رواية ليلة زواجي الفصل الثالث 3 بقلم رندة

رواية ليلة زواجي الحلقة الثالثة 3 بقلم رندة

رواية ليلة زواجي الجزء الثالث 3 بقلم رندة

رواية ليلة زواجي البارت الثالث 3 بقلم رندة

رواية ليلة زواجي الفصل الثالث 3 بقلم رندة

رواية ليلة زواجي الفصل الثالث 3 بقلم رندة

رماني عالكنبه .. وراح جاب علبة الخمر صب كاسه .. وقرب مني .. بدو يشربني بالغصب .. قاومت بكل قوتي ..

قاومت بقوة ما بعرف من وين اجتني ..

رفعت اجري وضربته فيها بقوة عجيبه .. كانت ضربه قويه وقع لورا ..

قمت بسرعه فتحت الباب سمعته بهدد وبنادي وحسيت بحركته وراي .. انا مافي شي وقفني ركضت بكل سرعتي ..

وقفت اول تاكسي كان ابن حلال بس شاف حالتي حزن علي كثير ..

اعطيته عنوان اهلي ورحت عندهم .. كانت الساعه تقريبا 12 بالليل ..

وصلت بيت اهلي وانا ارجف وخايفه ...

دقيت عالباب بايدي الثنين وانا اصرخ وانادي ع ماما ..

فتح سراج : ولك مالك شو في ..

بابا : ولك ليش راجعه هيك .. شو صاير ..

ماما : شو في يا بنتي .. شو في ؟؟

سراج : ولك لا بكون ..

انا : اسكت خلص انا هربت منه هدا بسكر .. والله ما بتزوجه ..

بابا : ولك انتي شو طينتكً؟

بهاللحظه رن التلفون كان ابو سامي سمعت بابا بتاسف منه .. اخر شي حكاله الصبح انا بجيبلك اياها والله لاربيها ..

سكر الخط واجا عندي ..

ضربني .. وحكالي بدك ترجعي بالغصب ..

سراج : والله بموتها اذا ما بترجع ..

روان : والله لاموت حالي ..مستحيل ارجعله .. بنتحر وما برجعله ..

وقف سراج وطلعوا عينيه من راسه .. ركض عالمطبخ وجاب حبل ..

وقف بابا معه .. واخد الحبل منه ..

ربطوا ايدي ورجلي

وجاب سيخ .. حطوا السيخ ع النار لحتى صار سخن نار ..

ما خطرلي شو ممكن يعملو في .. ما خطرلي انهم راح يحرقوني ..

انا : شو بدكو تعملو في . ارحموني ..

ابو روان : مش بدك تموتي حالك !!

ام روان : لا يا رجال شو هالحكي ..

سراج : راح افرجيكي الموت عالبطئ..

انا : يا ربي والله ماعملت شي ..

ابو روان : والله لاعلمك كيف تعرفي تحكي ..

ام روان : يا ربي دخيلك ..

ابو روان : جعل ربك ياخدك انتي ..

سراج : يمه ادخلي عالغرفه وسكري الباب ع حالك ..

ام روان : اعطوني بنتي بدخل انا واياها ..

سراج : يمه روحي لا تخلني ازعلك ..

ابو روان : انتي بدك تجلطني .. روحي والا بحطك جنبها ..

انا : يا بابا سامحني والله مابعيدها ..

سراج : لازم تتربي ..

ابو روان : سراج هات السيخ ..

سراج : بعد يابه هذا شغلي ..

ام روان : ببوس رجلكم بعدو عن البنت ..

مسك ابو روان امها وشدها بوحشيه .. دخلها الغرفه وسكر الباب عليها ..

قرب من روان من بنته .. الي بهديك اللحظة اجردت منه كل مشاعر الانسانيه ..

مسك سراج اخته .. وهي تصرخ وتترجى فيهم ..

حط ايدو ع ثمها ..

السيخ كان سخن كتير ..

رفع عن رجلها قريب من ركبتها حط السيخ عليها ..حفر رجلهاحفر

اخ يا وجع

اخ يا الم

اخ يا بابا انا بنتك

اخ يا سراج انا اختك

ارحموني ..

سمعت صوت جلدها انشوى وشمت ريحته ..

متل العصفور المذبوح تالمت ..

ما رحموها ..

يمكن ثواني دقيقه او اقل خلوا المسمار عليها هالثواني كانت كفيله انه تركت جرح وعلامه طول العمر ..

علامه لانها حكت لاء

علامه لانها بدها تتحدا الظروف

لانها بدها تعيش ..

تركوها تبكي وتتالم ..

قامت تمشي بوجع عند امها ..

مسكتها امها ضمتها ..

بكيت ع بكائها ..

شافت ركبتها .. صرخت صرخة وجع .. وبكيت بحرقه ..

ام روان : يا ويلكم من الله ..

سراج : بتستاهل ..

ام روان : انت مو اخ انت عدو ..

ابو روان : اسكتي والا مصيرك مثل مصيرها ..

روان بتبكي وبتتالم : يا ماما اسكتي خلص منشان الله اسكتي ..

ام روان : حسبي الله ونعم الوكيل ..

نمت هديك الليله وانا بتوجع .. نمت ع وجع من ابوي اخوي ..

قمت الصبح ع صوت ابوي : ولك روان قومي تحركي ..

روان ما بتصحى ..

ام روان : خليها نايمه مش بكفي اللي عملتوه فيها ..

ابو روان : انتي لو تسكتي الدنيا بخير ..

قرب ابو روان يصحيها .. حط ايدو عليها .. روان كان سخنه نار ..

جسمها بغلي غلي ..

ابو روان :اوووف شو مالها هاي ..

ام روان : مالها .. شو فيها

ركضت عليها امها .. قربت منها .. حطت ايدها عليها ..

البنت نار .. بتغلي غلي .. انفاسها بتطلع بصعوبه ..

ام روان : يعمري يا بنتي .. شو صار فيكي ..

ابو روان : روحي جيبي ثلج حطي عليها 

يتبع....

لقراءة الفصل الرابع اضغط على : ( رواية ليلة زواجي الفصل الرابع )

لقراءة باقي الفصول اضغط على : ( رواية ليلة زواجي )

تعديل المقال