رواية حنين الليل الجزء الثاني الفصل التاسع 9 بقلم أميرة رمضان

رواية حنين الليل الجزء الثاني الحلقة التاسعة 9 بقلم أميرة رمضان
رواية حنين الليل الجزء الثاني الجزء التاسع 9 بقلم أميرة رمضان
رواية حنين الليل الجزء الثاني البارت التاسع 9 بقلم أميرة رمضان
رواية حنين الليل الجزء الثاني الفصل التاسع 9 بقلم أميرة رمضان

رواية حنين الليل الجزء الثاني الفصل التاسع 9 بقلم أميرة رمضان

كل دي صحه وتقولي تعبان اماااااااااااااال انا اعمل اي اروح دار مسنين
حيدر : يخربيييتك حسد علي الصبح كده
وجدان : هو انت بيأثر فيك حاجه
حيدر : ادخلي ي بت بدل ما اخبطك بقفص العصافير ده في دماغك
وجدان : استني استني انت اي اللي موقفك بالفانيله في البلكونه كده
حيدر بغرور : دي قطونيل علفكره
وجدان بغيره : انا مالي قطونيل ولا قطوزفت واقف فرحان بعضلاتك عشان البنات تعجب بيك
حيدر : يعني انا هعمل العضلات والفورمه دي كلها عشان اخبيهم
وجدان : يعني انا عندي حق بقا يالهووووووي دانت يومك اسووووود
حيدر : مييييين ده اللي يومه اسود
وجدان بخوف : عم حسين البواب
حيدر : اي اللي دخلو في موضوعنا
وجدان : هو اللي كان بيقول ان يومه اسود انهارده
#بقلمي_اميره_رمضان
حيدر : اممممم هعمل نفسي مش واخد بالي وهعديها بس بعد كده اياكي اسمعك تقولي كده تاني لان كده حرام انك تلعني الدهر
وجدان : خلاص والله مكنتش اعرف
حيدر : طب ادخلي بقا عشان انا مش ناقص صداع كفايه اللي عندي
وجدان بغيره : ومين بقااااا اللي صدعك غيري
حيدر بخيبة امل: ي دماااااااغي
_________
ليل كان قاعد بيقراء قران وقعدت جنبو
ليل : مالك قلقانه ليه كده
_مش عارفه العيال شاغلين بالي اوي
ليل : هو انتي علطول قلبك خفيف كده
_ دول ولادي وحاسه بيهم طب رن عليهم عايزه اطمن
ليل : ماشي
_____
تالين : خالتو انا زهقت والله العيال دي مش بتسكت
بسمه بحب : دول حبايبي سبيهم واطلعي نامي
ياسين : انا بحبك اووي ي تيتا
بسمه : وانا بحبك اووي ي قلب تيتا وبفرح اوي لما بتاجو تقعدو معايا تونسوني
ياسين ببراء : بس انتي مش متجوزه ليه زي تيتا حنين
بسمه بحزن عميق : مين قالك اني مش متجوزه لاء متجوزه بس جدو سافر عند ربنا
ياسين : وهياجي ايمتا
بسمه : مش هياجي احنا اللي هنروح عندو
ياسين : طب هنروح ايمتا
تالين : ياااااااسيييييين بطل رغي ويلا بقا انا هطلعك اوضتك تنام لوحدك
بسمه : بس متزعلوش هو بيسال مش بيقول حاجه غلط
#بقلمي_اميره_رمضان
تالين : انا بس مش عايزاه يفكرك
بسمه بدموع حزينه : ومين قالك اني نسيته ده علي بالي كل ثانيه
تالين : ربنا يرحمه ويغفرله انا مشفتهوش كتير بس مشفتش منه غير الخير
ياسين : تيتا انتي بتعيطي ليه
بسمه مسحت دموعها : تعالي بقا نلعب عشان لينا زهقت مننا
___________
ماريا دخلت وقالت : حضرتك مش راضي تفطر ليه
حنين : اه قوليلو مش راضي والاكل قدامه اهو من بدري وبيقول انه هيصوم
ماريا :والله صيام اي وانت تعبان كده ماشي حسابنا بعدين (وبصت حنين وقالت) تلفونك بيرن من بدري
حنين خدت التلفون وفتحت بسرعه : باااابي واحشني اووووي
ليل : وانتي كمان ي قلب بابي اخبارك اي في الصيام
حنين : تمام اووي بس ناقصني وجودكم ادعولنا كتييير وان شاء الله السنه الجايه نروح كلنااا
(خدت التلفون وطلعت وماريا بصت لعز وقالت)
ماريا : مش هتاكل برضو
عز : لاء هصوم
ماريا : طب خلاص تعالي نغير جو ونطلع الجنينه
(عز كان مخنوق وقرر يطلع معاها )
عز : هاخد دش وهنزل
ماريا : اشطا (عز دخل الحمام وماريا كانت لسه هتطلع وشافت رساله من نيفين علي تلفون عز )
كانت بدايه الرساله في الاشعار: عز البنت مماتتش
ماريا باستغراب : بنت مين (حاولت تفتح الرمز ولكن فشلت سابت التلفون ونزلت)
#بقلمي_اميره_رمضان
_______
كارما كانت قاعده وميرا جات جنبيها
ميرا : عامله اي ي كوكي
كارما : الحمد لله خير في اي
ميرا : بصراحه كده عمر كلمني وعايز يكلمك باي طريقه
كارما : يكلم مين قوليلو احنا بينا المحكمه انا هطلق غصب عنه
ميرا ببعض العصبيه : يابنتي اديلو فرصه يدافع عن نفسه
كارما : يدافع اي ده مد ايدو عليا استني اي بعد كده
ميرا : ماهو انتي اللي استفزتيه من البدايه قالك متلبسيش ضيق ولبستي قالك متنزليش من شقتك ونزلتي قالك كذا حاجه متعملهاش وحضرتك عملتيها عند فيه
كارما : هو عايز يؤمر وانا انفذ انا مش خدامه
#بقلمي_اميره_رمضان
ميرا : هو مقلش انتي خدامه كل الحكايه انه حطلك بعض القيود وانتي محترمتيش ده قام ضربك
كارما : لا انا احترمت القيود اللي حطها ولا هو احترمني يبقا نكمل مع بعض ليه
جنه اتدخلت في الكلام : تكملو مع بعض عشان مليون سبب انكم بتحبو بعض وكمان اللي فرق بينكم اخته وبنت خالته العقارب ومتنساش ان كام شهر وهتكوني ام يعني هيبقا في بينكم طفل بلاش تبهدليه بينكم
كارما : انا عمري ما هحرم ابني من حاجه هجبلو كل اللي عايزو بس مش هرجع لعمر
ميرا : هو عمر عرف انك حامل ولا لسه مخبيه عليه
كارما : مخبيه طبعا
ميرا : بتنهيده شوفي انا مقدره اد اي انتي زعلانه منه عشان ضربك بس عادي ماهو في كتير بيضربو مراتهم انتي مش اول وحده
كارما : بس محدش يكسر كبريائى واقعد اتفرج عليه
ميرا : بس هو معملش كده كل الحكايه انه ضربك لوحدكم ولو دورنا علي السبب فهو معاه حق بس اللي معقدك كده بنت خالته كرهتك فيه لحد موصلتي لقرار الطلاق

جنه : وفين كلامك بقا لما كنتي بتقولي الاول اني مش هسيب ميس تخرب حياتي ولا تاخد مني جوزي يأستي ولا اي ولا خلاص مبقتيش بتحبيه
كارما : انا هطلع اوضتي عشان تعبانه(كارما مشت)
جنه ؛ مشكله كارما انها ممكن تمو*ت نفسها من القهر ولا ان حد يقرب لكرامتها
#بقلمي_اميره_رمضان
ميرا : هي حاجه حلوه لكن مش لدرجادي لازم يكون فيه بعض التنازلات البسيطه عشان الدنيا تمشي الدنيا مش قفش زي ماهي مفكره
_______
عز طلع من الحمام واخد تلفونه ونزل الجنينه
عز : مالك سرحانه في اي
ماريا : هو انت مبقتش تنزل مع صحابك ليه
عز : عادي مريح شويه
ماريا : اها
عز : انتي فيكي حاجه
ماريا : لو عارفه انك هتتكلم معايا كنت اتكلمت لكن انت هتسكت ومش هترد
عز : متلفيش وتدوري قولي عايزه تقولي اي
ماريا : افتح تلفونك وانت تعرف انا اقصد اي
عز بمجرد مفتح تلفونه فهم هي بتتكلم عن اي
ماريا : لو حقيقي مش هتخبي عليا افتح الرساله دي قدامي
عز : وانا من ايمتا بحكيلك حاجه
ماريا : عادي بس انت اللي سالتني مالك وانا قولت مجتش طلبت منك حاجه
عز حكالها كل حاجه عن موضوع الحادثه
ماريا بخوف : طب والبنت عامله اي دلوقتي
عز : مش عارف بظبط حنين لما راحت معرفتش تجيب اخبارها كويس عشان ايان لكن هي لحد دلوقتي عايشه
ماريا : طب افتح كده شوف الزفته دي بتقولك اي
عزفتح الرساله
**
البنت ممات*تش يعني فلت من الاعدام لكن متنساش انك هتدخل برضو السجن كام سنه بسبب اللي حصلها مش قادر تخرج نفسك ب خمسه مليون بس يابن البشوات بفكرك ان بكرا اخر ميعاد ليك باي ي روحي
ماريا بغيره : هي بتقولك ي روحي لييييه
عز : هو ده كل اللي هامك
ماريا بضيق : ماعلينا دلوقتي كده حل الموضوع ده عندي انا
عز : هتعملي اي مش عايز غباء
ماريا : هتعرف بعدين
__________
سليم نايم وتلفونه بيرن وفي الاخر رد
سليم بنوم : الو
حيدر : انت لسه نايم ي بارد
سليم : ياعم الدنيا صيام خليني نايم دلوقتي
حيدر : نوم اي قوم يلاا عايزين نخلص الشغل
رعد خد التلفون منه وقال : قدامك 15دقيقه وتكون قدامي ولو اتاخرت انت عارف انا هعمل اي
سليم : منك لله ي مفتري جااااي
قام بسرعه لبس ونزل
_________
نيفين : بعتلو الرساله اياك يتهد بقا ويبعت الفلوس الاول
سراج بطمع : داحنا كمان لو خطفنا حد من عيلته وطلبنا اضعاف المبلغ ده هيدفعو في ثانيه
مصطفي : الفكره دي بتلف كتير علي دماغك سيبك منها عشان حوراتها كتير
سراج : متنساش ان فلوسها اكتر
نيفين : طلع الفكره دي من دماغك خلينا ماشيين كويس مش عايزين مشاكل
سراج مردش علي كلامها وقال : هات سيجاره ي مصطفي
مصطفي : خد لف انت انا مش فاضي
وقعدو يشربو من محرمات الله
________
قبل المغرب
يوسف : هو المغرب طول كده ليييه انا همووووت
ايان : متنشف ياض كده شويه صيام هيعملو فيك كده
يوسف : ايوا منتا متسحر من حقك تقول كده
رعد : ايان انت بتكلم مين سيبك من الواد ده هتضيع صيامك عليه لو اتكلمت معاه شويه كمان
عز نزل وقال : عندك حق والله
يوسف : اي ي عم عز اخيرا انت كنت تعبان امبارح مالك انهارده كده شادد حيلك عليا ليه
ميرا : قولو بقا ختمتو كام جزء انهارده
عز : انا متسحرتش وكنت نايم مش قارد
ميرا : صحي النوم ي اخويا قوم صلي واعبد ربك دول 9 ايام وهيخلصو اعمل حاجه تنفعك في اخرتك
بعيد شويه قاعده ماريا وحنين
ماريا : بقا تخبي عليا ي حنين مااشي
#بقلمي_اميره_رمضان
حنين : والله مكان ينفع اقولك هو كان محلفني
ماريا: طب انا سالتك كذا مره وبتكدبي وتقولي معرفش طب قولي ان فيه حاجه بس مش هحكي
حنين : خلاص ي قلبي بقا اخر مره
ماريا : هعديها ليكي بس عشان محتجاكي في كذا حاجه بليل
المغرب اذن وكلهم اتجمعو يفطرو
__________
بعد الفطار :
حيدر : اعمليلي قهوه
مليكه : يابني ارحمني شويه انا شاربه عثير ومايه كتير مش قادره اقوم مفرهده
حيدر : ايوا يعني انا اعمل اي دلوقتي
مليكه : ادخل اعمل لنفسك
حيدر : مين مين ياختي انا ادخل المطبخ لييه
مليكه : ليه ي اخوبا علي ايدك نقش الحنه
حيدر : لاء ايدي هتعلم علي قفاكي دلوقتي لو مقومتيش
ندي : بااااااس كفايه صداع هعملها انا وهخليها هي قاعده زي البروطه كده
مليكه : تسبمي ي جلبي
________
خديجه : الواحد كل ولزق مش قادره اقوم
نوح: كلي علي ادك لازم تنسفي السفره يعني
خديجه : قصدك اني مفجوعه
نوح : لاء ي قلبي وبعدين انتي مهما تاكلي مش بيبان عليكي
خديجه : طبعا من يومي وانا مزه
#بقلمي_اميره_رمضان
نوح : مين قال كده
خديجه : كفايه اني كنت شاغلاك ومش بتفكر في حد غيري
فارس بضحك : دانتي غلبانه
خديجه بعصبيه : يعني ااااي
نوح : منك لله ي فارس هتقلبها عليا
فارس : حصل ولا انا بكدب
نوح بحب لخديجه : كنت بدور عليكي فيهم بس انتي ملكيش بديل ابدا ي قلبي
خديجه : امممم بتثبتني
نوح : وانا اثبت مين غيرك يعني
فارس : خلاص ضحك عليكي بكلمتين صحيح ناقصات عقل
______
البنات كانو برا بيشترو لبس
كارما : كفايه لاف بقا انا تعبت

حنين : مالك عامله زي الست العجوزه كده ليه هو احنا كنا لسه اشترينا حاجه
كارما : انا هقعد هنا وانتو كملو
ماريا : اشطا بس هتقعدي لوحدك
جنه : خلاص انا هقعد اونسها
ميرا : ومين هيجبلك لبسك يعني احنا كفايه كل وحده هتجيب لنفسها قومي معانا
كارما : خلاص هروح انا اريح في العربيه علي الاقل في تكيف والنفس قليل وانتو خلصو وتعالو متتاخروش عليا عشان والله هسيبكم وهمشي
ماريا : طب استني هجيب الشنط واجي معاكي احطها في العربيه
وصلو عند العربيه
كارما : متحطيش الشنط علي الكراسي اللي ورا عشان انا هريح عليهم حطيهم في الشنطه او الكراسي اللي قدام
ماريا : ماشي حطتيتهم اهو سلام بقا اياكي تمشي وتسبينا
كارما : لو اتاخرتو همشي
فتحت تلفونها وكانت بتقلب فيه وفجاء العربيه اشتغلت
كارما بخضه : اي ده
(وبصت لقت شخص مخبي وشه قاعد قدام وساق العربيه)
كارما بخوف ورعب : ا انت مييييييييبن😳
الشخص بصلها ورش علي وشها مخدر
كارما : اااانت بتعمل ااااااي ب...... (وفقدت الوعي)

يتبع...
لقراءة الفصل العاشر اضغط على : ( رواية حنين الليل الجزء الثاني الفصل العاشر )
لقراءة باقي الفصول اضغط على : ( رواية حنين الليل الجزء الثاني )
تعليقات



حجم الخط
+
16
-
تباعد السطور
+
2
-