رواية سجنت بسبب متحرش الفصل الرابع 4 بقلم إيسو ابراهيم

رواية سجنت بسبب متحرش الحلقة الرابعة 4 بقلم إيسو ابراهيم
رواية سجنت بسبب متحرش الجزء الرابع 4 بقلم إيسو ابراهيم
رواية سجنت بسبب متحرش البارت الرابع 4 بقلم إيسو ابراهيم
رواية سجنت بسبب متحرش الفصل الرابع 4 بقلم إيسو ابراهيم

رواية سجنت بسبب متحرش الفصل الرابع 4 بقلم إيسو ابراهيم

في اليوم التالي صحيت لقيت أخوها قاعد في الصالة مركز في الموبايل، راحتله وقريت المكتوب بصوت عالٍ: اسمي شاهندا بشرب ماريندا وعايشة في هولندا وعندي سيارة هوندا قولت إيه؟
أخوها بصلها وقال: إيه؟
فاطمة: فراخ بانيه، مين شاهندا دي ياض
أخوها بصدمة: وربنا معرفهاش دا أنا فكرت دي فزورة
فاطمة: فزورة هتجيلك عالخاص
أخوها: عادي يعني
فاطمة: عارف ياض لو شميت بس إنك بتكلم بنات هعمل فيك إيه؟
أخوها: إيه؟
فاطمة: هلعب في وشك كراتيه
أخوها: يابنتي أنا بخاف ربنا مستحيل بس أفكر أي بنات اها اومال مفكراني إيه؟
فاطمة: إما نشوف ياخويا يلا سلام عشان عندي امتحان
أخوها: ربنا ينصرك ياختي
فاطمة: وأنا رايحة أحارب ولا إيه؟ يلا سلام ربنا ينصرني فعلا
راحت فاطمة موقف المواصلات ومستنية ميكروباص
آخر واحد بيحمل راحت تركب ملقيتش مكان غير جنب السواق
السواق: اطلعي يا آنسة اركبي جنب الأستاذة دي
فاطمة: ماشي
بقلم إيسو إبراهيم
البنت اللي كانت راكبة جنب السواق نزلت نضارتها وقالت: لا استني هنزل وأنتِ اركبي جنبه
فاطمة: ما تخليكي يا ستي عشان مابعرفش أركب جنب السواق مباشرة عشان خطيبي مايزعلش أصل بيغير عليا
فاطمة: إيه يا بنتي دا الأفورة دي هنقول خطيبي وجوزي وسعي ياختي خلينا نخلص
ركبت فاطمة وهى مضايقة عشان مش قاعدة مرتاحة
والسواق شغل أغاني
فاطمة في سرها: استغفر الله العظيم يارب عديلنا اليوم دا على خير
ووصلت أخيرا وراحت الإمتحان
بعد لما خلصوا قابلت صاحبتها وقالت: عايزين نعمل محو الأمية بقى
صاحبتها: ماشي بس هنجيب ناس نعلمهم منين
فاطمة: والله ماعرفش اسألي مامتك وأنا اسأل ماما وهما يشوفلنا ناس أكيد عارفين مين مش متعلم
صاحبتها: صح عندك حق
وروحوا وفاطمة سألت مامتها
والدتها: في واحدة على أول الشارع خالتك سعدية
فاطمة: قصدك الست اللي بتفضل تبصلي في الرايحة والجاية دي
والدتها: اها
فاطمة: لا مش عايزة دي خليها لحد تاني
والدتها: أنتِ كمان هتختاري وتدلعي؟ أنتِ لاقية
فاطمة: أنتِ هتذلينا يا ماما يعني ماشي يا ستي كلميهم وجمعيهم ليا
وجمعت والدتها الناس اللي هتعلمهم
نزلت فاطمة عشان تعلمهم بعد لما خدت بطاقتهم عشان تبدأ تعمل الورق المطلوب
عدى الوقت وقالت تعمل لهم امتحان قبل ما يروحوا يمتحنوا في المدرسة
وزعت عليهم ورق وكلهم بصولها
فاطمة باستغراب: بتبصولي ليه؟ حلوا يلا
ست من اللي قاعدين: احنا ماخدناش الحاجات دي
فاطمة: اومال الأيام اللي فاتت دي كنت بشرح لكم إيه؟
الحجة سعدية: بصي يا أبلة فاطمة
فاطمة بضيق: أبلة؟! بصيت يا خالتي
الحاجة سعدية: يعني أنتِ غششينا وخلاص ، وادخلي على الفرحة على قلب مسلم
فاطمة: ياكش عنكوا ما فرحتوا يعني أغششكوا عشان أخد ذنوب فين الضمير والتقوى والدين مش عيب على سنك لما تقوليلي كدا بدل ما تكوني قدوة لأحفادك
الحاجة سعدية: مش لما أكون قدوة لعيالي الأول
فاطمة: على رأيك، بصوا كل واحدة تقوم تطبخ لجوزها أحسن لكم يعني اللي تعلموا خدوا إيه، أهم مهما اشتغلوا آخرهم المطبخ يلا روحوا ووفروا عليا التعب دا عشان ماشية بالعلاج
جه يوم الإمتحان بتاع محو الأمية
فاطمة في سرها: يارب استرها وينجحوا عشان أخد الورق وأخلصه
ووقفت عالباب ولقيت واحدة موطية عالديسك
فاطمة باستغراب: هى دي نامت ولا إيه؟
راحتلها فاطمة ولكن وقفت مصدومة
ياترى حصل إيه؟
يتبع...
لقراءة الفصل الخامس اضغط على : ( رواية سجنت بسبب متحرش الفصل الخامس )
لقراءة باقي الفصول اضغط على : ( رواية سجنت بسبب متحرش )
تعليقات



حجم الخط
+
16
-
تباعد السطور
+
2
-