القائمة الرئيسية

الصفحات

رواية مطلقة في قلب صعيدي الفصل الرابع 4 بقلم مروة ماجد

رواية مطلقة في قلب صعيدي الحلقة الرابعة 4 بقلم مروة ماجد
رواية مطلقة في قلب صعيدي الجزء الرابع 4 بقلم مروة ماجد
رواية مطلقة في قلب صعيدي البارت الرابع 4 بقلم مروة ماجد
رواية مطلقة في قلب صعيدي الفصل الرابع 4 بقلم مروة ماجد

رواية مطلقة في قلب صعيدي الفصل الرابع 4 بقلم مروة ماجد

الدكتور حسن خرج مع نغم من الاوضه وهو بيبتسم وقال 
خلاص يا جماعه مدام نغم وافقت انها تفضل مع امى لمدة شهرين تشوف الوضع لو ارتاحت معانا يبقى تمام ولو مش ارتاحت هنشوف ممرضه غيرها 👩‍⚕️ ، وعاوز اقول لكل الخدم فى الفيلا مدام نغم مسؤله عن الحاجه الكبيرة واى تعليمات تقولها للبيت كله لازم تتنفذ ، واى حد هتشتكى منه انا بفسى هاعاقبه 
الدكتور نعمان فرح اوى وسلم على نغم وسابهم ومشى 
لكن فى ركن الفيلا فى عيون بتطلع شرار 🤨 ، طبعا عرفتها وهى الست نعمه اللى واقفه كأنها بتاخد العزا ولكن خلاص الأمور خرجت من تحت سيطرتها 
الدكتور حسن بيقرب منها وبيقول 
خلاص يا نعمه تقدرى ترجعى القاهرة الليله مدام نغم هتقوم بمهمه رعايه امى وبإذن الله امى حالتها تتحسن على ايد نغم 
نعمه. 🤨
واه ، قصدك ايه يا حسن هى امك يعنى كانت حالتها بتسوء على ايدى ، ولا الست نغم كانت دكتورة 
ولسه نعمه بتكمل وصله الردح لحسن ، الا ان حسن قاطعها فى الكلام ....
نعمه اظن تكستى شويه وترحبى بالست نغم فى بيتنا ، انتى ناسيه انها جايه من سفر ولسه حتى متعرفش هتنام فين هى وابنها 
ولسه حسن يحاول يهدى الدنيا ، دخل عليهم شاب وسيم اوى🧔‍♂️ داخل بدوشه وظيطه وبيقول 
انتوا يا اهل البيت ، انتو يا اولاد الايوبي، انا جيت..... عندكوا عشا ولا انام خفيف ......
ولسه الشاب بيحضن حسن ويبوسه ، وقعت عينه على نغم 😍، وفجأه بيقف ويقول...
الله ، هو القمر بيطلع فى فيلا الايوبي ولا ايه.....
نغم بتحط وشها فى الارض😊 وتسكت 
حسن بيقرب منه ويشده من ايدة اللى مدها يسلم على نغم 🤝
حسن 
اهلا اهلا عصام ابن عمى الشقى اللى فاضحنا فى كل حته ، احب اقدملك مدام نغم الممرضه الجديدة بتاعه امى الحاجه ، وتبقى صديقه قديمه لينا انا ونعمه 
عصام بيهرش فى قفاه ولسه بيفصص فى جسم نغم🧐 ويقول 
امم مدام نغم ، وياترى البيه جوز مدام نغم مش شرفنا معاكى ليه ، ولا يكونش مسافر ومش راجع تانى اااا قصدى مسافر وهيرجع بالسلامه 
الكلام دة بيقوله عصام وهو مركز فى عيون نغم ، ونغم بترد عليه ولسه بتفتح بوقها ، ردت العمل الردى اللى اسمها نعمه وقالت 
ها ، قلبك ابيض يا واد عمى ، الست نغم مطلقه 
والكلام دة قالته نعمه بصوت واطى كأنها بتوشوش عصام 
عصام عيونه لمعت وكأنه وقع على فريسه 😛 وقال 
يا مليون اهلا وسهلا ، اقسم بالله مرات عمى وحشانى وكنت حالف بالطلاق لازمن ابات فى حضنها الليله اااا قصدى ابات معاكوا هنا فى الفيلا الليله ، ومش الليله وبس ، لا وراس ابويا الليله وكل ليله 
لسه عصام بيحاول يخطف نظرات من نغم ، اللى اتكسفت اوى واستاذنت وقالت
طيب لو سمحت يا دكتور حسن ممكن اشوف الحاجه واعرف هانام فين 
حسن 
اه طبعا اتفضلى معايا 
وطلعت نغم مع حسن الدور التانى من الفيلا ولسه نعمه بتتفرج وواضح عليها علامات الارتياح من اول ما شافت عصام ، لكن ليه ارتاحت الله اعلم 
اما فى اوضه الحاجه بيدخل حسن ونغم وتسلم على الحاجه اللى قابلتها بكل ترحيب وحب ودة اللى خلى نغم مرتاحه للامور 
وبعد شويه بتعرف نغم اوضتها الخاصه الى كانت جنب اوضه الحاجه على طول ، واستأذن منها حسن ونزل اوضته 
وتحت لسه عصام بيسال عن الضيفه الجديدة والى عرف انها مطلقه ومعاها ولد والاكتر ان نعمه عرفته برضو ان نغم ماشيه على حل شعرها ، والموضوع ده خلى عصام يسيل لعابه 😋 على نغم ( حلوه يسيل لعابه ) ويفتكر انها فريسه سهله وقرر انه يركز معاها اكتر 
وعدى الليل على فيلا الايوبي وتانى يوم الصبح بتروح نغم اوضه الحاجه وتباشر الادويه بتاعتها بعنايه وتفطرها كمان ، وهنا حسن مبسوط اوى ومرتاح من اهتمام نغم، لكنه جواه سؤال لسه شاغل دماغه ، وهو هل فعلا كلام نعمه عن نغم حقيقى ولا افترى 💔
حسن طلب من نغم انها تنزل تفطر معاهم تحت ، وبالفعل نزلت نغم بعد ما فطرت أدهم ابنها ، وعلى السفرة كانت نعمه قاعده وعصام اللى روح بالعافيه ورجع مع طلوع النهار ، وحسن ونغم 
حسن 
مدام نغم هو ابنك أدهم تشخيص حالته اي بالظبط 
نغم
أدهم مولود بضعف عام فى عضلات الساقين وجربت معاه كل العلاجات المصريه ومفيش نتيجه ، لكن فى دكتور ادانى امل ان فى جامعه فى امريكا اكتشفت علاج لحاله أدهم وبدا الشغل عليا 
وهنا ردت نعمه وقالت 
أيوة، يبقى لازمن بقى تاخدى ديلك فى سنانك وتسافرى على امريكا تشوفى علاج ابنك ايه اللى مقعدك اهنه
نغم
بإذن الله هنسافر يا مدام نعمه ، وبإذن الله ربنا هيكرمنى فيه اوى 
عصام قطع الحوار ما بينهم وقال
خلاص يا مدام نغم متشيليش هم ، انا هاكلم الدكتور الخاص بيا والعائله واخليه يقلب امريكا عن علاج أدهم واخدك واسافر انا وانتى ونعالج الولد ونرجع بالسلامه 
نغم
ميرسى اوى يا عصام بيه ، انا مااقبلش على ابنى اى عطف من حد ، انا باشتغل وبإذن الله ربنا هيكرمنى واقدر اعالج ابنى بنفسى 
حسن ابتسم وعجبه اوى لباقه نغم وردها على عصام ، لأنه عارف ان عصام يقدر يسفرها النهاردة قبل بكرة ، ولسه برضو حسن بيفكر ان كانت نغم ست وحشه هتوافق على عرض عصام ولا هتفضل محترمه على طول الخط 
ونعمه بتقول بضيق 
انا هارجع القاهرة يا حسن ، اطمن بس على الاستاذ هادى جوزى وارجع لامى طوالي، حكم انت عارف ان الحاجه مبترتاحش مع حد واصل غيرى انا 
حسن
براحتك يا نعمه انا متاكد ان امى هترتاح مع مدام نغم 
وهنا عصام بينط فى الكلام ويقول 
سافرى يا بنت عمى وارتاحي، وانت كمان يا حسن سافر يا حبيبى وشوف شغلك وانا هنا مع نغم ااااا قصدى مع مرات عمى وابات معاها اااا قصدى مع مرات عمى كل يوم ميكونش عندك فكر واصل 
حسن بيبص لنغم وبيرمى سؤال خبيث ويقول 
ايه رايك يا مدام نغم ، هتعرفى تتصرفى لوحدك مع امى والخدامين معاكى ، ولا تحبى اخلى عصام يبات معاكوا كل ليليه 
نغم من غير تفكير 
لا طبعا ، انا لازم احس بالأمان وانا نايمه ، ووجود عصام بيه مش هيخلينى أشعر بالراحه ، لأنى مش متعودة على وجود راجل غريب معايا ، ياريت حتى زيارة الحاجه تكون بمعاد سابق علشان اعرف اعملها جدول للنوم والراحه ، ميرسى اوى يا عصام بيه انا مش محتاجه خدماتك 
حسن سعيد اوى وحاسس انه انتصر على رأى نعمه فى نغم 
وبعد شويه جهزت نعمه نفسها علشان ترجع القاهرة ، وهى ماشيه بتنادي على شغاله وتقول 
بت يا إصلاح انا هارجع مصر وزى ما احنا متعودين عاوزاكى توصليلى دبه النمله 🦗🦗 فى الفيلا ، وبالاخص المخفيه اللى اسمها نغم دى ، عاوزة اعرف بتكلم مين وبتقول ايه ، انتى فاهمه يا حزينه ولا حمارة 🦓 مفهماش حاجه واصل 
إصلاح
لا فاهمه يا ست نعمه هانم ، هى الحلوة دى هتعمر معانا كتير ؟
نعمه وعيونها بتطلع شرار 😡
هى مين دى إلى حلوة يا حزينه ، هو فى واحده خلقها ربنا حلوة غيرى انا ولا تكونيش اتجنيتى عاد 
اصلاح رتقريبا كدة عملتها 💩 على نفسها من الخوف 
واخيرا غارت نعمه اااا قصدى رجعت مصر 
يلا نطير نسبقها احسن قى شقتها فى مص،يبه فى انتظارها 
بتوصل نعمه العمارة واول ما البواب بيشوفها بيتلخبط ويقول 
يادى النهار اللى مطلعلوش سمس ، الاستاذ هادى فوق 
وبيحاول البواب يعطل نعمه ويعلى صوته على السلم علشان هادى يسمعه ، اما نعمه بتقول 
وطى صوتك يا حزين انا دماغى مقلوبه من الطريق 
البواب 
والله يا ست نعمه كان بودى تخليكى تحت شوى ،كدة الدنيا هتولع ❤️‍🔥 ناااار 
نعمه
مالك يا حزين فيك ايه ولا تكونش مش لمعت السلم النهاردة 
البواب
سلم ايه وهباب ايه 
وهوبا بتحط نعمه المفتاح فى باب شقها وتفتح الباب وفجأه بتشوف ......
يتبع...
لقراءة الفصل الخامس اضغط على : ( رواية مطلقة في قلب صعيدي الفصل الخامس )
لقراءة باقي الفصول اضغط على : ( رواية مطلقة في قلب صعيدي )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.