رواية وقعت في غرام عنيدة الحلقة الخامسة 5 بقلم سلسبيل محمد
رواية وقعت في غرام عنيدة الجزء الخامس 5 بقلم سلسبيل محمد
رواية وقعت في غرام عنيدة البارت الخامس 5 بقلم سلسبيل محمد
 |
| رواية وقعت في غرام عنيدة الفصل الخامس 5 بقلم سلسبيل محمد |
رواية وقعت في غرام عنيدة الفصل الخامس 5 بقلم سلسبيل محمد
اسر وحشتني يا قلبي
= وحشك و قلبك ؟! ، مين دي يا آسر؟؟؟!!!!!
- احممم دي هفهمك والله دي زميلتي فالشركه!
= زميلتك اها لا اتفضلي يا حببتي مدام زميلتك و وحشتك
كارما دخلتها الصالون وشدت زين من قفاه
- المهزله دي متحصلش فمكان انا قاعده فيه خدها وغور انت وهي من هنا بقي فاهم
= اخدها! والله دي زميلتي فعلا ومعرفش اية الى جبها
- مليش دعوه
= طب تمام انا هقعد معاها بره وبعدين همشيها ، هو في عصير هنا؟؟
- اها يحبيبي فالتلاجه حطهولها تطفحه بقي
دخلت وسبته بغيظ.
" هو عادي كده واحده تجيله البيت؟؟ امال بيقولي بحبك ليه اكيد بيضحك عليا وبيستغلني زيهم يارب انا نفسي امشي واسيب كل حاجه"
- خير يا ريم؟ في اية
= انت مجنون يا اسر اتجوزت؟؟
- نعم ؟ انتي بتتكلمي كده ليه اصلا هو احنا في بينا حاجه
= كمان!!! انا بحبك وانت عارف!!
- وقولتلك اننا مجرد زمايل قبل كدا
= بس طلبت منك فرصه
- وهل وافقت؟
= انت مردتش وقتها
- عندك حق يمكن غلطت لما سكت بس انا دلوقتي متجوز
بدأت تعيط: هو انت بتحبها!
= اها بحبها يا ريم اوي ومش عايز حاجه تبوظ علاقتنا
دموعها نزلت بخيبه امل: انا اسفه
آسر سحب منديل وادهولها - طب اهدي ممكن صدقيني
انتي تساتهلي حد كويس ويبقي بيحبك
= انا همشي
آسر راح معاها لحد الباب وهي بصتله وكأنها اخر مره هتشوفه فيها وبصتله بحب وبعدين حضنته بسرعه ومشيت
وهو فضل مصدوم قفل الباب وبص وراه لقي كارما
- انا مكنتش اعرف انها هتعمل كده اقسم بالله
= انت مقر**ف
- استني بس يا كارما
= اوعي متلمسنيش انا زهقت منك و منهم طلقني
- لاء يا كارما ارجوكي
= انت مش بتحبني!!افهم بقي انت متعرفنيش اصلا، تعرف حاجه عنى؟ بحب اي بكره اي مشاكلي تعرف اي عنها؟؟؟
احنا الاتنين اتجبرنا على بعض بسبب شوية فلوس عمامي عاوزنها بس انا تعبت وهسبلهم كل حاجه و اغور من هنا
كانت رايحه ناحيه الباب:
- مش هينفع تنزلي لوحدك
= وسع ، وسع بقولك
- مش هتنزلي لوحدك
= انا مش عيله
- وانا مش هسيبك
= لا هتسبني لانك مش هتقدر تحبسني
- مش حابسك بس مينفعش تروحي فحته لوحدك
كارما استغربت ساب كل كلامها وكل همه متنزلش لوحدها مبقتش فاهمه حاجه:
= هوا اية الى كل شوية متروحيش و متعمليش لوحدك هو في اية ؟؟
- انا خايف عليكي!
= شكرا مش عاوزك تهتم بحاجه تخصني اصلا
- يا كارما الناس وحشين
= طول عمرهم كده اية الجديد وبعدين ما الاهل وحشين هستني الناس تبقي حلوة؟
- طيب ممكن انزل معاكي نتكلم
= لاء
- اخر مره واعتبري بعدها انك هتبقي حره ماشي ؟
كارما بصتله بتفكير و وافقت نزلت معاه ولاحظت ان في معاه مسد**س بس معلقتش لانها مش مهتمه فضل ماشي كتير بالعربيه وهي ساكته لحد ما وصل المقطم وراح مكان معين بيحبه نزلوا من العربيه وهي ماشيه وراه مسك ايدها وطلعها في حته شبه الجبل عاليه جدا والانوار بتاعت البيوت والمحلات باينه صغيره اوي من عندها بصت بعمق وراحه لانها بتحب الإماكن دي طول عمرها
- المكان عجبك صح ، شوفتي بقي اني عارف بتحبي اي
= انت عرفت منين؟
- مش عارف ابدء منين لكن خليني نبدء من اول ما عمي
اتوفي وهوضحلك كل حاجه ولو فضلتي عاوزة تطلقي يبقي ده قرارك
كارما والدموع بتلمع في عينيهها: اية علاقه بابا ؟
= هقولك..
يتبع...
لقراءة الفصل السادس اضغط على : ( رواية وقعت في غرام عنيدة الفصل السادس )
لقراءة باقي الفصول اضغط على : ( رواية وقعت في غرام عنيدة )