رواية حرب الملايكة الجزء التاسع 9 بقلم أروى طاهر المسلاتي
رواية حرب الملايكة الحلقة التاسعة 9 بقلم أروى طاهر المسلاتي
رواية حرب الملايكة البارت التاسع 9 بقلم أروى طاهر المسلاتي
 |
| رواية حرب الملايكة الفصل التاسع 9 بقلم أروى طاهر المسلاتي |
رواية حرب الملايكة الفصل التاسع 9 بقلم أروى طاهر المسلاتي
عدي:بعد من عليها شويه ومسكها من خدودها وسكر عيونه وقرب على وجها ....انتي الشي الوحيد الحلو من الماضي متعي لو مهما كان مستحيل ياخدك حد من هنايا ليان
ليان:اما ماضي شن تحكي انت
عدي:جبدها ليه وباسها بعمققققق❤️❤️
في حياته مفيش بنت باسها بي الحب هاذا ولا فيه وحده حضنها بي احاسيس مندفعه!..
ليان:حاولت تبتعد عليه هلبا ومقدرتش !
عدي:تنهد بعمق وارتياح❤️
استغلت ليان الفرصه وبعداته والغضب ماليها تمسح في فمها وتتكلم .....شنو الكلام يلي تقول فيه وشنو يلي درته هااااذا
عدي:ابتسملها وقرب يده على خدها.....مدرت شي غير انك بترجعيلي!
ليان:ضحكت بصدمه....تي شنو نرجعلك صااااااحي انت؟؟؟؟؟
من لما كان عمري 9سنين معش شفتك شن تحكي انت شنو نرجعلك هيا!
امتى كنت معاك باش نرجعلك انا !!
عدي:مسكلها يديها الاثنين وقرن حواجبه يحكي بجديه ....انتي مش عارفه ان الشي الوحيد يلي كان مهون عليا كل شي!
انتي وريتيني الحنيه يلي منعرفهاش الا بي الاسم بس
مسك خدودها....كنتي الحاجه الوحيده الحلوه في حياتي و،.......
ليان:قاطعاته.....مريض انت؟؟
عدي؛يشوفلها وعاقد حواجبه بدون ولا كلمه
ليان:بجد تحكي؟؟
حنيه وحلوه شن تخرف وخي؟؟؟
مش كان درت معام مواقف وانا عيله في عمر ال7ولا9سنين يعني خلاااص
نفضت يديها بقوه ....نحي من عليا بالله
وخليني نروح وربي ما ناقصه مرضه انا يلي فيا كافيني
عدي:صدمه بنسبه ليه!
متوقعش ترد عليه بي الطريق هاذي!!
صح مر بي طفوله كلها اهانات وذل!
لكن لما كبر خدي حقه من كل شي تالت ومتلت
وملقاش حد يرفضه ولا يقوله لا!
ليان بعد ما شافت الخير هاذا كللللله رفضاته بي كلام يجرح!!
_________________________________
ناهد:مسحت عيونها وشهقت البكي قاعده تخبط فيها
ضياء:ارتبك وخش بعضه!
كلمتين على بعض معرفش يقولهم وملامح التوتر باينه كويس على ضياء!
ناهد:اءء اءء انا بننزل
ضياء:بتنزلي قبل ما نفهم هاذا منو وشنو الكلام يلي يقول فيه!؟
ناهد:العبره تزور في حلقها مره مره....انا مش زي ما انت مفكر
ضياء:اي مش زي البنات ومش زي ما انت مفكر وانا نضيفه وانا وانا
واخر شي صورك كلهم عنده والله اعلم شنو لابسه
ناهد؛قرنت حواجبها ...ش شش شنو؟!
ضياء:خدي نفس عميق....عدي مايستهلش منكم هكي
محتويكم في حوشه
منبيش نحكي هلبا كلام تاني لانك بتتحشمي قدامي وصعب ينقال
اخر شي تجيني اديري هكي !
شنو منضرك قدامي توا؟
ناهد:اختفت علامات الصدمه وجي بدلها علامات الغضبببب.....انت شن تدوي ؟
شنو لقيتني دايره معاه باش تتكلم بي الطريقه هيا!؟
رد بالك مهما كان غلطي مستحيل نسمحلك تدوي معاي هكي
قاعده محافضه ع شرفي ونشرفك انت وعدي و10زيك
منو ما كنت تكون !
ضياء:خبطها كف بدون ما يحس ع روحه
كف كان متعود يعطي فيه لي التريس يلي زيه بس في الحبس وبرا منه!
ضربها الكف ونصدم في روحه اكتر منها كيف يمد يده على بنت!!
ناهد:رجعت شافتله بعد ما الكف لف وجها180درجه
وعلامات صوابعه على وجها حمراااااءء
ناهد:خذت نفس عميق ودموعها طاحو بدون صوت
فتحت الباب وسيباته ونزلت
___________________________________
نجيب:هههههه الله يصلحك يا امي وخلاص على ها الكلام
مريم:وينه عدي نبي نشوفه!
نجيب:مش عارف .....جيداااء
جيداااء
جيداء:نعم
نجيب:عدي قاعد فوق؟
جيداء:اي تبي حاجه عيوني؟
نجيب:سلامتك❤️
مريم:عيوني صار ....صدق يلي قال اللي تحشمو ماتو خلاص
جيداء:شافت لي نجيب وفنصت عيونها
نجيب:طبس عليها.....كبيره متواخديهاش
ليلى:اييي والله ياعمتي صدقتي زمان الاول تحول
مشت ايام الحشمه
مريم:زيها زيك مفيش فرق كنهاذا هاذا قفطان تطلعي بيه قدام سلافك يلي متتحشميش
جيداء:حطت يدها ع فمها وضحكت
ليلى؛نصدمت ووجها احمرررر
صالحه:كانت تضحك من بعيد وتحاول تشد نفسها
عدي:نزل من الدروج وريحته سبقاته❤️
نزل قايم راسه بشموخ كأنه مفيش بنت عيله رفضاته فوق وسمعاته كلام يقتل💔
وقف قدام الصاله ويديه في جيوبه.....اهلين
مريم:وقفت قدامه تلود عليه وتشوفله من فوق لعند لوطه!....هاذا عدي !!
هاذا عدي حفيدي يلي خليته هكي طوله؟!🤏🏻
نجيب:ضحك....اي يا امي ريتي ولا كيف الدنيا تتغير
كانت مريم تتفرج عليه وتتفحص فيه من فوق لعنذ لوطه
في الوقت هاذا ذكريات عدي السيئه مع حناه قاعده تخطم وحده ورا الثانيه
مريم:تشوفله وبي ذهول تحكي.....مشاء الله مشاء اااه
الله يبارك
امتى هكي وليت؟!
ومن وين ليك كل ها الفلوس؟!
عدي:ابتسم بسخريه....من فضل ربي
مريم:خدت نفس عمييق.....اايييي بالله يادنيا ياريت بوك عايش وشافك هكي
عدي:ماسك اعصابه....
مريم:انا ياولدي بنقعد هنايا راهو ايواه
خالتك معش متحملتني وانا يعز عليا نقعد معاك انت ووليداتي
عدي:طلع مفاتيحه من جيبه....مرحبتين بيك
طلع وخلاهم وهما معجبين بي كرمه وطيبته وشخصيته القويه ❤️
معجبين بي العطاء يلي يقدم فيه رغم ماضيه السيئ معاهم!
مفيش حد يعلم انه قال مرحبتين بيك لسبب تاني!!🔥
______________________________
ساره:توا بطلعي الغلط فياااا انا يعننني؟؟؟
ناهد:تمشي بخطوات سريعه وساره وراها.....بسببك انا طلعت من الجامعه ونحطيت في الموقف الزفت هاذااا
ساره:تزيد تسرع في خطواتها ....هي انتي ترا بلا جو توا مدفيهاش فيا من الاول انتي وافقتي ولااااوجيني معاي
ناهد:وقفت في نص الطريق وحطت يدها ع راسها وهيا منهاره من البكي ....تعبتتتت منه تعبت
ساره؛على منو تقصدي؟
ضياء صاحب عدي!
ناهد:لااااا
ساره:امالا منو
ناهد:استمرت تبكي بدون متحكي لي ساره ولا شي
ساره:بدت ملامح الشفقه تبان على وجها ....خلاص امسحي دموعك وتعالي نشوفو حل لي اثار الكف يلي قعد على خدك من الحقير هاذا
ناهد:واقفه تمسح في دموعها
ساره:اممممشي هيا...وجبدتها من يدها
________________________________
ليان:قعمزت بينها وبين نفسها تفكر
ممكن عدي المنفد الوحيد ليها من خالتها!
حلف وكان جاد في حلفته على انه مستحيل يخليها ترجع!
فكرت لو قعدت معاه رح تعيش ملكه في وسط العز هاذا كله❤️
بعدين جت بين عيونها كيف حضنها وباسها !
وفكرت ان هاذا كله ليه ثمن
ومن خلال البوسه يلي خداها واضح كويس شن هوا الثمن!
زاد توسع مدى تفكيرها وقررت تقعد!
حتى لو قرر ياخد منها شي زي هاذا تقعد هوا بس ولا خالتها تلوحها كل مره لي حد 🤷🏻♀️
وبي هكي تكون خدت قرار انها تكمل حياتها في حوش عدي
مش فاهمه ابدا انها انتقلت من سجن لي سجن
________________________________
جيداء:خيرك ؟!
صالحه:قايمه حاجبها بحقد .....انا مفهمتش هاذي شنو جابها
جيداء:ع منو تحكي !
صالحه:على عزوزتك على منو نحكي ؟
شن جيبها بسسس وانا خطوبة رتال بكرا
جيداء:قرنت حواجبها بعدم فهم.....غير استني شوي
كيف خطوبت رتال!؟
مش على اساس بيجو الناس يشوفوها قبل
صالحه:قدامهم بس
لكن الحق انا مرتبه كل شي وموافقين
شكليات بس قدامهم وبنتفاهمو على الفرح
جيداء؛😲😲ميطلع منك
منو يلي خداها بنتك؟
صالحه:تو تعرفي بكرا
مريم:على شنو بتهامسو هاذم الزوز
ليلى:قامت حاجبها.....علمي علمك يا مرت عمي وديمه على الحاله هاذي الزوز
مريم:تو نفضى بيهم الزوز
ليلى:متقصريش فيهم بالله مش لاقيين منو يلمهم
مريم:سرحت....اي حقق
وحتى انتي زيك زيهم كمشه فاسدات.....وناضت وسيبتهم
ليلى:🙁الحمد الله على نعمة العقل ياربي
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
طقت الساعه 11في الليل ❤️
والعيله كلها اجتمعت لي اول مره
رغم كره السلفات لي بعض لكن انسجمو في الهدرزه❤️
رتال واختها گ العاده في زاويه بروحهم وماسكين هواتفهم
اما ساره لاصقه في ناهد وتحاول محدش يشوفها ويركز في الخبطه يلي على وجها من ضياء
اما ليان نزلت بعد وقت طويل وقعمزت بروحها تتفرج وساكته لين قاطعتها مريم (حناها)
مريم:كبرتي يا ليان مشاء الله
ليان:ابتسمت ....تسلمي
مريم:خديجه بنتي معش زارتني بالله شن حالها
ليان:الحمد الله كويسه
عدي:خش عليهم في الصاله طلق السلام وكلهم ردو عليه
فاتهم كلهم وجي قعمز جنب ليان يلي كانت مقعمزه بي طريقه مرتبكه فيها
مروان:شنو يا عدي معش كلمتنا
عدي:حط يده على المستد ورا ليان....على شنو؟!
نوري:على الخدمه يلي بنشتركو فيها
وبندخلو طلال ومحمد حتى هما ولادنا
عدي:ابتسم....اي خليهم يمرو عليا غضوا في المكت الامور تمام ان شاء الله
نجيب:يبارك فيك ياغالي ....جاب وربى خوي والله
مروان:الله يرحمه
نوري:يارب
عدي:شافلها وانتي شنو تبي؟
ليان:ضحكت بتوتر وهيا تشوف للعيله كلها...اءء ش شي شنو نبي
عدي:ابتسم وسكت
مريم:وانتي خيرك جيتي هنايا؟
مش كنتي عند خالتك يا بنت ؟
شن في ولا هيا لزاتك شن مدايره من عمله؟
ليان:نصدمت من كلامها بدات انه موجه قدام العيله كلها
وجها بدي احممممممر
جيداء:شافت لي ملامح ليلى يلي كانت مبتسمه بنصر وفهمت كويس ان الكلام هاذا كلامها وهيا يلي قلاته للعزوز باش تحرج ليان
عدي:انا جبتها
ليان:شافتله ❤️
مريم:وعلاش؟مش كان قعدت عند خالتها تونسها مسكينه قاعده لا بنت لا ولد
حتى الفرخ يلي رباته ياريته ولد كبدها جايباته من الرعايه طيح سعدها
صالحه:شافت لي بناتها ووجها الوان الون
عدي:لهاذا السبب جبتها
الولد لا من دمنا ولا من لحمنا باش تقعد معاه في حوش واحد
مريم:اصيل ياولدي تكسب اجر في ها اليتيمه
رغم ان بوها كان مش مداير فيا خير ربي يرحمه
ليان:كمتتها في نفسها وناضت وسيبتهم
رؤى:حسيته يدحنس عليها هلبا؟!
رتال:نزلت تالفونها من على وجها....ع منو تحكي!
رؤى:ليان
رتال:عادي قعمز جنبها بس!
رؤى:لا يضحكلها وكل شويه يحاول يفتح موضوع
رتال:تي اي موضوع وهوا سؤال بس
بالله ريحيني ترا مفهمتش علاش شاغله راسك بيهم
رؤى:سكتت شويه
رتال:حاسه في كلام في بالك!...قولي
رؤى:شي
رتال:قوووولي نكلم فيك
رؤى:الايام يلي فاتو
رتال:اي؟؟
رؤى:الايام يلي فاتو كلها عدي يحاول يتقرب مني
رتال:بصدمه...كيف هيا؟
رؤى:يعني هكي يلقى فيا بروحي يجي يهدرز ويسأل فيا لو في شي ناقصني
وهذاك اليوم روح بيا من الكليه
رتال:فنصت .....كيييييف هاذا كله منعلمش بيه
رؤى:رتال اسكتي متوترينيش هاذا يلي صار وانا تعلقت بيه
رتال:سرحت....عارفه لو حبك وتزوجك شنو بتصيري؟
رؤى:عاررررررفه وانا نبيي يا رتال
رتال:بحماس ...كملللي معاه وعلقيه فيك لين ياخدك لان وربي رح تشوفي عز مش طبيعي
رؤى:تنهدت....يارب
في الزاويه الثانيه من الصاله:-
ناهد:قاعده محكيتيليش قصة الدكتور يلي مشيتيله؟
ساره:اخخخ نحبببببه يا ناهد
نموت فيه موووت
ناهد:ابتسمت....ربي يدوم
وعلى شنو ناويين؟
ساره:تنهدت بحزن....متفكرينيش تعرفي منبيش نفكر في المستقبل
ناهد:علاش شن في؟
ساره:خدت نفس عميق
الولد طيب وكويس ويحبني
ناهد:ايي؟
ساره:المشكله انه ع قد حاله وماما مستحيل تعطيني ليه هوا مليشي هلبا كيف متخرج
ناهد:خليك معاه لين يكون نفسه بشويه ويدير فلوس مابين كملتي قرايتك
ساره:يلي مخوفني شي تاني
ناهد:يلي هوا
ساره؛عدي
ناهد:خيررررره الزفت هاذا
ساره:يحاول يتقرب مني تعرفي يهدرز ويسأل فيا شنو ناقصك ويوم انتي مريضه جي روح بيا من الكليه
ماما لو عرفت انه يبيني طووول بتفرح وتعطيني ليه
ناهد:لا تعرف ولا شي موضوع ينتهي لو صارحك بشي فهميه ان في شخص في حياتك
ساره:هاذا يلي بيصير
_________________________________
طقت الساعه1ونص
وكل حد مشي لي غرفته يلي بيرقد ويلي بيكمل سهرته ويلي يبي يتفرج ع فيلم
فضي الحوش الضي تسكر !
عادا غرفة المكتب الصغيره يلي كانت جنب الصاله
كان فيها الضي خافت❤️
فواتير وورق ع الطاوله والمكتب ريحته دخان مغبقه الدنيا
ضياء:سند نفسه ع الكرسي....ااااه انا تعبت لنم خلاص معش قادر
عدي:نحى تيشرته وقعد بي كناتيره ❤️
سكر الملفات يلي قدامه كلها ....خلاص ياسر اليوم
مهم نبيك تلهى بي موضوع الارض يلي في عين زاره
ضياء:تمام لكن نبي نفهم علاش؟!
شن حاجتك بيها الارض غادي بزبط!؟
عدي:تو نقولك.....
قاطع كلامه وهوا يحكي لما شاف ساره رؤى نازله للمطبخ
ضياء:وين؟؟
عدي:شويه وجاي .....وطلع وراها بسرعه
ناهد:واقفه ع الباب....ملقيتهاش الوصله عند محمد شنو ندير؟
ساره:شوفي عند طلال بالك عنده!
ناهد:حتى هوا معنداش اصلا الزوز مع بعض
ساره:لاهيا في اللاب توب ....بري شوفي عدي تقريبا عنده
ناهد:صح اي ....ونزلت بسرعه
______________________________
عدي؛نحصل قهوا؟
رؤى:نقزت في مكانها بخوف وتلفتت
ابتسمت طول❤️....تحصل اكيد
عدي:قرب منها....محصلتش فرصه ندوي معاك بروحنا بكل
رؤى:قلبها فرفح فوووق❤️❤️...بخصوص شنو؟
عدي:قرب اكتر وعيونه ذابله ❤️🔥....بخصوص هلبا حاجات
______________________
ناهد:نزلت تجري من الدروج وخشت طول للمكتب ...عدي نحصل.....
وسكتت بصدمه
ضياء:وقف ويديه في جيوبه...شن تبي؟!
ناهد:لبست البرنوص ع راسها ونزلت عيونها ....نبي وصله الكميرا متع اللاب توب منه
ضياء:شاف لي خدها.....هاذا مني انا!؟
ناهد:خشت للمكتب وخدت الوصله بدون ما ترد وجت طالعه مسكها من يدها
ضياء:ندوي معاك انا ردي بالك تعطيني بضهرك مره تانيه احسن ما وربي نقسمه بين زوز
ناهد:نحي يدككككك انت هبلت يشوفني حد!!!
ضياء:حط يده على خدها مكان الكف....
______________________
ليان:طلعت من الحمام مصدومه بسبب يلي شافاته
قلبها يتقطع على روحها مش على حد تاني!....
يتبع..
لقراءة الفصل العاشر اضغط على (رواية حرب الملايكة الفصل العاشر)
لقراءة باقي الفصول اضغط على (رواية حرب الملايكة)