رواية الحرام الفصل الخامس عشر 15 بقلم ماهي احمد

 رواية الحرام الحلقة الخامسة عشر 15 بقلم ماهي احمد

رواية الحرام الجزء الخامس عشر 15 بقلم ماهي احمد

رواية الحرام البارت الخامس عشر 15 بقلم ماهي احمد

رواية الحرام الفصل الخامس عشر 15 بقلم ماهي احمد

رواية الحرام الفصل الخامس عشر 15 بقلم ماهي احمد


ماهر : نووور 😳😳
نور كانت قاعده في ال corner وبتترعش او عامله نفسها بتترعش والدموع في عنيها 
ماهر بص كده ومبقاش مصدق اللي حصل و قعد علي ركبه وبقي وشه في وش نور 
و لسه هيمد ايده عشان يلمس نور راحت نور مصرخه
نور : ( بزعيق وعياط ) أبعد عني .. أبعد عني ماتقربليش 
ماهر : ( بتوتر) نور .. نور .. أنا .. انا مش فاهم حاجه 
فهميني حصل اي لكل ده
بقلمي مآآهي آآحمد
نور : أنت عارف كويس حصل ايه .. بس عايزه اقولك انا مش مسمحاك ابدا .. مش مسمحاك روح ربنا ينتقم منك 
نور بعدت عن ماهر وبقت تغطي جسمها بالبلوزه بتاعتها وسابته وفتحت باب الشقه ونزلت تجرى 
وبعدها قعد علي السرير وحط ايده الاتنين علي وشه لأنه فهم اللي حصل طبعا بس مش فاهم حصل ازاي
بقلمي مآآهي آآحمد 
وقتها لبس التي شيرت بتاعه وركب الموتوسيكل ورجع البيت 
قلع هدومه ودخل الحمام فتح الدش وبقي تحت الدش ومش عارف يتصرف ازاي .. أو يعمل ايه .. مش معقول كل المصايب دي بتحصل كده مره واحده .. ووقف للحظه تحت الدش يفكر في اللي بيحصله ده كله 
بقلمي مآآهي آآحمد
-------------------------بقلمي مآآهي آآحمد--------------------------
لياان بقت تجيب القماشه وتمسح الدم اللي علي راس احمد وهي مرعوبه وخايفه عليه وحقيقي مش عارفه تعمله اي حاجه 
الهدوم اللي كانت لبساهه ضيقه جدا عليها ومش عارفه تتحرك بيها في وسط الطينه والارض اللي كانت ماشيه عليها 
وكانت بتتحرك بالعافيه 
بتبص لاقت قدامها عشه تانيه وزريبه وكل ده هي ماتعرفش اصلا ان دي عشه احمد 
ولاقت زي قطن وميكركروم وشويه ادوات طبيه 
بقلمي مآآهي آآحمد
جابت القطن والميكركوم وبقت تمسح الجرح بتاعه واخيرا ربطتله دماغه بالشاش والقطن وبقت مستنياه لحد ما يصحي 
وهي قاعده جنبه مره واحده من غير ماتقصد لاقت نفسها بتركز في ملامحه ومش عارفه ليه ولا ازاي رفعت ايدها وبضهر صوابعها بقت تلمس خده ومره واحده وهي تايهه في ملامحه بتبص لاقت  حد داخل عليها اتخضت وقامت وقفت  وبعدت بسرعه عنه 
-------------------------بقلمي مآآهي آآحمد--------------------------
ماهي كانت قاعده علي السرير ومامتها قدامها وماما ماهي دموعها نازله عليها وهي شايفه بنتها كده 
ماما ماهي: طيب يابنتي فهميني اي اللي حصل ماتسبنيش كده انا عارفه اني غلطت اني بعدتك عني وقفلت الباب في وشك بس اعمل ايه افتكرت اني بربيكي 
ماهي بصيتلها كده نظره انكسار 
ماهي: فعلا ربتيني بجد 
بقلمي مآآهي آآحمد
موبايل ماهي كان جنبها علي الكومود 
وممدوح كان بيتصل بيها  كل ساعه بس طبعا ماهي مكانتش بترد عليه كانت ساكته وبس مابتنطقش 
ماما ماهي شافت موبايلها بيرن كل شويه مسكت الفون 
ماما ماهي: الله هو مش ده ممدوح صاحب ماهر 
ماهي دموعها نازله منها ومابتنطقش 
راحت مامتها فتحت علي ممدوح 
ماما ماهي: ايوه ياممدوح ماتقولي حصل اي يابني البت من ساعه ما جت من بره وهي ساكته مابتتكلمش حد فيكوا يفهمني 
ممدوح :____________
ماما ماهي: طبعا يابني تشرف في اي وقت 
-------------------------بقلمي مآآهي آآحمد-------------------------
ماهر وهو بيكلم نفسه في الحمام 
ماهر : اكيد انا عملت حاجه كبيره في حياتي عشان يحصلي كل ده .. بس نور .. نور ذنبها ايه في اللي بيحصل ده كله .. نور دي معملتش اي حاجه غير انها وقفت جنبي وساعدتني 
( رجع يكلم نفسه تاني ) 
يمكن محصلش حاجه ويمكن كمان انا كنت سكران ضربتها او اتعديت عليها بالضرب 
( ماهر وهو بيكلم نفسه ) انا هفضل اسأل نفسي كده كتيير انا هاروحلها واسألها عن اللي حصل 
ماهر طلع من الحمام بسرعه نشف نفسه وطلع هدومه ولبس بسرعه كان كل شويه يتصل بنور بس نور مكانتش بترد عليه 
امل : ماتردى يابت الواد كل شويه يتصل بيكي 
نور : ( بابتسامه عريضه ) انتي هبله لاء طبعا ماتبقيش عبيطه سيبيه دماغه تودى وتجيب ويفضل يسأل نفسه ياترى حصل حاجه ولا لاء 
امل : طيب افرضي ماتصلش وماسألش 
نور : لاء مافتكرش شخصيه ماهر مش كده ابدا .. ماهر مش عيل صايع مايتحملش المسؤوليه لاء خالص اللي زي ماهر بيبقي عنده ضمير واقطع دراعي لو مكانش هييجيلي دلوقتي 
نور لسه بتكمل الكلمه لاقت الباب بيخبط 
امل : مين 
نور : ( بوشوشه) اكيد هو افتحي انتي وانا هعمل نفسي بعيط واسأليه انا بعيط ليه يلا بسرعه 
نور دخلت وقعدت في اوضتها علي سريرها وعملت نفسها مكتئبه وحزينه وبتعيط 
امل فتحت الباب 
امل : ماهر .. اهلا وسهلا اتفضل 
ماهر : نور جوه 
امل : اه جوه بس مش عارفه مالها اتصلت بيها من امبارح مكانتش بترد جيت فتحتلي بالعافيه ومن وقتها وهي قاعده في اوضتها مابتنطقش بتعيط وبس هو حصل اي 
ماهر : ايه .. لا ابدا محصلش حاجه ممكن ادخل اشوفها
امل : أه .. أه طبعا ممكن 
ماهر خبط ودخل لنور 
نور : ارجوك اطلع بره مش عايزه اشوفك 
ماهر : نور انا محتاج افهم اي اللي بيحصل ارجوكي 
نور : وانا مش محتاجه غير انك تسيبني في حالي وبس 
ماهر : نور ارجوكي لازم اعرف 
نور: عايز تعرف اي هااا .. 
ماهر : من غير عصبيه انا مقدر اللي انتي فيه بس انا عايز اعرف انتي جيتي عندي ازاي امبارح عايز اعرف اي اللي حصل 
نور : هتبقي مرتاح لو عرفت 
ماهر : اكيد 
نور : انا هريحك ياماهر 
امبارح لاقيت فوني بيرن ببص لاقيته رقمك رديت علي طول لاقيت حد بيتصل من فونك علي رقمي وبيقولي ياريت حد ييجي ياخدك لانك سكران اوي ومش عارف تتحرك وقتها قلقت عليك جدا ولبست وركبت اول تاكسي وروحتلك علي طول لاقيتك سكران طينه ومش قادر تقوم من مطرحك سندتك وركبنا اول تاكسي وطلعت علي شقتك اللي في المعادى ماقدرتش اوديك الفيلا قولت مامتك هتقول عليا ايه 
في وقت زي ده واول ما حطيتك علي السرير ولسه همشي لاقيتك اتحولت مره واحده ومابقيتش عايز تسيبني مسكتني من ايدي وبقيت زي المجنون وبقيت تبوسني من كل حته ولما مارضيتش وقومت من علي السرير خبطني في الحيطه علي راسي  وقتها .. وقتها ماقدرتش اقاوم اكتر من كده للاسف وحصل اللي حصل ( نور كانت يتحكي وهي بتعيط ومش قادره تتمالك اعصابها ) 
نور : والباقي طبعا انت عارفه لما صحينا الصبح كنت انت فوقت خلاص 
نور : هو ده كل اللي حصل خلاص ياماهر ارتحت 
بعد ما حاكيتلك 
ماهر : ومش معني انتي اللي اتصلوا بيكي 
نور : ( بتوتر ) ايه .. و .. و.. وانا اي اللي عرفني مش يمكن ده اخر رقم انت كنت متصل بي كان رقمي 
او .. او حظي الاسود اختار اي رقم وخلاص 
وبعدين تقصد اي بأن مش معني انا اللي اتصلوا بيا 
ماهر : نور انا مقصدش انا بس بتكلم معاكي
نور : ماهر ارجوك انا مش عايزه اشوفك تاني .. ارجوك ابعد عني كفايه اللي حصلي بسببك 
ماهر : نور .. اهدي .. اهدي شويه انا عارف ان الحكايه دي صعبه عليكي جدا 
نور : ( قامت من السرير وادت ضهرها لماهر ) انت مالك بتقولها ببرود كده انت شايف ان دي حاجه قليله ياماهر 
ماهر : نور انا عارف انها مش حاجه قليله ابدا علي الاقل سبيني افكر اشوف هعمل اي في المصيبه اللي حصلت دي 
نور ( قربت من ماهر واتمسكنت  ) قربي منك بتسميه مصيبه ياماهر ..
(ماهر وقف وبقي متعصب ) 
ماهر: انا ماقصدش انتي اللي من كتر ما عصبيه بتقولي اي كلام 
نور : انت هتعمل معايا اي دلوقتي ياماهر 
ماهر : قصدك اي 
نور : انت عارف كويس انا قصدي ايه ولا عشان مقطوعه وماليش اهل هترميني 
ماهر بص لنور وحط ايده علي كتفها 
ماهر : ماتقوليش كده يانور انا عمرى ما هسيبك كل الحكايه اني محتاج شويه وقت مش اكتر 
نور : بجد ياماهر 🥺
ماهر : طبعا بجد بس ارجوكي اوعي تفتكرى اني ممكن اتخلي عنك 
نور : ( بابتسامه ودموعها بتلمع في عنيها ) عمر ما نظرتي فيك خيبت ابدا ياماهر 
ماهر : طيب يانور انا لازم امشي دلوقتي واكيد هجيلك تاني 
نور : عارفه انك هتيجي ياماهر 
ماهر : اقفلي الباب عليكي كويس وهبقي اكلمك في التليفون عشان اطمن عليكي كل شويه 
نور : خلاص اتفقنا 
بقلمي مآآهي آآحمد
-----------------------بقلمي مآآهي آآحمد----------------------------
ممدوح راح لماهي البيت وبيخبط عليهم 
ماما ماهي: اتفضل يابني .. اتفضل 
ممدوح : ازيك ياحجه عامله اي 
ماما ماهي: الحمدلله قولي ياممدوح يابني حصل اي 
ممدوح : ماتقلقيش ياحجه هي بس اتخنقت شويه مع ماهر 
ماما ماهي: قطع ماهر وقطعت سيرته علي طول مبهدل البت معاه كده 
ممدوح : طيب ممكن ادخلها 
ماما ماهي: اه طبعا اتفضل 
ممدوح دخل لماهي وراح قعد قدامها علي السرير 
ممدوح : اي ياماهي عامله اي 
ماهي ( بصه قدامها وماببتكلمش ) 
بقلمي مآآهي آآحمد
ممدوح: ( بص لماما ماهي ) طيب ممكن شويه شاي صغيرين ياحجه بعد اذنك 
ماما ماهي: حاضر يابني من عنيا 
ماما ماهي راحت عشان تعمل الشاي وممدوح بقي يبص عليها من الباب لحد مادخلت المطبخ 
ممدوح : ماهي مامتك مشيت انا محتاج اتكلم معاكي 
ماهي : ____
ممدوح : انتي لازم تتكلمي مش هتفضلي علي الحاله بتاعتك دي كتييير ماهر لا وثق فيكي ولا فيا تفتكرى واحد زي ده يستاهل انك تعملي عشانه كل ده 
ماهي :________
ممدوح : علي العموم لو اتكلمتي النهارده او حتي السنه اللي جايه انا هفضل مستنيكي وهستناكي العمر كله 
واعملي حسابك انك هتشوفيني كل يوم من هنا ورايح عشان انا مش ناوي اسيبك تضيعي وتضيعي مستقبلك عشان واحد مايستهلش 
ماهي: --------
ممدوح : انا همشي دلوقتي وهجيلك تاني 
ماما ماهي: ما لسه بدرى يابني
ممدوح : معلش ياحجه عشان لازم امشي 
بقلمي مآآهي آآحمد
ممدوح مشي وماما ماهي قعدت قدامها 
ممدوح : ونبي هو ده اللي يستاهل بصحيح رااااجل مش زي ماهر بتاعك كل شويه منكد عليكي عيشتك هو وامه 
-------------------------بقلمي مآآهي آآحمد----------------------
احمد  فاق و صحي بيبص لقي ليان قاعده بره وبتشرب الشاي ولابسه جلابيه من جلاليبه وباباه قاعد معاها بره 
وبيشربوا الشاي وبيتكلموا وبيضحكوا سوا 
احمد حط ايده علي راسه من الخبطه بقي مصدع اوي 
احمد راح عليهم 
احمد : ( بيتكلم بتعب ) احنا جينا هنا ازاي 
ليان بصيت وراها 
ليان : ( بابتسامه) اخيرا صحيت 
مش تقولي ان دي عيشتكم 
ابو احمد : مش بدل ما تشكرها انها نقذتك ومارضيتش تسيبك لما الراجل ضربك علي قفاك 
ليان ضحكت 
احمد : اي ضربني علي قفايا دي يابويا وبعدين انتي ليه لابسه جلابيتي 
ليان : اللاه .. واي المشكله لما اللبس الجلابيه يعني 
ابو احمد : جرى اي ياولا مالك بتكلمها كده ليه 
احمد : اسكت انت ياحج انت مش فاهم حاجه 
ليان قامت ووقفت قصاد احمد 
ليان : ايه .. ها .. مش فاهم ايه 
احمد : دي جلابيه فلاحي مش اورجانيك زي الهدوم اللي بتلبسيهم 
ليان : طيب لو قولتلك اني حبيت الجلابيه الفلاحي عن اللبس الاورجانيك 
احمد : اي ده بجد ☺️
---------------------------بقلمي مآآهي آآحمد--------------------
ممدوح : الوووو ايوه يانور عملتي اي 
نور : __________
ممدوح : انتي  شيطانه 🤭☺️
نور : ________
ممدوح : تربيتي انا ده انا ملاك بالنسبالك 
نور : __________
ممدوح: طيب بقولك اي انا جايلك نقضي السهره سوا النهارده وتحكيلي حصل اي بابظبط سلام 
ممدوح راح لنور واول ما فتحتله
ممدوح : اي يابنتي التفكير ده كله كده هيدبس ويتجوزك رسمي 
نور : تفتكر ياممدوح 
ممدوح : طبعا افتكر .. افتكر ونص كمان 
نور : طيب اقفل الباب وانت داخل 
ممدوح قفل الباب بس ما تقفلش اوي وقعد هو ونور في الصاله 
ماهر بعد ما مشي بيبص في جيوبه عشان يطمن علي نور لقاه انه نسي فونه معاها لف ورجع عشان يجيبه وهو طالع علي السلم بيبص لقي الباب مفتوح وسامع صوت ممدوح ونور جوه 
ماهر : ممدوح 😳😳
يتبع..
لقراءة الفصل السادس عشر اضغط على (رواية الحرام الفصل السادس عشر)
لقراءة باقي الفصول اضغط على (رواية الحرام)
تعليقات



حجم الخط
+
16
-
تباعد السطور
+
2
-