القائمة الرئيسية

الصفحات

رواية العروسة هربت الفصل الثالث 3 بقلم صغيرة الكتاب

رواية العروسة هربت الحلقة الثالثة 3 بقلم صغيرة الكتاب
رواية العروسة هربت الجزء الثالث 3 بقلم صغيرة الكتاب
رواية العروسة هربت البارت الثالث 3 بقلم صغيرة الكتاب
رواية العروسة هربت الفصل الثالث 3 بقلم صغيرة الكتاب

رواية العروسة هربت الفصل الثالث 3 بقلم صغيرة الكتاب

_ لما انت على علاقة بواحده تانية جاي تتجوزني ليه ها ؟! ، حسام اتوتر وقال وهو بيودي عيونه ف مكان تاني بعيد عن عيون لمياء

= : عـ .. علاقة مع واحده تانية ازاي مش فاهم ، لمياء بثتله بخبث وحاولت تتغلب ع خنقة الدموع اللي جاتلها وقالت

لمياء : اه علاقة بواحده تانية ، انت فاكر اني اهرب من الفرح بعد ما كنت هنزل أقعد في الكوشة دي كانت ساهلة عليا؟! ولا اني اكون ههه عمالة اتصور هنا وهناك وطايرة من الفرحه وفجأة أكتشف إنك بتحب واحده تانية !؟ حسام.... إنت واخدني سد خانه صح ؟! بتعوض الفراغ اللي سايباه حبيبتك بيا ! ولا تكون ناوي تحرق قلبها بالطريقة دي.. تتجوز وتوريها انك عايش مبسوط وتغيظها ، عملت فيا كده ليه يا حسام مترد !! ، حسام مسح على وشه وحس ان الدنيا إسودت في عينيه ، ولمياء مقدرتش تسيطر على دموعها فقامت بعدت عنه شوية وبقت تعيط وكانت بتحاول على قد ما تقدر ما تطلعش صوت

ـــــــــــــــــــــــــــــــــــــــــــــــــــــــــــــــ

في القاعة اللي في الأوتيل ، المعازيم ابتدوا يمشوا لحد ما القاعده فضيت على أهل العروسة وأهل العريس ، أم لمياء قعدت على طرابيزة وفضلت تعيط كتير وأم حسام كانت بتحاول تهديها

أم حسام عالية : خلاص بقا يا حسام ان شاء الله خير

سماح : خير فين ؟! البنت هربت مش عارفة راحت فين ، طول عمرها عاقلة وهادية وراسية إزاي تعمل كده في يوم زي ده ؟! ده النهارده فرحها ، الناس تقول ايه علينا ، دي هتشمت فينا اللي يسوى واللي مايسواش

عالية : مخلاص بقا يا سماح متعمليش في نفسك كده ، حسام راح يدور عليها أكيد هيلاقيها ويجيبها وبعدين هنعرف ايه السبب اللي خلاها تمشي اكيد فيه سبب قوي جدا

ـــــــــــــــــــــــــــــــــــــــــــــــــــــــــــــــ

في بيت شرين كانت لابسة وجاهزة ، وقبل ما تطلع من باب الشقة اختها مروة صحيت وراحت عندها

مروة : شرين انتي رايحه فين متأخر كده ؟!

شرين : مش قادرة يا مروة ، نـ*ـار بتاكل في قلبي مش قادرة أستنى أنا لازم أروح أشوف ايه اللي حصل

مروة : انتي اتجنـ*ـنتي ؟! عايزه تروحي هناك تعملي فضـ*ـيحه ، شرين اتوترت وبصت بعيد وقالت بصوت واطي

شرين : ع أساس إني معملتش الفضـ*ـيحه لسة ، مروة ضمت حواجبها وقالت بعصبية

مروة : انتي بتقولي ايه !؟ قصدك ايه !؟ ، شرين غمضت عينيها جامد باحراج وقالت

شرين : أنا عملت الفضـ*ـيحه وخلاص

ـــــــــــــــــــــــــــــــــــــــــــــــــــــــــــــــ

لمياء مسحت دموعها بسرعه وراحت ناحية حسام ومسكته من دراعاته الاتنين وقالتله باصرار

لمياء : حسام انت لازم تحكيلي وتعرفني كل حاجه ودلوقتي حالا ، حسام مكانش قادر يبص في عينيها

لمياء : بصلي هنا ، يعني انت مكنتش بتحبني زي مكنت بتقولي ؟! رد عليا أرجوك ، يعني انت بتحب واحده تانية وكنت مكانها بيا ؟!

حسام : .......
يتبع...
لقراءة الفصل الرابع اضغط على : ( رواية العروسة هربت الفصل الرابع )
لقراءة باقي الفصول اضغط على : ( رواية العروسة هربت )
reaction:

تعليقات