القائمة الرئيسية

الصفحات

رواية مبخلفش (ماسة وكمال) الفصل الأول 1 بقلم مجهول

رواية مبخلفش (ماسة وكمال) الحلقة الأولى 1 بقلم مجهول
رواية مبخلفش (ماسة وكمال) الجزء الأول 1 بقلم مجهول
رواية مبخلفش (ماسة وكمال) البارت الأول 1 بقلم مجهول
رواية مبخلفش (ماسة وكمال) الفصل الأول 1 بقلم مجهول

رواية مبخلفش (ماسة وكمال) الفصل الأول 1 بقلم مجهول

• الباب بيخبط وفتحت لاول مره في حياتى حماتى بتزورنى في بيتى 
• ماسه : طنط : اهلا وسهلا يا حبيبتى اتفضلى 
• حماتى : شكرا كمال نزل 
• ماسه : لسه من خمس دقايق ارنلك عليه يرجع 
• حماتى : لا انا عايزاكى انتى 
• ماسه : اتفضلى يا طنط بس ثوانى اجيبلك حاجه تشربيها 
• حماتى : لا انا عايزاكى أنتى مش عايزه اشرب حاجه 
• ماسه : دى اول مره تدخلى بيتنا من ٤ سنين جواز مينفعش متشربيش حاجه ثوانى بس 
• حماتى : اقعدى بقي متتعبيش قلبي انا اصلا جايه بالعافيه وما صدقت كمال ينزل وطلعت انا جايه احذرك 
• ماسه بعدم فهم : من ايه 
• حماتى : كمال كمال اتجنن شكله عايز يخليكى متخلفيش للابد 
• ماسه بحزن : ما انا مش بخلف يا طنط 
• حماتى : لا يا حبيبتى بتخلفي عادى كمال هو اللى عنده المشكله وهو عرف وخلى اخته بما أنها دكتوره نسا تقولك ان المشكله من عندك وانا عرفت من الاول بس سكتت ده إبنى برضو 
• ماسه بعدم تصديق : إ إإنتى بتقولى ايه انتى بتهزرى صح انا عارفه انك مش بتحبينى بس مش لدرجه تقولى عن إبنك كده مش للدرجادى 
• حماتى ببكاء : على عينى اقول كده بس انا بقولك الحقيقه كمال اتجنن باين عايز يمرضك لحدما تشيلى الرحم انا أم ومقدرتش اشوفك كده وعلى عينى اقولك الكلام ده واخته مسايساه وماشيه معاه في الموضوع وبالنسبالها عادى اول مره اعرف إنى ربيت اولاد بالحقد والقسوه دى انا أسفه 
• ماسه : طيب وهو بيعمل معايا كده ليه ده انا بحبه ومستحيل أسيبه 
• حماتى : خايف في يوم تعرفي الحقيقه وتسيبيه وهو مهوووس بيكى اوعى تشربي او تاكلى من اللى بيقدمهولك هند اتفقت معاه يحطلك الدواء في الشرب او الاكل 
• ماسه : انا مش مصدقه انتى ليه بتتكلى كده عايزانا نبعد عن بعض ليه انا بحبه وهو بيحبنى 
• حماتى : إبنى اتجنن وانا متأكده انتى خلى بالك انا حذرتك لو مش هتسمعيلى يبقي دى حاجه ترجعلك بس اوعي كمال يعرف إنى جيت هنا ولا كلمتك فاهمه 
• ماسه : فاهمه 
• حماتى مشيت وانا فضلت قاعده مش مستوعبه اللى بيحصل ولا اللى حماتى قالته فضلت قاعده لوقت طويل بدى لنفسي مليون سبب ان كمال حب حياتى مش ممكن يعمل كده 
• انا ماسه تندى ٢٥ سنه اتجوزت كمال من ٤ سنين وكنت بحبه من قبلها كان معيدى في الجامعه وبعدها اتجوزنى نجدنى من بيتنا بصراحه مامتى ماتت بعدما اتولدت وبابا اتجوز وانتوا عارفين بقي مرات الاب وتحكماتها واهتمامها باولادها وكأنى جايه من الشارع كمان حبنى فوق ما كنت متخيله وعوضنى عن حنان ابويا اللى عمرى ما شوفته غير مع اخواتى لما جه كمال علشان يتجوزنى كانت هى وبناتها هتموت بس بعدما اتجوزنا وقعدنا فتره من دون اولاد كمال اخدنى عند اخته نكشف وكانت المفجأه إنى مش بخلف ومفيش اى أمل للموضوع من أساسه لحدما كرهت كل حاجه وبطلت الدواء طبعا من ورا كمال هو فاكر إنى منتظمه عليه بس انا برميه وعمرى ما أخدته غصب عنى بكرهه جدا بس مستحيل كمال يعمل فيا كده انا عمرى ما شوفت منه غير كل حب وحنان حتى لما حماتى رفضت تدخل بيتنا بدون اى سبب واضح هو كان واقف معايا بس حماتى إزاى تقول على إبنها كده دى بتحبه قوى انا مش فاهمه اى حاجه فوقت من شرودى 
• ماسه : يانهار كمال قرب ييجى وانا مجهزتش الغدا 
• جريت ماسه وعملت الاكل بسرعه وكمال جه 
• كمال بوش ضاحك : القمر بتاعى عامل ايه 
• ماسه اخدته بالحضن : وحشتنى اوى يا كيمو اتأخرت ليه 
• كمال : امممم اتأخرت علشان القمر بتاعي كان عايز منى هديه 
• ماسه : بس انا مطلبتش هدايا 
• كمال بحضن اكبر واحتواء أكتر لماسه : مش لازم القمر يطلب تعالى بقي هنا وحشتينى تعالى نفتح الهديه 
• ماسه : الاول تاخد دوش الحمام جاهز ونتغدا وبعدين نشوف الهديه سوا 
• كمال : ماشي يا قمرى هدخل بسرعه واجيلك اوعي تفتحيها من غير ما اشوفها 
• ماسه : عيب عليك يا صاحبي هستناك 
• كمال بضحك : صاحبك ماشي يا شبح 
• ماسه في نفسها : ما هو حلو اهو امال في ايه حماتى بتقول كده ليه اكيد عايزه توقع بينا أكيد أنسي اللى قالته بقي وطنشي 
• راحت ماسه المطبخ بسعاده وخلصت باقى الاكل وراحت تشوف كمال خلص ولا لسه بس اللى حصل .......
يتبع...
لقراءة الفصل الثاني اضغط على : ( رواية مبخلفش (ماسة وكمال) الفصل الثاني )
لقراءة باقي الفصول اضغط على : ( رواية مبخلفش (ماسة وكمال) )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.