رواية اعادة تأهيل مؤقتة الحلقة الأولى 1 بقلم زهرة عصام
رواية اعادة تأهيل مؤقتة الجزء الأول 1 بقلم زهرة عصام
رواية اعادة تأهيل مؤقتة البارت الأول 1 بقلم زهرة عصام
 |
| رواية اعادة تأهيل مؤقتة الفصل الأول 1 بقلم زهرة عصام |
رواية اعادة تأهيل مؤقتة الفصل الأول 1 بقلم زهرة عصام
انتي طالق طالق طالق
اية طالق ؟! طب لية يا أيمن هو انا عملت أي حاجة زعلتك ؟!
أيمن هز رأسه و قال:- لا بس أنا عاوز ولد و انتي خلفتك كلها بنات و بالمناسبة انتوا هتسيبوا البيت دا و هتروحوا تقعدوا في البيت التاني انا هتجوز في الشقة دي و خلاص فرحي آخر الشهر
كانت بتسمعه و هي مصدمة و مش عارفه تعمل اية مكنتش واخدة بالها من بنتها اللي بتسمع الكلام
فتحية بصت لية و قالت بصدمة :- و هو كان بأيدي أخلف ولد و مخلفتش يا أيمن كله بتاع ربنا
أيمن بقسوة:- و برضوا الجواز و الطلاق بتاع ربنا و دا آخر كلام عندي من بكره هتاخدي البنات و تقعدوا في البيت القديم الجديدة ليها الجديد و العروسة هتفعد هنا عاوز الحق أجهز الشقة لفرحي و سابها و مشي خرج من البيت كله
فتحية قعدت من صدمتها على الكنبة و هي بتقول:- يعني اية طلقني كل دا عشان عاوز ولد طب اية فرق البنات عن الأولاد ؟ كدا يا أيمن كدا بعد الحُب دا كله تعمل فينا كدا هروح فين و اجي منين هروح فين ؟
دموعها بدأت تنزل و هي بتفتكر كل المواقف اللي وقفت فيها جمبه و دعمته كل حاجه تملكها حتي دهبها باعته عشان خاطرة
فتحية: طلعت خسـ'ـيس يا أيمن خسـ'ـيس و متستاهلش دمعة من عيني
لقت ايد بتطبطب عليها لفت وشها ليها بعد ما مسحت دموعها و ابتسمت بصعوبة و قالت:- أي يا حبيبتي اللي قومك من السرير و انتي لسة تعبانة
- متعيطيش يا ماما بابا دا وحش و أنا مبحبوش
فتحية بصدمة:- اية الكلام اللي بتقولية دا يا تمارة لا يا حبيبتي بابا حلو ولازم نحبه
تمارة: لا مش حلو هو عاوز ولد مش بيحب البنات مش بيحبنا و أنا كمان مش راح أحبه
فتحية حضنت تمارة و هي بتقول:- الصبر يا صاحب الصبر بصتلها و قالت:- تعالي يا تمارة خدي العلاج و نامي شوية تعال يا بنتي
------ اذكروا الله
سمعتي اللي أنا سمعته يا أم شريف
خير كفالله الشر يا ام عبده
أم شريف:- الراجل النا'قص اللي إسمة أيمن طلق الست فتحية و هيتجوز
أم عبده:- أما صحيح راجل عر'ة بقي يرمي جوهرة زي الست فتحية و البنات عشان يتجوز
أم شريف: بيقولوا عاوز ولد
أم عبده:- مهو معاه حق برضوا يا أم عبده الراجل عاوز ظهر و سند لية و معلش في الكلمة يعني الست فتحية خلفتها بنات لا هو خالف الشرع ولا عمل حاجة حرام
أم شريف:- بس العيال برضوا دول بنات يا ام عبده
أم عبده:- ملناش دعوة يختي خلينا بُعاد أحسن دا راجل لسانة سابقة
------- اذكروا الله
فتحية قاعدة على السفرة بتفكر تجيب الكلام إزاي لـ بناتها بصت ليهم و قالت بابتسامة حزينة:- يلا يا بنات خلصوا أكل بسرعة عشان نلم حاجتنا
جوري :- لية يا ماما هنروح فين
فتحية :- هننقل البيت القديم يا جوري
لينا :- بس لية يا ماما إحنا عاوزين نقعد هنا البيت القديم وحش و فيه سقعة
فتحية بحزم : مش عاوزه أسمع اعتراض إحنا هننقل البيت القديم و ننسي البيت دا خالص
جوري و لينا زعلوا على عكس تمارة اللي بصت بجمود و قالت:- ما تقوليلهم الحقيقة مش احسن ما يعرفوا من بره
فتحية بصت لـ تمارة و قالت:- اية اللى إنتي بتقولية دا
تمارة خبطت على السفرة جامد و قالت:- بقول الحقيقة اللي انتي مش معترفة بيها يا ماما
الاستاذ أيمن خلاص طلقك و رمانا في الشارع هو عاوز ولد مبيحبش خلفت البنات بيكره البنات و كملت بغل و أنا كمان بكره و بكره كل جنس الذكر
فتحية بصرامة:- تمارة على اوضتك و جهزي شنطتك
تمارة دخلت اوضيتها و قفلت الباب وراها جامد خض أخواتها
جوري بصدمة: هو بجد اللي تمارة قالتة دا يا ماما بابا مش بيحبنا و سابنا عشان عاوز ولد
فتحية بدموع:- لله الأمر من قبل و من بعد بصت لـ بناتها و قالت:- بابا بيحبنا يا جوري و بيحب لينا كان و بيحب تمارة بس هو عاوز ولد عشان يقدر يحميكم لما تكبروا
لينا :- يعني لما بابا يجيب ولد هيبقي أخونا
فتحية بألم : أيوة يا حبيبتي
جوري:- طب إحنا لية هنسيب البيت ؟
فتحية:- عشان بابا يجيب أم اخوكوا هنا
و سألتهم و قامت قبل ما يسألوا أسئلة تانية دخلت الاوضة و أول ما بقت لوحدها سمحت لـ نفسها بالانهيار
فتحية:- منك لله يا شيخ منك لله ااااه يا قلبي
----- اذكروا الله
تمارة بقت تلف في الاوضة و تقول:- انا تزعقيلي عشان واحد باعنا أنا عمري ما شفت منه يوم حنان علطول لو كنت ولد لو كنت ولد انا بكره مبكرهش في حياتي قده و مش هو بس انا بكره كل الرجالة كلها
تاني يوم الصبح فتحية لمت هدومها هي و البنات و ايمن جه
أيمن ببرود :- خلصتي
فتحية : أيوة بس عاوزين عربية تنقل عفش البيت
أيمن :- دا اللي هو إزاي يعني لا العفش مش هيتنقل من مكانة
فتحية بصوت عالي:- اومال هنفعد على اية دا البيت هناك خرابة و بعدين دي قايمتي يا أستاذ
أيمن: انتي بتعلي صوتك كمان طب يا فتحية هردك و كدا ميبقاش فية قائمة خدي العيال دي و اطلعوا بره عاوز العروسه تيجي على نضافة
فتحية خدت البنات بصدمة و خرجت و تمارة بصت لـ أبوها بغل و قالت في نفسها:- أنا بكرهك بكرهك بكرهك و عمري في يوم ما هخليك تقرب مننا تاني
----- اذكروا الله
فتحية أخدت البنات و راحت البيت كان عبارة عن بيت من بيوت زمان من الطوب و الطين مكنش فيه غير كنبتين و الخشب بتاعهم بالي بمجرد ما تقعد عليهم هيقعوا
البيت مليان تراب و عنكبوت و فيران جوري و لينا مسكوا في بعض بخوف و تمارة حطت شنطتها و هي بتقول:- لا الصراحة يشكر أنه ادانا البيت نقعد فيه بدل الشارع
فتحية سكتت و مردتش و بدأت تنضف البيت و البنات بيساعدوها البيت أخد تلت تيام على ما نضف و كانوا بيناموا على الأرض حتي البطاطين مش بتدفي
لينا :- بابا دا وحش و أنا مش هحبه تاتي مشانا من البيت عشان يجيب اخونا ما كان قعده معانا وخلاص
تمارة بصت ليها و قالت بزعيق:- بابا بيكرهنا انتي فاهمة مبيحبناش مش عاوزنا
فتحية ضر'بتها بالقلم و قالت:- إياك تقولي كلمة واحدة عن بابا تاني انتي فاهمة
تمارة سابتهم و قعدت في اوضة لوحدها
عدت الأيام و البنات انتظموا في دروسهم تاني و خاصة تمارة اللي في أولي ثانوي و في يوم و هي راجعة من الدرس عدت من على بيتهم القديم لقت عربية متزينة و زفة و أبوها ماسك في ايد واحده تانية
تمارة سابت صحابها و جريت وقفت قدامة و ....
تمارة سابت صحابها و جريت وقفت قدام أبوها و دمعة من عنيها نزلت
أيمن بصلها كتير و دور وشه لـ عروستة اللي اضايقت من وجودها و زقتها باديها و قالت:- انتي جاية تبوظي عليا فرحتي يا بنت فتحية غوري انقطع خلفك من الدنيا كلها
تمارة بصت ليها بتبريقة و بصت لـ أبوها يقول حاجة دي بتدعي عليها قدامة و هو متهزش فيه شعرة
أيمن :- براحة يا دولي يا حبيبتي متتعصبيش انا عاوزك بصحتك النهاردة
------ اذكروا الله
علي بعد كام خطوه منهم كانت أم أشرف واقفة مع ام أيمن و بيتفرجوا
أم أشرف:- شوف الراجل الخـ'ـسيس سايب الولية تبهدل و تدعي على البت و هو واقف مقلش تلت التلاتة كام دا بدل ما ياخدها قلمين و يقولها كله إلا بناتي رجالة آخر زمن
أم أيمن :- دا شكل البت جيباه على وشه يختي عاوز ينول الرضا شوفتي بيقولها اية متعصبيش نفسك خساره يبقي أب للبنات دي والله نسمة ولا حد بيسمع نفسهم
أم أشرف:- هنعمل اية يا أم أيمن محدش بياخد كل حاجه البنات بسم الله ما شاء الله قمرات يقولوا للقمر قوم و أنا أقعد مكانك بس حظهم زي الزفت و اللي جاي عليهم هو أبوهم دا بدل ما يطبطب عليهم و ياخدهم في حضنه لا يسيبهم للي يسوي و اللي ميسواش يمرمط فيهم
أم أيمن:- يلا ربنا يتولاهم برحمته
أم أشرف:- يا رب يختي يا رب لحسن دول غلابة و ملهمش إلا ربنا
----- اذكروا الله
دولت زعقت بصوت عالي و قالت:- انتي يا بت مبتفهميش مش بقولك امشي انتي ملكيش حاجة هنا
الموسيقي اللي كانت شغالة وقفت و الناس واقفة تتفرج
تمارة بصت ليها بقرف من فوق لـ تحت و نقلت نظرها لـ أبوها و قالت:- فعلاً يا زين ما اخترت يا أستاذ أيمن شرشوحة بتكرشنا من بيتنا عشان شرشوحة زي دي
دولت:- هي مين دي اللي شرشوحة يا بنت فتحية دا انتي ناقصك رباية بقي
تمارة بقرف:- صح أصل أبويا كان بيرمر مع واحد زيك مكانش فاضي يربيني
أيمن:- اخرسي يا قليلة الأدب يظهر فعلا دولت معاها حق و إنك ناقصة رباية ولازم تتربي مهو أصل أمك مكنتش فالحة غير إنها تخلف بنات مكنتش فاضية تربيكم
تمارة وقفت قدام أوها و قالت بتحدي :- تؤ أمي ربتني كويس أوي بس أبويا مكنش فاضي لينا كان بيدور على اللي تجبلوا الواد أصل خلفة البنات بالنسبالة عار فراح جاب واحدة خريجة كبار'يهات يتجاوزها و ساب الست اللي وقفت جمبه من لما كان شحات
دولت ضر'بت تمارة بالقلم و قالت:- لا دا انتي قليلة الأدب فعلا و مش لقيا حد يربيكي
تمارة بصتلها بتبريقة خلت دلوت تبلع ريقها بصعوبة و تتوتر
تمارة ضغضت على اديها جامد و قالت:- اعتذري احسنلك
دولت :- اعتذر لمين ليكي انتي يا بنت فتحية دا لو انطبقت السما على الأرض عمرها ما هتحصل
الناس بدأت تتكلم تتهامس بينهم على اللي هيحصل
- دي بينها هتولع يا زميلي
- هتولع بس يسطا دا كدا والعة تفتكر هتعمل ايه ؟
- مش عارف بس اللي متأكد منه إنها مش هتسكت
تمارة من صغرها مبتسكتش على حقها ولا عن حد بيهينها
- خلينا نتفرج يسطا اكيد الخناقة دي هتسمع في المنطقة كلها لشهر قدام تخيل كدا التريند خناقة بليلة الزفاف
- صور صور دا إحنا هنجيب ريتش عالي أوي
و هكذا هو حال الدنيا عزيزي القارئ تقف بعيدا و تنظر و عندما تشتعل الأحداث تخرج هادفك و تلتقط بعض الصور لتجميع ما يسمي بالريتش و الحصول على التريند
انعدمت الشهامة و الأخلاق
فبدل ما حد فيهم يدخل و يحاول يهدي الوضع كله واقف يتفرج و مستني يشوف الخناقة هترسي على اية ؟! و بعد ما تخلص الكل يجري عشان يشوف هيحكي لمين و يتفاخر أنه كان بيتفرج
---- اذكروا الله
- يا خالتي ام سمارة الحقي
فتحية:- في اية يا ورد و فين تمارة مش كانت معاكي في الدرس ؟!
ورد بنهجان:- الحقي يا خالتي تمارة يتتخانق مع مرات أبوها الجديدة
فتحية بصدمة:- انتي بتقولي ايه يا ورد
ورد :- والله زي ما بقولك كدا يا خالتي كنا راجعين من الدرس و عدينا على البيت فراحت وقفت قدامهم و قامت خناقة دا الشارع كله ملموم يا خالتي و العقر'بة زعقتلها
فتحية:- اية علت صوتها على بنتي
ورد بابتسامة فخر :- بس تمارة مسكتتشلهاش اومال لازم ترد اعتبارها و كرامتها قدام الناس دي تمارة يا خالتي
فتحية بتنهيدة:- و هو حد واجع قلبي غير تمارة يلا تعالي نروح ليها أصل أنا عرفاها مش هتجيبها لبر أبدا بنت بطني
فتحية أخدت ورد و جريت تشوف تمارة
----- اذكروا الله
تمارة عنيها احمرت و قالت بهدوء ما قبل العاصفة:- يعني دا آخر كلام عندك ؟ مش هتعتذري
دولت :- لا مش هعتذر واللي عندك اعملية
يدوب خلصت ملامها و لقت كف نازل على وشها قوته أكبر من الكف اللي ضر'بته ليها
تمارة ببرود :- كدا خالصين يا تربية الكباريهات يا اللي سمعتك مسمعة و اياك شوف إياك تفكري إني بسكت عن حقي لا يا حلوه اصحي أنا حقي باخدة في وقته كدا و الموضوع حامي لوت شفتيها بسخرية و قالت:- أصل ولاد الراقصات اخرهم الكباريهات متعلموش يحترموا الناس هه يا رقاصة
أيمن كان واقف مصدوم من رد فعل تمارة و أول ما فاق قالت بزعيق:- اية اللى انتي عملتية دا يا بنت الصر'مة انتي بتضر'بي مراتي اللي هتبقي أم أخوكم
تمارة بحاجب مرفوع و برود:- والله هي اللي غلطانة هي اللي مدت ايديها عليا الأول سكتلها مره لما زقتني لكن يظهر إنها مفكراني ضعيفة بس لا وآه مش هعمل حساب لفرق السن مهو أصل لو الكبير كان احترم سنه الصغير مكنش هيقل منه
كل اللي واقف ضحك على جملة تمارة و الشباب بقت تسقف و تصفر و اللي يقول:- يا جااامد قصف جبه لمده شهر قدام
و اللي يقول:- برافوا عليكي يا تمارة مش بس اخدتي حقك بايدك و بلسانك كمان جدعة يا بت ربنا ينصرك على اعدائك
دولت بصت ليها بغيظ و بصت لـ أيمن و قالت بتمسكن:- شوفت يا موني هزقتني قدام المنطقة إزاي انت لازم تجبلي حقي منها تلاقي أمها هي اللي مسلطاها
أيمن رفع ايدة يضرب تمارة و قبل ما تنزل على وشها سمع صوت بيقول
- اوعي إيدك تتمد على بنتي يا أيمن اكسرهالك في وقتها
دولت بسخرية:- انتي شرفتي تعالي خدي بنتك تربية الشوارع دي
فتحية:- بنتي أنا برضوا اللي تربية شوارع يا لماممة الكباريهات يا خطافة الرجالة
دولت ببجاحة و ردح:- خطافة رجالة مين يا عنيا دا هو اللي جالي و اتحايل كمان عشان ينول الرضا يا حبيبتي
فتحية:- والله العظيم تستاهلوا بعض فعلا شبه بعض جدا و قريت من تمارة حضنتها و قالت:- حد منهم عملك حاجة يا حبيبتي
تمارة بسخرية:- و انتي تعرفي عني إني بسيب حقيقي يا امي ولا حد فيهم يجرأ يعمل حاجة
دولت :- طب يلا خدي بنتك دي و اتكلي من هنا هو لو كان عاوزك مكانش سابك عشاني
فتحية بسخرية:- اللي سابته الهانم تاخده مساحة السلام يعنيا و دي حاجة مش جديده عليكي وإلا نسيتي بصت لـ أيمن و قالت:- تبعت فلوس كل شهر للعيال انا بقولك اهو يا إما والله العظيم أرفع عليك قضية نفقة
أيمن بسخرية:- لهو انتي متعرفيش اني رديتك و معدتش فيه الكلام دا
فتحية بصت لـ دولت و قالت بكيد :- شوفتي بقي أنه ميقدرس يبعد يا دولي أصل انا الأولي و الأولي دايما الكسبانة و ضحكت بصوت عالي
أم أشرف:- كيادة أم تمارم كيادة
أم أيمن بضحك :- اديتها كلمتين البت مش عارفه ترد عليهم
فتحية لـ أيمن :- عفش البيت يجي يا أيمن مش هقعد عيالي على الأرض عشان خاطر تربية الكباريهات دي مبروك عليك النسب اللي يعـ'ـر يا ابو تمارة و اه لو العفش مجاش هرفع قضية بيه و دا من حقي يا موني و ضحكت بصوت عالي مسكت تمارة من اديها و قالت:- تعالي يا بنتي شوفي مستقبلك أحسن تعالي يا روحي
فتحية أخدت تمارة و مشيت و ورد واقفة مع عيال المنطقة بيحكولها اللي حصل
ورد : يعني تمارة ضر'بتها بالقلم قدام المنطقة كلها
- أيوة يا ورد لو تشوفي لا و اديتها كلمتين قالت منها أوي
ورد :- جدعة تمارة تستاهل العقربة خرابة البيوت دي يلا كل واحد علي بيته
أم أشرف:- بس جدعة تمارة مسابتش حقها ليهم و الله لو أنا مكانها ما كنت هعرف اعمل اللي هي عملتة
أم أيمن:- العصبية يا أم أشرف بتخلي الواحد يعمل أي حاجة يلا يختي أنا هقوم اطلع أكمل مصالحي
أم أشرف:- و أنا كمان انا كنت نازلة اتفرج على الزفة و العروسة الجديدة بس قلبت بخناقة و اتفرجت على تمارة و هي بتاخد حقها و ضحكت هي و ام أيمن
----- اذكروا الله
أيمن أخد دولت اللي هتموت مفروسة و طلعوا شقتهم
دولت أول ما دخلت بصت لـ أيمن و زعقت :- عجبك اللي عملته بنتك دا دي مدت ايديها عليا يا أيمن وسط المنطقة كلها دا غير الإها'نة و الشتا'يم اللي عمالة نازلة بيهم عليا
أيمن : اهدي يا دولي متخليش ناس متستاهلش تعكر مزاجك و تنسيكي إن النهارده دخلتنا
دولت بدلع:- لا يا حبيبي تاخد ليا حقي منها هي و أمها الأول و بعدين ابقي مراتك غير كدا إحنا أخوات
أيمن:- نعم يختي أخوات اية دا أنا مجهز ليكي قاعدة النهارده إنما اية عنب يا بت
دولت بدلع :- تؤ يا ايمون
أيمن:-دا أنا دافع دم قلبي يا بت في ازازتين البيرة و حتت الحاشيش اللي طلع عيني على ما اشتريتها
دولت : برضوا يا أيمن مفيش حاجة هتحصل غير ما تاخد حقي منهم هو مش انا دولي حبيبتك يعني كرامتي من كرامتك دا انا اللي هجيبلك الواد يا موني
أيمن بعيون لامعة:- بحد يا بت يا دولت دا انتي لو عملتيها هقيد ليكي ايدي دي شمع كل حاجة هتعوزيها هعملهالك يا بت و مش هخلي في نفسك حاجة ابدا
دولت:- طبعا يا بيبي انا هعملك كل اللي أنت عاوزة
أيمن بخبث :- كله كله
دولت بجراءة و دلع :- كله كله يا بيبي
أيمن:- طب يلا. خشي البسي بدلة الر'قص بتاعتك و تعالي على ما أجهز القاعدة دا انتي هتموتي النهارده يا دولي
دولت :- ايهيهيهي عنيا يا جوزي هو انا ليا غيرك ار'قصله
أيمن:- الله عليك يا دولي يا اللي دايما مدلعانا
دولت ضحكت بمياعة و دخلت تغير هدومها
------ اذكروا الله
فتحية وصلت البيت و دخلت تمارة جوه بغضب و قالت بصوت عالي:- أنا نفسي أعرف هتفضلي كدا لحد أمتي اية وداكي عندهم مش قولتلك انسي هناك خالص اية كلمتي مش يتتسمع لية
جوري و لينا جم على الصوت و تمارة بصت ليها و قالت بدموع مش راضية تنزل:- مقدرتش استحمل كان بيزفها في عربية و هيطلعها بيتنا يا ماما انتي فاهمة يعني اية يعني إحنا خلاص اتلاغينا لا و جايب واحدة تربية كباريهات يفضلها علينا مقدرتش اشوفهم كدا روحت اسالة لية تعمل كدا بس حتى السؤال مرديش يطلع صاحبت الصون و العفة ردت مكانة و زعقت و أنا مش هسيب حقي لحد
جوري بفضول:- يعني عملتلها اية
تمارة بجمود :- رديت ليها اللي عملته فيا يا جوري هي ضربتني با'لقلم قدام المنطقة كلها روحت ضر'بتها انا كمان بالقلم
فتحية بصدمة:- تعم مديتي إيدك علي اللي أكبر منك يا تمارة
تمارة:- قولتها هناك و هقولهالك تاني يا أمي لو الكبير كان احترم سنه الصغير مكنش هيقل منه
فتحية:- لآخر مرة هقولهالك يا تمارة دي بقت عيشيتنا خلاص ارضي يا بنتي بقي و سيبك منهم خالص
طبطبت على كتفها و قالت بحنان:- ركزي في مذاكرتك يا تمارة دي اللي هتنفعك يا حبيبتي دي اللي هتنفعك
تمارة:- و هو يرضي ربنا اللي هو عمله دا يا ماما يرمينا رمية الكلا'ب في الشارع و يجيب واحدة تربية رقا'صة تاخد مكانا
يصح الحيوا'نة دي تمد ايديها عليا و هو واقف يتفرج ميتدخلش حتي لو بكلمة
يصح إن لما أخد حقي منها عشان متستقواش بعد كدا و تعرف إني مش ضعيفة أنه كان هيمد ايده عليا عشان خاطرها
يصح تبهدلني و هو يقولها كلام انا اتكسف أقوله قدامي
يصح أنه يكره بناته و يقولها ليهم في وشها
فتحية بصت في الأرض و دموعها نزلت و معرفتش ترد عليها و لا تواسيها حتي
تمارة:- شوفتي بقي إنه كان من حقي اكرة فتحية برقت و بصتلها و تمارة كملت أيوة بكره و بكرة تشوفي يا ماما لو بيموت قدامي كدا عمري ما همد ايدي لية
----- اذكروا الله
تمارة دخلت اوضيتها و فضلت راحة جاية و هي بتفتكر كل حاجه حصلت
فلاش باك
أيمن:- بنت تاني يا فتحية أنا عاوز ولد ولد
فتحية:- احمد ربنا يا أيمن غيرنا مش لاقي ضفر عيل
أيمن:- بس انا نفسي في ولد يكون سند ليا و اتفشخر بيه كدا قدام الكل
الدكتور:- باهر أيمن فرج
فتحية:- مش يمكن البنات دول يكونوا أحسن من الولد يا أيمن لية كدا تكسر بنفسهم كل ما تشوفهم لازم تراضيهم يا أيمن دول بنات يخويا و حساسين متخلهومش يكرهوك دول اللي هيشلوك في تعبك
أيمن بلا مبالاة:- لا طبعاً ابني اللي هيشلني و يجري بيا لكن دول محدش هيحس بيا منهم أصلا عرفتي إن الولد احسن من البنت ميت مره
دولت:- راسك نشفة و مش هنعرف نغير اللي فيها يا أيمن بس خد بالك التجاهل و الإهمال إنك تقول قدامهم دايما إنك عاوز ولد بيعلم القسوة
باااك
تمارة قعدت على الأرض و مسكت كشكول و كتبت رسائل لم تصل أبدا
و فتحت الكشكول كتبت في أول صفحة أبي
تعلمت القسوة على يديك كنت انتظرك كل لية آملة أن دلف إلي غرفتي تطمئن عليّا ... تقبلني من جبيني و تتأكد انني مغطاه..
كنت حين استمع الى تكات المفتاح في الباب ابتسم و أعد من واحد إلى عشرة لكي اسيطر على انفعالات جسدي
اتصنع النموم لكي و انتظرك لكنك لم تاني و لو لمره واحده
أبي
ما زنبي أنني خلقت انثي ؟ ما ذنبي إنك تفضل الذكور على الإناث ؟ ما ذنبي لتكن لي كل هذا الكره
لقد سمعت مقولة يوما أن البنت حبيبة أبيها و لكن كنت أنا و أخواتي ضحية من ضحايا أبي فـ أنا بتُ اكره الرجال جميعاً كل ما هو مذكر بسبب أبي أما اختاي فهم السذاجة نفسها يعيشون على أمل أن تاني إليهم يوما من الأيام
و أخيراً
أبي
أنا أكرهك ما كرهت إنسان مثلك من قبل تأكد أنني لم اسامحك في حياتي قد
فالعفو عند المقدرة و أنا ليس بقدرتي أن اعفو
دمت سالماً لصبيكَ الذي لم يولد بعد...
----- اذكروا الله
أيمن:- ما يلا بقي يا دولي اية هتاخدي الليل كله عندك
دولت خرجت و هي لابسة بدلة ر'قص مبينه اكتر ما مخبية و مشيت تتما'يل قدامة
دولت بدلع مقرف:- بتنادي يا موني
أيمن :- يا روح مني انتي يلا بقي
دولت:- حاضر يا بيبي
و شغلت اغاني و بدأت تر' قص و هي بتقول جواها هخليك تنسي عيالك دول خالص مالك و انت ملكي أنا.. أنا بس
أيمن قاعدة بيشرب حشـ 'ـيش و خمر'ة و منسجم معاها جدا لحد ما الحشيش بدأ يلعب في دماغة و بقي يضحك من غير سبب
دولت:- الله انت اتصطلت يا أيمن طلما رأسك خفيفة كدا لية بتشرب
أيمن: هه دولت تعالي يا حبيبتي انتي اللي هتجبيلي الواد هه و طب نايم مكانه و هو بيشخر
دولت : ينيلك راجل خسارة هدت الحيل اللي أنا فيها دي كتك الهم يا أخي أما أدخل أريح جتتي شوية لحسن الواحد فرهض من الرقص دا
----- اذكروا الله
فتحية دخلت الاوضة و قفلت على نفسها و بقت تعيد كلام دولت ليها و دموعها تنزل لقت مخدة على الأرض حطت وشها فيها و كتمت صر'اخها
فتحية:- اااااه يا قلبي قلبي واجعني أوي منك لله يا أيمن مش مسمحاك على وجع القلب دا بقي أنا فتحية يتعمل فيا كدا انا اللي شقيت و بقيت ابني ليك و اعمل و في الآخر ترميني كدا منك لله يا أخي
قلبي اللي حبك دا هدوس عليه باوسخ جذمة عندي و هترجع متأكدة في يوم من الأيام هترجع بس مش هتلاقينا يا أيمن مش هتلاقينا
----- اذكروا الله
ورد قاعدة تذاكر و افتكرت تمارة فقالت:- يا تري يا تمارة عاملة اية دلوقتي ؟ انا حاسة بيكي والله لكن لازم تكوني احمد من كدا يا حبيبي ربنا معاكي و أنا من نحيتي مش هسيبك أبدا أبدا
----
تاني يوم لينا دخلت تعيط و تشهق من كتر العياط
فتحية:- مالك يا قلب امك بتعيطي ليه ؟
لينا
يتبع...
لقراءة الفصل الثاني اضغط على : ( رواية اعادة تأهيل مؤقتة الفصل الثاني )
لقراءة باقي الفصول اضغط على : ( رواية اعادة تأهيل مؤقتة )