القائمة الرئيسية

الصفحات

رواية إنتقام من نوع خاص الفصل التاسع عشر 19 بقلم أمل صالح

 رواية إنتقام من نوع خاص الحلقة التاسعM عشر 19 بقلم أمل صالح

رواية إنتقام من نوع خاص الجزء التاسع عشر 19 بقلم أمل صالح

رواية إنتقام من نوع خاص البارت التاسع عشر 19 بقلم أمل صالح

رواية إنتقام من نوع خاص الفصل التاسع عشر 19 بقلم أمل صالح


رواية إنتقام من نوع خاص الفصل التاسع عشر 19 بقلم أمل صالح

قعد على الكرسي وعيط بحرقة وهو بيغطي وشه - كنتوا فين كلكم وهي محتاجة أي إهتمام.!!
حس بشخص بيضمه فَـ ريح راسه عليه وهو حتى ميعرفش هو مين، رفع راسه وبص بصدمة لما لقى الشخص دا رمزي أبو شروق اللي طبطب على ضهره في محاولة إنه يواسيه.
مسح عينه بقوة غريبة وبعدها قام وقف قصاد جده وجدته وقال بجمود - أنا عايز أتكلم معاكم..
بس للباقي وقال وهو بيضغظ على كُل كلمة - لوحدنا.
مِشى والاتنين بصوا البعض وبعدين لحقوه، وقفوا الـ3 قدام المستشفى وحسام قال - عايز جواب على سؤالي، أنا كنت بسمع عنكم بس يا جدي ويا جدتي.!
كان بيتكلم بتريقة، حط جده إيده على كتفه وقال بهدوء - بُص يابني، إحنا عندنا في البلد عايزين رجالة يشيلوا من بعدنا؛ إنما البنات ملهمش لازمة.!
وقبل ما يكلم كلامه شد حسام إيده اللي على كتفه وهو بيقول - علطول يا جدو من غير بدايات.
بص جده لمراته "جدته" وهو بياخد نفسه ورجع بص لحسام وقال - أنا قعدت ناهد من التعليم بعد ساتة إبتدائي، جوزتها بعدها بِـ 3 سنين ومن حوالي خمس أو سِت سنين جتلنا البلد بعد مَـ ... 
عيطت جدته وهي بتكمِل - بعد ما الناس فكروا إنها ماتت، جوزها ومشاها من البلد مع أبوك وحِلف مَـ هي داخلة البيت تاني لما عرف إنها عايزة تتطلق.. 
بصت لحسام - كان بيستعر منها عشان بنت، منه لله مِش مسمحاه ليوم الدين.
إبتسم حسام بتريقة وهو بيسأل - كانت عايزة تتطلق لي..! ولي بعد العمر دا..! 
رد جده بإنفعال - عشان أبوك كان بيجي البيت قليل.! هبلة مين دي اللي عايزة تخرب بيتها عشان جوزها الشقيان والتعبان عشان يأكلها.!! 
زعق حسام - أنت خربت حياتها، خربت طفولتها، خربت نفسيتها، وجاي تقول بيتها..! مَـ يتحرق البيت باللي فيه بما فيهم أبويا... 
سِكت وهو بيكمِل بصوت واطي - بس مكنش يحصل ليها كِدا.! مكنتش تموت كِدا.!! 
بصلهم وقال قبل ما يدخل - حسبي الله ونعم الوكيل، وبس..
يتبع...
لقراءة الفصل العشرون اضغط على : ( رواية إنتقام من نوع خاص الفصل العشرون )
لقراءة باقي الفصول اضغط على : (رواية إنتقام من نوع خاص)
reaction:

تعليقات