رواية سيف وكارما الحلقة الأولى 1 بقلم سلسبيل أحمد
رواية سيف وكارما الجزء الأول 1 بقلم سلسبيل أحمد
رواية سيف وكارما البارت الأول 1 بقلم سلسبيل أحمد
 |
| رواية سيف وكارما الفصل الأول 1 بقلم سلسبيل أحمد |
رواية سيف وكارما الفصل الأول 1 بقلم سلسبيل أحمد
- تعبانه
= ريحي يا كارما لحد ما نوصل
- لاء احنا متخاصمين يا سيف
= اممم طيب براحتك
قربت كتفي من راسها ومالت عليه تلقائي لانها كانت مرهقه من اليوم الدراسي الشاق الى اخدنا واحنا في سنه رابعه ابتدائي
* بعد 8 سنين *
- تعبااااااانه اعااااا عايزه افطر
= اششش الناس يخربيتك
- مش قادره كل دي دروس انا عايزه ارجع ابتدائي ونبي
ثانوي جابت اجلي
= منتي كنتي بتصيحي وتتعبي برضو
- انا تعبت
= ريحي على كتفي
- بس احنا متخاصمين!
= يااه بقالك تمن سنين على كدا وفي الاخر بتنامي على كتفي
- احنا ليه بنتمرمط في مدرسه بعيده؟
= يمكن عشان الهانم تنكه وبتروح مدرسه مش في نفس المنطقه بتاعتنا؟
- انت بتلقح عليا يا سيف
= اطلاقا يا كراميلا.
- طب ليه رايحين المدرسه و احنا تالته اصلا؟
= مراجعه امتحان اتهدي بقي بفقدان الذاكره ده
- همممممم
فات دقيقتين اتنين بالظبط ونامت على كتفي
كالعاده يعني وصحتها عشان ننزل بنتمشي خمس دقايق للبيت
- افهم بقي بنتخاصم ليه بقالك تمن سنين بتقفشي على نفس الحاجه
= قصدك اية
- بتزعلي لو بصيت لواحده بالغلط حتي
= انت عايز يعني
بغمزة - بتزعلي لي ها بتغيري
= ولد احترم نفسك
- انا محترم بس بعد اتناشر بليل مش عارف.
= الحمد الله الساعه لسه تلاته العصر اهي
- لا ماهو الاوبشن ده للناس العاديه مش انتِ
عيونها بربشت بتوتر وكسوف وانا ضحكت.
- بقولك صح خت بالي انك كنتي بتسلمي على حد كدا
= مستر علم النفس ؟
- اها اول مره يعني
= بمعني؟
- اول مره تسلمي على مدرس
= اصلي بحبه
- لامواخذه؟
= بحب المستر دهه مالك
- بتحبيه ازاي
= كا مدرس وكدا
- وانتي ليه تحبيه ليه كا مدرس حتي
= اصله بيضحكني
- اية شغل ياسمين صبري دهه
= بقولك ايه ! وصلنا اشوفك بكره
- طب علفكره.
= هاه
- احنا متخاصمين تمام
حط الشنطه بتاعتي الى كان شايلهالي في ايدي بعصبيه وطلع على بيتهم
" سيف الى مهما اتكلمت عنه مش هوصف نقطه في حبي لي رفيقي منذ الطفوله الى عوضني حنان بابا و اخويا لما اتوفو في حدثه صحيح محدش اخد مكانهم بس هوا اداني حب و اهتمام وتهوين عالي حصل طول فترة تعبي الى وقف جمبي ونقل مدرسته من رابعه ابتدائي جمبي و وافق يركب مواصلتين عشاني وهوا بيكره الفرك والحركه بس كان بيوديني ويجبني الي ضهره سند ليا وكتفه موجود اي وقت عشان لما اميل يلحقني سيف الي علمني ان وجود احدهم يحبك بيخليك تتعافي من اي شيء"
= اية الى جابك عندنا يابت؟ احنا مش متخاصمين!
- ماما عاوزة طنط جيت اناديها الا عمو رفعت هنا ؟
= ايوا هنا ادخلي يحببتي
- ابنك بيطردني يا عمو.
دخلني وفتح الباب اوي ل سيف = اطلع بره انت بقي
خدني ودخلنا نقعد وعملي عصير كمان وطنط ولاء سلمت عليا و راحت لماما
- ازيك واية اخبار الدراسه يا كوكو
= اهو بنحاول نعدي تالته دي
- خلي بالك ده مستقبلك
= متخوفنيش يعمو
- ابدا انتي معزتك من معزة اخره صبري الى بره ده
رد سيف من المطبخ= انا سامعك يا رفعت سامعك هااا
- وانا مش سامعك المهم يا كارما انا بس بنبهك عشان تشدي حيلك تاني ترم صعب
= ربنا يستر بقي
- هقوم انا اصلي
جه سيف بكوبايه القهوه الشهيره الى بيحبها كأنها مراته وقعد
= مش هتبطل قهوه!
- يبنتي هي سجاير
= مضره!
- خليكي في علم النفس
= دا احنا بنغير ولا اية
- اها بغير انا بغير عليكي عايزه اية
راقبت صدمتها من جرأتي وحاولت امنع الضحكه ولكن فلتت - انتِ كويسة
= الجو حر؟
- اها اشغلك المروحه
= لا انا همشي بقي
- لا استني
= اية
- انتي خلصتي مذاكره؟
= تقريبا
- هعدي عليكي بليل في حاجه مهمه
= هتفرك ولا اية بكره الوقفه عاوزين ننام يابني
- مش هنفرك كتير
= هننزل؟
- اها مش بعيد و قولت ل هبه ها " مامتي ياجماعه"
هزت كتافي = طيب هستناك
_
اخدت تفكيري ابن اللذينه وقعدت افكر هنروح فين؟!
لحد ما خبط عليا..
بصلي بقلة حيلة - انتي لسه ملبستيش؟!
ردت ماما من ورايا - ادخل يا سيف
= عاجبك بنتك كدا ؟
- اها عاجبها عايز اية
= بس ياكارما عيب روحي هاتيله حاجه يشربها
- لاء
= انا قايمه اصل انا مخلفتش
قاطعتها - مخلفتيش بنات يا هبه اها خلفتي معزة
ضربتني بخفه وقامت
= انتي ملبستيش ليه يابنتي
- مش هنزل مش قادره
= بطلي تناحه ومتهزريش
بجديه - مبهزرش يا سيف
= مش فاهم في اي
- مفيش حاجه ومش هاروح المدرسه بكره كمان متعديش عليا
= والله؟
- اها والله
= طب تمام ، بعد اذنك يا طنط
مشي حتي من قبل ما ماما تيجي والغريبه اني محستش بالذنب خالص..
" تاني يوم "
ركبت المكروباص ينهار اسود ومنيل ؟ انا ازاي مختش بالي اني عمري ما ركبت لوحدي من غير سيف؟ يخبر اعمل اية لو توهت اصلا ؟ انا عيله صغيره ومش أ.. قطع تفكيري حد قعد جمبي
- سيف.
يتبع...
لقراءة الفصل الثاني اضغط على : (رواية سيف وكارما الفصل الثاني)
لقراءة باقي الفصول اضغط على : (رواية سيف وكارما)