رواية مجرد كارثة الحلقة الخامسة عشر 15 بقلم أروى طاهر المسلاتي
رواية مجرد كارثة الجزء الخامس عشر 15 بقلم أروى طاهر المسلاتي
رواية مجرد كارثة البارت الخامس عشر 15 بقلم أروى طاهر المسلاتي
 |
| رواية مجرد كارثة الفصل الخامس عشر 15 بقلم أروى طاهر المسلاتي |
رواية مجرد كارثة الفصل الخامس عشر 15 بقلم أروى طاهر المسلاتي
لحضة الغضب قادرة تخرب حياتك!
وقادره تخسرك هلبا ناس 💕
وقادره حتى تخليك تقتل اقرب ناسك…
مياسين:بجهد كبير باعداته لين جي طايح ع الارض
سارة:ماسكه رقبتها وتكحح ووجها احمر نفسها مش قادره تاخده !
ضرار:ناض من على الارض متعصب …..شن دخلك انتي بيني وبين اختي ؟؟؟؟
مياسين:اختك؟تي انت كنت بتقتلها مصح وجهك شنو دخلك هنايا اصلا !
ضرار:والله دار اختي وبكيفي امتى ما نخش نخش
مياسين:قربت منه وبنضره ثابته👌🏻….مدام انا مقيمه في غرفتها معناها مليكش اي حق تخش وتطلع هنايا بكيفك
ضرار:ضحك بهزوه….والله!
وشنو يلي يمنع انا نخش ونطلع بكيفي في الحوش كله
انتي يلي داخله بينا غريبه
مياسين:ابتسمت….غريبه وكلامي انا يلي بيمشي
ضرار:دفها….لا والله؟!!
مياسين:قربت خطوتين بثقه….تحب نجربو ؟
ضرار:وريني
مياسين:فتحت توب التوته ونحاته من عليها
ومسكاته بطريقه كأنها تغطي في نفسها بيه ونادت بأعلى صوته بي اسم عزام
ساره:بدت تهدا شويه وتاخد في نفسها شوي شوي
ضرار:عقد حواجبه بي استغراب….شن اديري انتي!؟
عزام:فتح الباب وهوا مستغرب ومش فاهم!؟
مياسين:وهيا متعصبه…..شافت لي عزام
ترضى بيه يلي قاعد يصير ؟؟؟؟
لو مش قادر اديله حل خلي ننزل نكلم جدي ولا واحد من خوالي
عزام:شافلها من فوق لعند لوطه ورجع شاف لي ضرار وسأل بهدوء
شن صاير؟
مياسين:خاش الاخ وانا نبدل في حوايجي لا احم لا تستور ويقولي انتي غريبه وعادي نخش ونطلع كيف مانبي
ضرار:بنضرات ذهول على وجها…..انا؟؟؟
تيييي شوف كيف تكدب
شاف لي عزام…..يا راجل اقسم بالله ما هكي ال…
عزام:بهدوء ….اطلع اطلع
ضرار:تي انا كنت في الدار وهيا م…..
عزام:فنص فيه ….. تي اطلع قلتتت
ضرار:شافلها بنضرة تهديد وحقد وطلع👌🏻
ساره:تشوف لي مياسين….علاش محكيتيش اي عزام ان كان بيموتني؟
مياسين:لوحت التب ع السرير ورجعت نضرتها زي قبل ….لان ببساطه اكيد الموضوع كبير بينكم ومتبوش حد يعلم بيه
ساره:نصدمت في الكلام كيف صح !
مياسين:تلم في شعرها ….تبي تحكي ولا متبيش تقولي السبب؟!
وهوا براحتك عموما
ساره:ناضت من مكانها…شكرا لانك جيتي في الوقت الصح….وطلعت من الغرفه
______________________________
في تقعميزه كلها هدوء❤️
كانت بتول مقعمزه ع الكنبه وتتفرج على مسلسل
كانت عيونها على راجلها سلطان يلي كان لاهي في تالفونه
بتول:بلعت اخر حبتين فشار وسألت بتوتر….سلطان
سلطان:شافلها وهوا عاقد حواجبه بحقد بدون مايرد
بتول:مريم مرت خوك كانت تعرف هدى قبل وتجي حوش بوك؟
سلطان:مردش عليها
بتول:ندوي انا ع فكره!
سلطان:خدي نفس عميق ورجع عيونه لي التالفون
بتول:امممم قاعد قلبك واجعك من يلي داره فيك خوي ايوب
😌يالله معليشي خلي عيلتي يعلمو عيلتكم ان مش بنات الناس بس يلي ينضربو
حتى الوليدات يلي زيك انت وخوك
سلطان:شهاده بالله تزيدي كلمه تانيه لما نوض نفصل راسك على جسمك
بتول:سكتت شويه وتعابير وجها تغيرت وصرخت بهدوء تتألم
سلطان:سكت يشوفلها بعدين نضرته تغيرت ليها
قال وهوا يسأل فيها بي اهتمام….خيررك ؟!
بتول:بطنني !
سلطان؛ناض وقف…شني تحسي خيرك؟
بتول:بطني ….وجعتني من تهديدك 😂
سلطان:خدي نفس عميق وهوا يلعن في داخله
بتول حست بي الخطر هربت ووراها سلطان طوول
لكن ملحقش عليها لان الباب تقربه في وجها طول👌🏻
_____________________________
مياسين:فتحت الباب وهيا مبتسمه….راقد؟
عزام:بادلها نفس الابتسامه❤️ وسكر الكتاب يلي في يده …نراجي فيك
مياسين:بنضرة استغراب….لي شنو تراجي فيا؟
عزام:عقد حواجبه….مش قلتيلي نجيك بعدين نبيك في حاجه !
مياسين:سكرت الباب وضحكت….كويس بديت معش تنسى في كلامي🤭
عزام:قرب منها وبدت نضراته غريبه….هوا انا نقدر !
مياسين:تغيرت ملامحها بتوتر وها المره مكانتش تمثيل!
فعلاً حست ان في شي قاعد يصير !
وخر عزام لما حس بيها وكمل يتعامل معاها عادي ….اي نو كنتي بتطلبي
مياسين:ابتسمت بتوتر….شن عرفك اني بنطلب مرات جايه نقولك شي مهم مثلا
عزام:ياودي معتقدش انتي ديمه جيانك وراه طلبات
مياسين:اءءء عزام ركبلي داري
بجد نبي غرفة ليا بروحي مليت
عزام:ان شاء الله ….وضرار خلاص معش يجي فوق
شن تبي تاني
مياسين: عزام أنت مال مني يعني نطلع ؟
أحيانا نحس انه أنا زودتها معاك هلبه
يعني لاصقه فيك بزيادة او طلباتي هلبا او…..
عزام:اششش….
حط يده على فمها بهدوء….معش تحكيه الكلام هاذا
انتي أنت أحلى مسؤولية حطوها في راسي❤️
مياسين:عيونها لمعو وهيا تشوفله !
مقعدلهاش اي قدره ع التمثيل قدامه!….كل مشاعرها تفركست بنضرة عيونه وكلامه الحلو
مياسين….اءءء م م مش مشعارفه شن نرد😅
عزام:ملامحه جاده وهوا يحكي بأسلوب هادي….اوعديني
مياسين:بشنو؟
عزام:متحاوليش ولا مره تستغلي حنيتي معاك وتهربي
مياسين:بلعت ريقها وهيا تشوفله بعيونه …..وعد
عزام:ابتسم….توا بري ارقدي بكرا وراك محاضرات
مياسين:بكرا جمعه😅…الباين انت يلي تبي ترقد باش تذكر ايام الاسبوع كويس
عزام:ضحك
مياسين:يالله تصبح على خير❤️
عزام:جاوبها وعيونه فيها ….تلاقي الخير
_______________________________
صدام:راقد في حضن مرته ❤️
كأنه مش نفس الشخص يلي كان يهزب ويهين فيها صبح وليل !
راقد نوم عميق بين يديها كأن اليوم بس اكتشف اكتر مكان يحسسه بي الامان ✨
بس مريم كانت هايمه في شي تاني ….
تفكر والضمير مش عارف الحل معاها؟
يأنبها ولا لا!؟
_______________________________
بتول:فتحت الباب بي هدوء وهيا تشوف يمينها ويسارها بخوف
لين تأكدت ان الوضع هادي 💕
طلعت للحمام بس في طريقها شافت سلطان واخده النوم بدون غطاء
شافتله سخف عليها✨
جابت بطانيه وغطاته ❤️
قعمزت جنبه وهيا تتفرج عليه وتسأل في نفسها
لين قاعد يصير هاذا كله ؟
حب سلطان كلن واضح ليها بس ليش يتغير قدام اهله!
هل يبي يوريهم انه ماشي على نفس خُطى بوه وعمامه؟
عشان يحترموه؟
او لسبب تاني
ومن بين كل الافكار يلي فرقت بيها خداها النوم❤️
ثاني يوم☀️
شاهي العاله فاحت ريحته في الحوش ❤️
والريحة الرجاليه الحلو يلي غطت المكان اول ما خش رجب وولاده واحفاده من صلاة الجمعه ✨
التمو على سفر الغداء وكان بازين متكم مش ناقصاته حاجه❤️
الماكله والضحك والهدرزه كأن مفيش مشاكل في ها العيله ولا طق الهم بابهم✨
رفيدة:خشت المطبخ وواضح في فمها كلام وخاطرها تقوله
بدريه:شن في؟
رفيدة :وين ولدك عزام مجاش تغدى؟!
بدريه: أكيد يبدل في ملابسه كيف يروح من الجمعة محلاش
رفيده:اركبي شوفي ولدك يابدريه راهو مش عزام يلي نعرفوه
بدرية : بملامح استغراب …شن في؟
رفيدة:اركبي تو تعرفي
بدريه :طلقت من يدها كل شي وركبت تجري
____________________________
بتول:مسكت حافضة الكيكه وطلعت وسكرت باب شقتها❤️
تلفتت ولقت مريم واقفه وراها وحتى هيا مجهزه حافضه وطالعه
مريم:متقوليليش شن حب العيله يلي جاك فجآه متصله بيا من صباحات ربي؟
بتول؛جمعه اليوم والاستاذ راجلي مخالانيش نمي حوش بوي
قلت نمشي نتسلى حني والبنات غادي
مريم:مخاطريش شكلي بنرجع شقتي
بتول:مسكتها من يدها ترا فوتي وانتي ساكته
وطلعو مع بعض لحوش العيله❤️
______________________________
بدريه:طقت ع الباب مرتين ….عزااام؟
عزام:خشي
بدريه:فتحت الباب وعيونها تمر في الغرفه كلها ….شنو ادير؟
عزام:لبس شخشيره….شن بنكون ندير مثلا؟!
بدلت حوايجي وبننزل نتغدى…
بدريه:اهاا….وتشوف للغرفه بتوتر
عزام:خيرك انتي ؟في شي ؟
بدريه؛بي ارتياح…لالا تمام هي بسرعه سلم ولدي
طلعت بدريه وسكرت الباب
عزام:فتح الدولاب وطلعت مياسين وهيا تضحك بهدوء
مياسين ؛اوووف قلبي خلاص
عزام:مبتسم….اي ؟
مياسين:خلاص انزل تغدا وبعدين نكملو قصة الكتاب شن رايك؟
عزام:يشوفلها بي اعجاب فات توقعاته💕….تمام
_______________________________
ايات:يسلمو يديك بنتها تجنن
بتول :صحتين
مريم:وين فاطمه وباقي البنات
ايات:تاكل…فوق شوي وينزلو
بدريه:تحركي نوضي روحي انتي وجهك معش بنشوفه هنايا
باعتيلي خوك المستردف يضرب وليدي
وجايه بكل عين وقحه
اطلعي تحركي
بتول؛ببرود تام….المسامح كريم يا عمتي
وعادي زي ما مريم سامحت ولدك بعد مارقدها في العنايه
سامحيني انا
ع الاقل الطريحه كانت خفيفه
بدريه:اطللللعي معاد نبي نشوفك هنايا لعنة الله عليك
زكيه:خشت عليهم….بدريه استهدي بالله عيب راهي كنتك مهما كان
بدريه:معش نبيها ولا عاد نبي قربها وخلطتها
رجب:قاطعهم….تحشمي انتي وياها
بدي صوت النساوين يرتفع هلبا في الحوش
وانتي يابدريه لما يبدا حوشك لزي فيه من تبي
ياسر بلا حركات صغار
وشاف لي بتول✨….وانتي يابنتي هاذت حوشك زي ما هوا حوش راجلك ويلي صار حبال سو وطاحو في بير
بدريه:سكتت وهيا بتتفجر….وطلعت
بتول:قعمزت وابتسامة النصر على وجها ومريم ساكته مش قادره تعبر ✨
ايات:انا راكبه دقايق وجايه
بتول:خدت رشفه من القهوا ….خودي راحتك❤️
سلطان:هيا ياعزام ورانا مشوار
عزام:شافله وهوا ياكل….وين؟
سلطان:نسيت؟
مش اليوم ماشيين لي عزي الزنتاني؟!
خلاص عاد اليوم الفرق متجيش الاولاد كلهم غادي
عزام:جت عينه في عين مياسين
مياسين:هزت راسها بمعنى عادي
عزام:فشلت الخطط يلي كان ناويها مع مياسين واستسلم للمشيه🙏
________________________________
ايات:صبت الميه يلي عطتهًولها السحاره على باب ساره
بعد ما تأكدت ان ساره في الصاله مع مريم وبتول
والدار واضح فيها حد واكيد مياسين
صبتها ورجعت نزلت لي الصاله💕
فاطمه:تنهدت وطلعت من غرفت ساره وتخطت الميه👌🏻
ايات:خشت لي الصاله وشافت مياسين على طول وجها تغير
مياسين:قاعده زعلانه مني؟
ايات:مصدومه….ساره من في في دارك؟
ساره:لاهيه في شنطة امها
مياسين:خلاص لعند امتى بتقعدي حرجانه 🥹🫶🏻
عادي سامحي وخلي كل شي يفوت بجوه انتي من البدايه تناشبي
ايات:مش ا…….
ساره:بصدمه ….شوووووفووووو
شوفو شن لقيت
بتول:شن هاذا؟
ساره:تالفون هدى الله يرحمها ….
الله قاعد عند ماما عطاهولها بابا من يوم العزي
مياسين:افتحيه ممكن فيه سبب موتها
ساره:مسكر رمز
بتول:جربي تاريخ ميلادها
مريم:متوتره….حرام خصوصياتها ولا
ايات:ايييي اي صح حرام
ساره:غلط الرقم.
بتول:اكيد تاريخ ميلاد يلي تحبه يا اما تاريخهم مع بعض حني البنات مفلحنا😂
مريم:ساره قتلك حرام فكري
ساره:بدون اهتمام تجرب
ايات:اءء ساره اعتقد لو حد عرف رح….
ساره:بردة فعل هستيريه….فتححححح فتتتتتتح
مياسين:ترا
يتبع...
لقراءة الفصل السادس عشر اضغط على : ( رواية مجرد كارثة الفصل السادس عشر )
لقراءة باقي الفصول اضغط على : ( رواية مجرد كارثة )