القائمة الرئيسية

الصفحات

رواية عشق الأسد (صغيرة الرعد 2) الفصل السادس عشر 16 بقلم رنا أحمد

 رواية عشق الأسد (صغيرة الرعد 2) الحلقة السادسة عشر 16 بقلم رنا أحمد

رواية عشق الأسد (صغيرة الرعد 2) الجزء السادس عشر 16 بقلم رنا أحمد

رواية عشق الأسد (صغيرة الرعد 2) البارت السادس عشر 16 بقلم رنا أحمد

رواية عشق الأسد (صغيرة الرعد 2) الفصل السادس عشر 16 بقلم رنا أحمد

رواية عشق الأسد (صغيرة الرعد 2) الفصل السادس عشر 16 بقلم رنا أحمد

في فيلا الشناوي ❤️❤️❤️❤️❤️.
في الجنينه ..
كان يقف برق وهو يضغط على يده بضيق فمجرد سيرتها تفتح ذلك الجرح من جديد رغم أن قلبه بالفعل قد نسا ذلك العشق لكن السؤال الأهم الذي يراوده هل بالفعل قلبه يعشق ميسره ينبض إليها هل بالفعل سليم وحازم يلاحظون عليه ذلك ويتاكدون منه هل بالفعل قلبه ينبض لذلك العنيده والسؤال الأهم هل هي بالفعل لا تريده أما كرامتها تتدفعها لذلك لرفضه هو إليها ليضع رأسه بين يديه بتعب شديد وحيره هل العشق هو سيد الموقف بينهم ام لا ........
///////////////////////////////.
في المطار ....
كانت تقف عشق وهي تنظر إلي رعد بدموع وقلق لكن لم تعلم لما هي بالفعل رغم أن ذلك اول مقابله بينهم إلا أنها تشعر بحنانه الذي تراه أنه يتحويها وكأنه والدها بالفعل ليخرج صوتها الملئ بالدموع والقلق .
عشق بدموع وقلق /رعد بيه انت متاكد اني هرجع .
رعد بابتسامه وهو يمسك يدها /هترجعي ده وعد مني أنا متأكد أن اسد هيدفع مهرك الي هطلبه منه لأنه بيحبك اوي .
عشق بانتباه /نفسي اعرف ايه هو مهري ده .
رعد بابتسامه /مش دلوقتي هتعرفيه لما اسد يجيلك علشان ياخدك ساعتها بس هتعرفي ايه هو المهر ده اتفاقنا .
عشق بابتسامه /اتفقنا.
رعد بابتسامه /اطمني اول ماتنزلي المطار هتلاقي فاطمه مستنياك دي بثق فيها اكتر من نفسي شغاله معايا من سنين وهي هتاخد بالها منك بس المهم انك تاخدي بالك من نفسك ومن حفيد المنشاوي فاهمه .
عشق بقلق /حاضر ربنا يستر .
رعد وهو يحتضنها بابوه /توصلي بالسلامه ي قلب ابوكي .
عشق بسعاده وقلبها يتطاير فرحا لذلك الامان والسند /ربنا يخليك ليا ي بابا .
لتسير عشق وهي تنظر إليه بابتسامه ليبتسم رعد فقد اطمئن علي عشق الذي بالفعل يشعر وكأنها ابنته حان الوقت للاسناد ذلك المهمه الصعبه ل اسد والاطمئنان علي جميع أبناء المنشاوي .......
////////////////////////////.
في شقه رحمه ...
كانت تجلس رحمه وهي تنظر إليه بسعاده وعشق يظهر في عيناها وهو أيضا كان ينظر إليها بعشق نعم فكلا منهما قد عثر علي عشقه الابدي علي طوق النجاه الذي أخرج بيه من القاع الي ذلك الحياه السعيده ...
حنين بابتسامه /مشاء الله زي القمر ي سليم عرفت تنقي .
عامر بابتسامه وغمزه/جدع ي واد لا بجد زوقك حلو .
سليم بابتسامه /تلميذك ي كبير .
صباح بسعاده لذلك العائله الجميله /تسلموا يارب ربنا يحلي دنيتكم ده الي احنا فيه ده شرف كبير اوي .
حنين بابتسامه /اوعي تقويلي كده ي ست صباح ده الشرف لينا احنا دي بنتك مشاء الله عليها ومن دلوقتي مفيش الكلام ده احنا بيت واحد وعائله واحده .
صفاء بابتسامه وسعاده /ربنا يسعدكم يارب .
عامر بابتسامه /طلباتك ي ست صفاء .
صفاء بابتسامه /انا ماليش اي طلبات ي عامر بيه انا كل الي عيزاه أن بنتي تعيش مع واحد يحبها ويصونها ويخاف عليها دي طول عمري كانت دعواتي ليها كده والحمد لله ربنا استجاب ل دعايا ليها براجل زي الفل وناس زي الفل زيكم ..
سليم بابتسامه /ربنا يخليكي ي ست سعاد واطمني أن رحمه هتبقا كل حياتي وان شاء الله هشيلها جوه عنيا .
رحمه بابتسامه وعشق /ربنا يخليك ليا ي سليم انت وبابا عامر وماما حنين .
حنين بابتسامه /حبيبه ماما حنين انتي خلاص بقيتي بنتي ي رحمه .
سليم بسعاده /خلاص بعد بكره خطوبتنا مع شمس وقمر بنات عمي .
صفاء بابتسامه /علطول كده ي سليم .
سليم بابتسامه /وليه التاخير ي ست صفاء الشبكه الي العروسه تتطلبها هتكون عندها والفستان وكل حاجه انا مش قادر اعيش من غيرها اكتر من كده .
رحمه بعشق /ولا انا .
حنين بمرح /ي سلام نتطلع احنا منها بقا خلاص ي ست صفاء خير البر عاجله .
صفاء بابتسامه /انا كل الي يهمني راحت بنتي وبس ربنا يهنيكم ي ولاد ويسعدكم .
عامر بابتسامه /مبروك ي ولاد .
رحمه وسليم بابتسامه عشق /الله يبارك في حضرتك .
///////////////////////////////.
في فيلا الشناوي .....
كان يسير اسد سريعا بقلق ورعب شديد فمن الأمس  وهو يحاول الاتصال بيها لكن لا يوجد رعد قلبه يخفق بشده قلقا عليها لتوقفه شمس .
شمس باستغراب /ايه ي اسد مالك بتجري كده ليه .
اسد بقلق ورعب /عشق ي شمس من انبارح برن عليها مش بترد انا لازم اسافر .
شمس بحده /متخافش ي اسد واحده زي دي هتعرف تتدافع عن نفسها ولا هيكون ليها اعداء كتير بسبب جرايمها.
اسد بغضب /شمس من فضلك عشق بقت مراتي خلاص فلو سمحتي تتكلمي عنها كويس .
شمس بأسف /انا اسفه ي اسد صدقني مقصدش متزعلش مني .
اسد برعب /خلاص مش زعلان بس سبيني امشي لاني هموت من الرعب عليها .
شمس بجديه /طب اسمع اللواء فاروق طلبنا الساعه
اربعه لازم نروح الوزاره كلها مقلوبه علينا .
اسد باستعجال وقلق /طيب ماشي .
شمس وهي تمسك يده بابتسامه /ربنا يطمنك عليها ي اسد واوعا تزعل مني انت عارف انا بحبك قد ايه وبخاف عليك .
اسد بابتسامه /انت عارف ي شمس يلا سلام .
شمس بابتسامه /سلام ي اسد يارب خليك معانا يارب أما اروح اكلم جاسر حبيبي علشان نروح مع قمر ومراد وسليم ورحمه نجيب الفستان .
////////////////////////////////////////.
من أمام الكشك الذي تعمل بيه ميسره لبيع السمك كانت تقف وهي تعد السمك للبيع .
ام احمد بغيظ /بقا الراجل الناقص ده يعمل كده ماشي ي عوض الكلب .
ميسره بغيظ /متشغليش بالك ي ام احمد انا عارفه كويس اوي مين الي عمل كده .
الظابط بغضب /يلا ي عسكري انت وهو لمولي الزباله دي يلا .
ميسره بخوف /فيه ايه ي حضره الظابط ده باب الرزق الي بأكل منه عيش .
الظابط بغضب /طب كنتي ادفعي ال 100الف ضريبه المحل ولا فكراه محل ابوكي .
ميسره بغضب جحيمي/متجبش سيره ابويا علي لسانك .
الظابط بغضب /طب يلا معايا ي روح امك لانك هتسجنني ي الحبس ي السجن خدوها .
//////////////////////////.
في محل من افخم محلات الاختيار فساتين الزفاف والبدل كانوا يقفون شمس وجاسر قمر ومراد رحمه وسليم بسعاده وهم يختارون فساتين وبدل الخطوبه .
عند جاسر وشمس ..
كان يقف جاسر والدمع يتلألأ في عيناه وهو يرا ذلك المشهد وهو ينظر إلي ذلك الفتاه الذي تتدلل علي أخيها لشراء ذلك الفستان فكان الزمن يعود من جديد وهو يتذكر أخته الذي كانت تتدل عليه لتتنفيذ جميع رغباتها ليفيق من ذلك الآلام علي ذلك الذي تمسك يده لتتطمنه بأنها بجانبه وتنظر إليه بابتسامه ساحره .
شمس بابتسامه وعشق /ربنا يرحمها ي جاسر .
جاسر وهو يمسح دموعها بابتسامه /اسف ي حبيبتي ضيقتك .
شمس بابتسامه /ولا يهمك ي حبيبي احنا واحد ي جاسر تعال نشوف الفستان الابيض ده ونشوف البدله كمان  .
جاسر بابتسامه /يلا ي روحي .
عند قمر ومراد ..
كانت تقف تحيه بغيظ شديد بعدما أصرت علي المجي معاهم .
مراد بإعجاب /الله حلو اوي الفستان ده ي قمر .
قمر بابتسامه/فعلا ي مراد حلو اوي .
تحيه بشر وخبث/مش ممكن ي مراد لسه فاكر علشان كده اكيد اختارته .
قمر باستغراب /فاكر ايه مش فاهمه .
تحيه بخبث /اصل الفستان ده يشبه اوي فستان اميره بنتي الله يرحمها ومراد برضه الي اختاره .
مراد بضيق /لا ي خالتي مش علشان كده لانه بجد حلو .
قمر وهي تخفي الما بداخلها لكن قررت ألا تكشف ذلك /ولو مفيش مشكله هو فعلا عجبني هدخل اقيسه.
مراد بحده /ايه الي انتي عملتيه ده ي خالتي .
تحيه بحده /ايه الي انا عملته ي مراد انت من دلوقتي هتزعق في خالتك علشانها .
مراد بضيق /استغفر الله العظيم يارب .
قمر بابتسامه تحمل وجع /ايه رايكم .
مراد بابتسامه وعشق /زي القمر علشان انتي لابساه القمر في حالته بيكون منور يروحي .
قمر بابتسامه /شكرا ي مراد .
تحيه بهمس وغيظ /لحقها ظبطها بكلمتين وماله لسه الي جاي والي جاي انا بس الي هكسب فيه ي بنت رشا .
عن سليم ورحمه .
كانت تقف رحمه بسعاده للفساتين فتحتار في الاختيار بينهم .
سليم بابتسامه /ايه ي حبيتي ماله الفستان ده تحفه .
رحمه باحراج وطيبه /هو حلو بس غالي اوي ي سليم .
سليم بابتسامه لبرائتها /غالي ايه ي حبيبتي وبعدين مفيش حاجه ممكن تغلا عليكي ابدا بحبك بحبك ي رحمه .
رحمه بابتسامه /وانا بموت فيك ي روح رحمه .
/////////////////////////////.
في الصعيد ..
كان يسرع اسد بسيارته الي البيت لينصدم ب ام حميده الذي تقف بقلق شديد.
اسد برعب /مالك ي ام حميده واقفه كده ليه .
ام حميده بخوف شديد/عشق ي ابني من الصبح عماله اخبط عليها مبتفتحش .
اسد وهو يسير الداخل برعب وصراخ /عشق عشق انتي فين ي عشق .
ام حميده بقلق /طب اتصل ب رعد بيه اساله ي ابني ماهو كان معاها هنا انبارح .
اسد بصدمه شديده /ايه بتقويلي بابا كان هنا .
ام حميده بجديه /ايوه ي ضنايا كان هنا انبارح وانا قولتله أن عشق حامل وسبتهم مع بعض .
اسد بصدمه /ايه حامل .
////////////////////////////.
في الكباريه ..
كان يجلس حازم وهو يشرب الخمر بشراهه فقد شعر بأن ببعد جنه عنه قد انتهاء كل شي في حياته واسودت حياته كان يقف رعد من بعيد وهو ينظر إليه بحسره وضيق ليمسك هاتفه لياتيه الرد سريعا .
رعد بغضب /خمس دقائق وتكوني عندي في العنوان الي بعتهولك .
انجي برعب /فيه ايه ي رعد ابني جراله حاجه .
رعد بغضب جحيمي /مش عايز اسمع صوتك فاهمه خمس دقائق وتكوني عندي يلا .
انجي برعب/حاضر حاضر جايه .
////////////////////////////.
في فيلا رشدي مهران 💥💥💥.
كان يقف وهو يعد أغراضه للسفر الي الصعيد لإتمام اكبر صفقاته ليغلق شنطته بأحكام لسير الي ذلك الغرفه الذي تجلس بها ناديه .
من داخل الغرفه ....
كان يسير رشدي الي الداخل .
رشدي بضيق /انتي لسه عايشه بسيبك بالاسايبع علي اساس اني هاجي الاقي اجلك طلع واخلص منك .
ناديه بتعب وكره  /انا مش هموت قبل ماشوفك في السجن ي رشدي الكلب .
رباب وهي تقف علي الدرج لتتوسع عيناها بصدمه /ست ناديه .
رشدي بغضب وهو يسير  /ده بعدك ي اختي جاتك داهيه فيكي انتي وبنتك .
لتسرع رباب الي الاعلي قبل أن ينكشف أمرها .
//////////////////////////////.
في القسم ....
كانت تجلس ميسره بدموع فماذا ستتصرف الان .
الظابط بحده /ها ي اختي هتتدفعيهم ولا تتدخلي الحجز .
ميسره بدموع وقله حيله /ممكن حضرتك استعمل التليفون .
الظابط بجديه /هتكلمي مين .
ميسره بدموع/شركه الشناوي جروب .
الظابط بصدمه /الشناوي جروب مره واحده وانتي تعرفي مين هناك .
ميسره بدموع /ابويا الله يرحمه كان شغال هناك وكان فيه رقم كنت بتصل بيه علشان اطمن عليه وفيه هناك حد هيساعدني .
الظابط بجديه /تمام امسكي .
///////////////////////////////.
في شركه الشناوي .
في مكتب برق ..
كان يجلس برق وهو يدون بعض الملفات الهامه ليقاطعه هاتف المكتب ليرد سريعا .
برق بجديه /خير ي سامي ايه طيب حاولي التليفون الو .
ميسره بدموع واستنجاد /برق الحقني ي برق .
برق برعب شديد عليها /ميسره مالك ايه الي حصل انتي فين ..
///////////////////////////.
في الكباريه ..
كانت تقف انجي بدموع وعتاب شديد لذاتها .
رعد بغضب /شايفه شايفه الي بغبائك وصلتي ابنك ليه .
انجي بدموع شديده /مكنش قصدي والله مكان قصدي ي رعد .
رعد بحده /يبقا دلوقتي تصلحي غلطتك وترجعي ابنك لحضنك من تاني وتروحي ل جنه وتعتزريلها  .
انجي بدموع /حاضر ي رعد حاضر .
//////////////////////////////.
في فيلا الشناوي ❤️❤️❤️❤️.
في غرفه قمر وشمس.
كانت تسير رشا بغضب شديد .
رشا بغضب /وانتي ازي تسكتلها الست قليله الربايه دي .
شمس /بالراحه عليها ي ماما .
قمر بضيق /انا الي يهمني هو مراد ي امي انا عارفه ومتاكده أنه بيحبني .
شمس بابتسامه لتهدئه الأجواء /خلاص بقا ي ماما قمر اختي مش ساهله برضه مش عايزين نبوظ فرحتنا بقا .
///////////////////////////////.
في شركه احمد ...
في مكتب احمد 
كان يجلس احمد وهو يدون بعض الملفات ليسير إليه ساجد بابتسامه .
احمد بترحيب /اهلا اهلا ي بشمهندس نورت جاي في معادك مظبوط .
ساجد بابتسامه /انا طول عمري مظبوط في مواعيدي ي احمد بيه .
احمد بابتسامه /ودي اكتر حاجه بحبها في الشغل اتفضل مكتبك الي جنبي علطول والملف ده هتلاقي فوق كل الي انت محتاجه وهتفهم من خلاله كل حاجه مطلوبه منك .
ساجد بابتسامه /تمام ي احمد بيه وان شاء هكون عند حسن ظن حضرتك عن اذنك .
في الخارج ..
كان يسير ساجد الي مكتبه لتنظر إليه بابتسامه خبيثه .
/مبروك علي الشغل ربنا يوفقك .
ساجد بابتسامه /سمعت كلامك وعملت بنصايحتك عن اذنك لاني عندي شغل وشكرا علي كل حاجه .
تمارا بابتسامه ساحره/العفو .
////////////////////////////.
في الطائره ..
كانت تغفا عشق علي زجاج الطائره وهي تتضع يدها علي بطنها وهي تتحدث بخوف والم .
/ي ترا هشوف ابوك تاني يترا رعد بيه هيقدر بجد يرجعني ولا هخسر كل حاجه يارب قويني يارب ورجعني ل جوزي ووامي يارب يارب....
///////////////////////////.
في الاسفل ..
كان يسير اسد بغيظ شديد الي الداخل فهو بذكائه قد علم ماذا حدث .
في مكتب رعد ..
كان يسير اسد الي الداخل بغضب شديد .
اسد بغضب /عشق فين ي بابا مراتي فين .
رعد بحده /مرائتك الي اتجوزتها من ورانا بتسالني عليها ليه وانا مالي روح دور عليها بعيد عني .
اسد بحده /بابا من فضلك ام حميده قالت إنها سابتها معاك وديتها فين الله يخليك .
رعد بخبث /ودتها مكانها الطبيعي هي مش هربانه برضه .
اسد بالم ووجع يكفي العالم /سلمتها للبوليس سلمتها وانت عارف انها مراتي وشايله ابني  .
رعد وهو يجلس علي كرسيه بخبث /لا مش البوليس سلمتها ل نفسي ي اسد بعدتها عن هنا خالص ومتتعبش نفسك لانك مستحيل تلاقيها .
اسد بغضب وانهيار ودموع يراها رعد ولااول مره  /حرام عليك ي بابا حرام عليك حرمتني منها ليه ودتها فين دي عامله زي الطفله دي بتخاف من الضلمه دي اتعذبت كتير في حياتها .
رعد بجديه /طالما انت عارف كده وبتحبها مجبتش حقها لحد دلوقتي ليه ليه مرجعتش امها لحد دلوقتي ي حضره الظابط .
اسد بارتباك /صدقني بحاول .
رعد بغضب شديد /بتحاول امتا إن شاء الله وانت نائم في حضنها ليل ونهار وسايب رشدي مهران ينهب في البلد براحته عشق خلاص بقيت بنتي ومش هترجعلك الا لما تندفع مهرها .
اسد بحده وغيظ /وايه هو مهرها .
رعد بخبث /رقبه رشدي مهران وانك ترجع امها هو ده مهرها ي اسد وقسما بالله عشق مهترجعلك الا لما تندفع مهرها ي اسد باشا .
اسد بجديه وتصميم وهو ينظر إلي عينان رعد بتحدي يشبه رعد كثيرا .
/هدفع ي رعد باشا ومراتي وابني هيرجعولي وهعمل الي يخليك تفخر اني ابنك ويخلي ابني كمان يفخر اني ابوه عن اذنك ي رعد باشا .
رعد بابتسامه ساحره /كده بس بقيت اسد المنشاوي .
برق بلهفه وخوف /بابا الحق ميسره طلع عليها 100الف جنيه ضريبه ومحبوسه .
رعد بخبث وبرود /والمطلوب .
برق باستغراب شديد من لهجته /والمطلوب ايه ي بابا أن احنا نخرجها انا مردتش اسحب الفلوس واروحلها الا لما حضرتك تقولي .
رعد بخبث ومكر /انا مش هدفعلها حاجه .
برق باستغراب شديد /بابا انت بتقول ايه دي محبوسه هنسبيها كده .
رعد بمكر /طب ماتتحبس وانت مالك انت مش مبطيقهاش ادينا هنخلص منها .
برق بلهفه وحده /نخلص منها ازي ي عني ي بابا .
رعد بخبث /جوزها هو الي يدفعها الفلوس لكن انا لا .
برق بصدمه /جوزها حضرتك قصدك ايه .
رعد بخبث /اصل لما انت موفقتش تتجوزها قولت بلاش اضغط عليك طالما انت مش عايز فقولت ل اسد وعرضت عليه وبصراحه شكله معجب بيها ووافق علي الجواز منها هو بقا يدفعها الفلوس .
برق بغيظ شديد وهو يسير للخارج /نععععععم البت دي مش هتتجوز غيري قسما بالله لأكتب عليها في القسم سلام ي رعد باشا قال اسد قال سلام ي رعد بيه  .
رعد بضحكه عاليه /هههههههه اه ي ولاد المجانين .
يتبع..
لقراءة الفصل السابع عشر اضغط على (رواية عشق الأسد (صغيرة الرعد 2) الفصل السابع عشر)
لقراءة باقي الفصول اضغط على (رواية عشق الأسد (صغيرة الرعد 2)
reaction:

تعليقات