رواية عيون قلبي الحلقة الثالثة 3 بقلم يارا عبدالعزيز
رواية عيون قلبي الجزء الثالث 3 بقلم يارا عبدالعزيز
رواية عيون قلبي البارت الثالث 3 بقلم يارا عبدالعزيز
 |
| رواية عيون قلبي الفصل الثالث 3 بقلم يارا عبدالعزيز |
رواية عيون قلبي الفصل الثالث 3 بقلم يارا عبدالعزيز
ادم : تتجوزيني
عين بصدمة شديدة: اتجوزك ازاى يعنى مش فاهمه
ادم بعصبية : هى دى محتاجه فهم بقولك تتجوزينى تبقى مراتى يعنى
عين مقدرتش تتحكم فى نفسها
عين بعصبية: هو انت ايه بجد يعنى عايزنى بعد كل اللى عملته معايا انبارح هوافق انى اتجوزك واكون مع واحد زيك
ادم بعصبية وراح عندها وقر..ب منها جدا: انتى تلزمى حدودك وانتى بتتكلمى معايا بدل ما بجد هديك..ى بدل الق..لم عشرة فاهمة
عين من كتر خوفه من قر..به من معرفتش ترد
ادم بصوت عالى جدا: ما تنطقى
عين بخوف : فاهمة فاهمة
ادم راح قعد على مكتبه وطلع دفتر الشيكات بتاعه ومضى على شيك
ادم ببرود وهو بيديها الشيك : امسكى دا شيك على بياض حطى فيه الرقم اللى انتى عايزاه
عين وهى بتاخد الشيك وبثقة : لو كنت مفكر انك ممكن تش..ترينى بفلوسك تبقى غلطان يا ادم بيه زى ما انت ادم النويرى فأنا برضوا عين بنت الراجل الطيب اللى كان شغال سواق تاكسي عشان يصرف عليا انا واخواتى بالحلال واللى لو كان موجود كان عمره ما هيسمحلك تعرض عليا عرض زى دا
وقطعت الشيك ورمت..ه فى وشه
عين بسخرية : عن اذنك
ادم وقتها اتوجع وزعل من جواه وخصوصاً لما اتكلمت عن ابوها
عين وهى خارجة
نوران ( السكرتيرة) : يا ريت متكتريش الزيارات
عين راحت عندها وببرود : مش عارفه انت بتتعاملى معايا كدا ليه على الرغم من أننا اول مره نتقابل بس كنت سمعت ان دى بتبقى غيرة والله اعلم باللى بالنفوس برضوا وبصى انا مش هن..زل نفسى لمستواكى وارد عليكى مع السلامه يا جميل
وسابتها ومشيت
عين فى نفسها: اللهم عافينا من دى ناس بجد
نوران بعصبية: اه يا بنت ال***** مكنتش اعرف ان ذوقك زبا*لة أوى كدا يا آدم باشا
عين روحت البيت ولقيت البيت كله قاعد حزين وخصوصاً محمود
رنا : خلاص بقى يا محمود معلش يحبيبى
عين : هو ايه اللى حصل مالك يا محمود زعلان ليه
محمود بزعل شديدة : حلمى ضاع يا عين ومش هبقى دكتور النتيجة طلعت وانا جبت ٨٥ فى المية
عين وهى بتحضنه ومحمود فضل يعيط: هشش خلاص متزعلش اكيد ربنا عاينلك حاجه احسن من الطب اكيد مكنش الخير ليك
محمود : مش قادر يا عين كل ما افتكر انى مش هبقى دكتور زى ما كنت أنا وبابا الله يرحمه بنحلم اتوجع وازعل اوى عن اذنكوا انا داخل اوضتى
نادية بزعل : اقعد كل الاول
محمود بزعل : مش قادر اكل حاجه عن اذنكوا
ودخل اوضته
رنا : يااه لو كان بس معايا فلوس كنت قدمتله فى جامعة خاصة
عين : هى مصاريف الكلية الخاصة دى تعملها اد ايه
رنا بسخرية : ليه هتجبيهله مثلا
عين : قولى يا رنا لو سمحتى
رنا : حوالى ٦٠ الف فى السنة لانه هو حابب يدخل علاج طبيعي
عين سابتهم ومشيت
فاتن : عاش من شافك يا عين اشحال أننا ساكنين فى نفس العمارة
عين : معلش بقى يا طنط انتى عارفه ضغط الشغل عليا وكمان شغل البيت متزعليش منى مش بأيدى
فاتن: يحبيبتى ولا يهمك ربنا يعينك يا رب
عين : امين يا رب هى ايمان موجودة
فاتن : ايوا يحبيبتى فى اوضتها ادخليلها
ايمان: ادخل
عين : عاملة ايه يا ايمى
ايمان جريت عليها وحضنتها: شوفى بقالى يومين مشوفتكيش وحاسة أنهم سنتين وحشانى خالص
عين : وانتى كمان كنت عايزة احكيلك على حاجه كدا حصلت واخاد رأيك
ايمان: شكلها مص..يبة ولا ايه يلا احكى يستى
( ايمان تبقى صاحبه عين من ايام ما كانوا صغيرين خريجه كلية تجارة وشغالة فى شركة)
فى شركة آدم
ادم : تقدروا تتفضلوا الاجتماع خلص
ومفضلش غير عمر وادم
عمر : مالك حسك مش متظبط من ساعة ما بدأت الاجتماع
ادم كان وقتها سرحان وبيفتكر كلام عين
ادم : بتقول حاجه يا عمر
عمر : بقول حاجه مالك يبنى
ادم : لا مفيش حاجه
عمر : هتفضل طول عمرك كتاب مقفول محدش يعرف عنه حاجه ما تفك كدا شوية يا عم انت
ادم : رايق انت اوى يا عمر
عمر : طب تصدق بقى انى حاسس ان سرحانك دا وراه حب
ادم ببأتسامة: حب ضحكتنى مفيش حاجه اسمها حب يا عمر دى حاجة كل واحد و واحدة بيضحكوا على بعض بيها عشان يكملوا مش اكتر
عمر : يلهوى عليك يأخى تاخد الاوسكار فى الفصلان انا عن نفسي بؤمن بيه جدا وهفضل طول عمرى مستنى اللى تيجى وتخطف قلبى
ادم ببأتسامة: ماشى يسيدى بس متبقاش تيجى تعيطلى فى الاخر
عمر : مش هعيط مش هعيط وهتشوف وانا أهو وانت أهو وبكرة افكرك اكيد هتيجى اللى تشقلب حال ادم النويرى وتخليه يعشق
ادم : احلم احلم الاحلام ببلاش ويلا على شغلك يا استاذ
عند عين
ايمان بصدمة: معقول كل دا يحصل معاكى يا عين بس انتى اكيد مش هتعملى اللى انتى بتقوليه دا
عين : لا هعمله معنديش حل غير كدا
ايمان: كدا هتبقى بترمى نفسك فى الجحيم يا عين دا اكيد عايز يتجوزك عشان ين..تقم منك
عين : انا مستعدة اعمل اى حاجه عشان رنا ومحمود يبقوا مبسوطين
ايمان: يا عين فكرى انا خايفه عليكى
عين : دا قرارى النهائى انا همشى انا بقى
ايمان : خدى بالك على نفسك
عين : حاضر يلا سلام
عند ادم فى الشركة
نوران: انتى تانى
عين بتريقة: ايوا انا عايزه ادخل
نوران: ادم بيه مش جوا فى اوضة الاجتماعات
عين : تمام هستناه
نوران : مش عارفه انا ايه البلاوى اللى بتحدف علينا دى
عين تجاهلتها ومبصتش عليها
ادم دخل
ادم بجدية: نوران دخليلى ملف شحنة الأدوية المكتب
نوران: تمام يا فندم
ادم بص لاقى عين قاعدة على الكنبة
ادم : انتى تعالى وبص لنوران
ادم بجدية: اجلى موضوع الملف شوية
نوران: تمام يا فندم
نوران بعصبية: مين البنت دى همو..ت واعرف
عين وهى بتاخد نفس عميق : انا موافقة نتجوز بس عندى شرطين
ادم : اللى هم
عين : اول واحد انا عايزاك تقدم لى اخويا فى كلية العلاج الطبيعي جامعة خاصة لانه مجموعه ميدخلهوش كلية حكومية وتتكفل بكل مصاريف دراسته
ادم : تمام والتانى
عين : محدش يعرف بالاتفاق دا يعنى متقولش لحد ان دا سبب جوزاى منك
ادم : تمام موافق هو انتى وافقتى تتجوزينى عشان اخوكى
عين : ايوا دا حلم محمود أخويا وبابا الله يرحمه
ادم بأعجاب : تمام يلا بينا
عين : على فين
ادم : المأذون
عين : دلوقتي
ادم: ايوا
عين : طب انا حابة محمود يكون معانا
وراحوا عند عين البيت وادم جاب المأذون وكان موجود وقتها ايمان ومحمود ورنا وعمر ونادية
محمود وافق اما عين فهمته ان هى وادم بيحبوا بعض وأنها هتكون مبسوطة معاه ونادية طبعا كانت مضايقة جدا هى ورنا لأنهم بيكره..وا عين
المأذون : بارك الله لكما وبارك عليكما وجمع بينكما في خير
عمر بفرحة شديدة: مبروك يا عريس حقيقى مبسوطلك جدا مع انى مش فاهم حاجه لحد دلوقتي
ادم : الله يبارك فيك عين لو سمحتى ممكن تدخلى تحضرى شنطتك عشان نمشى
عين : تمام تعالى معايا يا إيمان
وحضرت ايمان مع عين الشنطة
فى العربية
عين : هو احنا هنروح فين
ادم : على بيتى احنا هنعيش هناك
ووصلوا الڤيلا
ادم : خليكى هنا وأما انادى عليكى ادخلى
عين ببراءة : ماشى
ادم دخل وكان موجود عايده وعلى وندى
عايدة: هاا يا آدم جمعتنا كلنا ليه
ادم بصوت عالى: ادخلى يحبيبتى
عين دخلت
ادم: اقدملكوا عين مراتى
يتبع...
لقراءة الفصل الرابع اضغط على : ( رواية عيون قلبي الفصل الرابع )
لقراءة باقي الفصول اضغط على : ( رواية عيون قلبي )