القائمة الرئيسية

الصفحات

رواية من اجل طفلي الفصل الخامس 5 بقلم يارا عبدالسلام

رواية من اجل طفلي الحلقة الخامسة 5 بقلم يارا عبدالسلام
رواية من اجل طفلي الجزء الخامس 5 بقلم يارا عبدالسلام
رواية من اجل طفلي البارت الخامس 5 بقلم يارا عبدالسلام
رواية من اجل طفلي الفصل الخامس 5 بقلم يارا عبدالسلام

رواية من اجل طفلي الفصل الخامس 5 بقلم يارا عبدالسلام


منه قربت منه بعصبية وهوب ضربته بالقلم..
_متجبش سيرة ابنى على لسانك انت فاهم...
الكل بصلها بصدمة ومنهم حسام اللي حس بالإهانة وحازم استغرب قوتها اللي ظهرت فجأه قدامه وابوها ابتسم لانه عرف أن خلاص كدا اتطمن على منة وعلى ياسين معاها ...
حسام:منه!انتى بتضربيني وعوزا تمنعيني انى اشوف ابنى أو حتى اخده في حضني..
منة بعصبية:قولتلك دا مش ابنك دا ابنى أنا لوحدي أنا حسيت بيه لوحدي وولدته لوحدي وهربيه لوحدى برضه انت ملكش اي حق فيه علشان انت انسان حقير وزبا'له ومكنتش تستاهل كل اللي عملته علشانك وخلانى عاميه مش شايفه الناس اللي بتحبنى ...
قرب منها وحاول يهديها لكن ايد حازم كانت سبقاه...
حازم:ايدك متجيش على مراتى لو سمحت..
حسام بصدمه:اي مراتك انت بتقول اي مراتك ازاي..
يصلها:منه انتى اتجوزتيه انتى بقيتي مراته منه أنا جايلك علشان ترجعيلي أنا بحبك يا منه ...
تعالى هنعيش سوا واعوضك عن كل اللي فات صدقيني أنا عرفت قيمتك دلوقتي لما خسرت كل حاجه..
هتربي ابننا مع واحد تاني مش أبوه ...
منة بصتله بسخريه:مش أبوه!وانت بقى الأب الحقيقي أو اب من اي اتجاه أساسا انت اب ازاي يا حسام قولى...فرحت بيه كنت معايا حسيت بيه معايا عشت اللى أنا عشته معاه خدته في حضنك يوم ما اتولد !دانا حتى بعتلك صورته فاكر قولتلي اي ..
انت عمرك ما هتكون اب يا حسام انت انسان مش بتحب الا نفسك وانا عوزا اللي يحبني ويحب ابني وبصت لحازم وخلاص أنا لقيته..
وقربت من حازم ومسكت ايديه :حازم حبنى بجد بدون اي مقابل وحب ابنى وابنى مش بيرتاح الا فى حضنه 
حسام:أنا أبوه وهيرتاح في حضنى هوا بس علشان لسه ميعرفنيش..
منة:حسام انت كداب وعلشان اثبتلك
دخلت وجابت ياسين من جوا وكان صحى واول ما حطته على ايد حسام بدأ يعيط ويبص لحسام ويبص لحازم ويبقى عاوز حازم ..
منه ابتسمت:شوفت عاوز مين دا دليل انك مش أبوه يا حسام انت فاهم انت مش أبوه دا أبوه وشاورت على حازم ،كان نفسي تكون زيه بس للاسف انت اللي خسرت نفسك وخسرت كتير اووي يا حسام عمري ما كنت اتخيل انى اقف قدامك الوقفه دي بس حقيقي انت السبب في كل دا واللي بيغلط لازم يتحمل نتيجة غلطه ...
راحت ناحية الباب وفتحته:واتفضل يا حسام ...بيه انت ملكش مكان بينا مكانك برا وابنى مش هتشوفه مهما عملت يلا اتفضل ...
حسام بصلها وحس بالهزيمة وبعدين بصلهم كلهم وقال بندم:اللي حصل دا كله كان بسببي فعلا وانتى عندك حق يا منة أنا آسف انى جرحتك واسف انى جريت ورا اطماعى واسف على كل تعب واذي سببتهولك أنا آسف يا منة وبص لحازم وياسين اللي على ايديه وساكت وبيبصله وبيضحك:عندك حق يا منه هوا فعلا ابوه اتمنى ليكوا حياة سعيده بي عاوز اطلب طلب ..
ابو الفضل:قول..
_عاوز اشوف ابنى ولو مرة في الشهر عاوزه عالاقل يعرف ان أبوه موجود وأبوه عايش..
ابو الفضل بص لمنة اللي كانت لسه هتعترض لكن قال:دا حقك يا ابنى تعالى شوفه في اي وقت ..
حسام ابتسم:شكرا يا عمى..
وبص لمنه بندم وخرج من البيت..
ابو الفضل بص لمنه بفخر:أنا فخور بيكي يا بنتى اول مره اشوفك قويه كدا
منة بصت لياسين وحازم:أنا بقيت قويه بيهم..
حازم بصلها وهوا حاسس ان فرحة الدنيا مش سايعاه معقول منه قالت انها بتحبه يعنى حبيبها وجوزها السابق كان واقف واختارتني أنا وسابته هوا أنا مش مصدق أن منه بتحبنى ..
حازم قرب منها :هوا الكلمه اللي قولتيها دي كانت من قلبك ولا علشان تمشي حسام..
منة وهى بتمثل عدم الفهم:كلمة اي ؟
حازم:الكلمه اللي كانت من اربع حروف اللي قولتيها وانتى واقفه هنا ومش مره واحده دي مرتين حقيقه صح..
منه قربت منه وبصتله في عينيه:انت عاوزها حقيقه..
حازم ابتسم:ياريت 
منة:خلاص تبقى حقيقه..
وغمزتله..
حازم:بقى كدا ....طيب عاوز اسمعها طيب..
منه ابتسمت:تدفع كام..
حازم:ادفع عمري كله..
_لا سيب عمرك في حاله أنا عوزا قلبك..
حازم:يعنى اي..
_يعنى بحبك..
_منا عارف أنا بس كنت بستدرجك
_اممممم وانت مش ناوي تقول حاجه..
_انا بنسى كل حاجه لما ببص في عنيكي..
_يعنى اي 
_يعنى بتوه فيهم
_يعنى اي
_يعنى بحبك يا ام ياسين وان شاء الله ام عدي ورهف وحور ونور ومراد ووسليم
_مين دول
_عيالنا اصلى ناوي اجيب نص دسته ومعاكى لحد الدسته مفيش مانع..
_لا مش لاعبه
_هتلعبي يا منة..
_طب قولى بحبك الاول
_طب بحبك
_خلاص موافقه.
ضحك وهى ضحكت وعاشوا حياتهم في هدوء من غير تعب ومن غير اي مناقشات كان في راحه جميله في العلاقه كان في حب وموده ورحمه وتفاهم كان كل اللي بيشوفهم بيحسدهم على علاقتهم من كمية التفاهم اللي فيها ....
ياسين كبر وتم سنه وبدا يقول بابا وماما وكانت أول كلمه قالها كانت بابا لحازم قد اي كانت فرحة ليهم قد اي حازم كان مبسوط بيها ...
صاحب الزرعه مش اللي بيزرع البذره..صاحبها الحقيقي اللي بيهتم بيها وبيرعاها لحد ما تكون زرعة جميله مليانه بحب اللي ساقيها مش باللي زارعها...
حسام اختفى نهائي وبدا في الأعمال الغير مشروعه من تاني ومكنش بيروح لياسين زي ما كان بيقول ...يعنى زي ما بيقولوا ...ديل **** عمره ما يتعدل..
كانت الحكومة بتجري وراه في كل مكان رجله خدته على بيت حازم وحازم مكنش في البيت...
طلع وخبط بكل قوته منه وقفت ورا الباب:مين..
_انا يا منة افتحى..
_انت مين .
_انا حسام جاي اشوف ياسين
_احم حازم مش هنا..
_منه معلش أنا بس مسافر وعاوز اشوفه ومش هرجع دلوقتي..
حست من كلامه أنه صادق فتحت الباب وشافت هيئته..
_احم انت عامل كدا لى...
حسام دخل وفجأه طلع مسد'س. و....
يتبع...
لقراءة الفصل السادس اضغط على : ( رواية من اجل طفلي الفصل السادس )
لقراءة باقي الفصول اضغط على : ( رواية من اجل طفلي )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.