القائمة الرئيسية

الصفحات

رواية وجع قلبي الفصل الأول 1 بقلم ألاء السيد

 رواية وجع قلبي الحلقة الأولى 1 بقلم ألاء السيد

رواية وجع قلبي الجزء الأول 1 بقلم ألاء السيد

رواية وجع قلبي البارت الأول 1 بقلم ألاء السيد

رواية وجع قلبي الفصل الأول 1 بقلم ألاء السيد

رواية وجع قلبي الفصل الأول 1 بقلم ألاء السيد

انهيار " هو انتي بجد أخوكي هيخطب؟ " 
حنين : الاء بصي هفهمك أنا عارفة انك بتحبي جاسر بس اسمعيني هقولك....
بعياط هيستيري " قولي لأ ارجوكي قولي أنه مش هيخطب قولي أنه مش هيبقى لحد غيري ارجوكي قولي أنه ليا انا بس طب  قولي ان أنا اللي من حقي اشيل اسمه قولي أنه هيخطبني أنا قولي أنه بيحبني زي ما أنا بحبه طب بصي اكدبي عليا حتى " 
حنين بدموع : اهدي يا الاء عشان خاطري بالله ما تعملي كدا متوجعيش قلبي 
"  طب وانا اعمل ايه ف وجع قلبي ها ؟ أنا أعمل إيه ردي بقولك ردي " 
كان آخر كلامي بزعيق بعدها محستش بأي حاجة غير الدنيا بدأت تضلم وصوت حنين ف بيتردد ف وداني 
: الاء الاء فوقي الاااااء 
ف المستشفى 
الدكتور : عندها انهيار عصبي يا ريت تبعد عن الضغط أو التوتر أو إي حاجة ممكن تضايقها 
ماما وهي بتبص لحنين : حاضر حاضر يا دكتور ممكن ادخل اشوفها 
الدكتور : طبعا طبعا اتفضلي  
ماما : ايه يا لولو تخضينا كدا عليكي ينفع كدا 
بصتلها وعيني مليانة دموع مش قادرة ارد مش قادرة أنطق حاسة ان الكلام تقيل على قلبي قبل لساني طاقتي كلها خلصت في حبه يمكن حبيته زيادة عن الازم بس انا قلبي واجعني اوى 
بس ليه لما  نحب لازم نتوجع ؟! 
حنين : هي العيون الحلوة دى ينفع تعيط برضه ؟  
_ ألف سلامة عليكي يا الاء 
كان آخر واحد اتمنى اني اشوفه دلوقتي كان آخر واحد اتمنى ان اسمع صوته كان آخر واحد اتمنى انه يشوفني كدا وانا ف قمه ضعفي وخوفي من الجاى 
حنين : انت عرفت منين يا جاسر ان احنا هنا 
_ ماما اتصلت بيا وقالتلي ان انتوا هنا هو ايه اللي حصل ؟!
حنين : لا لا محصلش حاجة دا دا الاء داخت شوية و اغمي عليها شكلها كدا ضغطها كان واطي اه باين كدا صح يا الاء؟ 
وديت وشي الناحية التانية من غير ما ارد عيني بس مليانة دموع ومليانة كلام الكل اللي أنا حساه دلوقت اني محتاجة اصرخ عايزة اصرخ وبس 
حنين وبدأت تحس أن جاسر لاحظ
: مش يلا يا جاسر نروح وابقى اجيلها وقت تاني الاء شكلها محتاجة ترتاح 
_ ماشي يلا بينا عارف ان الوقت مش مناسب بس خطوبتي الجمعة الجاية ولازم يا الاء تبقى موجودة مينفعش الخطوبة من غيرك دا انتي اختي الصغيرة ولا ايه يا حنين ؟! 
حنين :ج ج جااااسر يلا بينا اتاخرنا سلام يا طنط سلام يا الاء
مقدرتش استحمل أكثر من كدا صوت عياطي بس هو اللي بدأ يعلى وماما بتحضني جامد كنت محتاجة الحضن دا محتاجة احس ان قلبي لسه بأمان لسه بخير 
ماما: الاء أنا م الأول قولتلك بلاش بلاش يا بنتي الحب آخره وجع ومش هتستحملي كنت بقولك أنه دايما شايفك أخته الصغيرة  وانتي كنتي بتكدبي على نفسك يا بنتي دا حتى حتى أكبر من..
بعياط " أكبر مني بعشر سنين صح دا اللي كنتي دايما تقوليه بس عمرى ما حسيبتها كدا ولا قلبي شافها كدا طب ذنب قلبي ايه أنه حبه ذنبه ايه يشوف الوجع دا
ملناش سلطة على قلوبنا ملناش سلطة " 
ماما : شششش اهدي اهدي يا الاء عارفة ان ملناش سلطة على قلوبنا يا بنتي بس كان ممكن توقفي البذرة اللي جواكي من أنها تنبت و دلوقتي بتدفعي الثمن البذرة نبتت وطلعت ورد بس معاه شوك أول من اتأذي  كان انتي 
" واعمل ايه ف الورد يا ماما الشوك جرحني ورويتها بدل الماية من دمي " 
ماما : اقطفي يا حبيتي شيليه من جذوره 
هيبقى صعب بس احنا جمبك 
" هيوجع يا ماما هيسيب فراغ هيسيب جرح صعب أنه يتداوي " 
حنين : اعتبريه صفحة واتقلبت يا الاء واحنا معاكى وزى ما مقدرتش اسيبك الوقتي عمرى ما هقدر اسيبك ابدا 
أنا بخوف ورعب " جاسر فين ؟! " 
حنين : متخافيش يا الاء جاسر مشى قولتله مش هقدر اسيبك وامشي ولازم أبقى معاكى
" شكرا يا حنين "  
غمضت عيني براحة أنه واخيرا مشي انا محتاجة انام 
محتاجة أهرب من الواقع 
ليه الوجع دا ؟هو مينفعش الحب من غير  وجع مينفعش من غير ألم  طب ليه مش اى حاجة عايزنها بناخدها ليه مش كل واحد بيحب حد يبقى من نصيبه ليه لازم الطريق اللي نمشيه منعرفش نهايته من الأول
و ليه اساسا بنمشي ورا قلوبنا ؟ ليييه 
#آلاء_السيد_مصباح
...................
يوم الخطوبة 
حنين : الاء 
" انتي سايبة اخوكي وجايه لي ليه " 
حنين : الاء 
" خطيبة اخوكي زمانها عايزاكي " 
حنين وبتشدني لحضنها  : الاء عيطي 
" مش عايزة " 
حنين : الااااء بقولك عيطي 
" بقولك مش عايزة مبتفهميش " 
حنين : الاء ارجوكي عيطي  
فعلا عيطت فعلا كنت محتاجة اني اعيط محتاجة أطلع كل اللي جوايا مش لايق معايا دور الجمود اللي بحاول أمثله 
الدموع مش ضعف الدموع حاجات كتير مع بعض قلوبنا متستحملهاش 
كنت بزيد ف العياط وحنين تزيد من حضنها لحد ما خلصت عياط ومسحت لي دموعي
حنين : عايزاكي اجمل واحدة ف الخطوبة النهاردة عايزاكي حتى احلى من العروسة 
دخلت الخطوبة وماسكة ف ايد حنين حاسة أنها لو سابت ايدي هقع ماسكة فيها جامد وكأنها طوق نجاه ليا 
كنت شايفة ضحكته وعينيه بس ف ايه حاجة غريبة دي مش لمعة عينه لما يكون فرحان 
فجأة بصلي حسيت ان قلبي اتحرك من مكانه عينيه كانت مليانة كلام وعيني كمان بس ولا أنا ولا هو فاهمين و أنا وجعي بيزيد مع كل خطوة بمشيها نحيته هو وعروسته 
" مبروك الخطوبة يا عروسة مبروك يا جاسر "  _ الله يبارك فيكي يا الاء عقبالك 
صوتي مكنتش قادره أخرجه بس ضغطة حنين على ايد فوقتني 
"ان شاء الله قريب " 
كانت صدمة بالنسبة له وبالنسبة لحنين قبله بصلي جامد وبعدها بس لحنين وكان لسه هيتكلم صوت الأغاني على وكانت نجدة بالنسبة لي فكان لازم امشي أو اختفى طلعت بره القاعة بخطوات أشبه بالجري كأني ف سباق أو بهرب من حد بس الحقيقة انا بهرب من نفسي  قبل أي حد 
حنين : الاء انتي اتجننتي ايه الهبل اللي قولتيه جوا دا ؟ 
" حنين أنا كنت قصدي عشا ...."
= الاء 
بصيت لصاحب الصوت فكانت الصدمة 
يتبع..
لقراءة الفصل الثاني اضغط على : (رواية وجع قلبي الفصل الثاني)
لقراءة باقي الفصول اضغط على : (رواية وجع قلبي)
reaction:

تعليقات