القائمة الرئيسية

الصفحات

رواية العروسة هربت الفصل الخامس 5 بقلم صغيرة الكتاب

رواية العروسة هربت الحلقة الخامسة 5 بقلم صغيرة الكتاب
رواية العروسة هربت الجزء الخامس 5 بقلم صغيرة الكتاب
رواية العروسة هربت البارت الخامس 5 بقلم صغيرة الكتاب
رواية العروسة هربت الفصل الخامس 5 بقلم صغيرة الكتاب

رواية العروسة هربت الفصل الخامس 5 بقلم صغيرة الكتاب

_ : أنا كنت عارفة إني مش هخلص منك في سنتي السـ*ـودة ، علي إنت عايز مني ايه ؟! كفاية بقا ارحمني كل ما أروح في حته ألاقيك طالعلي فيها زي فرقع لوز سيبني ف حالي بقا ، ملامح علي اتبدلت وشدها من دراعها وقال بنبرة تهـ*ـديد
علي : اسمعي يا بت انتي قسما عظما ما هتكوني غير ليا سامعه ولالا ، قبل ما يكمل كلامه كانت لمياء شدت دراعها من بين ايده وضـ*ـربته حتة قلم وقالتله بتحـ*ـذير
لمياء : لو جاتلك الجرأة وفكرت مرة تانية تلمسني ولا تهوب ناحيتي مش هيحصلك كويس يا علي ، لمياء بصتله من فوق لتحت وسابته ومشيت ، علي لمس خده اللي ضـ*ـربته عليه وب ايده التانية طلع منديل من جيبه
علي : كنت عارف والله ان الادب مش هينفع معاكي ، وبعدها قرب من لمياء وهي مكانتش واخده بالها
ـــــــــــــــــــــــــــــــــــــــــــــــــــــــــــــــ





سماح ضـ*ـربت ب ايدها على صدرها وقالت بخضة
سماح : يا لهوي !!! طب و لمياء عرفت كل ده ازاي
حسام : مش عارف يا طنط والله مش عارف ، أنا بحاول أتصل بيها بس فونها مقفول
سماح : لتكون عملت في روحها حاجه يا حبيبتي يا بنتي ، كان مستخبيلك فين ده بس يا ربي
حسام : أنا هنزل أدور عليها
سماح : انزل يا ابني الله يسترك أنا قلبي مش مطمن نهائي .
عدى يوم واتنين وتلاته ومفيش أي أثر لـ لمياء ، كل يوم حسام بينزل الصبح بالعربية يدور ويسأل وراح كل المستشفيات اللي في البلد بس ملهاش آثر، وكمان بلغ البوليس عشان يدوروا عليها وكالعادة كل يوم بيرجع خايـ*ـب الرجا
في يوم كان ماشي بالعربية وسرحان ، مأخدش باله من شرين اللي كانت بتديله كلكس عشان يوقف ، قامت سرعت عربيتها وطلعت قدامه و وقفت ، حسام فاق من سرحانه ع اخر لحظه ونزل من العربية وهو متعصب
حسام : ايه اللي عملتيه ده كان ممكن نعمل حاد*ـثة ، شرين عينيها دمعت واترمت في حضنه وهي بتعيط
شرين : وحشتني أوي يا حسام ، أنا كنت عارفة اني مش ههون عليك ومش هتقدر تتجوز غيري ، يا حبيبي يا حسام انت اكيد عارف اني بحبك بس اللي حصل ده كان غصب عني ومن النهارده أنا مفرط فيك تاني أبدا أبدا ، حسام كان منزل ايديه كان حاسس ان ده مش وقت شرين خالص هي مش لازم تكون هنا دلوقت ، للحظه حس انه بيخـ*ـون لمياء قام بعدها عن حضنه وقال
حسام : شرين هبقى أكلمك بعدين
شرين : وليه مش دلوقت ، أنا محتاجه أتكلم معاك أرجوك تعالي نروح نقعد ف اي حته ونتكلم عشان خاطري
حسام : مش وقته خالص يا شرين ، لمياء مختفية ومش عارف أوصلها خالص ، خايف يكون جرالها حاجه
شرين : تلاقيها بعد ما عرفت اللي كان بينا راحت تقعد عند واحده من صحابها او سافرت لمحافظه تانية وحبت تفصل من الناس
حسام : وانتي عرفتي منين انها عرفت اللي بينا ؟!





شرين : هاا ؟! ، شرين اتوترت وحاولت تزوغ فالكلام بس حسام وقتها كان اتعصب جامد ومسكها من ايديها الاتنين وقال بعصبية
حسام : لو حصلها حاجه هتبقي انتي السبب والمسئولية الوحيده قدامي ، سابها ومشي وهي كانت مصدومه من الطريقة اللي اتكلم بيها معاها
شرين ركبت العربية واتصلت بحد
شرين : عايزاك تخلص عليها ، مش عايزه المح طرفها كده سامع؟
_ : لااا بقااا أنا قايلك انها تلزمني
شرين : اتصرف حتى خدها لبلد تانية المهم تتصرف مش عايزه حد يلاقيها
_ : اعتبريه حصل
يتبع...
لقراءة الفصل السادس اضغط على : ( رواية العروسة هربت الفصل السادس )
لقراءة باقي الفصول اضغط على : ( رواية العروسة هربت )
reaction:

تعليقات

ستصدر قريبًا على مدونة يوتوبيا رواية المتداول التي تم طلبها مِنا كثيرًا وهي أول رواية مصرية تدور أحداثها حول تداول الـ فوركس والعملات ستتعلم من خلالها تداول العملات بأقل خسائر مُمكنه وكيف يُمكنك الربح من خلال شراء وبيع العقارات رواية بإمكانها تعليمك كيفية الربح من تداول الذهب والعملات والفوركس كيف يُمكن لشخصًا في بداية حياته مثل (عيسى) في الرواية أن يُحقق ثروة مالية كبيرة فى مدة قصيرة.