وشلون شنهو الحل
- هديني ويا لا ما ربيتو وعلمتو الله حك ما اطلع ريسان ابو وهب
حجاها وطلع من الدوانية انطك باميرة تجاهلها ومشى .. ظلت ادحك وراه ودخلت على ام خطاب : وشلون هسه كليلي
سليمة - مصيبة ووكعت على روسنا
- شرديها من البيت وكليله البت ما هي شردت من البيت
- اشردها شنهي حيوانة هي وما عدها لسان واشردها
- نوصيها
- اسكتي وخليني بضيمي شلون يربي شلون عجل من كل بنات الناس ما لكى الا الرادها خطاب هساه انا بيش اهدي وبيش اكنع گلبا
-يسويها ويفخخنا خطاب
- اميرة كومي امشي عني لا والنزل القرعان على سدر محمد اكضبج اگسمج نصين .. فاركي عني
- ايييح برا نجاريج لو نجاري ابنج
جاي تحجي طلعت قدس : خالة وين الحمام
- وخل خالة التخل ضلوعج شنهو يمه مجيبه امج لو هازة كاروكج
- اني فد اريد الحمام
- امشي شو امشي من شفناج ما شفنا الخير البيت راح ينهجم فوك روسنا ونتهجول من وراج
مشت مني وهي تقلط علي .. ضليت اطمش ادحك وراها .. اطمش ع البيت وامشي بيه وانا مستحية .. كلهم قريبين اخاف منهم ما بس استحي
بس يزكحون ويتكاونون من اجيت لهالساه
طلعت بنية تطلع بعمري كالتلي : شرايدة
- الحمام
- تعاي منا
مشت وياي ورحت للحمام
هم اظلم مثل بيت اهلي وهو حمام هو مرافق بس هذا بيه باب حديد مزنجر ابيتنا فد بردة اذا صار هوى وطارت تمنجدنا
دخلت للحمام وطلعت البنية واكفة ليقاد .. حجيت : شسمج ؟
- سراب
- انت هم مرتو
- مرت ياهو ؟
- ابو وهب
- وهب اخوي من امي وابو وهب يصير ابوي
- تعزيت وهو عده بنية بكبرج
- عجل من وافكتي عليه ما تدرين بيه شايب
- هي امي اطتني اله واخوتي رضوا وكالولي امشي ومشيت اني لا وافكت ولا كلشي
- انت بالمدرسة
- لا بطلت من صف ثاني ابتدائي جنت بالموصل قاد وبعدين اجينا ليجاي
- عليش اجيتو ليجاي
- ما عرف هي امي اجت
- وتعرفين ابوي
- اي اعرفو دايما يجي. لبيتنا ووياه ازلام جثيرة نسويلهم اكل وماي وتعلولة .. بس انا جنت اضنو رجل امي شو كالتلي امشي وياه
- ليش هيج ضنيتي
- ما عرف هيج حسيت .. عوفي من اهلي انتم شكثر ؟
- احنا هواي عواطف امي انا ووهب ضياء ونور .. وعفاف الثانية جايبة منو ٣ بنية حنين ومهند وخالد .. واميرة مخلفة منو ٢ ولد محمد ومصطفى .. وعمتي عايشة ويانا عدها ٢ ولد احمد الجبير انفكد كبل سنة ونص باول الاحتلال .. وخطاب وثلث بنات بس مزوجات كلهن .
- جثيرين
- كولي ما شاءالله
- ماشالله بس اسالج همه هم عسرين ؟
- يعني شنهو عسرين
- يعني صعبين يقلطون ويصيحون وهيجي
- ابوي صعب نسوان ابوي هم صعبات وكلهم صعبين
- اهيييي شنيه اخوتي قاد عسري وهين عسرين عجل يمتى ارتاح
- شنوه
- لا اكول جوعانة ما تقديت استحيت وصار صياح خفت
- اسمعي بهالبيت ماكو ثلاجة .. وما عدنا احد ياكل بين الوجبات تنحط السفرة الكل ياكل تكوم حوعان تكوم شبعان هذا شانك غيره ما يضلك اكل بس مرات وهب يصيح من ما يطونا اكل وحتى يصم حلكه عمتي تكل لامي سويله زقنبوت .. وخطاب يمتى ما يجي من الشقل عمتي لو وحدة من عدنا تسويله الاكل وتودي للدوانية غاد يكعد وينام قلة ما يجي ليجاي .. مرات من ابوي موجود يكابلنا على السفرة اذا ابوي ما هو ما يكعد .
- خطاب هذا الاسمر اليجي ويا ابوج ليقاد عدنا
- اي هو دايما يطلع ويا ابوي بس اليوم انكلبت بيناتهم
- عليش
- انت تعرفين خطاب
- لا
- شمدريني تكاونوا
- عسرين
- صعبين مو
ضحكت : اي
- كلش عسرين
عافتني وراحت الكهرباء طافية العصر
وجهالهم هواي هذا يقلط على هذا .. واليلعب شحيتان واليلعب قميضان واليلعب طوبه
دحكت .. قادي احنا وجهال اخوتي هم جثيرين وهوسة بس ما مصل هنا اكثر وبس يتكاونون
قرفتي مو حلوا لا احد معتبرني عروس ولا شي كلهم عايفيني .. حتى ابو وهب قير صار رجلي يدللني يكعد وياي من اول يوم عافني واني ما عرف احد هنا .
واكفة ودخل الاسمه خطاب بهمه .. وهو يصيح : يمممممممه يممممه
دحك علي وكام يخوزر .. طلعت امه .. كام يصيح ويأشر علي : اذا ما ترجعوها هسه لاهلها وحك من انزل القران البيت اهجموا فوكاكم
خفت وهو يهدد بيها
كامت تجر بيه تريد وهو يشمر ويهدد ويدفر بالبيبان ويكلهم الكم مهلة منا لليل لو ما رجعتوها افخخ البيت كله والله
كامت تصيح عليه امه : كافي بسكم هجمتنا على خلك بت ولك هسه اذبها للجلب وافتك من شرها تهجم البيت وتعادي خالك اعلى خلك بت
- ما اريدها بهالبيت .. واحسبي احسابج لو صفيتي ويا خالي علي والله حتى انت اشردج من هالبيت واهجولج
كامت تصيح وتشك بزيجها وفكيت شيلتها تملش بشعرها .. هو دفر الباب حيل وطلع .. والحاجة تصيح وتدعي الله .. دحكتني واكفة واجت عليه هايجة
- عليش اجيتي ولج هاااا وج بت وسام شرايده من عدنا هااا جاية تشعلين النار بين الابن وخالة انعل اهلج لابو سلفاج … لو بيدي اذبج للجلاب وافتك يا وجه الشوووووم
حجتها وطكتني بثنين اديها اندفعت حيل ، قوركت عيوني حيل انهضمتهم .. اني شسويت وهيج تصيح عليه .. بعدني جديدة حتى ما عرفهم ولا اعرف شبيهم
جرتني سراب ودخلتني بالقرفة كمت ابجي حيل .. ذاك يصيح تردوها وامه تصيح اذبها للجلاب هو اني شسويتلهم
سراب فد دخلتني وضلت واكفة لا كعدت ولا طلعت وتستمع للهوسة : ظليت ادحك للشباج اشجابني هين ؟ لو ضاله قاد مجابله المراح وصخلاتي اوردهن واداري الهوش بالجول احسن منا .. شو حتى الملج عليه عايفني
عسبالي عرس دلال وفرح ورجال يحميني من كلشي .. اشو ما طلع هيج العرس
ادحك بالشباج واكول عصر هسه اهلي البيت هادي وجهال اخوتي يلعبون بالبستان واخوتي يرحون بالصخول ونسوان اخوتي مسويات الهن تحتومة ياكلن .. واني هين محد يدري عني .
كامت دموعي تكت حسيت اني كلش قريبة ( غريبة) ما اريد هين اريد ارد لاهلي حت لو عسرين عادي فد اريد ارجع .
شوية وسمعت صوت ابو وهب جا
-خوية ابخت الله رد البت واستر علينا الليلة خطاب ما يعديها اعلى خير
-وانا اهاب خطاب افا والف يا وسفة انا جان الزغار يخوفوني
- خوية ردها احلفك بصلاة محمد
- ابد ولا اردها البت ملجت عليها والليلة اخذها
- يهادد يفجر البيت وهذا مجنون واخاف منو يعمل بينا شي يا خوية ونتندم
- خليه كلشي ما يعمل وداعتج خطاب واعرفوه اخذي منو حجي وما يفعل شي خلي يهادد ويصيح وينبح صوته وغصبا ما عنوا يذعن ويحترم خاطر يتوب ما يحط راسو براسي بعد ويصف ويا عمامه عليّ
- شلون انا يربي بهالمغربية لا اخو يرد ولا ابن يسمع راح تنهجم بيوتنا ومحد بيهم يحط عكلو براسو ويفكنا من هالمصيبة .. خلك بيت تسلب راحتنا وتهجم بيتنا يا من ساعة الكشرة ربييييي .
ما رد عليها ابو وهب ..
اجت الكهرباء السحب كام هوا توضى وفات لغرفة اميرة يصلي .. فات وهب غرفة اميرة مفتوحة الباب وكف بالباب وكالو : يابه خطاب مشى على رسول دنكة
واميرة : وياهو هاذ رسول دنكة
- واحد نعرفه بيناتنا شغلتوا رمانات صوتية ومتفجرات .
فزت اميرة وخمشت على خدوها : فلك الصابنا ابو وهب الحكلنا فدوة تضيعنا كلنا اعلى خلك بت
- هدوه وخلوا شيريد يسوي خله يسوي
- جا ليجاي وهدد كال لا ما ردها اليوم افجروا البيت فوكهم
-وانا ارد اشوف ياهو اليفجروا خطاب لانعل ساسا لابو اليطلع وراه
- ابو وهب ابوس ايدك
دحكت : اطلع وهب خل احاجي ابوك
طلعته وسدت الباب : انت عليش تذبنا هجي وتوجع روسنا استفاد من هالموقف واطلع ربحان
- انا اعرف شلون اطلع ربحان بس صبرج علي لا ما ذليته
- انت ابو المعرفة بس مو تعلوم ساوما وكلو لو جمعتلي تنازل منك ومن خواتك بالبيت والبستان من باجر انا اطلكها وازوجها الك
- انت من كل عكلج
- اي وانا اعلى حك .. وحجايتي مو من غيرة ضراير انا رايدة الخير الك تروح هاي تلاكي الف عنها بس ما تلكاه وحدة تكضب خطاب وتغصبه يتنازلك بالبيت ..
خطاب صف ويا عمامه باجر عكبه هدوا علينا وتعالو اطلعوا منين تلكى بيت يحوينا وعوايلنا ؟ اومنين توكلنا وتسربنا واحنا يا كثرنا لو راح البستان ؟
روح وكل لامه .. انا مستعد ارد البت وما اكربها شرط هو و خواته يكتبولك تنازل بالبيت ويصير البيت والبستان حكك خاطر لا بعد كل هاي السنين وبعد تعبي ورباي على ولدج يهجولونا انا وعوايلي .. والحاجة تصيح الغوث بس تشوف هذا الحل تلم بناتها وتخليهن يتنازللك خاطر تجفى شر عن ولدها وتفتك من المشاكل
ضل يدحك بيها وهز راسه : انا عليش افضلج عنهن من كونج ذكية وتعرفين تطيني دربي
- وانا شعدي غيرك يا تاج راسي ويا ضوا عيوني انت والهوى هاذ الاشتمى حتى لو خذيت علي ضر وقهرتني بس انا احبك اموت بيك
- الله يسلمج .. اكضي صلاتي ويصير خير
كامت منى وراحت للمطبخ خاطر تكضي وياهن العشا .. وقدس بغرفتها محد كربها ولا احد حجا وياها
خلصن العشا ودكن الباب عليها : تعاي تعشي
قدس : ذوله صدك يحجون شو ناس تهدد تفخخ البيت وهم يتعشون عادي ولا يخافون انوب يصيحوني ما كن اكو شي
مشيت للهول كعد ابو وهب ونسوانه عفاف واميرة صارن على اكتاره منا ومنا .. كعدت ما كربني منا ولا دحك بوجهي
ادحج على السفرة ثلث مواعين بيتنجان مكلي وطاوة طماطة جبيرة بنص السفرة وجاي وسفطة خبز وسلة خضرة
حيل جوعانة .. كعدت صبت سراب استكاين الجاي وعواطف تصيح ؛ وهب عليش ما تتعشى يمه
- ما اشتهي
صاح ابو وهب : عيفي لو راد بالليل لا تنطي خاطر يتعلم يحترم السفرة ولو شفتج مطيته اكل الا بالخيزرانة اجلدج انت وياه
- ما انطي بس صيح عليه خله يكعد ياكل
- يضربه الم خله الياكل بضرسه ينفع نفسه، الحاجة وينها
عفاف : تكول ما اشتهي الزاد
- اشلون الله يرحمنا واحنا ما نحترم سفرته .. كل فرد بيهم شايخ لصفحة .
عواطف : الحاجة تعبانة من ضيم ابنها عجل لو تشوفه العصر من هد وهو يهدد يفجر البيت بينا
حجت نور اخته : وهب شافو يحجي ويا رسول يكول وهب هذا رسول يبيع مفجرات
صفكت خدودها عواطف : صخام الصخمني كون
زكح ابو وهب : شلون يعني راح تضلن تكرن ونا تاكلن اتزقنبن وانتن ساكتات .. سراب اطيني الشكر جايج مر
اطته الشكر وانا ادحك بيهم
اريد اكل بس استحي وهم محد بيهم يستحي كلهم ياكلون .. حجت سراب : اكلي
اخذت بيتنجانه بالخبزة وكمت اكل وياهم .. خلصت الاكل حجت عواطف : سراب لمي السفرة واكضي المواعين وخضيهن على الحوض
- اي يمه
كاموا كلهم وضلن بي سراب ونور يلمن بالسفرة ساعدتهن وكفيناها وقسلت وياهن ورحت للقرفة كعدت وهن كعدن وياي
كتلهم : عجل انتن ما عدجن قرفة ابحدجن ؟
- لا هي هاي غرفتنا احنا واخوتي كلنا انام هنا بس بعد صارت الج
- عادي ناموا يمي انا اخاف انام وحدي
- ابوي ما يرضى انام بالهول بعد او بغرفة الحاجة
- اني قاد هم ما عدي قرفة ابحدي اني واخواني .. بس عدي بوفيه بس الي .. اكول ابوج ينام هين لو يم نسوانه
- ما ادري
ضلن كاعدات يمي يسولفن فرحت بيهن خوش بنوات وبحلي اسولف وياهن اتسلى قاد بس نسوان اخوتي ومحد بيها خلك تسمعني وتسولف وياي وياهي الاحاجيها تكلي : انت والله بطرانة .
صار الليل كلش ابو وهب ما جا
ونور كالت الليل راح يبات يم اميرة .. هو دايما يفضلها ويبات عدها اكثر من البقية
- انتن تباتن يمي
- لا ابوي ما يرضى راح انام يم الحاجة
عافني وراحن .. كلوب القرفة اصفر مو ابيض وشكلها قديم واني فد كاعدة واصفن .. تمددت بالفراش : شلون انام وحيدي ؟ .
الحاجة : اجا خطاب ؟
سراب : لا
- من يجي كليلي اتلكاه
- زين عمه
فرشت هي واخوانها بغرفة الحجية وشغلت المبردة .. وصاحت ؛ خالد تعال نام واشبع نوم ترا ب١٢ يطفي المولد ونظل بالحر نام على البرد لا تضل تصفن
تحاجي وهي تلم باخوانها تنومهم
والحجية كاعدة تسبح .. اجت نور همست لسراب : وهب يكول خطاب بالبستان بس لا جاي يزرع مفخخة ولج اني خايفة
سراب: عمة وهب يكول خطاب بالبستان مدري شجاي يزرع
فزت من مكانها وطلعت بسرعة .. اول ما جاي تطلع البيت تصادفت ويا خطاب .. عيونه حمر يتجادحن من الحقد والتعب ماكله ومن القهر صاير يخوف حجالها : ردها لو لا
- تعال راح يردها بس اكعد افهمك
- ردها لو لاااااا
- يمه بصلاة محمد عليك يمه خطاب كلبي راح يطك واموت من القهر يمه ابخت الله خاف الله بيه راح يصيبني الشر .. كال اردها
- وعليش ما ردها
- عده شروط
- وشنهي شروطه ؟
- تتنازل انت وخواتك بالبيت والبستان ويردها .. خواتك علي انا اخليهن للبستان تنازل يمه واكضي الشر
- جاي يساومنيييييي لو اكل حكك وحك خواتك لو اخذ البت التريدهاااااا هاذ الجاي تريدين تكليلياه يمممممه ترضين ياكل حك خواتي وهنا بلا ذنببببب
- يمه فض المشاكل يا بيت يا بستان بس استر علينا
- وياهو اليستر هو لو انا .. انا جان خالي رايد المشاكل فانا شاريها
- زين بالنص انت وياه
- لا تحجيييييبن يمه شبر من كاع ابوي وحك خواتي ما اطي وانا وياه وحكي اخذوا ومن عيونه
- شلون كلي نضل بهالمشاكل ولك والله كلبي خلص يربييييي دحك عليه وجابل ضيمي شلون بيها
هدها خطاب وطلع وهي كامت تركض وراه ما لحكته طلع من البيت كله .. دخلت للبيت وهي تلطم على خدها .
كعدت على مصلايتها تشكي وتناجي ربها بلكت يفض هالمشكلة على خير .
الساعة ١٢ طفت السحب
واظلم البيت والكل هود .. طلعت سراب تجيب ماي .. شافت خطاب كاعد ابعيد جدام البستان
طلعتله : خطاب
اندار الها : منهو الكاعد
-محد اكو الكل نايم
- ابوج وين نايم
- يم اميرة
هز راسه وسكت .. ظلت ادحك عليه خاف لا يسوي شي اندارلها وهو يكللها : امشي نامي لا اظلي فوكاي
عافته وراحت لغرفة امه
كام من مكانه وطب للبيت الكل نايم
ضل واكف سمع كحة ابو وهب من غرفة اميرة .. اجتي الكهرباء الوطنية اشتغلت المبردات بالغرف الكل هود على البرودة .
ضل يدحك على الغرفة البيها قدس : ان جانه حقير فثلثين الولد على الخال ولهسه ما شاف من حقارتي شي .. اريد اشوفه شلون يساومني بيها
تكربت لبابها .. اول ما فتحت الباب اجا هو قوي بوجهي مشتغلة المبردة ومسدودة الباب ومختنك الهوى بالغرفة ..
فتت على كيفي ورديت الباب وراي .. ضوا خفيف يجي من الشباك المح مكانها وين بالظلمة .. المروحة والمبردة مشتغلات .. والغرفة باردة
مديت ايدي وقفلت الباب
تقربت منها .. ما ادري شجاي اسوي بس الحقد والانتقام براسي رايد ارجعله الدرس اله واحرمها عليه ما يكربها الا اذا نوى يشد كرون
وصلت فراشها .. حست
قدس : حسيت احد بالقرفة .. كعدت وانا بالعة كلبي من الخوف .. تلم رجلية وجر الجرجف من جسمي
كمت ارجف من الخوف .. ابو وهب هذا ؟
شلت راسي .. شفتو خطاب مو ابو وهب كعدت لحيلي بسرعة : شرايد مني
- شششش لتخافين
- ابعد منا
- لا تخلين احد يسمعنا
- عفية فد روح منا
- كتلج اششش
لميت جسمي وكعدت ارجف منه .. بعد شعري يشتم باذني وبركبتي : عفية وخر
- ما اريد اسمعلج صوت
- فد وخر حباب والله اخاف
- بعمرج لتخافين مني
حجاها وهو يبوس خدي وحاوطني باديه يتلمس ادي وجسمي .. ويشت راسي وبأذي بعدت وجهي : عفية روح
يتنفس بقوة مد اديه للتشيرت مالته نزعو
كمت من الفراش بسرعة كضب ايدي وجراني : لتخافين مني اني اكثر انسان ما يكدر ياذيج .. انا رايدج ما انطيج انت مالتي ما انطيج
حجاها وحاوطني بين اديه .. وكام يبوسني بشفايفي .. ابعد منه ويرجعني بلهفة ما اعرف شصارلي .. احساس غريب بين الخوف والرغبة
بس الخوف جان اكثر .. كمت ابجي واني احاول ابعده
بعد وجه مني ولزم راسي باثنين اديه ويهمسلي : اني رايدج وعاشكج من اول يوم شفتج بيه بذيج الليلة الماطرة
يحجي ويتنفس قوي كمت ارجف بين اديه ..
دفعني للحايط : لا عفية فد وخر اخاف والله
- مني لتخافين كل جزء بيه عاشكج ما انطيج وما اخلي احد ياخذج مني لو ادري هسه اخذج واشرد بعيد .. ما انطيج
كام يحجي ويعبر عن حبه ويتلمسني .. ردت ابعدوا مني حيل دفعني للفراش …
يتبع....
لقراءة الفصل السابع اضغط على : ( رواية اسرار قدس الفصل السابع )
لقراءة باقي الفصول اضغط على : ( رواية اسرار قدس )