رواية لقاء آخر الحلقة الثانية 2 بقلم هاجر العفيفي
رواية لقاء آخر الجزء الثاني 2 بقلم هاجر العفيفي
رواية لقاء آخر البارت الثاني 2 بقلم هاجر العفيفي
 |
| رواية لقاء آخر الفصل الثاني 2 بقلم هاجر العفيفي |
رواية لقاء آخر الفصل الثاني 2 بقلم هاجر العفيفي
يونس بقلق : ايه ال جابك هنا يارقيه ؟؟
والدة رقيه بحزن : كانت حامل والطفل نزل يابني
يونس بحزن : لاحول ولاقوة الا بالله معلش ربنا يعوضك خير
رقيه كانت ساكته تماما ومش عارفه تقول ايه
كريمه : الواطى طلقها وهي لسه خارجه من العمليه حسبي الله ونعم الوكيل فيه هو وأمه
رقيه : ماما بعد إذنك كفايه
كريمه بغضب : لاء مش كفايه بطلى تدافعى عنه بقا ده ميستاهلش
يونس قبض على ايده بغضب من غير هي ماتاخد بالها وقال : أهدى بس يا أمى المهم صحتها الاول
رقيه كانت بتسمعه ودموعها نزلت بندم
يونس بابتسامه: عن أذنكم هجيب إذن الخروج عشان تقدروا تمشوا
قال كلامه وخرج من الأوضه
كريمه : شايفه ابن الاصول ربنا يحفظه ويحميه يارب
رقيه اتنهدت بوجع وسكتت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
سعاد : قوم ياحبيبى علشان تاكل
أحمد بضيق : مش جايلى نفس
سعاد : لاء مش عايزه حبستك لنفسك دي قوم كده فوق عشان تخرج تروح للمأذون وتريح نفسك من الهم ده
أحمد : طيب
سعاد بخبث : وعندى ليك مفاجاه انما ايه هتعجبك اووى
أحمد : مفاجأة ايه ؟؟
سعاد : لما تيجي بس يلا قوم
قالت كلامها وخرجت وهو افتكر رقيه ومعاملته معاها الفتره الاخيره
رقيه بفرحه : عارف يا أحمد لما يجي البيبى نفسى اخليه اسمه أحمد زيك عشان يكون شبهك
أحمد بضيق : مش وقته يارقيه لما يبقا يجى بس
رقيه بحزن : هو ممكن ميجيش فعلا
أحمد قام وقف بعصبيه وقال : يوووه نكد كل يوم مانتي عارفه أن هو فعلا ممكن ميجيش وبرضوا متعشمه
رقيه بدموع وصدمه : انت مش عايزه يجى صح
أحمد بصلها بغضب وخرج من البيت وهي انهارت من العياط
رجع من تفكيره وقال بضيق : لازم انساها واعيش حياتى بقا كفايه لحد كده
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ملك بصدمه : هو ال شوفته النهارده ده حقيقى
يونس : شوفتي ايه ؟؟
ملك : رقيه ال كانت خارجه من المستشفى وانا داخله صح
يونس بتوتر : ا ايوه هى
ملك باستغراب : بس هو فين جوزها وكانت بتعمل ايه فى المستشفى
يونس : ايه الاسئله دي كلها ياملك ماخلاص
ملك : انت ناسى أنها كانت صحبتى لولا الزفت جوزها ده ال خلاها تقاطعنى عشانك
يونس بصلها وقال بضيق : رقيه اتطلقت
ملك بصدمه : طلقها !!!!
يونس : ايوه
ملك بحزن : ياحبيبتى طب انا عايزه اروح لها يايونس
يونس : بكره إن شاء الله ياملك الوقت اتاخر
ملك : انت زعلان منها لسه
يونس حاول يغير الموضوع وقال : مش هتنامى بقا
ملك : يونس انا اختك واقرب حد ليك يعني مش هتعرف تخبى عليا
يونس بتنهيده : مينفعش دلوقتي ازعل منها هي محتاجه حد يقف جنبها خصوصا انها ملهاش حد هي ووالدتها
ملك : لسه بتحبها
يونس قام وقال : قومى نامي ياملك قومى ياحبيبتى عشان تصحي بدرى تصبحى على خير
قال كلامه ودخل اوضته وهي قالت بحزن : تبقا لسه بتحبها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تانى يوم
رقيه : ماما معلش افتحي الباب من فضلك
كريمه : حاضر
خرجت تفتح الباب وشافت المحضر وهو معاه ورقة الطلاق
كريمه مضت بحزن وقالت : شكرا
وكانت لسه هتقفل الباب بس لقت سعاد دخلت ومعاها بنت
سعاد بسخريه : يلا ياختي مش استلمتي ورقة الطلاق خدي السنيوره بنتك ومع السلامه يلا
كريمه : بصدمه انتى بتطردينا الشقه حق بنتى ابنك هو ال طلقها
سعاد : الكلام ده لما يكون ليكم حد ياخد حقكم إنما انتوا تخرجوا بالذوق احسن ماتخرجوا بالعافيه
رقيه خرجت بتعب وقالت : يلا ياماما نمشى
كريمه بصدمه : انتي مجنونه هتسيبيلها بيتك
سعاد بشماته : يلا بس بسرعه عشان العروسه الجديده عايزه تلحق توضب الشقه
رقيه بصت للبنت ال واقفه بصدمه
سعاد ببرود : اصل ابنى حبيبى فرحه النهارده
رقيه مستحملتش كل الكلام ده وفقدت وعيها
وفجاه
يتبع...
لقراءة الفصل الثالث اضغط على : ( رواية لقاء آخر الفصل الثالث )
لقراءة باقي الفصول اضغط على : ( رواية لقاء آخر )