رواية حنين الليل الجزء الثاني الحلقة الثامنة 8 بقلم أميرة رمضان
رواية حنين الليل الجزء الثاني الجزء الثامن 8 بقلم أميرة رمضان
رواية حنين الليل الجزء الثاني البارت الثامن 8 بقلم أميرة رمضان
 |
| رواية حنين الليل الجزء الثاني الفصل الثامن 8 بقلم أميرة رمضان |
رواية حنين الليل الجزء الثاني الفصل الثامن 8 بقلم أميرة رمضان
عايزين خمسه مليون تمن سكاتنا علي الحاد*ثه بتاع امبارح يا تدينا الفلوس ي تجهز نفسك لسج*ن ي برووو
عز بعدم استيعاب : انت اكيد بتهزر
سراج : وليه بتقول كده محسسني انكم فقر*اء هي الخمسه مليون دول ياجو جنب فلوسكم حاجه
عز : سراج بلاش الهزار الرخم ده مش وقته خالص انا مش فايق
سراج : بقولك اي بقا ده اخر كلام عايزين الفلوس زي مقولنا واحنا عرفنا انك تعب*ان دلوقتي فقدامك ٣ ايام تكون جهزت فيهم الفلوس
عز : ده علي اساس اني هروح في دا*هيه لوحدي منتو كنتو معايا وبعدين مفيش دليل اصلا اني انا اللي عملت كده
سراج : ليه ي برووو يعني احنا هنهددك من غير دليل
عز : يعني اي
#بقلمي_اميره_رمضان
سراج : هقولك لما انت نزلت من العربيه بعد ما خب*ط البت احنا نزلنا ومصطفي قالك يلا نمشي انت مرضتش عمل اي بقا طلع التلفون وصورك وانت واقف جنبها ومتوتر وخايف
عز بغضب : انتو او*سخ صحاب شوفتهم في حياتي
سراج : هههههه تسلم ي باشا متنساش في 3ايام بس الفلوس تكون معانا
(عز قفل وهو عنيه بطلع شرار ومش مستوعب الغدر اللي حصل)
حنين بخوف : اي اللي انا سمعته ده هما ممكن يعملو كده فعلااا
عز : دول ناس متهمهمش الا الفلوس فطبيعي يعملو اي حاجه زي دي عشان بس الفلوس
حنين : خت بالك دلوقتي انهم ميهمهمش الا الفلوس مش ايان حذرك منهم مليون مره قبل كده
عز ساكت ودماغه فيها بركان غضب وندم
________
قبل الفجر
جنه بصوت عالي : يلااااااااا بسرررررعه السحور الفجر قرب ياذن
كلهم اتجمعو ماعدا يوسف وكارما وعز
ايان : مصحتش اخوك ليه
رعد : ده غيبوبه بصحي فيه بقالي ساعه مش راضي يصحي
ميرا : انا كبيت علي وشه مايه وبرضو مفيش فايده اتقلب الجنب التاني وكمل نوم ده هيشلني
سندس : لاء انا هطلع اصحيه مش هيهون عليا اسيبه من غير سحور
#بقلمي_اميره_رمضان
رعد : وفين عز
حنين : لاء هو تعبان شويه مش هيقدر يصوم
رعد : انا فعلا مشفتهوش امبارح خالص
نوح : وانتي ي كارما مش هتاكلي حاجه خالص
كارما : لاء ي بابي انا مش بقدر اتسحر انا هشرب مايه بس
حنين : ماما بتقول ان لازم نتسحر لانها سنه عن النبي صلى الله عليه وسلم مش بمزاجنا
كارما : طب ناوليني الجبنه دي
حنين : انا بقولك تعالي اتسحري مش تعالي كلي اكلي
_______
حيدر : يااااااابت اصحي بسرعه الفجر فاضل عليه دقيقه اشربي بسرعه
مليكه بخضه : يالهووووي هات بسررررررعه
حيدر ببرود : لاء انا عطشان هشرب الاول
مليكه بغضب : دانت مستفزز*ززز طب بتصحيني ليييييه
رحيم : في اااي
مليكه : بيصحيني وبقيولي باقي دقيقه علي الفجر وبقالو هات اشرب قالي انا عطشان وشرب هو واكيد الدقيقه خلصت والفجر اذن
رحيم : سلامه ودانك ي بنتي انتي سمعتي الفجر اذن
مليكه باستيعاب : لاء
ندي : قومي ي تايهه ده باقي اكتر من نص ساعه علي الفجر
مليكه : بجد (وبصت لحيدر بغضب وقالت) اااانت بتعمل فياااااا كده ليييييه الله يحر*قك
ندي : ملييييكه اياكي تدعي علي اخوكي تاني انتي فاهمه
مليكه : اه ماهو عشان حبيب امه
ندي : تعالي يابني نلحق السحور الكلام هياخدنا ومش هنتسحر (ندي وحيدر طلعو ورحيم قعد جنب مليكه)
#بقلمي_اميره_رمضان
رحيم بحنيه : انتي زعلتي ليه
مليكه : لو دعيت عليه او زعقت فيه او عملت ليه اي حاجه بتتعصب عليا زي ما انت شوفت
رحيم : مينفعش تدعي علي اخوكي كده غلط افرضي استجابت هتبقي مبسوطه
مليكه : لاء انا بهزر معاه مش قصدي انه يحصل فيه كده
رحيم : مينفعش نهزر بدعاء الدعاء ده ندعي بيه بالخير لكل الناس لكن بلاش ندعي علي حد مهما ان كانت الدعوه بسيطه
مليكه : ماشي
رحيم بضحك: قومي بقا نلحق السحور قبل ميخلص
__________
(سندس نزلت من فوق بقله حيله)
رعد : قولتلك مش هيصحي مسمعتيش كلامنا
سندس : كنت عايزاه يتسحر عشان ميتعبش بكرا من الصيام
ميرا : قل يعني ماشاء الله صيام يوسف مقطع بعضه
سندس : بس ي بت
#بقلمي_اميره_رمضان
ماريا بصوت واطي لحنين: هو عز صاحي ولا نايم
حنين : هو كان صاحي من شويه بس مش عارفه دلوقتي صاحي ولا نايم
ماريا : اها
حنين : مالك
ماريا : حاسه انك مخبيه عليا حاجه
حنين بتوتر : حاجه اي
ماريا : انتي وعز مش طبعين من امبارح وحاسه ان في حاجه حصلت وبذات ان عز الضغط بتاعه مش مظبوط والتعب المفاجئ ده
حنين : اي ي ماري هو التعب بيستأذن يعني
(تليفون ايان رن )
حنين ركزت معاه
ايان : الو
بجد طب انا جاي حالا
حنين بفضول: رايح فين دلوقتي
ايان : مشوار ضروري سلام عليكم
فارس : مش هتصلي معانا الفجر
ايان : لسه باقي ربع ساعه هصليه في اقرب جامع ليه لما يأذن
#بقلمي_اميره_رمضان
نوح بمشاكسه : اتغيرت ي عم فارس بقيت انت اللي بتقولنا علي الصلاه
فارس وهو بيبص لسندس بحب : نعمل اي بقا ماهو البركه فيها
سندس بكسوف : بس البنات قاعدين
كارما : هو عمل اي يعني بيبصلك بحب دانا نفسي في واحد يفضل يحبني كده طول العمر
فارس : انتي هتحسدينا ولا اي ي بت
ماريا : اه البت كارما دي عنيها صفرا هنصحي نلاقيك مط*لق ماما
سندس بغضب: طلا*ق اي ي بنت الجز*مه انتي
جنه : اي ي مامي انتي خوفتي كده ليه لدرجادي مش هتقدري تبعدي عنه
سندس : عمري ما اقدر ابعد عنه
البنات في صوت واحد : ايوا بقاااااا
(والله الناس دي رايقه وفايقه انا لما بصحي اتسحر مش بكون شايفه انا باكل اي اصلا😂)
___________
ايان وصل المستشفي
اي ي دكتور هي عامله اي دلوقتي
الدكتور : الحمد الله هي كويسه بس في كسور كتيره في جسمها هتاخد وقت لما تتعافي وبعديها هتكمل علاج طبيعي عشان تقدر تمشي علي رجليها
ايان بحزن: تمام ي دكتور
(طلع عند الاوضه وخبط )
هدي : ادخل
ايان من برا : ده انا ي طنط ممكن تطلعي عايزك
#بقلمي_اميره_رمضان
هدي خرجت من الاوضه
ايان : هي زهره صاحيه ولا نايمه
هدي : هي فاقت من شويه والدكتور طمنا عليها ونامت تاني من كميه العلاج اللي وخداها
ايان : انا مش قولتلك لما تفوق كلميني
هدي : ماهو ي ابني الوقت اتاخر وما حبتش اني ازعجك
ايان : المرادي انا ليا حق عندك
هدي : حقك علي راسي
ايان بضحك : ده انت اللي علي راسي ي باشتنا
هدي كانت فرحانه ان في حد مهتم بيها وببنتها وواقف معاهم
هدي : هو انت مين ي ابني وتعرف زهره بنتي منين
ايان : مش هتعرفيني بس انا رحت الصيدليه اجيب علاج ومكنش معايا فلوس كاش كان معايا فيزا وهما مش بياخدو بالفيزا
وجات زهره حلت الدنيا بانها دفعتلي الفلوس واخدت العلاج وجيت ارجع ليها الفلوس ملقتهاش وعرفت انها هنا وجيت
هدي : انا عمري ما هنسالك الوقفه دي ده انت الوحيد اللي حنيت عليا انا وبنتي ووقفت معانا بعد ربنا ده ابوها ذات نفسه سابنا وروح
ايان : متزعليش مني بس هو ازاي يسيبكم لوحدكم
هدي : دي عادته عمره ما وقف معانا ولا شال مسؤليه ربنا يهديه ويصلح حاله ويبعدو عن الشرب ده
ايان باستغراب : غريبه بعد كل ده شايف في عينك حب ليه
#بقلمي_اميره_رمضان
هدي : انا بحبه من وانا طفله ابن خالتي بقا ومشفتش غيره في الدنيا دي دعيت ربنا كتير انه يجعله من نصيبي رغم انه كان بتاع بنات ولافف الدنيا كلها بس برضو كنت متعلقه بيه ربنا بينلي حاجات كتيره قبل ما اتخطب ليه عشان اعرف حقيقته وبرضو كنت بغمض عيني ومفيش علي لساني غير الدعوه دي ربنا استجاب ليه واتجوزنا وهو فضل زي ماهو بيكلم بنات واللي زاد وغطي انه بقا بيشرب كل حاجه ومبقاش يشتغل شلت الحمل انا وزهره (وقالت بدموع) وحاسه بالذنب اتجاه زهره لاني معرفتش اختار ليها ابن كويس اب يخاف عليها
ايان اتاثر اوي بيها وقال : بس ده في الاول والاخر نصيب
هدي : صح والحمد لله راضيه ومستحمله
ايان : ربنا هيجزيكي خير علي الصبر ده كلو
هدي : وهيجازيك خير كبير اوي يابني انك مسبتش اتنين ولايه لوحدهم والفلوس اللي دفعتها دي هتترد ليك في صحتك وعافيتك وراحه بالك
ايان : هو هيبقا في حاجه احلي من كده انتي خلصتي الكلام في اللي قولتيه ده
_________
الصبح
عز قاعد والباب خبط
عز : ادخل
دخلت حنين وشايله صنيه عليها فطار
حنين : يلا ي زيزو افطر عشان العلاج اللي اخدته امبارح كان تقيل
عز : انا صايم
حنين : صايم ازاي وانت تعبان كده
عز : يمكن لما اقرب من ربنا يخرجني من اللي انا فيه ده
حنين بفرحه : شايفه سجادة الصلاه مفروشه انت صليت
عز : الحمد لله
حنين : طب والله انا فرحانه انك رجعت لربنا ي اخي ياريت والله الحاد*ثه دي كانت حصلت من زمان
عز ساكت
حنين : انا مش عارفه اقول اي ولا لاقيالها حل بس سيب همك علي ربنا وهو هيحلها من عندو والله مفيش مره ربنا خذلني علطول بيجبر بخاطري سيبها علي الله انت بس
عز : ونعمه بالله
________
يوسف بزعيق : يعني ازاااااي محدش فيكم يصحيني اتسحر حراااااام عليكم
#بقلمي_اميره_رمضان
رعد : اقسم بالله لو ما لميت لسانك في بقك وسكت خالص لقوم افطر عليك داحنا كنا ناقصين نلم الناس من صوتنا واحنا بنصحيك
يوسف : ي سلااام ده انا نومي خفيف وبصحي علي دبة النمله
ميرا : ربة ااااي روح اللهي يدبك خرتيت يكون اعمي دانا كبيت عليك مايه وانت متاثرتش
يوسف : عادي الجو كان حر وحبيت المايه
كارما : لله الامر من قبل ومن بعد هتشلنااااا
يوسف : يعني برضو محدش صحاني ليييييييه
رعد مسك طفايه السجا*ير وحد*فها علي يوسف
________
زهره : اااااه جسمي وا*جعني اوي ي ماما اااه
هدي : معلش ي بنتي مفعول البينج راح لسه شويه الممرضه هتاجي وتديكي العلاج
زهره : بس خلاص مش قادره استحمل والله
هدي لسه هتتكلم والممرضه دخلت
الممرضه : فيكي اي
زهره بالم : جسمي وا*جعني اوووي همو*ت من الو*جع
الممرضه : معلش المخدر مفعوله بيروح بسرعه بس الشاب اللي معاكم كلم الدكتور والدكتور كتبلو علي مسكن كويس جدااا بس مشكلته انه نادر وهو جابه الحمد لله
هدي : طب اديها بسرعه ي بنتي
(بعد شويه )
هدي : حاسه بحاجه دلوقتي
زهره : لاء الحمد لله بس مين اللي برا
هدي : ده بيقول ان اسمه ايان
زهره اتفاجات اوي : لاء اكيد مش هو
هدي : بيقول انه خد علاج وانتي دفعتي تمنه وكمان هو اللي دفع فلوس المستشفي
زهره بصدمه: ليه هو اللي يدفعها لاء طبعا ي امي مينفعش
هدي : انا حاولت معاه كتير اني امضيله علي وصل امانه بالفلوس اللي هيدفعها عشان يضمن حقه ومرديش ابدا قال انه بيرد الجميل
زهره : جميل اي بس ي امي طب هو مشي
هدي : لاء فضل معانا من امبارح يدوبك روح شويه ورجع تاني علطول لما عرف انك فوقتي وقالي انه عايز يتكلم معاكي شويه لما تبقي كوبسه
زهره : طب خليه يدخل
(هدي نادت علي ايان و دخل ايان )
ايان : حمد الله على سلامتك عامله اي دلوقتي
زهره : انا بقيت كويسه الحمد لله شكرا علي كل اللي عملته حقيقي مش عارفه اقولك اي
ايان : متقوليش حاجه ده رد جميل
زهره : لاء ده مش رد جميل الجميل كان مبلغ صغير وانت دفعت مصاريف كتيره جداااا
ايان : مش كتير ولا حاجه وبعدين الشخص اللي جابك هنا دفع كتير قبل ما يمشي
زهره باستغراب : ليه هو يعرفني طب هو مين
هدي : محدش عارف ي بنتي
ايان : انا عايز اعرف اي اللي حصل معاكي بتفصيل
زهره : حا*دثه عاديه كنت معديه الطريق وفي عربيه جات سريعه خب*طتني ومدرتش باي حاجه بعدها
ايان : طب مشوفتيش مين اللي عمل كده
زهره : لاء مش فاكره ملامحه خالص
ايان : يعني شوفتيه
زهره : لاء انا شوفت اللي جابني المستشفي لانهم فوقوني بسرعه هنا لكن مشفتش اللي خب*طني
ايان : طب مختيش حتي بالك من العربيه
زهره : عربيه زي عربيات كتيره وبعدين انت بتسال اوي ليه كده
ايان : عشان اجيب اللي عمل كده واعلمه الادب واخليه يندم علي اللي عمله
#بقلمي_اميره_رمضان
زهره : وليه بقا
ايان ارتبك بس اتكلم بجمود : عشان كل واحد ياخد جزاءه هو غلط ولازم يتعا*قب
زهره : هنلاقيه فين ده ما خلاص خب*طني وطار بالعربيه
ايان : متقلقيش هعرفه وهجيبه ولو حتي في اخر الدنيا
____________
حيدر واقف في البلكونه
وبنت واقفه قدامه في البلكونه التانيه وبتتكلمه في التلفون
حيدر : ساعتين عشان تطلعي
وجدان : اي ياعم نايمه حد يصحي حد بدري كده
حيدر : ده انتي لما تاجي عندنا هصحيكي من قبل الفجر
وجدان : لييييه هبيع لبن وبعدين انت مرحتش الشغل ليه انهارده
حيدر : انا بقالي يومين تعبان علي فكره وعندي برد وانتي معندكيش د*م تاجي تشوفي جوزك
وجدان : جوز مين انت هتعيش الدور ده يدوبك كتب الكتاب وبعدين تعبان اي بس
كل دي صحه وتقولي تعبان امال انا اعمل اي اروح دار مسنين
حيدر : يخربيييتك حسد علي الصبح كده
وجدان : هو انت بيأثر فيك حاجه
حيدر : ادخلي ي بت بدل ما اخب*طك بقفص العصافير ده في دماغك
وجدان : استني استني انت اي اللي موقفك بالفانيله كده
حيدر بغرور : دي قطونيل علفكره
وجدان بغيره : انا مالي قطونيل ولا قطوزفت واقف فرحان بعضلاتك عشان البنات تعجب بيك
حيدر : يعني انا هعمل العضلات والفورمه دي كلها عشان اخبيهم
وجدان : يعني انا عندي حق بقا يالهووووووي دانت يومك اسو*وووود
يتبع...
لقراءة الفصل التاسع اضغط على : ( رواية حنين الليل الجزء الثاني الفصل التاسع )
لقراءة باقي الفصول اضغط على : ( رواية حنين الليل الجزء الثاني )