رواية اطلقت من جوزي وبعدها اتجوز اختي الحلقة الثالثة 3 بقلم هويدا زغلول
رواية اطلقت من جوزي وبعدها اتجوز اختي الجزء الثالث 3 بقلم هويدا زغلول
رواية اطلقت من جوزي وبعدها اتجوز اختي البارت الثالث 3 بقلم هويدا زغلول
 |
| رواية اطلقت من جوزي وبعدها اتجوز اختي الفصل الثالث 3 بقلم هويدا زغلول |
رواية اطلقت من جوزي وبعدها اتجوز اختي الفصل الثالث 3 بقلم هويدا زغلول
وفي الوقت ده ماما هدي بدأت تفتكر
يوم ما اختها عبير راحت ليها وفتحت لها امي
وقالت
هدي
مالك يا عبير جايه قابله وشك ليه اوعي تقولي أهل
جوزك الله يرحمه اتخانقوا معاكي تاني ، وبعدها قعدت خالتي
عبير وقالت ليها
عبير
لا مش عارفه اقولك اي بس جوزك هيتجوز
عليكي راح هو واخته لعروسه وام العروسه
تعرفني وجت وقالتلي ، وفي الوقت ده امي
انصدمت وقالت
هدي
لا لا عمر عماد ما يعمل فيا كده ليه
يعني هو حاجه ب ايدي ده ب ايد ربنا
وبعدها خالتي قعدت جنبها وقالت
عبير
اسمعني بقي مش وقته كلامك ده انتي
تخلفي وتجيبي عيل وبعدها تخلي
جوزك يكتب ليكي كل حاجه ، وبعدها
ماما قالت
هدي
وانا هخلف ازاي انتي عارفه أن مليش في الخلفه
والدكتوره قالت الكلام ده كذه مره
عبير
بوصي سيبي الموضوع ده عليا المهم انتي
لازم تقولي لجوزك انك حامل وبعدها أنا هتصرف
ملكيش دعوه ، وماما قالت ليها
هدي
أنا مش عايزه مشاكل انتي عارفه لو عماد
عرف أن بكدب ممكن يعمل فيا اي
عبير
وهيعرف منين انتي هتقولي ليه علشان
الحمل في السن ده بيكون خطر لازم
اختي تيجي تقعد معايا علشان تشلني ، وبعدها
هدي قالت ليها
هدي
هو انتي متفرجه علي فيلم عربي وجايه
عليا عالطول ازاي يعني معقول هو مش
هيكون معايا في ولاده ولا اي حاجه
عبير
خلاص انتي حره خلي جوزك يروح يتجوز
وبعدين تيجي وحده تخليكي تطلقي سلام
أنا غلطانه ، وبعدها مشيت عبير
وبليل جه عماد وقعد جمب هدي وقالها
عماد
والله يا هدي مش عارف اقولك اي بس انا
نفسي اكون اب اوي ومحتاج ، وقبل ما
يخلص كلامه هدي قالت ليه
هدي
أنا روحت كشفت انهارده وعرفت أن أنا
حامل ،وعماد كان فرحان اوي وقال
عماد
اي انتي بتقولي اي معقول هكون اب
أنا مش قادر اصدق نفسي ،وهي قامت
وقفت وقالت ليه
هدي
بس فيه مشكله انا حلمي صعب زي ما انت
عارف أنا لازم اروح لأختي اقعد عندها انت
عارف عيالها اشقيه ومينفعش هي اللي تيجي
وعماد قالها بفرحه
أنا ممكن اجيب وحده تخدمك بس خليكي
في البيت هنا حقك عليا يا ست الناس
أن فكرت اتجوز عليكي ، وهي قالت
هدي
اي.حد هيجي مش هيكون زي اختي برضه
وانا مسمحاك يا اخويا لأن عارفه زن اخواتك
عليك بس المهم لما اخلف تكتب ل ابننا أو
بناتنا كل حاجه كفايه بقي اللي اخواتك خدو مننا
وهو قالها
عماد
اكون اب بس والله ما تعرفي انا هعمل اي علشانه بس المهم مش عايز اي مجهود
علشان تقومي بالسلامه ، وفعلا روحت
شقه عبير وفتحت الباب وقالت ليا
عبير
خير يا هدي عايزه اي ، وهي قالت ليها
هدي
اي هنتكلم من عالباب مافيش اتفضلي
ودخلت وقالت ليها أنا قولت لجوزي أن حامل
عبير
ايوه كده عين العقل المهم بقي كل حاجه
وليها مقابل صح يا اختي انا هجيب ليكي المولود
مقابل بيت ابوكي ، وبعدها وقفت هدي وقالت
هدي
ازاي يعني عايزه تخدي كله ليكي بقولك اي
أنا ماشيه ، وعبير
قامت وقالت
عبير
اسمعي بس بكره يكون معاكي فلوس
جوزك كلها هتبصي لحته بيت قديم
، وهدي فكرت في الكلام وفعلا وافقت وكان عماد
بيروح يشوفها تحط مخده واول لما يمشي
تشيلها تاني وعدا 7شهور ودخلت عبير عندها
عبير
اصحي يا هدي خدي البت اهيه الف مبروك
وهدي انصدمت وقالت
هدي
اي ده هي بنت معقول ازاي يعني
مش قولتي ولد ، وعبير قالت
عبير
اي انتي هتتنكي اي حد يجيب ليكي الورث
المهم البيت بقي يكتب ب اسمي بكره
هدي
اصبري بس لما نشوف عماد هيعمل ايه
وبعدها راح عماد لما عرف وشافني وكان فرحان
اوي بالبنت وقال
عماد
هو ينفع كده برضه مش كنتي قولتي ليا
وكنت جيت ساعه الولاده ، وفي الوقت
عبير قالت
عبير
يوووو عقلي مكنش فيا والله وبعدها
جت هند اخت عماد وقالت
هند
مبروك يا مرات اخويا والله لسه عارفه
اصلا انك كنتي حامل انهارده اخويا مقلش
ليا ،.وهي ردت وقالت
هدي
اه اصل بخاف من الحسد وانا اللي. قولت ليه
ميقولش لحد وكانت فرحانه اوي ب بيا ، وعدا
6شهور وراحت هدي ل عبير
عبير
ايه ده هدي عاش من شافك ده انا قولت
انك خالص نسيتي اختك ، وهي كانت مصدومه
وقالت ليها
هدي
أنا في مشكله الاسبوع اللي فات عماد
كتب كل حاجه ب اسم اسماء بنته ، وعبير
قالت
عبير
الف مبروك ودي مشكله دي حاجه تفرح
المفروض تديني الحلاوه ،. وردت وقالت
هدي
أنا لسه جايه من عند الدكتور وعرفت أن أنا
حامل وبصراحه صعبان عليا اوي
أن كل حاجه تتكتب لعيله مش بنتي
عبير
معقول يا ربي بقالك كام سنه متجوزه
وتكوني حامل دلوقتي مش قادره اصدق
هدي
اتصرف ازاي مش عارفه ومكنتش اعرف
أن ممكن احمل. كنت فاكره أن عماد
هيكتب ليا أنا أملاكه راح كتبها لبنته
عبير
اقعدي بس وهنلاقي حل ، وفي الوقت ده
هدي قالت
هدي
صحيح هي البنت دي بنت مين وفين امها وازاي سبتها كده ، وقبل ما تخلص كلامها تلفونها
رن وقالت
هدي
اي مات ازاي يعني
ياتري مين اللي
مات
يتبع...
لقراءة الفصل الرابع اضغط على : ( رواية اطلقت من جوزي وبعدها اتجوز اختي الفصل الرابع )
لقراءة باقي الفصول اضغط على : ( رواية اطلقت من جوزي وبعدها اتجوز اختي )