رواية العبقري الحلقة الثالثة والثلاثون 33 بقلم ماهي أحمد
رواية العبقري الجزء الثالث والثلاثون 33 بقلم ماهي أحمد
رواية العبقري البارت الثالث والثلاثون 33 بقلم ماهي أحمد
 |
| رواية العبقري الفصل الثالث والثلاثون 33 بقلم ماهي أحمد |
رواية العبقري الفصل الثالث والثلاثون 33 بقلم ماهي أحمد
يامن كان بيبص علي نواه وهو بيدفن وكان بيفتكر كل لحظه حصلت ما بينه ومابين نواه وهو بينزل لقبره دموعه كانت بتنزل منه غصب عنه حاول يمسك دموعه بس ماقدرش
ورجاله القائد بينزلوه وبيردموا عليه التراب تيم كانت واقفه معاهم ويامن كان مربوط في العربيه .. لفت وشها وبصت وراها ليامن ويامن هو كمان بصلها
تيم : ( وهي بتبصله من بعيد بقت تقول في نفسها ) مكنتش اعرف انك هتحزن عليه بالشكل ده
يامن : ( وهو بيبصلها ومربوط في العربيه بقي يقول في نفسه )
يامن : هتموتي نفسه موتت نواه ياتيم وممكن ابشع كمان
بقلمي ماهي احمد
رجاله القائد بعد ما دفنوه نواه رجعوا يقعدوا في العربيه وتيم بقت تسوق
تيم ( وهي سايقه ويامن قاعد جنبها )
تيم : ( بكل برود ) شايفه نظرات الانتقام باينه علي وشك ليا يايامن .. وده حقك طبعا .. بس انت اللي اضطرتني اعمل كده
يامن : ( كان باصص قدامه ومابيردش )
تيم كانت بتسوق العربيه ال jeep المفتوحه وشعرها بيرجع لورا من كتر الهوا
تيم : ( شالت خصله من خصل شعرها اللي بتيجي علي وشها من كتر الهوا وكملت كلامها )
تيم : فيها اي يعني انا مش فاهمه لما كنت تسمع كلامنا وتعملنا اللي احنا عايزينه مكانش حد مات من اهل القريه ولا كمان صحبك نواه انا عايزاك تحط في بالك ان مافيش حد قتل نواه غيرك بسبب عنادك وهروبك مني
الرجاله بصت كده باستغراب راحت تيم عدلت كلامها بسرعه
تيم : ( بتوتر ) ممم اقصد مننا انا والقائد
بقلمي ماهي احمد
العبقري: __________
تيم : ( كملت كلامها )
ياريتك كنت سمعت كلامنا من زمان مكانش حصل ده كله .. وعلي فكره انت برضوا اللي في ايدك اذا كانت نايا تعيش ولا هتموت مع اني انا عن نفسي افضل موتها بس انت برضوا تصرفاتك هي اللي هتقرر
يامن اول ما سمع كده داس علي سنانه وحط ايده علي رقبه تيم وخنقها
الرجاله اللي ورا بقت تبعد ايده عنها وهي مابقيتش قادره تتحكم في العربيه
والعربيه بقت تروح منها شمال ويمين
تيم : ي.. يا.. ياامن .. العربيه هتتقلب
تيم كان في قدامها صخره راحت خبطت فيها من الجنب العربيه اتقلبت وكلهم اغم عليهم وبقوا جوه العربيه وهي مقلوبه ودماغهم تحت ورجليهم فوق
--------------------بقلمي ماهي احمد ------------------------------
الجبالي ورجالته وقفوا قدام قريه القائد وطبعا كان في رجاله من رجاله القائد واقفين بيحرسوا القريه
الجبالي : هنعمل اي القائد مش عبيط عشان يسيب القريه من غير حمايه
واحد من اللي مع الجبالي : هو اكيد مش عبيط وذكي بس احنا هنطلع اذكي منه
الجبالي : ازاي
واحد من اللي مع الجبالي : ازاي دي بقي سيبهالي انا
الراجل أمر رجاله الجبالي ان كل واحد فيهم يدخل القريه بطريقه غير مباشره بمعني مره واحد يدخل بحجه انه القائد بيبلغهم رساله وده طبعا محدش هيصدقه فهياخدوه في الزنزانه ويحبسوه لحد ما القائد يرجع ويشوفوا حكايته ايه
والتاني دخل عن طريق انه بيعرض عليهم صفقه اسلحه جديده وعايز يوريها للقائد وهكذا
وطبعا مكانووش بيدخلوا ورا بعض ما بين الراجل والتاني مش اقل من ٣ ساعات لحد ما دخل خمس رجاله من رجاله الجبالي علي مدار اليوم
والاتفاق انهم يقدروا يقتلوا اللي واقفين علي البوابه بتاعت القريه ويقدروا يفتحوا البوابه لرجاله الجبالي وده فعلا اللي حصل
واحد من رجاله الجبالي بقي يتسحب بالراحه جدا لحد ما وصل للي واقفين علي البوابه وبيحرسوها بالليل واداهم طلقه كل واحد في دماغه ماتوا في ساعتها
وفتحوا البوابه لرجاله الجبالي ودارت بينهم المعركه
------------------------بقلمي ماهي احمد ----------------------------
( في نفس الوقت الليل ليل علي يامن وتيم والعربيه لسه مقلوبه بيهم وهما مغم عليهم واخيرا يامن وتيم ابتدوا يفوقوا )
تيم وهي ماسكه دماغها ومش قادره بتنزل دم
تيم : ااااه دماغي
يامن ابتدى يفوء ويزحف بجسمه من العربيه لانه متربط من ايديه لحد ما اخيرا طلع رجله من العربيه ولسه هيقوم تيم قامت بسرعه ورفعت عليه المسدس وهو كان لسه نايم علي ضهره في الارض
تيم : اوعي تتحرك من مكانك خطوه واحده تانيه
انت فاهم
يامن : ( بلا مبالاه ) انا لو كنت عايز اهرب كنت هربت بس لسه الوقت ماجاش
نايا استغربت من كلامه وقت اي ده اللي ماجاش
وطت بسرعه وقعدت في نفس مستوي قعدته وبقت تربطله ايديه اكتر
وراحت علي الرجاله اللي معاها وبقت تفوقهم وتضربهم برجليها
تيم : فوقوا .. قوموا بقي
تيم بتبص لاقت واحد فيهم مات والتاني قام بالعافيه وكانت راسه كلها بتجيب د'م
بقلمي ماهي احمد
تيم : ( بعصبيه ) عجبك كده انت السبب في اللي احنا فيه دلوقتي
يامن : هاتي سيرتها تاني علي لسانك مره تانيه وهيحصل اكتر من كده
تيم اترفزت اكتر وبقت تضرب في العربيه برجليها عشان تطلع كل الغضب اللي جواها وبعد ما خلصت ابتدت تهدى
وبقت تفتح اللاسلكي اللي في العربيه وتكلم القائد .. القائد وقتها كان بره المخبأ في العربيه
بقلمي ماهي احمد
تيم : قائد انت سامعني العربيه اتقلبت بينا وهناخد وقت اكتر عشان نوصل للسجن الكبير
القائد : وايه اللي قلبها اكيد يامن
تيم : بالظبط كده
القائد : طيب خللي يامن يسمع دي
القائد جاب نايا وشدها من دراعها وفتح اللاسلكي مره تانيه
نايا : بتعمل اي ياحيوان .. سيبني .. سيبني حرام عليك
القائد مسك ايد تيم وجاب السكينه وجرح ايديها جرح كبير
يامن سمعها وهي بتصرخ
نايا: ااااااااه
يامن : ( بعدم فهم قرب بسرعه من اللاسلكي وكان خايف جدا علي نايا ) في ايه .. في ايه يانايا عملك اي .. انطقي
القائد قرب اللاسلكي من نايا ونايا بقت ماسكه دراعها وبتعيط
يامن : في اي يانايا انطقي
نايا كانت بتعيط وبس
القائد : الظاهر كده من غير قصدي جبت السكينه وفتحتلها ايديها عملت جرح بسييييييط اوي
يامن : ( داس علي سنانه ) وربي اللي ماتعرفهووش ما هرحمك
القائد : انا ممكن مكونش اعرفه بس اللي متأكد منه اني هخليك عند ربك قريب واللي عايزك تبقي متأكد منه لو تيم جرالها حاجه ومارجعتش سليمه هي وابويا اعرف انك عمرك ما هتعرف لناايا طريق مره تانيه
(يامن بلع ريقه وبص لتيم واتنهد )
يامن : هنشوف .. هنشوف ياقائد مين اللي هينفذ كلامه الأول بس لحد ما ده يحصل
يامن ( بتوعد ) : اوعي .. تلمس .. نايا تاني.
القائد : ( ضرب بايده علي جبينه وهو ماسك اللاسلكي )
ااااااخ .. شوفت كنت هتنسيني هقولك ايه . . المره اللي جايه لو تيم اشتكت منك مش هجرح نايا في دراعها وبس المره اللي جايه هدبح رقبتها وهتحصل صحبك قريب
(القائد قفل اللاسلكي )
ونواه ريأكشنات وشه كلها اتغيرت حرفيا وبقي بيتنفس بصوت عالي اوي وهو دايس علي سنانه وباصص لتيم بغل
تيم : ( هزت كتافها كده ) انت اللي جيبته لنفسك مكانش ليها لازمه انك تقلب العربيه .. اهوه ممكن تعرفني هنوصل للسجن الكبير ازاي
يامن : ( بضحكه سخريه منها ) هنوصل مش عايزك تقلقي اكيد هنوصل في الاخر
---------------------بقلمي ماهي احمد -----------------------------
( في نفس الوقت )
الجبالي بعد ما دخل قريه القائد ابتدي يستولي عليها ولأن القائد واخد معظم الرجاله معاه وهو بيدور علي يامن ونايا ساب قريته ضعيفه من غير حمايه وقدر الجبالي يستولي عليها بسهوله
وقتها كان في واحد من رجاله القائد مسك واحد من رجاله الجبالي وشده ونزل فيه ضرب
بقلمي ماهي احمد
واحد من رجاله القائد : انتوا مين وازاي معاكم الاسلحه دي
واحد من رجاله الجبالي : احنا .. احنا معانا اسلحه عشان القائد هو اللي ادهالنا
واحد من رجاله القائد : ازاي انا مش فاهم حاجه
واحد من رجاله الجبالي : ________________
واحد من رجاله القائد : رفع عليه المسدس وحطه علي راسه
واحد من رجاله الجبالي : لو مانطقتش حالا هفرغ الطلقات دي كلها في دماغك انطق
واحد من رجاله الجبالي : القائد والجبالي اتفقوا انهم يدوروا علي نايا ويامن وكانوا سوا في صف واحد بس الجبالي خان القائد وانتهز فرصه ان القائد سايب قريته من غير حمايه وهو متاكد ان محدش ممكن يقرب من قريته عشان مافيش حد معاه اسلحه غيره هو والجبالي .. والجبالي ومعاه بس للاسف الجبالي خانوه واستولى علي قريته
واحد من رجاله القائد : القائد فين دلوقتي
واحد من رجاله الجبالي : ( وهو مرمي في الارض وشفايفه كلها بتنزل د"م من كتر الضرب فيه
واحد من رجاله الجبالي : في .. في البر الغربي في كهف تحت الارض بتاع يامن
اللي من رجاله القائد لسه هيموته راح واحد ضرب عليه نار سابوه وهرب ووقتها قرر انه هايروح للقائد في البر الغربي
-------------------------بقلمي ماهي احمد ------------------------
( في نفس الوقت )
تيم : احنا هنفضل ماشيين كده كتييير
يامن : انتي تخرسي خالص وتمشي وانتي ساكته وبس
الراجل اللي معاهم : انت بتقول اي تيم تتكلم في اي وقت
تيم : سيبه خليه يتكلم براحته هو بيتكلم وبس .. لكن الفعل مافيش احنا اللي بنعمل وهو في الاخر بيضطر ينفذ
يامن عارف كل شبر في الصحرا حرفيا وحاطط في كل كهف القوس والسهم بتاعه احتياطي والحبال بتاعته وابتدي يطلع علي الجبل واحده واحده
تيم : احنا هنطلع علي الجبل ده ليه ؟
يامن : طريق مختصر للسجن الكبير ( رفع حاجبه ) ولا انتي مش عايزه توصلي بسرعه
تيم : ماشي .. بس لو كنت بتلعب بينا كده ولا كده وده طريق مش مختصر صدقني مش هيحصل ( ولسه هتكمل ) يامن قطعها في الكلام
يامن : انتي عمرك روحتي السجن الكبير قبل كده ؟
تيم : محدش يعرف طريق السجن الكبير غيرك كلنا بنمشي ورا اساطير عارفين انه ورا البركان بس محدش قدر يقرب من البركان قبل كده
يامن : بس انا قدرت وشوفت السجن الكبير بعنيه قبل كده
تيم : طبعا مش جدك اللي عمله
ومن وقتها البركان قام ومحدش عارف طريق لكل اللي دخلوه جواه ولا حد عارف يدخل ولا يطلع
يامن: بس انا هطلع عشان انتقم منك
تيم : وانا مستنيه انتقامك 😡
تيم ويامن بقوا يطلعوا الجبل والراجل اللي معاهم ومره واحده تيم رجليها اتزحلقت وكانت هتقع وهي بتتسلق الجبل يامن مسكها من دراعها بسرعه بأيد والايد التانيه كان ماسك بيها في الجبل
يامن بقي بيبصلها تحت كده
يامن : مش هينفع تموتي دلوقتي ارفعي نفسك معايا
تيم بقت ترفع نفسها مع يامن لحد ما طلعها عليه وبقت ماسكه في الجبل وبقت فوقيه ويامن كان واخد باله منها لا تقع مره تانيه
لحد ما اخيرا وصلوا قمه الجبل
بيبصوا من عليه لقوا البركان علي بعد يوم منهم مشي
بقلمي ماهي احمد
تيم : فعلا طلع طريق مختصر
يامن : احنا هنخيم هنا النهارده ومن بكره هنكمل طريقنا
----------------------------------ماهي احمد-----------------------------
( في نفس الوقت )
نايا كانت مع القائد ومربوطه من رجليها وماسكه دراعها اللي بينزل د"م من جرح القائد ليها
القائد سحب كرسي وقعد عليه وبقي قدامها ووطي بضهره كده عشان يبقي في مستوي قعدتها
القائد : عجبك حالك ده ينفع اللي بتعمليه فينا وفي نفسك
انا مكنتش اعرف انك ضعيفه كده فضلت سنين ادور عليكي ولما لاقيتك مكنتش مصدق فكرت انك هتكوني معانا مش ضدنا
( قرب منها ومسكها من دراعها بغيظ )
القائد : انتي ليه عملتي كده .. كنا ممكن نبقي ملوك لو كنتي اقنعتي يامن بذكائه انه يبقي معانا .. انتي السبب
نايا : ( بخيبه امل ) انا معرفش عنكم حاجه .. معرفش حتي اني ليا اخوات كبرت وانا في القريه علي الرعب منكم ومن اللي بتعملووه في الناس الغلابه اللي زينا
بقلمي ماهي احمد
انا بريئه منكم ليوم الدين وعمرى ما هبقي جزء منكم في يوم
انا ممكن اكون اختكم في الدم بس يشهد عليا ربي اني بريئه من الدم ده
انتوا ايديكم كلها دم الناس الغلابه اللي ماتت بسببكم لمجرد انكم عايزين تحكموا الكون اللي باقي بعد ما النيزك نزل علي الارض ودمرها
القائد ( استغرب انها عرفت ان كان في نيزك اصلا ونزل علي الارض )
نايا : مستغرب ليه ؟ انا يامن حكالي علي كل حاجه
وعرفت ليه انتوا بس اللي معاكم اسلحه وبتهددوا بيها الكل
القائد : احنا معانا اسلحه عشان احنا اذكيه
نايا : ( هزت راسها يمين وشمال ) لاء مش عشان انتوا اذكيه .. الحظ لعب معاكم لما لاقيته مخزن الاسلحه ده تحت الارض مش اكتر ومن وقتها وانتوا بتهددوا الغلابه اللي زينا
انا اتربيت علي خوفي منكم وكرهكم وهفضل اكرهكم لحد اليوم اللي روحي تتاخد مني فيه وانا مع يامن في كل قرار ياخده في يوم ومهما حاولت مش هشجعه ابدا انه يكون معاكم عشان كده ريح نفسك من الكلام معايا عشان مش هيفيدك بشىء
القائد من غيظه راح ضرب نايا حته قلم علي وشه راسها اتخبطت في الحيطه جابت دم واغم عليها
القائد قرب منها وبقي يبص عليها لقي الد"م نازل من راسها
بقلمي ماهي احمد
القائد : نايا .. نايا فوقي اصحي
نايا : ________________
القائد حط ودنه علي قلبها مالقاش نبض
القائد ابتدى يخاف ويرجع لورا
حط ايده علي مناخيرها وحس عليها لقاها مابتتنفسش
القائد : ( بقي يقرب منها ويهزها من دراعاتها ) نايا فوقي .. نايا مش هينفع تموتي
ناياا: ______________
القائد : ناااااااااااااايااااااا
( في نفس الوقت )
يامن كان قاعد فوق الجبل هو وتيم والراجل اللي معاهم ومره واحده حس بنغزه في قلبه
مسك قلبه جامد وهو بيوجعه
يامن : اااااااه
تيم : في ايه مالك
يامن قام وقف وهو حاطط ايده علي قلبه
يامن : ناااايا 😳😳
يتبع...
لقراءة الفصل الرابع والثلاثون اضغط على (رواية العبقري الفصل الرابع والثلاثون)
لقراءة الرواية كاملة اضغط علي (رواية العبقري)