القائمة الرئيسية

الصفحات

رواية صغيري الفصل الثالث 3 بقلم مي مصطفى

 رواية صغيري الحلقة الثالثة 3 بقلم مي مصطفى

رواية صغيري الجزء الثالث 3 بقلم مي مصطفى

رواية صغيري البارت الثالث 3 بقلم مي مصطفى

رواية صغيري الفصل الثالث 3 بقلم مي مصطفى

رواية صغيري الفصل الثالث 3 بقلم مي مصطفى

وفجأة محمد ضرب عمر بالقلم ،
عمر:........
محمد.. مصدقتش خديجة لما رنت عليا وقالتلى إلى حصل للدرجة دى وصلت بيك الوقاحة من النهاردة تنسى شلتك دى انت فاهم الله اعلم كانو ممكن يعلموك ايه تانى اتفضل من قدامى 
***********
دخل عمر أوضته ، خديجة كانت واقفة مش عارفه تعمل ايه كانت زعلانه على اخوها وفى نفس الوقت زعلانة منه 
خديجة بعد صمت للحظات .. خلاص يا عمى هدى نفسك اتفضل اقعد 
اياد.. بابا انا محترم خوفك عليه بس مكنش ينفع تضربة بالقلم قدامنا عمر اخويا وأعرفه كويس عمره ما بييجى بالعند كنت تاخده بالهداوه احسن انت كدة هزيت ثقته في نفسه 
محمد ..عندك حق انا انفعلت عليه زيادة عن اللزوم  سيبنى افكر هعمل ايه بقى معاه 
خديجة قامت ودخلت البلكونة شوية ودخل وراها اياد ولقاها سرحانه
اياد .. مالك يا خديجة انت كويسة 
خديجة.. اه يا اياد الحمدلله انا بس زعلانه على الى بيحصل في عمر دة انا والله حذرته كتير منهم ومكنش بيسمع كلامى كان دايما بيفكر انى بتحكم فيه وبلغى شخصيته لكن دة والله من خوفى عليه مش اكتر انا اصلا مليش فى الدنيا غيره 
اياد.. متقلقيش أن شاء الله خير وهيرجع زى الاول واحسن اهدى انت بس 
خديجة ..خايفة اوى  يهمل فى دراسته والفاينال قرب 
اياد.. خلاص انا هتكلم معاه شوية متشغليش بالك انت 
***********
فى اوضة عمر، الباب بيخبط
عمر.. سيبونى فى حالى مش عايز حد ليه دعوة بيا 
محمد بعد ما فتح الباب.. بس انا مش حد يا عمر انا عمك يعنى زى والدك حقك عليا يا عمر تعالى فى حضنى 
عمر وهو فى حضن عمه وبيبكى .. انا بس بتدايق من تحكمات خديجة فيا الزايدة يمكن دة إلى وصلنى لكدة لانى عاندتها لما قالتلى مصاحبش الشلة دى 
محمد.. طب ومفكرتش خديجة بتعمل كده معاك ليه دى اختك يا عمر يعنى محدش هيخاف عليك قدها وهى عايزة مصلحتك مش اكتر دة كفاية أنها رافضة تتجوز لحد دلوقتي علشان تخلى بالها منك كويس انت لازم تردلها كل إلى بتعمله معاك 
عمر .. معاك حق يا عمى هى فعلا بتضحى علشانى كتير بس اردلها كل دة ازاى 
محمد.. تركز فى مستقبلك وتبعد عن الشلة دى وان شاء الله ربنا  يوفقك يابنى 
عمر.. حاضر ياعمى هعمل كل الى اقدر عليه علشان بس اشوفها مبسوطة 
رجع محمد القاهرة هو وابنه ، وعمر اهتم بدراسته اكتر وبعد عن الشلة دى وصاحب امير إلى اخد بايده لطريق ربنا . الطريق الى عمر ما حد ندم أنه اختاره 
**********
فى يوم كان عمر فى الكليه ، وخديجة وفاطمة قاعدين في شقة فاطمة 
خديجة .. يابنتى ارحمينى من ساعه ما جيتلك وانت بتسالينى عن عمر هو عامل ايه هو بيذاكر كويس ولا لا طب هو عمل ايه فى امتحان امبارح فاطمة انا زى اختك احكيلى انت حاسة بحاجة ناحية عمر 
فاطمة بتوتر .. اااحاجة حاجة ايه بس عمر زى اخويا زيك بالضبط يا خديجة انا بسال عادى يعنى 
خديجة بخبث.. اممم عليا انا برده انت مش بتشوفى لمعة عينك وانت بتتكلمى عنه احكى بس مش هروح اقوله يعنى مش يمكن اساعدك 
فاطمة .. بصراحة اه يا ديجا انا ببقى مبسوطة لما بشوفه ببقى عايزة دايما اعرف أخباره بس هو شكله مش شايفنى اصلا 
خديجة.. طب بصى يا فطوم انا الصراحة معرفش عمر شايفك ازاى بس هحاول اعرف منه من غير ما أقوله انك معجبة بيه اما انت متعمليش اى حاجة كل إلى عليكى تدعى ربنا أنه لو خير ليكى يجعله  من نصيبك وانا مش هلاقى عروسة لاخويا زيك فى جمالك واخلاقك 
فاطمة .. بدعى والله يا ديجا يمكن فى كل صلاة ليا 
خديجة.. ربنا يريح بالك وقلبك يا حبيبتي انا همشى بقى علشان زمانه جاى من الكليه وزى ما قولتلك متقلقيش 
قاطعهم صوت تليفون خديجة، وكان اياد 
خديجة.. الو 
اياد.. الو ازيك يا خديجة عامله ايه فى امتحانات الفاينل بتاعتك 
خديجة .. الحمدلله يا اياد ماشية كويس 
اياد .. ربنا معاكى خديجة انا كنت عايز اقولك حاجه مهمة بصراحه انا استنيت كتير بس مش هقدر استنى اكتر من كدة 
خديجة.. اتفضل يا اياد سمعاك 
اياد .. خديجة بصراحة أنا ااا بحبك و عايز اطلب ايدك 
خديجة ووشها احمر من الكسوف .. امممم أيوة يا اياد بس انت عارف انى مش بفكر في الموضوع دة على الأقل لما اطمن على عمر الاول 
اياد .. عمر مش صغير يا خديجة هتفضلى لحد امته بتضحى علشانه لازم انت كمان تشوفى حياتك انا بحبك من زمان بس كنت خايف من ردك 
خديجة .. مش عارفه يا اياد انت فاجأتني الصراحة
اياد .. على العموم فكرى براحتك بس عايزك تعرفى انك عمرك ما هتلاقى حد يحبك قدى ولو وافقتى هاجى انا وبابا ونحدد معاد كتب الكتاب 
خديجة.. أن شاء الله يا اياد الى فيه الخير يقدمه ربنا سلام
*********
فاطمة .. ايه يا بنتى مالك وشك قلب الوان ليه 
خديجة.. اياد ابن عمى طلب ايدى دلوقتى
فاطمة بفرح .. بجد الف مبروك يا ديجا فرحتلك اوى 
خديجة.. مبروك ايه بس انا لسة موافقتش 
فاطمة.. ليه بس هو اياد دة كويس ولا ايه
خديجة..اه كويس انا عمرى ما شوفت حاجة وحشة منه ومحترم جدا بس انا إلى متلغبطة ازاى هسيب عمر لواحده 
فاطمة .. عمر ايه بس هو صغير يعنى دة فى جامعة وهيعرف ياخد باله من نفسه نصيحة منى شوفى حياتك يا خديجة بدل ما اياد يضيع منك وهو شكله بيحبك اكيد 
خديجة.. هبقى افكر بقى يلا سلام 
********
فى شقه خديجة بليل ،
عمر.. انا اياد كلمنى وطلب ايدك منى  انت ايه رايك 
خديجة.. اياد شاب كويس ياعمر بس انا مش هتجوز غير لما اطمن عليك 
عمر.. حبيبتى فكرى كويس انا هعرف اضبط امورى لواحدى انت ضحيتى علشانى كتير متخلنيش احس انى موقفلك حياتك 
خديجة.. مش عارفه بقى يا عمر بس انا مش عايزة اسيبك لواحدك 
عمر.. طب فيه موضوع عاوز اخد رايك فيه وأن شاء الله توافقى 
خديجة.. ايه هو 
عمر.. انا معجب بفاطمة جارتنا وعاوز اروح اتقدم لها بصراحه انا معجب بيها من زمان بس انا مكنتش ببين لها علشان مغضبش ربنا فيها 
خديجة فى سرها بنت حلال والله يا فاطمة ربنا استجاب لك.. اا مبارك يا قلب اختك فاطمة بنت حلال ومش هتلاقى زيها فعلا
عمر.. يبقى على بركة الله ايه رايك اخد معاد مع اهلها وكمان اياد ييجى ونحدد معاد الفرح ويبقى احنا الاتنين فى نفس اليوم اظن دلوقتى ملكيش حجة 
خديجة.. خلاص يا حبيبي إلى تشوفه على بركة الله.
بعد اسبوع خديجة واياد اتجوزوا وراحو عاشو فى القاهرة ، وفاطمة وعمر اتجوزوا وعاشو فى اسكندرية وكانت ليلتهم الكل بيحكى ويتحاكى عنها كانت فعلا قلوبهم طايرة من الفرحة والكل فرحان ليهم .
"الحياة بتبقى حلوة لما ناخدها ببساطة من غير عِند وكره وكدب ، احنا بادينا نخليها حلوة بقربنا من ربنا ،و الإستبشار  دايما أن الى جاى خير .. خير وبس "
تمت بحمد الله. 
لقراءة الرواية كاملة اضغط على : ( رواية صغيري )
reaction:

تعليقات