القائمة الرئيسية

الصفحات

رواية عيون زرقاء الفصل العاشر 10 بقلم فيروز

 رواية عيون زرقاء الحلقة العاشرة 10 بقلم فيروز

رواية عيون زرقاء الجزء العاشر 10 بقلم فيروز

رواية عيون زرقاء البارت العاشر 10 بقلم فيروز

رواية عيون زرقاء الفصل العاشر 10 بقلم فيروز


رواية عيون زرقاء الفصل العاشر 10 بقلم فيروز


مصطفى نظر إلى وجهها الذى يكتسي بحمرة الخجل وعيونها الزائغة فاصبح لا يستطيع ان يتحمل أكثر فقرر البوح بسرعه

مصطفى : ياسمين انا بحبك

ياسمين وقفت مرتبكه : انا لازم امشي

مصطفي مسك يديها : اقعدى الناس بتبص علينا

فسحبت يدها على الفور و جلست وهى أنفاسها تعلو وعينها لا تجد مكان كى تثبت فيه

مصطفي ابتسم على خجلها : انا بحبك من اول يوم شوفتك فيه

وصمت ثم أكمل

: تصدقى من قبل حتى ما اشوفك لما كنتى في القطر وسمعتك وانتى بتتكلمى مع زمايلك حبيتك حبيت روحك قبل ما أشوفك ولما شوفتك شوفت أجمل عيون شفتها في حياتى

ياسمين اذدات دقات قلبها وتوترها : مينفعش الكلام ده يا بشمهندس

مصطفي : أنا مش بقول كلام انا بوصف احساس حسيته و أول مره احسه ومحستوش إلا معاكى يا ياسمين انا فعلا بحبك وكمان عايز اكمل حياتي معاكى

ياسمين وهى تفرك بيدها وتنظر إلى الأرض ولكن بداخلها هى اسعد واحده فى العالم

ياسمين : بس انا واحدة بسيطه وكمان بشتغل عندكم

مصطفى نظر إليها بحب : سيبك من الكلام الفاضي ده انتى عارفه الفتره اللي انتى كنتى مخطوبه فيها كانت اسوء فتره في حياتى ولو لاحظتى انا كنت فى الفترة دى مش بأجى المحالات مكنتش بستحمل اشوف الدبله فى ايدك واحس انك لحد تانى

ياسمين بكسوف : بس الحاج توفيق والحجة عواطف هيكون رأيهم ايه

مصطفي ابتسم : متخفيش يا ستى لو على الحاج والحجه موافقين والحاج كمان هو اللي قالى انى افتح معاكى الموضوع النهارده

ياسمين فرحت ونظرت له للحظه ثم نظرت إلى الجهة الأخرى بكسوف : معقول يكونو موافقين

مصطفي مبتسما : ايوه معقول مش معقول ليه انتى مش عارفه قيمة نفسك ولا ايه

هنا ابتسمت ابتسامه صافيه مليئه بالفرح والحب والسعادة ابتسامه تعكس ما بداخلها

مصطفي نظر إلى ابتسامتها بحب : انتى عارفه أجمل حاجه ابتسامتك اللي بتنور وشك لما تبتسمى

فنظرت له بخجل وهى تبتسم أكثر

مصطفى : يعنى افهم من الابتسامة دى انك موافقه

هى لا تعرف بماذا ترد فهذا حقا ما تتمناه ولكن كيف يحدث بهذه السهولة فعقلها لا يستوعب ذلك

ياسمين : بصراحه حضرتك فجأتنى مش عارفه اقول ايه عيون زرقاء بقلم : فيروز محمد

مصطفي : لو حد تانى فى حياتك قولى متتكسفيش

نظرت له على الفور و ردت بسرعه: لا ولله مفيش حد تانى بس انا مكنتش متخيله أن حضرتك تفكر فيا

مصطفي : ياسمين انا فعلا محتاج اعرف شعروك ايه بالنسبه ليا

ياسمين نظرت إلى الأرض بخجل : حضرتك شهم ومحترم وكل البنات تتمني حضرتك☺☺🙂

مصطفي نظر إليه مبتسما :😀😀

❤ انا مش عايز البنات دى كلها مفيش غير واحده بس قلبى حبها وعمره ما هيحب واحده تانيه زيها يا ترا انا ليا مكان فى قلبها ❤

ياسمين ابتسمت على هذا الكلام وردت بخجل : هى اكيد مش هتلاقى حد زى حضرتك بس معلش لازم برضو تقول لأهلها الأول

مصطفي مبتسما : طبعا بس بالله عليكى ابقى اتوسطتيلى عندها خليها توافق

ياسمين مبتسمه : حاضر يا بشمهندسين

مصطفي: وبعدين قوليلها بلاش بشمهندس دى خليها تقول مصطفي على طول

وهنا لا تستطيع ان تمنع ضحكتها أن تعلو : ههههههههههه حاضر يا

مصطفي مبتسما : يا ايه

ياسمين بخجل : يا مصطفي 🙈🙈

مصطفي مبتسما على خجلها : الظاهر حبيبتى بتسمع كلامك على كده انا بقى اطمن انك هتخليها توافق

ياسمين : هنشوف ربنا يسهل

وقامت مره واحده : يالا بقى علشان متأخرش على العيال زمنهم واقفين على المحطه

مصطفي : ليه بس لسه بدرى نطلب مانجا كمان

ياسمين: هههههه لا كفايه مانجا

مصطفي : تعالى اوصلك للمحطة
وهما فى الطريق إلى المحطه

ياسمين : انا هبقى اروح المكتب بس بعد اذنك اطمن ماما على النتيجه وبعد كده ابقى اروح علشان كنت عايزه اكلمك فى موضوع

مصطفي : لا خليكى النهارده دا يوم نجاحك بس موضوع ايه

ياسمين : بصراحه ماما لما عرفت اللي حصل امبارح واللي حمدى عمله أصرت هى وياسر انى مجيش الشغل تانى

مصطفي ابتسم : طب كويس انها جت من عندكم

ياسمين: يعنى ايه

مصطفي: مفيش على العموم انا والحاج والحجه هنيجى نبارك لمامتك النهارده وبعد كده نشوف الموضوع ده

ياسمين : تشرفونا طبعا ياااا

مصطفي : يا ايه

ياسمين : يا مصطفي

مصطفي : 😂😂😂 ايوه كده احلى مصطفي سمعتها فى حياتى
**************************

فى بيت ياسمين دخلت تنادى على أمها بفرح وصوت عالى

ياسمين : يا ماما نجحت يا ماما نجحت نجحت

حنان احتضنتها بفرح : بجد الف مبروك الحمدلله انا كنت قلقانه بشكل بس الحمد لله

ياسمين : قلقانه من ايه بقى انتى مش وثقه فى بنتك ولا ايه

حنان : لا يا حبيبتى بس كنت خايفه ان الشغل يكون اثر على مذاكرتك

ياسمين : الحمدلله

ياسمين بخجل وتردد : على فكره يا ماما الحاج توفيق والحجة عواطف والبشمهندس هيجو النهارده علشان يباركولي على النجاح

حنان باستغراب : غريبه يعنى ليه

ياسمين : بصراحه كده
وصمتت

حنان : فى ايه يا بت انطقى

ياسمين بخجل : البشمهندس عايز يتقدملى

حنان بدهشه وفرح : يتقدملك بس يا بنتى احنا فين وهما فين

ياسمين : والله يا ماما انا عارفه بس اعمل ايه انا منكرش انى بعد فسخ خطوبتى من حمدى حسيت انه بيتقرب منى وانا كمان كنت بفكر فيه بس كنت بقول لنفسي ان ده حلم او متهيألى وان ده مش ممكن يحصل بس لما قالى النهاردة قلبي كان هيقف من الفرحه ادعيلى يا ماما بالله عليكى

حنان بسعاده : دعيالك يا قلب امك والله ربنا يحقق اللى فبالك انتى واخواتك

ياسمين بلهفه وفرح : طب يالا يا ماما ننضف البيت ونشوف هنقدم ايه

حنان : يالا يا حبيبتى انا هقفل الدكان بس ونجى نشوف هنعمل ايه
ياسمين : لا انا هنضف وانتى روحى هاتى حلويات وفاكهه

حنان : حاضر انا هروح بس مش واجب نقول لعمك مرسى

ياسمين : هو لسه فى حاجه دا هما لسه جين علشان يباركو على النجاح لما يبقى فى كلام تانى نبقى نقوله مع انى خايفه من رد فعله

حنان : ليه بس حمدى اتجوز يعنى الموضوع هيبقى عادى

ياسمين : عادى ايه والله انا خايفه وخصوصا بعد اللي حصل امبارح

حنان : ربنا يستر
******************************

فى بيت مصطفي عواطف كانت مستنيه مصطفي على نار وأول ما دخل جرت عليه

عواطف : ايه يا مصطفى طمني ياسمين عاملت ايه

مصطفي بفرح : الحمدلله نجحت يا ماما

عواطف : الحمد لله ايه كلمتها

مصطفي: ايوه كلمتها

عواطف بلهفه : قولى قالت ايه طمني انت ساكت ليه وافقت صح ايييه

مصطفي : هههه يا ماما الصبر الأول لما تقول لأمها وبعد كده نشوف بس متخفيش أن شاء الله خير

عواطف : بجد يعنى انت حسيت منها كده

مصطفى : يعنى بس حسيت انها موافقه كان شكلها مبسوط

عواطف بفرح : يارب تكون من نصيبك ويفرح قلبك يا حبيبى

مصطفى : المهم احنا هنروح النهارده انا وانتى وبابا علشان نبارك لها على النجاح ونقول لمامتها

عواطف : ايوه طبعا لازم نروح نبارك ويارب نقرأ الفاتحه بالمره

مصطفي : دا أنتى مستعجله قوى ههههه

عواطف : ايوه طبعاً مستعجله نفسى افرحك بيك من زمان ايه رأيك ناخد هديه ايه لياسمين

مصطفي : أنا معرفش في الحاجات دي اتصرفي انتى

عواطف : انا هكلم ابوك يجيب كام طقم من المحل ولا اقولك لأ انا هروح اجيب خاتم دهب ايوه خاتم وكمان هيجيب وانا جايه الشوكولاته والجاتوه والفاكهة وانت هات ورد

مصطفى : ههههه ايه يا حجه عواطف مالك كل ده و ورد كمان

عواطف : ايوه طبعا دا اسعد يوم في حياتي
******************************

فى المساء فى بيت ياسمين جاء مصطفى و توفيق وعواطف وكان فى استقبالهم حنان وياسر

حنان برحيب : اهلاً وسهلا دا البيت نور

توفيق : البيت منور باصحابه
حنان : ربنا يخليك يا حاج اذيك يا بشمهندس عامل ايه

مصطفي : الحمدلله بخير

حنان نظرت إلى الأشياء التى احضروها : بس انتو تعبين نفسكم ليه وايه الحاجات دى كلها

مصطفي : لا دى حاجه بسيطه

عواطف : وبعدين ياسمين عندنا غاليه قوى

حنان : الله يخليكى

عواطف نظرت إلى سالى : اذيك يا أموره اسمك ايه

سالى : اسمى سالى

عواطف : بسم الله ماشاء الله قمر يا سالى دخله سنه كام

سالى : أولى ثانوى

عواطف : ربنا يقويكى على الثانوي
ثم نظرت الى حنان : سالى قمر يا ام ياسمين بس عيونها مختلفة عن ياسمين

حنان : اصل ياسمين واخده عيون امى انا وسالى وياسر وخدين عيون باباهم الله يرحمه

عواطف : الله يرحمه وربنا يباركلك فيهم اومال هى عروستنا فين

حنان نظرت إلى سالى : قومى نادى لاختك

قامت سالى وطرقت الباب ثم دخلت على الفور

سالى نظرت إلى ياسمين بإنبهار : اش اش ايه القمر ده

ياسمين بارتباك : تعالى يا سالى ايه رأيك كده حلو الطرحه مظبوطه

سالى : قمر يا إخواتى احلى عروره فى الدنيا

ياسمين : عروره فى عينك هى ناقصه كفايه التوتر اللي الواحد فيه

سالى : من حقك بصراحه البشمهندس ده حاجه كده آخر حلاوه

ياسمين نظرت إليها : اتأدبى يابت عيب

سالى ابتسمت : هههههه ايه انت غيران يا قمر

ياسمين : اغير منك انتى ياختى اتلهى

سالى : أخص عليكى ليه دا انا حلو وزى القمر

ياسمين : اه أمر بالستر

سالى : أمر بالستر ماشى ياختى اخلصى بقى و تعالى بسرعه امك بتقولك هاتى الحاجات وتعالى

ياسمين : يالهوى هو انا اللي هطلع الحاجات

سالى : امال مين مش انتى العروره قصدى العروسه هو كده فى الأفلام العروسه هى اللي بتطلع بالحاجات وتجى متخبله وموقعه الحاجات على العريس 😂😂😂😂😂

ياسمين بخوف : الله يطمنك طب متعملى المهمه دى

سالى : لا ياختى هو انا العروسه وبعدين مش انتى بتقولى عليا أمر بالستر شوفى بقى مين اللي هيساعدك

ياسمين : أخص عليكى دا انتى اختى حبيبتى هو انا ليا غيرك يا قمر انتى

سالى : هطلع بس علشان البشمهندس ده بصراحه يستاهل يمكن يغير رأيه لما يلاقينى طلعه بالحاجات ههههه

ياسمين : طب يالا ياختى

سالى : يلا ايه

ياسمين : قدملهم الحاجات

سالى : ايه هو انتى صدقتى

ياسمين برجاء: بالله عليكى بقى يا سالى

سالى انا ممكن اساعدك اشيل حاجه وانتى حاجه انتى عايزه امك تدبحنى لما تلاقينى طالعه بالحاجة لوحدى
عيون زرقاء بقلم : فيروز محمد

ياسمين : خلاص بس خليكى جمبى علشان انا حسه انى هقع من طولى

سالى : ههههه يالا يا اختى

دخلت ياسمين هى وسالى ووضعو الجاتوه والعصير والفاكهه

ياسمين بخجل : اتفضلو

وسلمت عليهم

عواطف بوجه بشوش : تعالى اقعدى جمبى يا ياسمين

عواطف : بسم الله ماشاء الله عليكى قمر

ياسمين بخجل : شكرا

عواطف أخرجت من حقيبتها علبه الخاتم : اتفضلى يا ياسمين الف مبروك ويارب زوقى يعجبك

ياسمن فتحت علبه الخاتم وتفاجأت

ياسمين بانبهار : طبعا زوقك جميل بس دا ليه

عواطف : دى هدية نجاحك

ياسمين : بس ده كتير

عواطف : لا مش كتير ولا حاجه أنتى تستحقي اكتر من كده البسيه كده شوفيه على قدك

ياسمين لبست الخاتم ونظرت له بإعجاب : جميل جدا والمقاس مظبوط

عواطف : الحمدلله انا كنت خايفه المقاس ميبقاش مظبوط بس انا عارفه ان صوبعك صغيره

توفيق : مبروك يا ياسمين يا بنتى

ياسمين : الله يبارك فى حضرتك

توفيق نظر إلى حنان : بصراحه يا ام ياسمين احنا هنا علشان أمرين الأمر الأول علشان نبارك لياسمين على النجاح والتانى احنا عايزين ياسمين تبقي بنتنا على طول

حنان : ماهى بنتكم ياسمين دايما بتحكيلى على معاملتك معاها وانك بتعملها زى بنتك

توفيق : طبعا بنتى بس احنا عايزين نطلب ايد ياسمين لمصطفي

حنان بفرح : يا نهار يا حاج احنا فين وانتو فين

توفيق : لا متقوليش كده ادابكم واحترامكم كفايه تكونوا احسن من اى حد

حنان : ربنا يديك الصحه يا حاج و انا مش هلاقى لياسمين احسن من حضرتك والحجة عواطف تكونو اب وام ليها وكمان البشمهندس الكل بيشهد باحترامه وأخلاقه وياسمين بنتك زى ما انت قولت

توفيق : على بركه الله بكره تقولى لعمها واحنا هنجيب الاستاذ جمال وخاله و جوز خالته ونجي نقرأ الفاتحه ونعمل الخطوبه وكمان شهرين نعمل الفرح

حنان : شهرين بس طب و الكليه وكمان انا لسه مجبتش حاجه لياسمين خالص

توفيق : الكليه فاضل سنه واحده تخدها عندنا وبالنسبه للجهاز ياسمين بنتى ومش هنجيب حاجه من بره المحلات عندنا وبعدين البيت عندنا فيه كل حاجه يعنى هتبقى حاجات بسيطه

حنان : لا يا حاج متزعلش منى ياسمين لها فلوس من مكافأة ابوها لازم اجيب جهازها هنجيب اللي هنقدر عليه والباقى ابقوا هاتوه انتو

توفيق : يا ام ياسمين مش هنختلف

ثم نظر الى ياسر

توفيق : مش انت خلصت الثانوي صح

ياسر : ايوه ياعمى انا رايح كليه الحقوق

توفيق: خلاص رتب نفسك كده وتجي تشتغل فى المحل بدل ياسمين

ياسر بفرح : تحت امرك يا حاج
*******************************

تانى يوم قررت حنان أن تذهب إلى مرسى عم ياسمين كى تبلغه أن يحضر معهم فهو عمها الوحيد وبالفعل ذهبت وطرقت الباب وهى خائفه جدا من تلك المواجهة ولكن لابد منها

كان مرسى يجلس مع زينب يشاهد التلفاز وسمع طرق الباب

مرسى : قومى شوف مين

قامت زينب وفتحت الباب لتجد حنان مبتسمه ☺ على عكس وجه زينب الذي يبدو عليه الغضب😡

حنان مبتسمه : سلام عليكم

زينب بقرف 😕: وعليكم السلام

حنان : اذيك يا ام حمدى عامله ايه

زينب بتريقه : كويسه ياختى

حنان : هو أبو حمدى موجود

زينب : انتى جايه ليه وعايزاه فى ايه

حنان باحراج : كنت عايزاه فى موضوع

زينب وضعت يدها الاثنان على صدرها : طب هو ياختى مش موجود

مرسى شاهد زينب واقفه على الباب تكلم احد

مرسى : مين يا زينب اللى بيخبط

حنان عندما سمعت صوت مرسى نظرت إلى زينب باستغراب انها تنكر وجوده

حنان بصوت عالى كى يسمعها : دا انا يا ابو حمدى

مرسى عندما سمع صوت حنان قام على الفور

مرسى : ام ياسمين اهلاً وسهلا تعالى اتفضلى انتى واقفه على الباب كده ليه اتفضلى

حنان نظرت إلى زينب التى تريد أن تقتلها بنظراتها

حنان : لا معلش كنت عايزه ابلغك حاجه وهمشى على طول عيون زرقاء بقلم : فيروز محمد

مرسى : تمشى ايه اتفضلى الأول ميصحش كده

ونظر إلى زينب التى تقف تسد الطريق على حنان
مرسى : اوعى يا وليه انتى واقفه كده ليه

دخلت حنان وجلست

حنان أرادت أن تنهى هذه الزيارة الغير مرغوب فيها وتدخل فى الموضوع على الفور

حنان : بصراحه كده يا ابو حمدى ياسمين جيلها عريس وانت دلوقتى مكان ابوها الله يرحمه انا عارفه انكم زعلانين من اللي حصل بس احنا ملناش غيرك

مرسى : لا متقوليش كده طبعا ياسمين بنتى واللي حصل ده قسمه ونصيب ومين العريس

حنان : ده البشمهندس مصطفي ابن الحاج توفيق اللي ياسمين بتشتغل عندهم

زينب بغيظ 😠😠: اااه يبقى بنتك سابت ابنى علشان خاطر البشمهندس

مرسى نظر إليها بغضب : عيب الكلام ده يا زينب ياسمين بنتى وانا عارف اخلاقها ومتعملش كده

حنان : يا ام حمدى ده نصيب و والله ياختى بنتى عمرها مافكرت فيه دا حتى اتفاجئت لما طلب ايدها

زينب بتأنيب : اتفاجئت والمفروض احنا نصدق الكلام ده دا بنتك طلعت ميه من تحت تبن

حنان بغضب 😞 : هو ايه كلامك ده يا ام حمدى انا بنتى متربيه كويس قوى وبعدين تصدقي ولا متصدقيش انتى عايزه ايه مش فاهمه ابنك اتجوز وخلاص المفروض بنتى متتجوزش يعنى ولا ايه على العموم انا جيت حسب الأصول وقولت مهما كان عمها وهو مكان ابوها ولازم يحضر فى الاتفاق مع الناس و براحتكم برضو سلام عليكم

مرسى نظر إلى زينب بغضب كى تصمت ثم نظر إلى حنان

مرسى : استنى بس يا ام ياسمين سيبك من الوليه دى انا عمرى ما هسيب ولاد اخويا شوف هما هيجو امته وانا ان شاء الله هكون فى استقبالهم

حنان : عشت يا ابو حمدى دا العشم برضو هما هيجو النهارده بعد العشاء

مرسى : خلاص انا هكون عندكم من المغرب وربنا يتمم بخير
يتبع..
لقراءة الفصل الحادي عشر اضغط على (رواية عيون زرقاء الفصل الحادي عشر)
لقراءة باقي الفصول اضغط على (رواية عيون زرقاء)
reaction:

تعليقات