رواية حرب الملايكة الجزء السادس عشر 16 بقلم أروى طاهر المسلاتي
رواية حرب الملايكة الحلقة السادسة عشر 16 بقلم أروى طاهر المسلاتي
رواية حرب الملايكة البارت السادس عشر 16 بقلم أروى طاهر المسلاتي
 |
| رواية حرب الملايكة الفصل السادس عشر 16 بقلم أروى طاهر المسلاتي |
رواية حرب الملايكة الفصل السادس عشر 16 بقلم أروى طاهر المسلاتي
عدي:وجها احممممر....اسكتي
ليان:مش ساااااااااكته وانا مش زي اي واحد هنايا
مش حاجتي بيك ولا بي فلوسك يلي الله اعلم من وين جايبهم
نقعد في الشارع ولا نقعد مع واحد نجس حقير زيك
عدي:دفها ورجلها فقدت توازنها! وكانت خلاص على حافة الدرجة بطيح بس مسكها عدي
بحركة سريعه دفاته بكل عنف وهيا تقول ....بعد من عليااااااا
رجلها اللتوت وطاحت من الدرجه الدرجه الاولى
ليان:كان واضح على ملامحها الالم يلي حاسه بيه ...اءءءء اه
عدي:شافلها من فوق ....تستاهلي
ليان:مهتمتش لي كلامه وناضت كانت مستنده ع الحيط ومش قادره توقف على رجلها
ركبت من اول درجه وقعمزت لانها مش قادره توقف على رجلها المصابه
حطت يدها على عيونها
عدي:تنهد بعمق ونزلها ....نوضي
ليان:بصوت باكي ....اخطاني
عدي:عقد حواجبه....به توا انتي علاش تبكي ؟!
انا يلي مقايلتيلي الف كلمة اخي وبعدين تبكي ؟
مريضه انتي مخك فيه شي !!
ليان:تمسح في عيونها....قتلك اخطااااني مدخلكش فيا
عدي:نوضي تحركي متقعديش مقعمزه ع الرخام في الصقع هكي
ليان:وقفت وهيا ماسكه في الحيط وتحاول تركب
مسكها عدي من يدها بسيف ❤️
وكمل معاها مشي بشويه لين وصلت غرفتها
_________________________________
فات ليل طويل على منى💔
بعد ما كلت طريحة من اكتر انسان تحبه في حياتها !
خدت الطريحه ضلم وهيا مش مدايره شي زي العاده!!
فات الليل طووويل على ضياء وهوا يفكر كيف يمنع عدي من الضحك على ناهد؟!
شنو رح تكون حجته والسبله يلي بيديرها باش يفوتها!!
فات الليل طووويل على ساره وهيا حاسه بي خيبة امل لما شافت امها كيف راضيه عادي تبيها لي عدي بسبب الفلوس !
وفات الليل طويل على عدي لما يحاول يخفف الم رجل ليان طول الليل وهيا ولا راضيه عليه وولا عاطياته وجه !
كأن كل شي يدير فيه لي منى ربي يردله فيه عن طريق ليان مثلاً!
الساعه كانت 10الصبح:-
وكل حد صباحه مختلف على التاني بطريقه كبيره!
كان صباح منى بدى بي غسل وجها من الدم يلي كان لين يابس على وجها
وشوية ثلج تمرر فيه على الاماكن المتورمه من الوجه!
وكم دمعة نزلت منها لما اذكرت انها معندهاش ولا اي حد تشكيله همها ويطبطب عليها بحنية!
اما صباح ناهد يلي بدي ابتسامه خفيفه على المرايه وهيا تغسل في وجها كل ما تذكر في كلام ضياء واهتمامه ليها❤️
كل ما تقابل حد وهيا نازله للفطور تصبح عليه بوجه بشوش بسبب نفسيتها المرتاحه!❤️
وساره يلي بدي صباحها بوجه متعبب ومزاج معكر !
مش طايقه حد وحامله كمية غضب اتجاه عدي وامها بطريقه كبيره!!
الخوف مالي قلبها وكل شوي تسرح بخيالها!!
اما ليان.....
قاعد مبداش صباحها وقررت تكمل نومها
________________________________
على سفرة الفطور :-
ساره:بصوت واطي ...كملي بسرعه لازم نطلع
ناهد:علاش؟
ساره:اشرتلها بعيونها على التالفون
ناهد:خدت نفس عميق ... هيا ساره عطلنا
صحتين عليكم
جيداء:ناهد بنتي مكليتو شي وين ماشيين؟
ناهد:لا خلاص وقت علينا بعدين في العاده منفطروش غير اهو سايرناكم☺️
ليلى:نادت على بنتها بنبره حاااده ....ساره
ساره:شافتلها بزعل بدون ما ترد
ليلى:ديري بالك على روحك
زي موصيتك سلم بنتي
ساره:شافت لي امها بقرف من كل الخطط يلي ادير فيها والكلام يلي تقصده وطلعت
جيداء:تصب في القهوا .....حالة الحاجه تسحن الكبد والله
ليلى:اللهم لا شماته لكن تستاهل من يلي دراته في حياتها ربي رد هولها في اخر عمرها
جيداء:ردي بالك يا ليلى راهو كلنا مدايرين في بداية حياتنا وانتي عارفه شنو نقصد!
ليلى:ربي غفور الرحيم مدام العباد ناسيين سيوره ربي يرحمنا
جيداء:ربي يسمع منك
__________________________________
ليان:فتحت عيونها وع طول حاولت تنزل من السرير ناسيه رجلها لكن الالم ذكرها وطاااحت طول
قعمزت ع الارض وهيا تتألم
شافت لي رجلها وكانت تخووف كيف منفوخه ولونها مايل لي الازرق شويه
ليان:ياربي شن هاذا الله لا تربحك يا عدي ...ااءءءهه
عدي:طلع من الحمام ينشف في وجها....حرام تحسبي فيا ربي ره!
ليان:بسم الله انت شنو جابك هنايا !
واخد راحتك حسيت تطلع وتخش ع كيفك كأنه!!
عدي:لوح الفوطه ....حوشي وحر فيه!
ليان:شافت لي رجلها....اءءه
عدي:قرب عليها ومسك رجلها بحنية ❤️....رجلك مكسوره الباين
نوضي البسي شي باش نمشو المصحه
ليان:افتح الدولاب وطلعلي عبايتي
عدي:قام حاجبه....نعم!!
ليان:شنوو يلي نعم؟؟؟....انت كسرتهالي ولا تسمع كلامي وفمك مسكررررر
عدي:سكت وفتح الدولا يدور في عبايتها
قرب منها لبسها العبايه وهوا ساكت
يسمع بس لي اوامرها وينفد❤️
في اللحضه هاذي نذكرو لي تعامله مع منى ونشوفو الفرق !
وحده قريب تعبده ومش عاجبه يقابل فيها بي الضرب والاهانه بس!
والثانيه شايلها على كفوف الراحه رغم انها متعباته!!
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي108الف عضو👑
ناهد:بتعطلي؟!
ساره:لا شويه وجايه بنحكي معاه بس
ناهد:به تمام انا نراجي فيك داخل في القاعه تمام!
ساره بالله عليك حاولي تفكري بعقلك حتى شويه
ساره:منبيش ....افهمي ان انا نحبه ونموت فيه
مستحيل تفهمي شن معنى كلمة نحبه لان مفيش يوم جربتي تحبي ولا تفتحي قلبك لي بني ادم
ناهد:بدون مقدمات ولا حتى كلام حضنتها ❤️
كأنها حاسه ان في شي بيصير مثلا!!
ساره:لمحت سيارة خالد البسيطه من بعيد...اهو جي
ومشت بسرعه وقلبها سبقها ❤️
اما ناهد قعدت تتفرج عليها من بعيد وقلبها مقبوض !
______________________________
نادر:واقف قدام باب شقته يلبس في كندرته!
منى:فتحت الباب ع غفلة واول ما جت عينها في عين نادر على طول حاولت تخفي وجها وملامحها المتورمه💔
نادر:شافها وعرف وفهم كويس ان كل الاثار يلي في وجها من راجلها!
منى:حطت اكياس الكناسه(حشاكم)وسكرت الباب بسرعه رهيبه
نادر:قدم خطوتين ع الباب وقام يده بيطق !
لكن فجآه تراجع الف خطوه مش خطوه وحده
واذكر كويس للهم والقصه يلي هوا فيها !
اذكر للجرح المفتوح داخل قلبه واذكر ان لازم يلهى في نفسه قبل!
اما منى سكرت الباب وحطت يدها ع قلبها وهيا ترجف
___________________________________
عدي:يعني شنو توا؟
الدكتور مبدئيا منقدروش نقولو انه كسر فدع لكن قوي هلبا يبي ايام باش يتعافى
ليان:شافت لي عدي...الله يكسر يديك يا عدي ان شاء الله وميلقولك علاج
الدكتور:يشوف لي عدي وكان مصدوم من كلام ليان لي عدي بزبط
عدي:خدي نفس عميق وشاف لي الدكتور....البنت هاذي عندها خلل بسيط في المخ
دماغها مش كامل متواخدهاش
الدكتور:ضحك....تمام ياغالي تبي حاجه كلمتي
ليان:نبي كروسه نطلع فيها لان مش قادره نوقف
الدكتور:يدور حواليه بعيونه....والله شنو بنقولك حاليا مفيش الحق زوز بس وموجودات في قسم الطورائ
عدي:حط تالفونه في جيبه ....خلاص مش ضروري منور دكتور
الدكتور:بوجودك استاذ عدي تفضل في اي وقت❤️...وطلع
ليان:عقاب ليا ولا شنو هاذا ؟
بتخليني نمشي لي السياره؟
عدي:ضحك....ومن قال؟
وقرب عليها وقامها ❤️❤️
ليان:😯😯😯
عدي:بعدين تحسبي فيا وقولي عليا حقير وواطي باهي ؟!
ليان؛مسكت فيه....تحرك وانت ساكت
عدي:الصبر يا ربي ....وطلع
ليان:ابتسمت بدون ما ينتبه❤️
_________________________________
ناهد:كيف؟!
ضياء:اطلعي انا برا شنو كيف ؟
ناهد:طلعت من القاعه وابتسمت لما شفاته ❤️
ضياء:واقف يرتب في نفسه وفي جاكيت الجلد يلي كان لابسه❤️
ناهد:صباح الخير
ضياء:ابتسم بدون ما يقدر يشد نفسه ❤️...اهلا اهلا
ناهد:مشاء الله حسيتك بديت في الجامعه اكتر مني !!
ضياء:قعمز ع الكرسي ....الله غالب عندي ناس داير بالي عليها هنايا
ناهد:ضحكت ....والله؟😄
ضياء:اي❤️
اختفت ابتسامة ضياء للحضات وهوا مركز في ملامحها وتفاصيلها!....ناهد
ناهد:نعم استاذ ضياء؟!😌
ضياء:يحكي بجديه ومفيش اي علامة ابتسامه على وجها!...حاسه بشي غريب الايام هادي؟!
ناهد:عقدت حواجبها ....كيف شي غريب ؟
ضياء:يعني من ....من جيهة عدي
حاول يدير شي معاك؟
ناهد:انت شن تقول ؟....يعني شي زي شنو بزبط؟
ضياء:سكت شويه وهوا سارح....شي خلاص انسي
تبي شي؟
ناهد:تكلمت بي استغراب...بس انت معطلتش
في شي ؟
ضياء:لالا هي نتلاقو ع الخير....وطلع لي سيارته
ناهد:ع الخير؟!!....شن يحكي هاذا خيره ضياء!
ضياء:ركب سيارته وطلع
فكر دقايق وهوا يسوق !
عدي لو قرب على ناهد وحاول يلمسها!!
لو حاول يلعب بي مشاعرها ويكسرها !!
شنو بيصير فيه؟؟
رجع للواقع بعد الخيال وضرب الدومان بقوه ووجها احمررر!!!!
ضياء تورط في عيونها💔
يحاول يحميها من هلباااا ناس !!
كيف بيوقف يديه مربطات مع اقرب انسان ليه ويخليه يأذيها!
_______________________________
عدي:ركب السياره ولوح كيسه على ليان
ليان:فتحت الكيسه لقت فيها وجبه مغلفه بي السلفر
عدي:وين تبي تاكلي؟
ليان:في مكاني
عدي:😒😒
ليان:في الحوش وين يعني بناكل
عدي:ولع السياره وطلع
وبدي يلاحظ ان كل شويه ليان تفتح حاجه من العدي وتبدا تاكل
كل مره يخطف في نضره ليها
عدي:صار قلتيلي بتاكلي في الحوش !
ليان:شافتله.....ناكل وين ما يعجبني
عدي:وربي يا ليان ع اسلوبك هاذا رح يجي يوم ونديرلك شي في حياتك ما تتوقعيه
ليان:شنو بتلزني في قصر دزني يلي معيشني فيه
عدي؛خذي نفس عميق ....الصبر بس
ليان:مدتله قطعة كنتاكي ....هااك كول
عدي:بعدي يدك خليني نعرف نسوق
ليان:غير افتح فمك بس ....ايواه ايواه
عدي:خدي كلينكس وقعد يمسح ويمضغ
ليان:هاك المصاصه اشرب
عدي:تي بعدددددي من عليا خليني نسوق
ليان:افتح فمممك ...هاا هاا ايواه
عدي:مسح فمه....مخاطريش كولي انتي
ليان:شن تسحابني نوكل فيك على سواد عيونك؟!
ع الاقل كان مسممني في الماكله نموت انا وياك مش بروحي
عدي:ضحك على خيالها الواسع ورجعت بيه الذكريات قبل سنين.....
ليان:لااااا عدي لا
عدي:يمضغ في نص التن ....علاش لا عتشااان
ليان:ماما تقول حليل وتن يخلو البطن مريضه
عدي:ياكل وخايف حد يشوفه لانه معاقب 💔....نبي نشرب
ليان:طلعت تجري من الغرفه بي رجليها الصغار ورجعتله.....هاذا عصير لي الروضه خوده انت باهي ؟منبيشي
عدي:صحيتي
ليان:اشررربه بسرعه قبل ما يجو
عدي:رجع من ذكرياته وهوا مبتسم رغم اللمعة يلي في عيونه ويشوف لي ليان❤️
____________________________________
فاتت ساعه واثنين وثلاثه واربعه وساره مروحتش !!
خشت نهاد للحوش ولقتهم يراجو فيها والدنيا مقلوبه 💔
ليلى:كيييييف شن تقولي انتي تكلممممي بنتي وين؟؟؟؟
ناهد:ارتبكت وحاوطها الخوف ...اءء انا هيا
هيا قالت ماشيه لي صاحبتها وجايه
جيداء:ناهد ماما احكيلي منو صاحبتها هاذي ؟!
ناهد:منعرفهاش ياماما هيا عندها قروب انا منحكيش معاهم
خلاص البنت رح ترجع معش حد يضغط عليا مش ناقصه 💔.....وقعمزت
ليان:كانت مقعمزه وماده رجلها ع الطاوله ....ان شاء الله ترجع عاودو اتصلو بيها
قاطع كلامهم سياره
طلعو كلهم يجرو على امل تكون ساره رجعت !
وانطلقت عيطه سمعتها كل المدينه من ليلى
لما شافت راجلها نازل من السياره وبنتها ملوحه والدم مالي رقبتها المدبوحة💔💔
______________________________
عدي:كيف كيف ؟؟؟
ضياء:يتكلم والارتباك مالي عيونه....البنت كويسه حرام تنضر
عدي:قام حاجبه ويحكي ....علاش هيا بدات؟
ضياء:مش بدات
لانها الوحيده الكويسه حرام تنضر مدخليش اماليها شن دارو فيك
عدي:كلمتها ؟؟؟
تقربت منها
ضياء:البنت كويسه عدي
عدي:ضربه كف ومسكه من رقبته....شن مقايللللللليننننن
شن تعاهدنا من اول ما طلعنا من الحبسسسس
حبيتهاااااا؟؟؟؟
ضياء:ساكت ويشوف لي عدي بنضرة كسره
عدي:...
يتبع..
لقراءة الفصل السابع عشر اضغط على (رواية حرب الملايكة الفصل السابع عشر)
لقراءة باقي الفصول اضغط على (رواية حرب الملايكة)