رواية مجرد كارثة الحلقة الثالثة عشر 13 بقلم أروى طاهر المسلاتي
رواية مجرد كارثة الجزء الثالث عشر 13 بقلم أروى طاهر المسلاتي
رواية مجرد كارثة البارت الثالث عشر 13 بقلم أروى طاهر المسلاتي
 |
| رواية مجرد كارثة الفصل الثالث عشر 13 بقلم أروى طاهر المسلاتي |
رواية مجرد كارثة الفصل الثالث عشر 13 بقلم أروى طاهر المسلاتي
بعض الناس احيانا يكونو موجودين بينا عندهم مرض💕
المرض هاذا يخليهم لطفين مع الاشخاص يلي يحبوهم ويعطوهم كل الحب والحنان لكن!!!!!
مستحيل يبينو الشي هاذا لي الناس 👌🏻
ويتغيرو 180درجه مع الاشخاص يلي يحبوهم قدام الناس والعيله
وهاذا الشي يلي صاير مع صدام وسلطان ✨
داخل بيوتهم يتعاملو زي الاطفال مع زوجاتهم!
لكن قدام العيله يمسحو بيهم الارض باش يبانو هما المسيطرين الواعرين✨
ضناً منهم ان هاذا المعنى الحقيقي لي الرجوله …
_____________________________
مفتاح:بعيون حاقده وبيطلع منها نااااار…..ذهب امي شنو يدير في شنطك؟
زكيه:تشوف لي الناس يلي في الصاله كلهم وضحكت بتوتر واضح على وجها….هه الله يصلح يافتوحه
ذهب شنو تحكي عليه انت !؟
مفتاح:شاف لي بنته….ايااات
تحركي جيبي شنطة امك
ايات:شافت لي امها بنضره غريبه ومشت
رفيدة:صلي ع النبي ياسلفي اكيد مياسين شايفه غلط
بدريه:خلي تجيب الشنطه وتو تتأكدو مرات حق
زكيه:علت صوتها…شن الكلام الفارغ يلي تدوي فيه يا بدريه اتقي الله في نفسك
تكلم ياعمي قول حاجه
رجب:شاف لي عزام وسلطان وصدام ……عندكم تريس تحكم فيكم انا مفيش داعي نتكلم
بدرية:والله صدقت ياعمي 😌
زكيه:دمها محروق …..بدريه التزمي حدودك والله معاد تشوفي مني خير ره !
بدريه:والله يا ماما …….
وقاطعها صوت اعلى منها بألف مره!
بتول:خاشه والغل ماليها وصوتها تسمعه من بداية الشارع
عيونها في عيون سلطان راجلهاوقامت صبعها بتهديد
لو حاسب روحك اني بنسكتلك على العياط متاعك قدام اماليك زي المدقنه مريم تكون غاااااالط يابابا
انا بتول بنت بشير المشير
يمين بالله ثلاثه كلمه مني لي خوتي معاد شايف الضي لا انت ولا خوك ناقص الرجوله والنمو الخايب السايب
صدام:عقد حواجبه بصدمه……شنوووو!!!!
بتول:بصوت اعلى ….اي ياباااااابا ايييييي
يلي يمد يده على مرا معناها ياااااما حصل كفوك في تريس زمان
نصيحه لوجه الله هكي الوجه الله انت وخوك يلي هوا راجلي راجل العازه
قعمزو مع رجاله كباااار تريس مصحصحه بالك يخلوكم زيهم
رفيدة:حطت يدها ع فمها بصدمه
بدريه:بدت تعيط عليها……سكري فمك يافاسده يلي اهلك مش مربيينك ولادي تريس مصنعه امنعه
فاطمه وساره يلي كيف نازله من الدروج مصدومين
بتول:صفقت بيديها …..ماهو واااااضح وااااضح ياماما سلم اللفعه 🐍 يلي مربيتهم وماشيين على خُطاها
سلطان:سكر الموضوع والعياط كله بكلمه وحده
سلطان:بتووووول انتي طالق
صمت عم المكان بصدمة✨
بتول:تعبو عيونها دموع وابتسمت بمكر 🔥⚡️…يكون اريح واحسن
وطلعت بدون ما تزيد حتى كلمه !
بدرية:تقول على امك لفعه وبتخليها تروح مطلقه بدون ما تاكل طريحه؟
معقوله امك هكي تهون عليك؟
شافت لي صدام….وانت برا ادب مرتك هيا يلي معبيتلها راسها وشاحنتها باش جت وقالت كلام زي هاذا
مرتك حية من تحت التبن ها الوسخه
و…….
عزام:عيط بصوت عالي سكتهم….خلاااااااص عاد ياسر
اليوم النساوين على صوتهم بما فيه الكفايه
معش نبي صوت ولا وحده فيهم يعلى
بدريه:شافت لي عزام وهيا تتكلم بصوت هادي…..خلي يجي بوك وبعدين ساهل
رجب:ادخل اخيراً وقال بكل بساطه …..هي خلاص سكرو الموضوع
البنت اطلقت ومشي الحال غضوا اخطبيله غيرها
ايات:نزلت وفي يدها الشنطه
كلمت بوها المصدوم وقالت…..اهيا شنطة ماما
مفتاح:خدي الشنطه فلتها ع الارض والزكيه تشوف لي بنتها وقلبها بيطلع
طاحت من الشنطه هلبا اغراض ومنهم اساور وخواتم ذهبيات يلمعو
مفتاح طبس خدي الاساور والخواتم وهوا يشوف بصدمه لي مرته…..شن هاذا يازكيه؟
زكيه:ضحكت وقلبها ارتاح…..هاذم حدايد وخواتم يلي جابتهم خالتك من العمرة
قلبت عيونها بثقه….وحتى لو تبي برا تأكد منهم
تصبحو على خير لان طياح القدر اليوم كاثر في ها العيله…ونسحبت
رفيده:تصبحو على خير يا عيله وربي يهدي النفوس
طلعت وأشرت لي ساره بعيونها باش تركب غرفتها
تابعت بدريه الانسحاب وهيا معصبه واتمتم في كلام مش مسموح
____________________________
ساره:يا رررربي كارثه يلي صار اليوم بتول اطلقت مستحيللل مسكينه
وربي حتى صدام تو تشوفيه رح يطلق مريم
اووووف حرام ميستاهلوش
مياسين:راقده ع السرير وماسكه الاي باد في يديها تلعب …علاش طلقها بتول؟
ساره:قعمزت ع الكرسي…لانها قللت ادبها هلبا على سلطان وخوه وحتى امه
افففف ديما هكي اصلا مرت عمي بدريه لسانها زي السم
وتعرفي لو تشوف ولادها الثلاثه يغلطو بعيونها تقولك مستحيل ميديروهاش
سرحت ساره في الهدرزه ✨✨✨
تصدقي مياسين مرات تفتخر بي غلط ولادها
مياسين:حطت الاي باد ع جيها ….غلط؟
غلط من اي نوع تحكي عليه!
ساره:زمان سلطان ضرب فاطمه قريب قتلها لان الجيران قالوله طالعه لي واحد قدام الحوش
وبعد ما كلت طريحه وصبعها تكسر عرفو ان الولد يلي طالعتله منذوب
وطالعه تاخد في طلبيه لي امها
ومره هدى ضربها صدام…..اخخخ مستحيل ننسى هذاك اليوم!
مياسين:شن صار؟
ساره:فاقت ع نفسها وضحكت…..كأنك حبيتي الهدرزه معايا؟😂
مياسين:بي انكار ….
لا طبعا فضول بس
ساره:بنضرات شك…..والله؟
مياسين:اففف خلاص ساره احكي مش وقتك
ساره:مره ماما طلعت تكنس في الجنان لقت هدى مرميه ع الارض واكله طريحه
عيونها منفوخات وخشمها كله دم وكدمات دم في جسمها مش طبيعيه
مياسين:علاش؟
ساره:في البدايه معرفنا شي سعفو هدى وروحو بيها ولما فاقت قالتلهم ان يلي ضربها صدام
ولعند يومنا هاذا مش عارفين السبب حتى هدى نفسها الله يرحمها متعرفش
مياسين:وكيف هكي سكتوله؟
سارة:مش نقولك يمجدو فيهم حتى ع الغلط
حناي الله يسامحها قالت ببساطة اكيد ضربها لمصلحتها اشبح شن دايره ومش مهم نعرفو علاش
مياسين:اتكت ع السرير …..هاذا كله كان صاير هكي ؟
سارة:تنهدت وأحرف من هكي
مياسين:وعزام؟
شنو كان يدير؟!
سارة:عزام ميمدش في يده لكن أوامره حقيره وادره الكبد
مياسين:كيف يعني
سارة:مثلا مفيش ولا بنت في العيله تفكر تشتغل حتى لو بشهادتها
ولو وحده فينا جاها خطيب برا العيله متحلمش بيه
وحي حي كان وصلهم خبر ان يلي جاي يخطب تعرفه من قبل يدبحوها دبح…..هاذا باش قتلك اسمعي كلامه بدون ما تعاندي
لان عادي جدا عنده توقفي قرايتك من توا زي مادار مع هدى قبل
مياسين:حسب رايك هدى انتحرت بسبب المعامله وضغط العيله ؟
ساره:وجها تغير ….منعرفش
مياسين:اشبحيلي وقولي يلي حاطيتيه احتمال مثلاً
ساره:منعرفش مياسين منعرفش
كل يلي نعرفه ان مهما كان مستحيل توصل بيها درجة الانتحار
لان هدى خدت يلي تحبه من صغرها واكيد لما بتكون مرته بيحميها منهم كلهم
مياسين:قامت حاجبها وردت بذكاء….علاش قبل مكانش حاميها ولا كيف!
ساره:ارتبكت…..اووووف منك كيف تركزي في كل شي
وناضت
مياسين:خذت نفس عميق…..صار هكي !
__________________________
طلع سلطان من حوش جده وكان متجه لي حوشه وهوا ناوي يمد يده على بتول بعد يلي دراته فيه قدام العيله كلها
بس لما وصل لباب عمارته هوا وخوه طلعت السياره يلي كانت مدرسه في فم العماره
وواضح انه واحد من خوت بتول روح بي اخته❤️
ركب بخيبة امل لشقته وهوا يسأل في نفسه…..
صح هيا قللت أدبها هلبا وتعتبر دارت العار
بس يا ترى هل انا يلي بديت وغلطت فيها؟!
هل تبعت خوي وهيا حرام مليهاش ذنب؟؟؟
وصراع كبييييير بينه وبين نفسه👌🏻
_____________________________
فاطمه:من قلب قلب قلبي حسبي الله ونعم الوكيل فيه ياريت جت مرته بتول مش مريم ها الحقير
ايات:اففففف سنين مرينا على ها القصه وانتي مش قادره تتخطي خلاص عاد
فاطمه:مش عارف كيف يقولك الخبيثون للخبيثات
ربي كيف يرزقه بي وحده زي مريم منعرفششش
ايات:ضحكت ….الحياة هكي يا حبيبتي
يلي يدور في مصلحته ومش هامه الناس يعيش مرتاح صدقيني
فاطمه:قامت حاجبها زيك يعني؟!
ايات:اياااه علينا منك يافاطمه
زكيه:طقت مرتين وفتحت الباب ….مرقدرش قاعدين؟
فاطمه:لا …..
زكيه:فطومه اطلعي خليني انا واختك شويه بروحنا
فاطمه:بنرقد انا م…..
زكية:فااااطمة
فاطمة:طلعت من غرفتها وهيا معصبة
زكية:ابتسمت بشر وهيا تسكر في الباب …..طلعتي ذكيه زي امك وتفكري كويس
والله جبت وربيت👌🏻
عرفتي كيف تتصرفي باش محدش يشك فيك
وتوا سلم بنتي طلعي الذهب خلي نتصرف فيه بكرا
ايات:ضحكت…..شنو؟اي ذهب؟؟
زكية:تغيرت ملامح وجها….شن تقولي انتي ايات؟
طلعي ذهب حناك يلي لقيتيه في الشنطه !
ايات:ماما انتي شكله عياط بابا مأثر فيك انا جبت الشنطه بدون ما نمسها
ولو تبيني نحلف قدام بابا عادي!
زكية:تشوف لي بنتها مصدومه!
تقول داخلها مستحيل تكون هاذي بنتي ايات يلي ربيتها
ايات:شنو انادي بابا؟
زكية:خدت نفس عميق….تمام يابنتي تمام
وطلعت بدون ولا كلمه
اما ايات فتحت الدرج يلي جنبها بهدوء وضحكت وهيا تشوف لي الذهبات✨
أحيانا وبين يوم وليلة تكتشف الامهات انها تربي في وحوش وهيا متعلمش!
لكن مفيش اي فايدة بي الاكتشاف هاذا لان ببساطة يكون الوقت خلاص فات….
_________________________________
مريم:ادور في مكانها وهيا ترعش …..يارب يارب جيب العواقب سليمه يارب 🙏 يااارب
زاد خوفها اكتر لما سمعت الباب ينفتح واخدت وضعية الاستسلام انها خلاااص رح تنضرب
خش صدام وقعمز ع الكنب
قام عيونه في مريم وهوا يحكي…..كويس انك مرديتيش عليا اليوم قدامهم زي سلفتك
والسبب هاذا يشفعلك انك متنسبيش اليوم ولا تنضربي!
مريم:قلبها ارتاح ….وقعدت تشوفله وهيا ساكته
صدام:مرت سلطان اطلقت اليوم
مريم:حطت يدها على فمها بصدمه
صدام:ديمه نقولك معش تخالطيها
اهو خربت حوشها بيدها من مزال بيشوف لوحده مطلقه؟
رح تقعد طول عمرها خدامه في حوش بوها ومذلوله بين خوتها ونساوين خوتها
ديري عقلك في راسك خير ما تلحقيها
مريم:اقتنعت بكلامه وخشت غرفتها بدون ما تزيد ولا كلمه
بس ياترى كلام صدام صح؟؟
تعالو نشوفو….
بشير:بنتي غااااالية
مش بنت بشير يلي تنهان وتتهزب وسط حوش راجلها واهله
لا وتطلق فوقها
وراس عويناتك يابنيتي خوتك غضوا من صباحات ربي لما يربوه الفاسد هاذا
وتعيشي في عز بوك طول حياتك وخوتك جنبك ماتنقصك حتى حاجه…
بتول:ابتسمت وحضناته❤️🙏
شفتو كيف؟
الانسان يحسابه الناس كللللهم زي اهله💕
الانسان لو ملقاش الامان عند اهله يعيش طول عمره مقتنع ان الامان والسند شي من الخيال
_______________________________
طق طق طق
عزام:رد بكلمة منو؟؟؟رغم انه عارف الجواب !
مياسين:مدت راسها وهيا مبتسمه وتقول….راقد؟
عزام:يتصفح في كتاب قدامه….مزال
مياسين:خشت وخلت الباب مفتوح…..جيت بنشكرك ع الغرفه يلي خديتهالي رغم رفضك ليها بس صحيت
لولاك مستحيل حد يجيبهالي
عزام:ابتسم ع جنب….بس ديري بالك مش ديمه نوافق
مياسين:المهم مخليتهاش في خاطري
صحيت☺️💕
عزام:سلمك
مياسين:شابكة يديها في بعض ونضرة البرائه في عيونها….يالله نخليك تتريح انا تصبح ع خير
عزام:اءءء بنسألك
مياسين:تلفتت وهيا مبتسمه….شنو؟
عزام:يحاول بكل قوته يسيطر ع ملامح وجها….تعرفي اديري قهوة؟
مياسين:اكيد🙃
عزام:خلاص ديريلي
مياسين:من عيوني
عزام:معرفش يرد بكلمة حلوه!
مياسين:وهيا مبتسمه…..بس رد بالك
راهو حتى انا مش ديمه نوافق ….وغمزتله وطلعت
عزام:تلقائياً ابتسم
واعترف بينه وبين نفسه بي ذكائها وسرعة ردانها في الكلام
اما مياسين بعد طلعت من داره
رجعت شعرها للخلف وتغيرت نضراتها والابتسامه اختفت اختفاء كلي
كانت مياسين تستعمل في اسلوب تقوية عزام💕
وهوا انه تشكره ع شي داره وتحسسه انه الوحيد في العالم يلي يقدر يديره وانه اذكى واقوى منها…
باش لما تطلب شي المره الجايه تضمن الموافق🤌🏻
ثاني يوم🌤️✨
مياسين:مقعمزه على الكرسي لابسه سروال جينز ازرق وسورية خفيفة شوي على اللون البني
وبوتيل قصير نفس اللون
بدريه:وين على خير؟
مياسين:قرايتي بنرجع نفعل قيدي خلاص ☺️
بدريه:تصب في الشاهي
اليوم بري مع ساره وايات رافعهم عمك اعتقي ولدي شويه خليه يخدم ع روحه وياسر معش تتلصقي فيه
مياسين:قبل ما تتكلم قاطعها عزام وهوا يقول
عزام:لا تتلصق لا شي البنت امامه ومنطلقهاش مع حد
مياسين:قامت حاجبها وشافت لبدريه
رفيده:صباح الخير
بدريه:صباح النورات ….تمشي معاي اليوم
رفيدة:خذت فنجان وصبت القهوا ….وين ؟
بدرية:جارتنا خلي نعزوهم حشمه ليه 4ايام متوفي راجلها
رفيدة :ان شاء الله ان شاء الله
بدريه:وانتي خيرك هكي تتكلمي من راس خشمك
رفيدة:شافت لي عزام …..والله ياولدي ان امك ادور في المشاكل ديمه حتى لي الناس يلي في حالهم
بدريه:بدت تفطر وگ العاده مش عاجبها شي!
انشغلت بدريه في الكلام هيا ورفيدة على كل شي صار امس
اما عزام وقف جنب مياسين وهوا يسأل
عزام:امس علاش حطيتي القهوة قدام الباب ومشيتي؟
مياسين:حسيت روحي نتلصق وانت مش فاضي
تنهدت…..زي ما تعرف لا عاد ماما ولا في صاحبات ولا حتى مصاحبه حد في الحوش مفيش غيرك نهدرز عليه
بس شكله كلام امك صح
عزام؛قرن حواجبه وهوا يشوف لي امه تهدرز ….مفيش منها الدوه
ومره تانيه تبي حاجه تعالي
مياسين:ابتسمت….به☺️
عزام:هي نوضي خلي نلحق الطرق فاضيه توا
مياسين:خدت شنطتها وطلعت
__________________________
بعد ساعه بزبط كانت الاجواء جداً هاديه
وزكية وبدريه ورفيده مقعمزات يشربو في قهوة كأن امس مش صاير ولا شي بينهم
دق الباب مرتين
زكية:ايااااات ….🤦🏻♀️ايات في القرايه نسيت
سااااره تعالي افتحي الباب بنتي
ساره:قربت من الباب وفتحاته ع اساس ان رح يكون حد من عماها او بوها او جدها او حتى ولاد عمها
بس لما فتحاته شافت قدامها شاب غريب✨❤️
طويل وعريض ونضرة عيونه جذابه👌🏻
فتحت الباب وجت عينها في عينه وقعدت لحضات تشوفله مش فاهمها منو هاذا!!!
لما استوعبت الموضوع رجعت خلف الباب بسرررعه وحطت البرنوض ع راسها ويادوب بينت وجها✨
ساره:تفضل؟
أيوب:ارتبك وتلكمس وكل الكلام خش في حيط!
سارة:تفضل يا خوي من تبي
ايوب:بتول…..اءء🤦🏻نقصد سلطان راجل بتول وينه
سارة:في العماره هديك الشقه يلي ع اليسار
بس منو انت؟
ايوب:بدي يعرق مع بعضه …..اءء انا ولد
انا بتول نكون خوها انا
ساره:ضحكت كيف مش قادر يحكي ….بجوده
ايوب:عطاها بضهر وجاي بيطلع ….بس تلفتلها
وانتي منو؟
ساره:انا…..
رفيدة:سااااااره منو ع الباب؟
ساره:تلفتت…حد واحد يسأل ع ولاد عمي
وسكرت الباب
ايوب:قعد يفضفض بي سوريته ….شن كنت جاي نبي انا؟🥵
_____________________________
الشيخ:هاذي العمل يلي دراته ولا عليها
فاطمه:سبحان الله مكنتش نعرف
تي ماهو عارفين حني وجايين نبو الحل المرض يلي فيا كيف نديرله منقدرش نعالج لان ميبيش علاج بطب !
الشيخ:خودي العشبه هاذي
غليها كل يوم واقريها عليها الكلام يلي في الورقه واشربيها بعد المغرب لمدة 7ايام
ايات:خدمتهم …صحيت ياشيخ
وطلعت من شنطتها حديدة ذهب وحطتهاله وطلعو
✨ديمه خلو في راسكم شي!…مش كل من قال عليه شيخ يعني شيخ وانتم تعرفو علاش🤷🏻♀️✨
_________________________
الزمان يدور ✨👌🏻
الجمله هاذي نسمعو فيها هلبا لكن تعالو نوضحوها بمثال❤️
سلطان انجبد من حوشه وطاح فيه ايوب وصاحبه ضرب
كسروه تكسير✨
ولما خش خوه صدام بيدافع عليه جبدوه حتى هوا وجروه من وذنه وضربوه في نفس المكان يلي ضرب فيه مريم بزبط👌🏻
خلوهم ملوحين الاثنين سلطان مغمي عليه والثاني يحاول ينوض ومش قادره
تحت الشمس في عز القايله ولا في حد داري بيهم ✨
🔥🔥 يوميات بنوتــــــــة شيــــــــخ 🔥🔥
الساعه9في الليل💕
رفيدة وبدريه وزكية في المشفى يطمنو على صدام وخوه
اما في الصاله مقعمزين
ايات وفاطمه ومياسين وساره ومريم
ومعاهم بتول !
اي بتول لان بوها كان جاي يتفاهم مع رجب وجابها باش يشهدها في هلبا كلام
قعمزو البنات مع بعض ونفتحت المواضيع….
فاطمه:خوك مسح ع كبدددددي فيهم ياربي بنبكي من فرحتي انا
بتول:بعدم رضا كامل….يستاهلو
مريم:ياربي قلبي عند صدام انا خلاااص مش قادره نصبر
بتول:ونبي ضمي فمك انتي خير ما نلحقك معاه شوفي يدك كيف محروقه
مياسين:بجد انتي عديمة كرامه
مريم:سكتت
ايات:خليهم يتربو زمان شوق ما ضربو ومدو يديهم الله يكسرهم
مريم:ربي ياخذ في الحق بكري بكري
فاطمه:وربي فديت اناااا منهم كنت نسحابه بعد يتزوجو يفكونا مع هاذا قاعدين يدخلو في كل شي
مريم:ردت بحماس….زي هدى فاده منهم الاثنين وربي يخلو الواحد ينتحر جديات كانت تشكي منهم هلبا الدراهات
فاطمه:عقدت حواجبها ….انتي من وين تعرفي هدى؟
مريم:شافتلها بي استغراب ….كيف؟
فاطمه:الثقه في عيونها…..يوم بيان هدى ووفاتها انتم ليكم اسبوع متزوجين ومجيتوش لي حوش جدي قاعدين
اول مره تجو الاثنين عرايس في بيانها يعني يوم وفاتها
مريم:ضحكت بتوتر….خيرك فاطمه شن تحكي
مياسين:بنضرات شك….من وين كنتي تعرفي هدى؟…
يتبع...
لقراءة الفصل الرابع عشر اضغط على : ( رواية مجرد كارثة الفصل الرابع عشر )
لقراءة باقي الفصول اضغط على : ( رواية مجرد كارثة )