رواية حرب الملايكة الفصل العشرون 20 بقلم أروى طاهر المسلاتي

رواية حرب الملايكة الجزء العشرون 20 بقلم أروى طاهر المسلاتي

رواية حرب الملايكة الحلقة العشرون 20 بقلم أروى طاهر المسلاتي

رواية حرب الملايكة البارت العشرون 20 بقلم أروى طاهر المسلاتي

رواية حرب الملايكة الفصل العشرون 20 بقلم أروى طاهر المسلاتي

رواية حرب الملايكة الفصل العشرون 20 بقلم أروى طاهر المسلاتي

سمعت بي شخص قال !
اهلين عدي 
وبدت ليان تبلع في ريقها!....سامعاته ها الصوت!؟
من يكون!!
تلفتت بشويه عشان تتأكد وفعلا تأكدت💔
كان زبون عند خالتها 
يخش لحوش خالتها في الليل يروح منها الفجر !!
شافت ليان مصيرها في دقايق لو الراجل عرفها وحكي لي عدي !
رح تتشرد نفس عمامها الاثنين ومش رح تلقى حد يأويها!
خالتها رح نرجعها غصبا عنها لنفس الخدمه المقززه متاعها 
عدي:وقف وسلم على الراجل ....بخير الحمد الله شن اخبارك انت 
الراجل:ماشيه الامور وين وين معش تبان ياراجل من طلعت الحبس اخر مره مريتكش 
ليان:نزلت وجها للارض وهيا ترجف كيف بتتصرف وشنو بدير!
عدي:شاف لي ليان وارتبك شويه....لهيت في كذا حاجه عيله وخدمه 
انت تزبط كيف معش نلحقو على شي 
الراجل:ضحك .......والله وبدينا عندنا عيله يا سي 
عدي:ابتسم والتوتر ماليه....الحمد الله 
الراجل:شاف لي ليان يلي كانت عاطياته بضهر....شنو امالا هاذي المرا؟؟
عدي:التفت يشوف لي ليان وهوا يجمع في كلام يحكيه 
بس قبل ما ينطق بي ولا كلمة ناضت ليان وهيا مغطيه وجها بيديها وطلعت تجرييي من باب الكافي 
عدي:يشوف للباب بقلق.....دقيقه وراجعلك
وطلع وراها بسرعه 
___________________________________
منى:مقعمزه وسط الضلام!
الحوش تنضف وترتب❤️
وريحة الغدي طالعه لبراا 
ودرقت ملامحها المضروبي بي شوية مكياج!
مقعمزه تراجي وتراجي وتراجي على امل في اي لحضه يخش عليها عدي 
مش مهم يعتذرلها ولا حتى يسمعها كلام حلو 
اهم شي تشوفه قدامها وتحس انه فعلا راجلها  حتى لو معاملته كانت زفته 
استنت ساعة واثنين وثلاثه لين فعلا انفتح باب الشقه 
ناضت من نومها مخلوعة واول ما شفاته ابتسمت رغم الاصابات يلي كانت في وجها !
عدي:خش وهوا يجري مستعجل للمطبخ فتح الثلاجه وخشت وراه منى 
منى:خيرك شن صاير!
عدي:زروف المعده يلي خديتهم مره وين؟
قلبت عليهم الصيدليات ناقصين 
منى:طلعت الزروف وهيا مستغربه....علاش شن في!
عدي:معاي صاحبي في السياره مريض....وجي بيطلع 
منى:مسكاته من يده.....ليا قريب اسبوع مريتكش عدي ولا حتى تكلمنا 
عدي:نزل يدها من عليه....مش وقته توا خلي ننزل لاولد بعدين ساهل 
وصل للباب وتلفتلها.....تغدي متراجينيش
منى:سكرت الباب والخيبه ماليتها 
في كل مره نفس الكلام ونفس الوجع في كل مره!!
عدي:سكر باب السياره وفتح شيشة اميه صب فيها الزرق وخضها شويه.....هي اشربيها باش تتحسني 
ليان.صحيت عدي.....سامحني اليوم بهدلتك معاي 
عدي:ابتسم ....والله؟
طلعتي تعرفي تعتذري؟!🙂
ليان:مبردك....😂😂😂😂😂
عدي:حرك السياره من مكانها واتجه لي حوشه 
بعد ما قطعو مسافه قصيره تكلمت ليان وهيا سارحه تسأل 
ليان:عدي 
عدي:عيونه في الطريق....ها 
ليان:الراجل قالك مش شافك من اخر مرت خشيت فيها الحبس صح!
عدي:بلع ريقه...اي؟
ليان:علاش انت كم مره خشيت الحبس؟؟؟
مش خشيت مره وحده بس بسبب عركة وطلعت 
عدي:خدي وقت عشان يجاوبها....اي المره التانيه ع خاطر ورق سياره وهكي 
خلوني محجوز ساعات بس لين رتبت اوراقي وطلعت 
ليان:سكر عيونها واتكت على الباب والمطر تصب ماليا الطريق ❤️
__________________________________
منى:اضايقت وكانت بتتفجر!💔...مسحت كل ذره في وجها من المكياج ولبست شي تقدر تطلع بيه وطلعت من الحوش 
وين كانت ماشيه ولي شنو مش معروف!
فتحت الشمسيه متاعها وقعدت تتمشي ودموعها موقفوش لين قعمزت اول ما هدت المطر💔
قعمزت قدام الكرنيش يلي كان مقابل عمارتها بزبط!
سكرت عيونها وخدت نفس عميييييق 
لين سمعت صوت جنبها سألها
نادر؛حسيتك مضايقه ومعندكش حد تحكيله!
منى؛نخلعت وفتحت عيونها طول ....انت؟!؟
نادر:غير عيونه اتجاه البحر.....انا مش من عوايدي نتلصق ع البنات 
والاخص المتزوجات اكبر غلط اديره مرا متزوجه تحكي مع حد غريب 
حد غير جوزها 
منى:عقدت حواجبها......مدامك عارف الشي هاذا ليش قاعد تحكي معاي !!؟
ناد:تنهد ....مرات انتي مضطره ومعندك حد 
سرح والكسره في عيونه وهوا يحكي💔
مرات انتي موجوعه مكسوره ولا مخدوعه 
مرات انتي معندكش اهل ولا اصحاب ....
منى:بكت على الطول بي الشهقه اول ما سمعاته كيف يوصف فيها بدقه وهوا ميعرفهاش !
سكت نادر وهوا يشوف للبحر 
اما منى بدت تحكي وتحكي وتحكي بدون توقف كأنها كانت تبي الفرصه هاذي قداااااش ليها ومش محصلتها!
منى:تزوجني لان بابا وصاه عليا قبل ما يموت💔
بابا كان انسان متع مشاكل ومحبوس 
تلاقو الاثنين في الحبس وبدو الزوز صحاب هلباااا
اخر سنه لي صحبتهم بابا جاه الخبيث
كل يوم يوصي فيه عليا واصر يتزوجني لان انا ملياش حد في الدنيا هاذي!
امي متوفيه وخوالي وعمامي مقاطعينا ليهم سنين بسبب فعايل بابا 
من اول يوم معاكلته ليا واضح مغصوب💔
كملت كلامها وهيا تبكي بشقه والكلام يطلع متقطع.....انا حاسه روحي بنموووت💔💔💔
نحبه ونحاول منخربش بيتي ونحافظ عليه 
وهوا حتى صغار ميبيش مني 
حطت يديها على وجها وبدت تبكي 
اما نادر قلبه وجعه عليها لان فاهم وعارف كووويس شعور الوحده شنو!
نادر:كلمتين فكري فيهم كويس!
لا الحب ولا الخوف ولا اي شي في الدنيا هاذي يسمحلك تكمل في زواج فاشل 
وتكمل حياتك مع انسان يعامل فيك اقل من حشره!
انتي بخير بدونه اكتر من وانتي معاه!
نفسيتك رح تكون احسن وتتعرفي على ناس يكونو طاقة اجابيه في حياتك بدل ما انهم يدمروك!
شافتله منى بنضره دهشه وبقاية دموعها ينزلو 
كانت مبهوره بي الكلام يلي يحكي فيه لان ولا مره سمعاته من حد ولا حتى فكرت فيه!!
_____________________________________
عدي:خاش للحوش.......احسن؟
ليان:الحمد الله....معرفتكش طيب والله
عدي:مشفتي شي قاعده😉
ليان:ضحكت وريه لي مرتك المستقبليه مش ليا 😂
عدي:ضحك!
والضحكه بدت تختفي تدريجيا لما شاف ضياء مقعمز متأنق وجنبه نجيب 
حس روحه فهم غلط وحب يتأكد من الشكوك يلي في راسه!
عدي:تكلم ببصاره ......زارتنا البركه 
جايني هنايا طول قبل موعد الخدمه؟! ولا استاحشتني!
ضياء:وقف بتوتر وهوا يشوف لي عدي
نجيب:ضحك بكل برائه وهوا مش فاهم شي .....عاد متقوليش صديقك الصدوق جاي يخطب في بنتي وانت معندكش علم!
عدي:انعدمت الابتسامه في وجها!....وعيونه على ضياء مترمشش
نجيب:ملاحضش ملامح عدي.....هي خلي نجيب الشاهي .....وطلع وخلاهم 
عدي:درتها!
ضياء:يتكلم بثقه.....لو رقبتي اطيح منخليكش تقرب منها 
عدي:كنهاذا تتزوجها؟
ضياء:نبيها 
عدي:انت قاعد تلعب بي عداد عمرك ضياء
ضياء:حط يده على كتف عدي....فيق لي روحك انا صاحبك يلي كنت معاك في ابشع ضروفك 
بتقتلني وبتحلقني لي الناس يلي قبلي!!!!
عدي:انت خلفت الوعد يلي تعاهدنا بيه اول ما طلعت 
ضياء:انت يلي خلفته من يوم جبت البنت يلي كانت عند خالتها وبدت تعامل فيها غير ع الاكل وانت عارف كويس ان اهلها اذووووك اكتر من غيرهم
عدي:شافله بنضره طوووويله وطلع بدون ما يرد عليه!
              🔥رويـــــــات بنـــــوتـــة الــشـــيخ🔥
              🔥أروى الطـــــــاهـــــر المسلاتي🔥
              👑القروب الاصلي108الف عضو👑
رجعت منى لحوشها وهيا تفكر !
كل كلمة قالها نادر كانت اول مره تسمعها في حياتها 
بوها قبل ما يموت علمها شي واحد بس!
علمها ان مفيش في الدنيا هاذي غير عدي!
لو عدي سيبها يبقى حياتها انتهت ومليهاش اي قيمه 
وعلمها ديمه هيا الغالطه مهما صار لازم هيا تعتذر!
قعمزت وهيا تفكر لو رسمي سيبها عدي حياتها شنو بيصير فيها؟
تطلع !
تتعرف على ناس جديده ادير صاحبات 
تحكي مع بشر زيها وتكون علاقات في حياتها بدل الانعزال التام يلي هيا فيه 
حطت راسها ع المخده وهيا تفكر في نفس الكلام ونفس الدائره❤️
____________________________________
ناهد:خدودها حمرررر من الصقع...كانت ماسكة في يدين ضياء وعلامات الرهبه والخوف في عيونها....شن قصدك!؟
يعني هوا مش موافق؟يعني مش رح يصير ضياء
ضياء:ابتسم وهوا ماسك يديها اكتر❤️.....عدي صاحبي ونعرفه انا نتفاهم معاه متخافيش
وانا لما قتلك ديري بالك مقصدي شي 
يعني ديري بالك من اي شي واول ما تحسي بي حاجة تعالي احكيلي طول تمام؟
ناهد:هزت راسها بمعنى تمام 
ضياء:ابتسملها....شاطره 
خشي قبل ميشوفك بوك وميصيرش من شي تحركي😂❤️
ناهد:ضحكت وشافتله اخر نضره وخشت 
_____________________________
عدي:يلم في مقات القهوا يلي في غرفته ....راجيني همايا شوي ونجيك نطلعلك يلي تبيه
ليان:هيييي نراجي فيك 
عدي:طلع من غرفته وقعدت ليان تستنى 
بدت تلود في الغرفه زي عادتها متتحملش تقعد فتره مقعمزه لازم تفتش وتتفرج
قعمزت على كرسي المكتب الصغيرون وقعدت تقرا في اوراق فواتير
لين طاحت عينها على ورقه من الحكمة 
كان الحكم شهر 6!!
والقضيه مكانتش عاديه!...
يتبع..

لقراءة الفصل الحادي والعشرون اضغط على (رواية حرب الملايكة الفصل الحادي والعشرون)
لقراءة باقي الفصول اضغط على (رواية حرب الملايكة)
تعليقات



حجم الخط
+
16
-
تباعد السطور
+
2
-