رواية رحلة الكيان الحلقة الثالثة 3 بقلم مريم فهمي
رواية رحلة الكيان الجزء الثالث 3 بقلم مريم فهمي
رواية رحلة الكيان البارت الثالث 3 بقلم مريم فهمي
 |
| رواية رحلة الكيان الفصل الثالث 3 بقلم مريم فهمي |
رواية رحلة الكيان الفصل الثالث 3 بقلم مريم فهمي
وفجأه دق هاتف الجد
- بقلك اي يا جدو من غير لف ودوران ورغي كتير كيان لو مرجعتش مكانها تاني وعزة جلالة الله لاجي القصر بتاعك واخدها واقت**لك ومش هيهمني حد وانا قادر اني اعملها ، كيان دي بتاعتي انا وبس ، بدل ما اجي واخدها بالعافيه رجعهالي بالذوق ....
الجد: بص يا اسمك اي انت كيان في حماية جدها وانا مبتهددش فااهم والي عندك اعمله وانا هم*حيك من علي وش الارض
وقفل السكه بسرعه
كيان : هو ده عمار يا جدو شخص عديم النفع كات عاوز يتجوزني وانا كنت رافضاه نهائي هو السبب في قتلها يجدو ...وبدأت في البكاء ..هو السبب هو الي جر ابويا للسكه دي وخلاه يمشي في سكة ملهاش اول ولا ليها آخر... وبدأت بالصراخ ....هي بقي ذنبها اييييي هي ذنبها اييي تم*وت بالشكل ده هااااا يا ماااااااماااا ارجعيلي عشان خاطري انا ولا حاجه من بعدك ولا حاجه ...
تميم تدخل : كيان اهدي حق مامتك هيتجاب بالقانون وصدقيني ربنا مبينساش حد يا كيان ..
كيان : انت مين ؟
الجد : ده تميم ابني ..
كيان بصدمه : ابنك ؟
الجد : مش بالظبط تميم يبقي ابن اعز اصدقائي وبعد وفاة والده بسبب السرطان انا ربيت تميم وبقي دراعي اليمين وهو دلوقتي دكتور نفسي وبيعالج حلو اووي
كيان : ياريت الي جوايا يقدر يتعالج كنت عالجته من زمان انما الي جوايا ندبه استحاله تتمحي...
الجد : والله لتعيشي احلي حياه صدقيني انا بس عاوزك تنزلي مع تميم تتمشي بس بالعربيه ارجوكي
تميم : ان كان عليا معنديش مانع يلا يا كيان انتي محتاجه ده
كيان : هو انتوا بتهزروا انا داخله اوضتي ومش عايزة حد يزعجني ..
ركضت نحو غرفتها والقت نفسها علي السرير واخذت وسادتها والقت نظرة علي صورة والدتها
*سبتيني ليه يا امي ، سبتيني ليه انا حياتي كلها متمثله فيكي ليه مشيتي يا امي ليه دلوقتي انا بقيت وحيده من بعدك الحياه هتلطش فيا يمين وشمال انتِ الي كنتي بتسنديني انتِ الي كنتِ دايما معايا ، اه لو بس اشوفك ثانيه واحده يا امي *
ثم نامت
- كيان !
- ماما ؟؟
- انا في مكان حلو اووي يا كيان يا حببتي ربنا عوضني عن كل الي عشته يا كيان انا جنبك انا عايشه في قلبك يا كيان عيشي حياتك يا حببتي انا في مكان جمييل اووي وهستناكي فيه يا بنوتي ، بلاش تزعلي جدك منك وافتحي قلبك يا كيان افتحي قلبك *
كيان بصريخ : مااااما لا متبعديش يا ماما لا متسبنيش
ثم استيقظت وهي تنده بإسمها : ماااااماااا
وجدت شخص يخبط وكان تميم
تميم بقلق : كيان كيان انتِ كويسه كيان ارجوكي افتحي !
قامت كيان وهي مبتسمه لما رأته من رؤيه والدتها
كيان : انا كويسه
تميم : مالك ؟
كيان : انا حلمت بماما
تميم : وحلمتي بإيه بقي ؟
كيان : حلمت انها بتقولي انها في مكان حلو واني ربنا عوض صبرها خير وبتوسيني علي جدو كمان وبتقلي افتحي قلبك ...
تميم بابتسامه : امممم مامتك دي شكلها كانت قمر اوووي
كيان : امي كانت اطيب شخص في الكون كانت شبه الملاك بالظبط
تميم : وانتي طالعالها
كيان ابتسمت : انت طيب اووي !
تميم : تربية جدك بقي مربيني من وانا عندي ١٠ سنين
كيان : انا نفسي ربنا يعوضني خير عن كل الي فات
تميم : ثقي بالله ووالله هيعوضك عوض جميل هتعيطي من كتر الفرحه
كيان : يا......
وفجأه حاصر الرصاص الڤيلا بأكملها وكانت كيان تعلم انه قد حضر عمار وظنت انها لن تهرب منه هذه المرة
تميم : خشي من هنا بسرعاااه بسرعاااه خليكي ورايا نروح نجيب جدو ونخرج من هنا
ثم انقطعت الكهرباء
وهجمت رجال عمار علي رجال الجد ولكن كان هناك باب سري لا احد يعلمه سوا تميم وجد كيان ثم حاولوا حمايتها والتقي تميم بجدها وذهبوا مسرعين نحو هذا الباب ليخرجوا ولكن اذ بط*عنه قويه من احدي رجال عمار تط*عن كتف جد كيان حتي تسقطه ارضا
كيان بصرخه : جدووووو جدووووو قوم
تميم : قوم بسرعه يا جدو معانا قوم بسرعه
الجد : بسرعه اطلبوا البوليس والاسعاف
عمار امامهم
عمار : قولتلي بقي كيان في حمي مين اصل مسمعتكش كويس ؟
ظلت كيان ترتجف وتهمس * ارجوك يا عمار سيبني يا عمار كفايا الي راحوا بقي*
عمار : مش هروح من هنا غير لما تروحي معايا يا كيان
وذهب كي يؤخذها من يدها ولكن امسك تميم بيده وقال * بس كيان في حمايتي *
تميم بضحكه استهزاء : وانت مين بقي؟
تميم : انا الي هيخليك متروحش علي رجلك
عمار وهو يسقف : لا عجبتني لا تحسني اتخضيت كده واخد بالك انت، ابعد عن وشي يا شاطر عشان انا غش*يم اووي ماشي فابعد بقي
تميم ضربه ضربه مبرحه وبدأوا بالعراك الشديد حتي سمع عمار صوت البوليس ففر هاربا هو ورجالته
جائت الإسعاف وحملت جد كيان الي المستشفي وظلت كيان ترتجف الا ان ذهب اليها تميم واحضر لها كأسا من الماء وقال لها .. اياك تخافي انا هنا بحميكي وصدقيني الك*لب ده انا هعرف شغلي معاه كويس
كيان بإرتجاف : انا...خااي..فه اووي
تميم : متخافيش اياكي تخافي وانا موجود هحميكي وهحمي جدك
كانوا ذهبوا الي المستشفي وطلبت الممرضه منهم ان يذهبوا الي غرفة الجد
تميم : الف مليون سلامه عليك يا حبيبي
الجد بتعب : الله يسلمك يا تميم ، كيان يا بنتي الولد ده شكله مش سهل وانا مش هكون مطمن عليكي هنا انتِ لازم تسافري برا مصر هسفرك باريس تقعدي هناك شويه وانا ليا ناس هناك هتكوني في امان اكتر وتميم هيكون معاكي لازم يبقي معاكي
كيان : اسافر واسيبك ؟
الجد : انا هخلص فترة علاجي واحصلكوا علي هناك لحد ما الدنيا تهدي ارجوكي يا بنتي حققيلي طلبي ده
تميم : كيان هناك هيكون افضل هنا حياتك في خطر فعلا لازم نسافر
الجد : كيان اخرجي برا دلوقتي انا عايز تميم في حاجه
خرجت كيان وهي بداخلها العديد من الافكار هل ستسافر وستترك بلدها، هل عمار سيلاحقها ، هل حياتها ستتدمر بسبب ذلك الشخص الل*عين، واخذت تبكي
تميم : انت بتقول اي يا جدو
الجد : ارجوك يا تميم كده هكون مرتاح اكتر يا تميم لازم تقنعها
تميم : بس هي هترفض
الجد ؛ لازم تقنعها يا تميم ارجوك كده هكون مطمن اكتر
تميم ؛ هحاول يا جدو هحاول
الجد : انا عارف اني بتقل عليك بس انت عارف انها اغلي ما املك ارجوك حققلي مطلبي ده
تميم: حاضر يا جدو حاضر
خرج تميم وهو لا يعلم ماذا سيقول لكيان التي واجهت العديد من المشاكل الكثيره في هذه الفترة وعلي وجهه شعور الحيرة فهو لا يعلم من اين يبدأ
كيان : جدو قلك اي ؟
تميم : قال اني احنا لازم نتجوز قبل ما نسافر يا كيان !
كيان بصدمه : نعم !!!!!!
باااااس نقف لحد هنا بقي والبارت انتهي اتمني يكون عجبكم وتابعوا بقي الي جاي عشان الروايه هتولع في الي جاي وقولوا رايكم بقي واي انتقاض انا هتقبل ❤️
ويا تري اي هيكون رد فعل كيان !؟
يتبع...
لقراءة الفصل الرابع اضغط على : ( رواية رحلة الكيان الفصل الرابع )
لقراءة باقي الفصول اضغط على : (رواية رحلة الكيان)