رواية غرام الأكابر الجزء الثاني الفصل الحادي عشر 11 بقلم منال عباس

رواية غرام الأكابر الجزء الثاني الحلقة الحادية عشر 11 بقلم منال عباس
رواية غرام الأكابر الجزء الثاني الجزء الحادي عشر 11 بقلم منال عباس
رواية غرام الأكابر الجزء الثاني البارت الحادي عشر 11 بقلم منال عباس
رواية غرام الأكابر الجزء الثاني الفصل الحادي عشر 11 بقلم منال عباس

رواية غرام الأكابر الجزء الثاني الفصل الحادي عشر 11 بقلم منال عباس

بعد تدخل غرام ورغد وشمس ..فى مصالحه اولاد العم ...تصالح رامز مع عاصم ..حيث شعر رامز من داخله أنه يريد التغيير ..شعر الجميع بالفرحه 
حيث أعتذر رامز أمام الجميع عن أخطائه معلنا توبته ..وهو ينظر إلى هند متمنيا منها ..السماح ..
كان هناك عيون حالمه تنظر  بلهفه إلى حسناء 
ليقترب منها بعد غياب سنين طويله وينادى
حسنااااااء...
تنظر حسناء خلفها ...فلم تتعرف عليه فى البدايه ..ولكن تلك النظرة فى عينيه ..نظرة تعرفها جيدا نظرة المحب أنه حسن 
حسناء : حسن !!
حسن : الحمد لله أن ربنا مد فى عمرى وشوفتك يا حسناء ..
شعرت حسناء بالاحراج وخصوصا أن احمد يجلس بالقرب منها 
احمد : مش تعرفينى يا ماما
حسناء : دا اونكل حسن عم غرام 
احمد : اهلا ومد يده يصافحه ..
حسن : ما شاء الله عليك ربنا يبارك ليكى فيه 
حسناء : تسلم يا حسن وانت اخبارك وشاديه وبناتك 
حسن : شاديه تعيشي انتى 
حسناء : البقاء لله ربنا يرحمها 
حسن :اللهم امين .والبنات بنتى الصغيرة اتجوزت وعايشه فى السعوديه 
  معايا هند الكبيرة ونادى عليها تعالى يا هند 
هند : نعم يا بابا 
حسن : سلمى على طنط حسناء خاله غرام 
هند بابتسامه اهلا يا طنط ..
حسناء : بسم الله ما شاء الله ايه الجمال دا كله واخذتها فى حضنها ...
حسناء : دا احنا بقينا عرايس قمرات ونظرت إلى ابنها ..مش كدا يا احمد وغمزت له كى يراها ..
احمد : اهلا يا آنسه هند ..انا احمد ابن خاله غرام
كانت غرام تقف على مقربه منهم وهى سعيدة لما تراه من تعارف ..فهى تريد لم شمل الأسرة وأن يتصالح الجميع ...
نورى : واقفه ليه لوحدك مس هنا ..اتفضلى اعرفك بعائلتى ..
هنا : انا خلاص هستأذن انا جيت علشان اقولكم كل سنه وانتم طيبين ..وانتم عارفين مش هقدر اتاخر علشان ماما ...وقدمت لهم الهدايا ..
نورين : مش هينفع تمشي قبل ما نقطع التورتا
وذهبت البنات لاخبار والدتهم لإحضار التورته وبدأ عيد الميلاد..
أمرت رغد الخدم باطفاء الانوار بعد أن تجمع الجميع حول الطاوله الطويله المليئه بالتورتات وكان عدد التورتات 15 تورتاتيه بعدد سنين اعمار بناتها  والعديد من الحلويات والمشروبات
بدأ الجميع بالغناء وغنوا اغنيه عيد الميلاد ...
وما أن انتهوا ..
طلبت رغد من غرام أن تغني اغنيه لبناتها فالجميع يعلم أن روعه صوت غرام 
نظرت غرام إلى عاصم فأومأ برأسه بالموافقه 
أخذت غرام المايك وغنت اغنيه 
يابنات يا بنات يابنات دا اللى ما خلفش بنات ما شبعش من الحنيه ولا داقاش الحلويات .....
صفق الجميع لها ....
 بدأ الجميع فى تقديم الهدايا ..لكلتا الفتاتين..نورى ونورين ....
أمسكت رغد مايك وتحدثت 
طبعا انا حابه اشكركم جميعا على الحضور ...
وعندى مفاجئه ليكم ...جميعا 
واحضرت علبه بها ورق صغير مطوى ...
كل واحد هيختار ورقه وشرط ينفذ اللى مكتوب فى الورقه ..ودا للكبار فقط أما الاولاد ليهم لعبه تانيه وغمزت لهم ...
ضحك الجميع .فهذه هي رغد الشقيه الذين تعودوا على مقالبها...
رغد : دلوقتى الكل يتفضل يقعد مكانه 
وطلبت من ادهم حمل تلك العلبه والمرور إليهم ليأخذ كل فرد ورقه وينفذ الحكم بها 
بدأ بوالده 
أخذ عاصم ورقه وقبل أن يفتحها 
عاصم بضحك : ربنا يستر انا مش مطمن ليكى يا رغد ...ثم فتح الورقه ليجد ( مطلوب منك دفع 100 جنيه فى الحال ) 
عاصم الحمد لله بسيطه وأخرج 100 جنيه 
دور غرام أخذت ورقه وفتحتها لتجد ..
اى كان الشخص اللى بجانبك يجب عليكى احتضانه 
لتنظر بحب إلى عاصم وتقوم وتحتضنه ليقوم هو الآخر يحتضنها ويلف بها مع صفير الشباب لهذا المنظر الرائع ..
دور حسناء 
اختارت حسناء ورقه وفتحتها 
مطلوب منك مسامحه شخص بينك وبينه مشاكل 
حسناء مسمحاه من زمان ونظرت إلى حسن بابتسامه مسمحاك يا حسن ..صفق الجميع لهذا 
اختار احمد ورقه وفتحها 
اخر حد اتعرفت بيه اطلب رقم تليفونه ..
لينظر إلى هند ويطلب رقم فونها أمام نظرات الجميع ..
نظر رامز إليها يريد معرفه رده فعلها ..لتمسك هند فون احمد وتكتب رقمها له ..
غرام فى نفسها والله بتفهمى يا رغد 
أتى الدور على لؤى وفتح الورقه 
فرحنا بخبر حلوووو 
لؤى : احلى خبر فى حياتى سما حامل في توأم
هنأه الجميع على هذا الخبر
اما سما فاختارت ورقه وفتحتها 
مطلوب تاكلى قطعتين من الجاتو على الفور 
سما بضحك احلى حكم وذهبت لإحضار الجاتووو
أتى الدور على رامز وفتح الورقه 
اختار حد من الحفله توصله معاك 
قلبه كان يريد أن يختار هند ولكن تصرفها جعله يبحث إلى أن وقعت عيناه على هنا 
وتقدم إليها بعد اذنك هوصلك وابتسم لها ابتسامه خطفت قلبها ...
اما شمس وجدت مكتوب سمعى جدول الضرب للرقم 5 
شمس احمدك يارب وضحكت وسمعت الجدول 
أخذ حسن ورقه وفتحها 
اشكر أحد الضيوف 
حسن وهو ينظر إلى غرام 
الحقيقه غرام محتاج اشكرها على كل شئ وعلى الأسرة الجميله اللى احنا معاهم دلوقتى
أخذت هند ورقه وفتحتها 
قولى حكمه تؤمنى بيها 
نظرت هند إلى رامز بطرف عينيها وقالت 
ليس كل ما يتمناه المرء يدركه 
شعر رامز بأن الحكمه موجهه له وشعر بغصه فى قلبه ...
كان هناك ورقه واحده ..
ويوجد يوسف وهنا 
نظر ادهم إلى عمته رغد 
رغد بضحك الورقه طبعا ل هنا 
أما حضرتك يا زوجى الغالى من غير ورق فالحكم عليك انك تستحملنى بقيه حياتك 
ليضحك الجميع ..
يوسف بحب : انتى حبيبتى وانا اعرف اعيش من غير جنانك برضو ..
رغد : بتقول ايه يا حبيبي 🤔🤔🤔
يوسف : بقول من غير حنانك يا رغد امرى لله
ضحك الجميع فالجميع يحب حديث رغد ويوسف المضحك دائما ...
        واخيرا دور الانسه هنا 
أخذت ورقتها وفتحتها لتجد بها  سؤال   عرفينا بنفسك ؟؟
نظرت هنا باتجاه رامز وابتسمت .استغرب رامز نظرتها ...!!
هنا :  قبل ما اعرفكم بنفسي حابه اشكركم جميعا على الحفله الاسريه دى ..اول مرة أشعر انى فى وسط عائلتى ....واكملت 
اسمي هنا أسعد الشريف ..لينظر لها الجميع بتفاجئ!!!
.......
يتبع....
لقراءة الفصل الثاني عشر اضغط على : ( رواية غرام الأكابر الجزء الثاني الفصل الثاني عشر )
لقراءة باقي الفصول اضغط على : ( رواية غرام الأكابر الجزء الثاني )
تعليقات



حجم الخط
+
16
-
تباعد السطور
+
2
-