رواية جميلتي المدللة الحلقة الثانية 2 بقلم حنين عبدالرحيم
رواية جميلتي المدللة الجزء الثاني 2 بقلم حنين عبدالرحيم
رواية جميلتي المدللة البارت الثاني 2 بقلم حنين عبدالرحيم
 |
| رواية جميلتي المدللة الفصل الثاني 2 بقلم حنين عبدالرحيم |
رواية جميلتي المدللة الفصل الثاني 2 بقلم حنين عبدالرحيم
جاسم قعد يفكر فيها شوية وان هل اللي عمله صح ولا لأ هو خايف علي والدته برضه ...بس هي فعلا باين عليها البراءة سكت شوية وسرح في ملامحها اللطيفة ...
فاق من شروده علي صوت جميلة وهي بتصوت وصوت عياطها عالي طلع يجري علي الاوضة اللي والدته اخدت فيها جميلة فتح باب الاوضة بس ملقاش حد وفجأة تتبع مصدر صويت جميلة لقي الصوت جاي من الحمام خبط علي باب الحمام وقال:
ماما... جميله في حاجه ...
الام :لا يا حبيبي تمام...
جاسم بخوف: امال فيه ايه يا ماما جميلة بتصوت ليه؟!
والدته فتحت له الباب قائلة: لا يا ابني مفيش بس قلت لها وصرعان ما وقع نظره على جميله وملابسها المبلله بالماء
واكملت قائلة : قولت لها تدخل تاخذ دش فقالت لي
ماباعرفش افتحه جاي بعلمها ازاي تفتحه اتفتح وهي واقفه راح نازل عليها...رقعت بالصوت بنت المجانين دي و قطعتلي الخلف و ....
قاطع كلامها جميلة قائلة : يرضيك كده يا ابيه جاسم يرضيك
بص الفستان بتاعي اللي انا بحبه...
وربعت ايديها بشكل طفولي...
اما هذا الجاسم في عالم اخر من منظرها هذا الذي خدر حواسه شعرها المبلل ووقفتها الطفولية تلك...
واه عندما لفظت تلك الجميلة باسمه...
جاسم بتوهان : لا ما يرضنيش يا عيون ابيه جاسم...
وهوبا لقا الشبشب في وشه من الست الوالدة بالطبع 😂
قائلة : في ايه يا ابن عصام ما تظبط كدة ...
جاسم : حاضر يا ست الكل طب هتعمل ايه جميله دلوقتي...
=هلبسها اي حاجه تقعد بيها من عندي لحد ما تطلب لها اي حاجه من النت بتاعك ده بدل ما ننزل.....
جاسم *ماشي يا حجة....
هب ليخرج اوقفه صوت تلك الصغيرة : ابيه جاسم...
جاسم في سره: متتهورش يا رمضان ...متتهورش ...
عليا النعمة شكلي هتهور...
ثم رد: ايه يا حبيبيتي...
-انت اللي هتجبلي اللبس صح...
*اه انا ...
-طب ممكن اختار معاك يا ابيه ...
*ماشي يا حبيبتي غيري هدومك وتعالي ...
اتنطتت بفرحة وقالت: فوريرة...
ابتسم ومشي....
الحاجة سماسم عطت لجميلة عباية من عندها جميلة لبستها وطبعا كانت عايمة فيها
اول ما خرجت شافتها سماسم قعدت تضحك:
يا قلب امك يا ضنايا استني لحد ما الواد جاسم يجيبلك هدوم بس .
-طب هو فين ابيه جاسم يا ماما علشان اختار معاه الهدوم
=قاعد بره يا حبيبتي اطلعيله...
راحت باستها من خدها : شكرا يا ماما
سماسم ابتسمت واخذتها في حضنها ...
جميله راحت لجاسم اللي كان قاعد على الكنبه بيعمل شوبنج علشانها ...
نطت جنبه وقالت : أبيه...
جاسم بخضة: بسم الله الرحمن الرحيم...ايه ده !!!
جميلة ببراءة: حلو يا ابيه...
جاسم بضحك : لا جامد يا عيون أبيه ....
تعالي يلا نختار شوية هدوم ...
وقعدت جنبه يختاروا هدوم لحد ما والدته نادهت يلا علشان الغدا ...
وراحو اتغدوا وخلصوا الغدا وقعدت سماسم تحكي مع جميلة ويضحكوا وحرفيا قلبها ارتاح ليها جدا ..
وجميلة مبسوطة ...
وجاسم كان قاعد بيتفرج على الماتش فجاه لقى اللي نطت جنبه : أبيه .... أبيه...
جاسم بتركزيز مع الماتش: امممم يا جميله في حاجه ...
جميلة ببراءة: عايزه اتفرج على تنه ورنه يا ابيه....
*استني بس يا جميله الماتش يخلص....
جميلة بصوت عالي نسبيا : لا لا عايزة تانة ورنة....تانة ورنة...
جاسم بزغيق وعصبية مسكها من دراعها :
ما خلاص قولت لك الماتش يخلص ايه مابتفهميش ...
جميلة سكتت وبقت تعيط بس جاءت على صوتهم سماسم افلتت ايد جاسم اللي كانت مش ماسكة دراع جميله : في ايه يا زفت بالراحه عليها...
واخدت جميله في حضنها: معلش يا ضنايا اهدي...
جميله ساكته وما بتعملش حاجه غير انها بتعيط بس سماسم اخذتها ومشيت بها
جاسم ضرب ايده في الحيطه بغيظ من نفسه
وانه ماكانش ينفع مهما حصل برده يزعق فيها كده ويخليها تعيط ....
في الأوضة....
جميله على نفسه هدوئها في حضن سماسم بتعيط وبس...
سماسم : معلش يا نور عيني اهدي هو جاسم بالنسبه له الماتش ده حاجه ثانيه ما بيحبش نفس جنبه وهو شغال معلش يا روحي ....
فجاة دخل جاسم : معلش يا ماما ممكن اكلم جميله شويه...
جميلة مسكت في سماسم اكتر ...
=لا يا جاسم استنى شويه شكلها مش عايزه....
*معلش يا ماما خمس دقائق بس علشان رايح العياده...
سماسم سابت جميلة بالراحة وخرجت ...
جاسم قرب منها بهدوء وهي بدات تبعد بخوف
جاسم: اهدي يا بنوتي انا اسف
جميله بعياط: لا لا انت وحش يا ابيه انت زيهم انا مش بحبك يا نوتي ابعد ...
فضل يقرب منها بهدوء لحد ما اخذها في حضنه هي فضلت تضرب به بيديها الصغيره على صدره لحد ما هديت
قال بصوت هادئ : اسف يا بنوتي معلش ماكانش قصدي
_لا انت قصدك انا عارفة .. انا اصلا ما حدش بيحبني وفضلت تعيط....
*لا يا حبيب قلبي والله ما اقصد وكمان جبتلك تنه ورنه بره وشيبسي وحلويات علشان تاكليه وانت بتتفرجي ...
فجاه ملامحها تحولته وفضلت تتنطط بفرحه:
يلا يلا...
اتفاجئ هو من تغيرها وقد ايه هي بريئه وابتسم بفرحه لفرحها
واخذها وقعدها تتفرج على TV
وبس راس والدته وقال لها ان هو ماشي رايح للعياده وراح شغله...
________________&&&_____________
في مكان ما اول مرة نروحه😯
=يعني ايه مش عارف تلاقيها يا متخلف انت ...
_يعني زي ما حضرتك سمعت اعمل ايه دورنا عليها كثير ما لهاش اثار حرفيا ...
& البنت دي خطر على شغلنا كلنا يا بوب وممكن تودينا في 60 داهيه ما ينفعش لازم نلاقيها ...
اردفت امرأة باين عليها كدة في الثلاثينات من عمرها ترتدي ملابس استغفر الله 😂 قائلة: ما قلت لك من زمان نقتلها يا بوب انت اللي فضلت يخليها على ايه مش عارفه ...
نظر لها بغضب : اياك اسمع الكلام ده تاني يا حنان فاهمة ...انتوا اصلا اغبية وهتفضلوا طول عمركم كدة هي خطر علينا اه بس ناذيها نو ....
اردفت بعصبية: ايوه يعني هنعمل لها ايه انت مش عارف اللي هي عارفاه ولا ايه
وكمان لو عليها فعادي يعني...
/ المهم لازم تلاقوها في اقرب وقت عايزه اعرف جميله فين انتم فاهمين ....
تمام يا بوب هنحاول ....
ابتسم بشر قائل : وكمان متقلقيش اوي كدة هي فاهمة حاجة ....
نسيب بقي الولاد النوتي دول 😂
ونروح نشوف ابطالنا
__________________________
في عيادة جاسم
جاسم : تفضلي يا قمر عامله ايه
هي بتوتر وخجل: الحمد لله يا دكتور انا ....بس ....
جاسم بابتسامة :اهدي اهدي كل التوتر ده خذي كوبايه ميه واهدي كده ...
شربت الميه بتوتر وبدات تهدا شويه...
جاسم ابتسامه: ها يا ستي مالك؟!
=هو انا وحشة !!!
*مين اللي قال لك كده...
=هو ما حدش قال لي بس من وانا صغيره وما فيش احد بيصاحبني او دائما لو صاحبت واحده تقعد معايا شويه وتمشي دائما الناس بتبعد عني ما حدش بيصاحبني انا معقده ووحشه وكلي عيوب من وانا صغيره وانا بعيط لوحدي وتقريبا كده بقيت متعوده على اني ابقى لوحدي حتى في اوقات كثير وانا بعيط ببقي محتاجة بس حضن احد يطمني صاحبه تفضل جنبي بس انا مش لاقية كل ده انا لوحدي....
*طب واهلك ؟!
=كل واحد مفكرني اني انا القويه اللي ما فيش زيي علشان كل ما اشوف احد ابتسم في وشه بس حرفيا ببقي محتاجة اترمي في حضنهم واعيط بس مبعرفش...
*طب اول حاجه كده انتي ست البنات...
ولازم ثقتك في نفسك تبقى اكثر من كده...
ثاني حاجه موضوع الصحاب ده محلول هنبقى نتكلم فيه سوا وثالث حاجه بقى عيلتك هم اكثر حد في الدنيا يخاف عليكي ماشي فخذي بالك قربي منهم يا ستي جايز هم مش شايفين ده قربي من والدتك كده ووالدك وصدقيني هتشوفي هما بيحبوك وبيخافوا عليكي قد ايه....
هي بابتسامة :بجد!!
*اه والله طب جربي كده وقولي لي ودايما خليها حلقة في ودنك ما تتوقعيش من الناس دايما المثاليه
لان مافيش حد مثالي فبالتالي ما فيش احد هيتفق مع توقعاتك ونفسيتك هتتدمر
توقعي دائما من الناس اقل عشان تعرف تعيشي ...فاهماني ....
_فهمت حضرتك ...شكرا ...
ومشيت من عنده وهو كمل شغله وروح لقي جميلة ووالدته بيتفرجوا علي TV
جميلة اول ما شافته جريت عليه : ابيه انت جيت ..
*اه يا حبيبتي...
لفه حوالين نفسها بالفستان ايه رايك ده من الهدوم اللي لسه جايه ....
بص بهيام واعجاب: موزة ..
=اه دي يعني حلوة حفظتها ....
امه سمعته جات علي اقفاه واديله😂 :
ما تلم نفسك يا لا هو انا مش مالية عينك ولا ايه تعالي يا حبيبتي يلا بقي علشان تنامي ...
=يلا يا ماما...
وراحت على اوضتها تنام وبعدين جاسم راح اوضته وهكذا سماسم...
جاسم كان قاعد في بلكونة اوضته بيقرأ كتاب و الايس كوفي بتاعه جنبه (اخر روقان 😂🥺) فجأة سمع صوت من غرفة جميلة عالي نسبيا ده لان اوضتها جنب اوضته راح لاوضتها خبط كذا مرة محدش فتح ...
فتح الباب لقاها نائمة ومستغطية ازاي في الصيف وهو بيشرب ايس كوفي مش عارف 😂 بس اني واي مشيها
استغرب جدا ومشي راح اوضته واقنع نفسه أنه بيتخيل لانه بيفكر فيها كتير....
كمل قعدته في البلكونه
بس شايف خيال في بلكونه جميله اتسحب بالراحة ولأن البلكونات بتاعة الاوض جنب بعض اتسحب لحد ما نط في بلكونتها واتفاجي أن اللي واقفة هي جميلة اللي اتخضت لما شافته....
جميلة : أبيه خضتني أنت ازاي نطيت كدة...
جاسم بشك: انتي اللي ازاي صاحيه وانا قعدت انادي عليك كثير ولقيتك نائمه ....
جميله بتوتر : لا بس.... اصل .....
جاسم : في ايه يا جميله....
جميله بدات الدموع تنزل بغزاره:....
يتبع...
لقراءة الفصل الثالث اضغط على : ( رواية جميلتي المدللة الفصل الثالث )
لقراءة باقي الفصول اضغط على : ( رواية جميلتي المدللة )