القائمة الرئيسية

الصفحات

رواية حرب الملايكة الفصل التاسع عشر 19 بقلم أروى طاهر المسلاتي

رواية حرب الملايكة الجزء التاسع عشر 19 بقلم أروى طاهر المسلاتي

رواية حرب الملايكة الحلقة التاسعة عشر 19 بقلم أروى طاهر المسلاتي

رواية حرب الملايكة البارت التاسع عشر 19 بقلم أروى طاهر المسلاتي

رواية حرب الملايكة الفصل التاسع عشر 19 بقلم أروى طاهر المسلاتي

رواية حرب الملايكة الفصل التاسع عشر 19 بقلم أروى طاهر المسلاتي


منى:لوحت اختبار الحمل ع طول يدها وهيا تخبط ع خدودها وترررعش من الخوف 💔
تبكي وتشوف في حباتها خلاص راحت سوداء اكتر من السواد يلي عايشه فيه💔💔💔
تذكر لي تهديدات عدي وحلفه ع الحمل ومش فاهمة كيف تتصرف ولا شنو ادير!!!

اول فكرة جت في بالها كيف نجهض؟!
كيف نتخلص من الولد يلي بيجي ع هاذي الدنيا بي الحلال لكن متبيش حد يعرف بيه واولهم بوه !!

منى:فتحت عيونها وناضت مخلوعة وداهشه
نفس الحلم كل مره يتكرر
قامت شعرها وهيا تبلع في ريقها من الخوف
هوس خوفها من الحمل خلاها تهلوس بي نفس الاحلام كل ليلة💔💔

قعمزت وحطت يدها على راسها وهيا تذكر!

انفتح الباب وشافها نادر والصدمه ارتسمت على وجها لما شافها بي المنضر هاذا💔
واضح انها كانت مضروبة بشكل همجي والدم ماليها ونازل على رجليها💔
كان يسمع من منى في كلمه وحده بس

ساعدني ساعدني الله يخليك منبيش نخسره تربح

بعدين رجعت بيها الذكريات لي وضعها اول ما فاقت في المشفى💔
فتحت عيونها ومفيش حد جنبها💔💔
اذكرت اهلها يلي فقدتهم في يوم وليلة وادكرت عدي يلي مطلعش أهل لي الثقه!!
عدي يلي وعدها ان يكون معاها راجل ويحميها بدي هوا سبب تعاستها في الدنيا هاذي
ممكن يكون الوقت جبره ياخدها لكن مفيش حاجة في الدنيا تجبره يعاملها غلط بي الطريقة هاذي!

_______________________________________

طق طق طق

طقات باب عاديه جدا واي شخص يسمعها عادي
لكن لما تكون طقات الساعه 4في الليل على باب حوش كبيييييير رح تكون انذار مش طقات عاديه!
انذار لي شي جديد بيصير !
جديد ويخوف نفس الساعه يلي دق فيها...

عدي:فتح عيونه كأن طقات الباب جو في ودنه طول ...سحب روحه ببطئ وخلا ليان غارقة في نومها

شاف من الروشن وحاول يعرف منو يلي طق الباب بس مكانش واضح!
نزل بخطوات سريعة وهوا حريص ميخلي حد يسمع الباب لما يطق
فتح الباب وربع يديه....نعم!!
رتال:كانت عيونها محمره ومتورمه من البكي ....علاش؟!
عدي:قرن حواجبه...شنو يلي علاش؟؟
رتال:انت فاهم كويس على شنو نحكي ...علاش هكي درت فيا !
علاش خليتني انا وراجلي نوثفو فيك بعدين ادير هكي وتشردني لا عاد قادره نمشي لي اهلي ولا راجلي راضي يرجعني !!!
عدي:ابتسم....هاذا درس ولازم تتعلمي منه!
كان يحبك رسمي راهو مطلقكش عشان فلوس
رتال:تشوفله وعلامات الصدمه والخدلان على وجها....من اي طينه مخلوق انت!
حقير سافل واطي م......
عدي:دفها بقوه لين طاحت ع الارض....لو لقيتك ماره حتى بي الدفه قدام الحوش صدقيني رح تخسري رجليك الاثنين في مره وحده سامعة!
رتال:ناضت وهيا تلف في وشاحها على راسها والكسرة في عيونها واضحة....نتلاقو ياعدي والزمان طويل
عدي:سكر الباب واتجه لي الدروج وهوا يذكر

عدي:عمي بالله عليك نبات عندك اليوم بس والصبح نروح لان كان شافتني مرت بوي تضربني
نوري:امشي يافرررخ امشي والله نشوفك قدام الحوش نقصلك رجليك
وتسكر الباب في وجها💔

🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑

طلعت الشمس وكل الاحداث يلي في الليل ماتت!
زي ما ماتت مريم بزبط ومفيش حد يعلم بيها!

قدام السرير كان عدي واقف
لابس متأنق زي العاده لبسه نضيف ومرتب ❤️
شعره مسرح كأن معمراش تبعثر وريحته تقدري تشميها من بعيد!
نزل بهدوء لوذن حناه وقرب عليها وهوا يقول....اكرام الميت دفنه!
وانا حتى وانتي ميته منبيش ندير فيك خير
لان بيساطه مفيش يوم درتي فيا خير
رجع سند طوله وهوا يشوف في الممرضه داخله من الباب وحطت شنطتها ع الكرسي وبي ابتسامة لطيفه قالت...صباح الخير❤️

عدي:اشرلها براسه كأن ردلها التحيه❤️
قربت الممرضه وحطت يدها على مريم وهيا تقول...الايام هاذي بدت تتأخر في النو.....
وفتحت عيونها على وسعهم بصدمة لما حست انها حطت يدها ع حاجه بااااااردة!
شافت لي عدي وعيا مرعوبه
عدي:بكلمات بارده نفس برود الجثه يلي قدامه....تتسكر عليها الغرفه وممنوع حد يخشلها اليوم
الممرضه:بب ب بس هيا متوفيه و.......
عدي:لو سمعت ان الخبر طلع متلوميش الا نفسك سامعه!
الممرضه:هزت راسها بخوف وهيا ترجف
اما عدي شاف بنضرة اخيره للجثه وطلع

طلع وهوا حاس ان النار يلي داخله قاعده مبردتش!
حاس انها ماتت بدون ما تاخد عقابها !!
تحولت ملامح وجها لي غضب وتعابير مش مفهومه
بس اول ما جت ليان قدامه تغير كل شي❤️

ليان:بوجه بشوش ...صبحخيررر
عدي:ابتسملها...صباح النور
ليان:لقطة امس معش تعاودها!...داري مش فندق سلم بابا ره!
عدي:قام حاجبه وهوا بيضحك....دارك هاذي في حوشي ره؟
ليان:اياه علينا عاد توا بيبدا يتجمل 🤦🏻‍♀️🤦🏻‍♀️
عدي:ابتسم ...نبصر عليك
الحوش كله تحت امرك
ليان:عطاته بضهر بتنزل بس رجعتله....شوف ممكن ضلمتك شويه
يعني هكي حسيتك كويس حبتين
عدي:ربع يديه ....والله؟
ومن وين جاك الاحساس هاذا ان شاء الله!!
ليان:شافت للباب وهيا تبتسم....يلي يدير باله ع مرا كبيره وعاجزه ويقعد صابر عليها ويصرف عليها اكيد رح يكون انسان كويس
عدي:ابتسم بشحوب ورهبه
ليان:على سيرتها حرام قداش ليا مريتهاش واكيد تمل هلبا بروحها....وقربت ع الباب بس عدي مسكها من يدها طول ...لا متزعجيناش خليها راقده
ليان:ارتبكت من عيونه وجمالهم ....به خلاص خلي ننزل نفطر امالا
عدي:شاف لي الساعة في يده وسرح شويه ...ليان
ليان:بعد ما حطت رجلها في اول درجة...ها؟
عدي:تفطري برا؟
ليان:عقدت حواجبها....علاش!
عدي:نقصد يعني شي ...لو تبي تغيري جوك وهكي
ليان:معندكش خدمه؟
عدي:مر عليه جدول اعماله المعبي في لحضه....البوم لا فاضي ماعندي شي
ليان:ابتسمت...اخيرااا بنطلع
هي شويه ونجي ....وطلعت تجري
عدي:ابتسم وهوا سارح❤️
اختفت الابتسامه اول ما سمع تالفونه يرن
وزادت اختفت اكتر لما شاف الاسم وكانت منى يلي تتصل!

____________________________________

منى:لوحت التالفون على طول يدها وهيا حاسه بي الحيوط تخنق فيها خنق💔

دق الباب وناضت فزت طوول للباب وقفت تسأل
منو؟!
منووو معاي!؟
مفيش حد رد
فتحت الباب وكان الولد يلي يخدم في السوبر ماركت جايبلها بضاعه !
خدت منه الاكياس وبدت تتصل بي عدي مره واثنين والف لين رد....

عدي:نعم؟
منو:تسحابني اتصلت بيك عشان شويه مواد غدائية وخضره؟؟؟؟؟؟
متصلتش بيك لاني جعانه عدي
اتصلت بيك نبيك تجي تشوفني حيه ولا ميته ولا شن صاير فيا !!
راني قرفت مليت تعبت من ها العيشه مش ساد انك ضاربني لين قريب قاتلني وزياده ملوحني متعلم بي شي !!!
منبيش ناكل ولا نبي فلووووس انا نبيك انتتتتت
عدي:يسوق....نتفاهمو فيها بعدين القصص هيا
منى:تغيرت نبرة صوتها اول ما عرفت انه بيجيها ❤️...امتى بتجي؟
عدي:قريب ان شاء الله
منى:تمام نستنا فيك🥺
عدي:سكر بدون ما يحكي شي!

ليان:خشت من الروشن وشعرها متبعتر والابتسامه قاعده على وجها....خيرك قلبت خليقتك هكي في منو كنت تكلم؟
عدي:ابتسم وهوا سارح في الطريق....خليقتك؟؟
ليان:ماشيه فيا الكلمه❤️
ومقلتش انت وين بترفعني ؟؟
عدي:خلاص قربنا نوصلو
ليان:هي ....وقعدت تشوف لي الطريق بحماس ناسيه كل شي
ملوحة كل همومها وراها
وناسية ماضيها الاسود!
قررت تحكي وتكلم وحتى تضحك مع عدي نفس زمان
زي قبل18السنه كيف كانو زي الاخوه بزبط❤️

________________________________

ناهد:اول من ناض منو النوم في العيله كلها❤️
نايضه بحماس ونشاط خارق للعاده والكل يسأل شن فيه؟
تمسح وتنضف وتلمع
محافضة على المفجآه وتحاول ما تحكي لحد نفس ما وصاها ضياء بزبط ❤️

كانت الفرحه مش سايعتها
في النهايه اخيرا رح تحس بشوية فرح بعد حياتها يلي عاشتها كلها خوف وبكي !!

كانت الامور كلها ماشيه تمام لعند عيونها جت على صورة ساره💔
قعمزت ع السرير بحيل مهدود💔
كانت تتمنى لو كانت عايشه ومشاركتها فرحتها
تقترح عليها شنو تلبس!
كيف ادير شعرها!!
نزلت دمعتها ومسحتها طول وهيا تقول داخلها.....خلاص مش وح نقعد نبكي عليها العمر كله ياسر!

___________________________________

جيداء:شفت عدي طالع هوا وليان
كيف البنت تمشي معاه هكي عادي؟؟
في النهايه هوا ولد عمها ومش محرم ليها غلط هكي مش كان معندهاش اب يحكم فيها يعني خلاص
نجيب:لما تروح شدي كلميها هيا على جنب عدي ردي بالك تقربيه ولا تجي في طريقه ردي بالك
جيداء:تو نعرف كيف نتفاهم معاها
نجيب:شن قصة بنتك اليوم قداش ليها مشفتهاش ناشطه هكي
جيداء:قول مشاء الله الله يخليك فرحانه انها طلعت من الاكتئاب يلي خشتله
نجيب:خدي رشفه من القهوا...الحمد الله

_________________________________

عدي:يشوفلها وهوا سارح ويبتسم...صحتين
ليان:اتكت ع الكرسي....سلمككك
بطني تعبت ومزال خاطري مش طبيعي كيف يديرو في سندوتشاتهم
عدي:مره مره نجيبك هنايا
ليان:بسم الله شنو الكرم يلي نزل عليك فجآه هكي!
عدي:ابتسم
نردلك في دين قديم ولا نسيتي
ليان:ياربي على ها السيره عدي خلاص حكينا في الموضوع الف مره
كنت صغيره ونسيت حتى شن درتلك من حاجات باهيه😂🤦🏻‍♀️
كيف انت مذكر بس
عدي:كل شي
كل شي بتفاصيله مذكره
ليان:اممم به يا ابو الذكريات هيا وقت عليا بنروح
عدي:خدي مفاتيحه والابتسامه مفارقتش وجها وناض

في طريقه لي السياره كانت ليان ماسكة في يد عدي بعفويه❤️
تهدرزله وتضحك على هلبا مواقف قديمه
سمعت بي شخص قال !

اهلين عدي
وبدت ليان تبلع في ريقها!....سامعاته ها الصوت!؟
من يكون!!
تلفتت بشويه عشان تتأكد وفعلا تأكدت💔
كان زبون عند خالتها
يخش لحوش خالتها في الليل يروح منها الفجر !!
شافت ليان مصيرها في دقايق لو الراجل عرفها وحكي لي عدي !

رح تتشرد نفس عمامها الاثنين ومش رح تلقى حد يأويها!
خالتها رح نرجعها غصبا عنها لنفس الخدمه المقززه متاعها

___________________________________

كانت ناهد واقفه ع الباب وتشوف من باب الشق فرحانهبي ضياء كيف طلع راجل وجي طلبها من بوها!

في وقتها جو في بالها هلبا اسئله
وين اهله؟
علاش جاي بروحه!؟؟
وين عدي مش صاحبه كيف ميحضرش؟؟!

اما ضياء كان مقعمز ومقوي قلبه ع قد مايقدر
يراجي في عدي يخش عليه ويشوفه
وهوا عارف كويس انه لو جي رح تنقلب الدنيا في بعضها!...
يتبع..

لقراءة الفصل العشرون اضغط على (رواية حرب الملايكة الفصل العشرون)
لقراءة باقي الفصول اضغط على (رواية حرب الملايكة)
reaction:

تعليقات