القائمة الرئيسية

الصفحات

رواية حرب الملايكة الفصل السادس 6 بقلم أروى طاهر المسلاتي

 رواية حرب الملايكة الجزء السادس 6 بقلم أروى طاهر المسلاتي

رواية حرب الملايكة الحلقة السادسة 6 بقلم أروى طاهر المسلاتي

رواية حرب الملايكة البارت السادس 6 بقلم أروى طاهر المسلاتي

رواية حرب الملايكة الفصل السادس 6 بقلم أروى طاهر المسلاتي

رواية حرب الملايكة الفصل السادس 6 بقلم أروى طاهر المسلاتي


ليان :تجمدت في مكاني لما انفتح الباب 
انفتح الباب وريحته سبقاته قبل مايخش ❤️....
عدي:شافلها كيف كانت واقفه وماسكه اغراضها كأنها طالعه .....تفحص المكان بنضرات هاديه بعدين قام عيونه فيها ....انتي طالعه ؟!
ليان:بلعت ريقها ....اسفه على تصرفي امس 
كانت الدنيا ضايقه بيا  ومش عارفه شنو ندير 💔
اسفه مره تانيه بجديات انسى يلي صار ...وقدمت خطوتين في اتجاه الباب 
عدي:سكر الباب برجله وحط يده على الباب بحركه منعها تطلع منه .
ليان:قامت عيونها فيه ....مش فاهمه 
عدي:بعد الكلام يلي سمعته منك امس مستحيل نخليك ترجعي لي خالتك 
ليان:ضحكت ...اسمعني 
انا حكيت الكلام هادا امس لاني كان عندي مشكله تمام  في النهايه معنديش مكان غير حوش خالتي ولا في حد ممكن يتكفل بيا غيرها 
ولو تعلم اني جيت هنايا تقتلني ......ابتسمت 
بس شكرا هلبا بجديات  مكانش في بالي يدور الزمان ونوقف نحتاجك في موضوع ومتردنيش هكي !❤️
عدي:قرن حواجبه ......يعني طالعه !؟
ليان:اي ..لازم 
شكرا مره تانيه ....وفتحت الباب وطلعت وهيا خايفه تفكر شنو بتقول لي خالتها 
وخالتها كيف رح تعاقبها لانها هربت للمره الالف ورجعت بي رجليها 
قعد عدي واقف في مكانه قارن حواجبه بسبب كلمته يلي نكسرت !
حتى انه متلفتش للباب ابدا بعد ما طلعت وسكراته !
قرب بهدوء علي الروشن واشر بعيونه لي الراجل الطويل يلي كان واقف على بوابة الحوش ..اشاره وحده بس 
وفهم الراجل كويس شنو يبي منه عدي 
________________________________________
طلعت ناهد وهيا لابسه عبايه سوده نضام خليجي ووشاح اسود ومفيش في وجها نقطة مكياج وحده ....كان واضح هلبا على ملامحها التعب والتفكير 
طلعت من البا ب ووراها ساره يلي كانت لابسه قفطان اسود فيه ورد على اللون الرمادي ووشاح نفس اللون مع مكياج  خفيف
ساره :ترتب في الشيتات يلي كانت فيدها .......طاحت عيونها على ضياء يلي كان متكي على سيارته 
قالت بصوت خاافت ....صاحب عدي !
محلاه قداش جميل ❤️
ناهد:شافت يسارها ......شافت ضياء عيونه في تالفونه ويضحك !
ضحكته كانت تجنن وترد الروح ❤️
قام عيونه وطووول تلاقو عيونهم في بعض❤️
ارتبكت ونزلت عيونها سرعت خطوتها وركبت السياره 
اما ضياء رجع عيونه لي التالفون والضحكه بدت تختفي على وجها 
ساره:قعمزت في السياره وترتب في وشاحها ...لمحت عيونها بنت طلعت وراهم!...منو هيا 
ناهد :تسكر في شنطتها ...على منو تحكي !
ساره :شوفيها ...
ناهد...ممكن هادي ليان صح!
عدي قال انها موجوده فوق تقريبا هيا 
ساره:خيرها هكي مبهدله!
ناهد:يتيمه وعايشه عند خالتها كانت كيف تبيها حالتها يعني !......ونشغلت بتالفونها 
اما ساره فيها عاده والعاده هادي مستحيل تتغير !....قعدت تراقب في ليان من بعيد شنو بدير ووين بتمشي!
ليان:لبست الشنطه يلي كانت في يدها وقعدت تلف في الوشاح عليها وتخبي في خصلات الشعر يلي تطلع غصب عنها❤️
وصلت للبوابه ولما جت بتطلع تسكرت البوابه في وجها !
ليان:نقرت حواجبها بعدم فهم !
شافت للحارس .....لو سمحت خوي بنطلع معليشي 
الحارس:اسف ممنوع 
ليان:كيف ممنوع بنطلع نقولك!
الحارس:اسف ممنوع 
ليان:شنو تعاودلي في نفس الكلمه انت متسمعش فيا ولا شنو !
الحارس :اسف ممنوع 
ليان:حطت يدها على راسها .....ياربي من البلي هادا من وين طلعلي بس!
تلفتت شافت عدي طالع من الحوش ويلبس في جاكيته 
ليان:بصوت واطي ..الحمد الله 
وقربت على عدي ....اءء اء عارفه ازعجتك هلبا 
كلمه الراجل مباش يخليني نطلع 
عدي:يبطم في جاكيته ....شنو قالك؟
ليان:استاكه على كلمة اسف ممنوع 
عدي:خلاص معناها رسمي ممنوع......وسيبها وركب سيارته 
ضياء :شاف لي ليان بنضره طويل وركب في السياره 
ليان:كلامه صح؟؟؟
قربت من السياره تخبط على المرش وتحاول تكلم عدي باش تطلع لكن عدي دور السياره وطلع ولا كأنه فيه حد ينادي
_________________________________
ضياء:يشوف لي عدي وساكت 
عدي:مركز في الطريق وقارن عيونه .....لبس النضرات ..تكلم واسأل متخليهاش في خاطرك !
ضياء:منو البنت هيا !
عدي:ليان 
ضياء:قام حواجبه متفاجأ....هادي بنت عمك يلي  قعدت ادور عليها !
عدي:تنهد ❤️...اي هيا 
ضياء:اهاا....شاف لي الطريق بعدين رجع شاف لي عدي 
عدي:خدي نفس عميق....اسأل ياضياء
ضياء:معليشي احترم الدكاء المحدود متعي ....هيا كانت حضرتها اطق  ع الروشن وتعيط ولا انا ناسي عيوني برا؟
عدي:تبي ترجع لي خالتها 
ضياء:اهااا...وانت متبيهاش تطلع من الحوش 
عدي:ولع دخانه ....اي 
ضياء:حبستها!؟
عدي:اي 
ضياء:وهيا كانت تعيط لانها تبي تطلع!
عدي:اي 
ضياء:تمام تمام ...... 
بصوت عالي ......توا انت بعقللللللك ولا بلاعقل كيف البنت متكفله بيها خالتها وتحبسها عندك !
عدي:جت برجليها 
ضياء:ياااااااربي بيجلطني الحمار يلي قدامي !...انت مستوعب ان يلي درته هكي يعني كأنك خطفتها ؟
عدي:متكبرش الموضوع هيا جت وخلاص 
المهم فهمني .....اليوم شنو عندنا مشاوير!
ضياء:خدي نفس عميق من كثر ما عصب ....شي حتى الفضانيه متع ايوب مصارش منها 
عدي :علاش !
ضياء:ابتسم بضحكه خفيفه ازالت علامات الغضب من على وجها ....قتله بنكمل قرايتي 
تلاقا هوا وياها مروحه من الدور الثاني جايبه 3 😂😂😂😂
عدي:ضحك....ربي يهدي وخلاص😂
____________________________________
ليان:حاولت مع الحارس مره واثنين وثلاثه ومفيش فايده مش راضي يخليها تروح 
سلمت حكامها لي ربي ورجعت للحوش رغم انها مكانتش فاهمه سبب منع طلوعها 
رتال:قعمزت ع الصالون بعد ما مدت كوب القهوا لي اختها رؤى 
رؤى:نزلت التالفون من عيونها .....منو انتي !!
ليان:وقفت بعد ما فشلت وهيا تحاول انها تتسلل لي الطابق الثاني بدون ما حد يشوفها !
رتال:تتفحص فيها بنضرات حاده انتي ..انتي..تقريبا ليان ولا !
بنت عمي حسين وبسمه 
ليان:خاشه في بعضها ....اي مزبوط انا
رؤى:شافت لي اختها ...جديات انتي بتعيشي هنايا معانا ؟
ليان :لاااا سوء تفاهم صاير بس نا راجعه لي خالتي 
رؤي:اي يكون احسن الحوش ضيق ومش متحملين حد 
رتال:رؤى عييييب 
رؤي :اياااااه شنو حكيت انا !
ليان:معرفتش شنو ترد !...هربت بسرعه لي الطابق الثاني ورجعت لي نفس الغرفه يلي كانت فيها !
غرفة عدي!
________________________________
ليلى:واشبح الاستراحه يلي بنقعدو فيها لين اتم صيانة الحوش شنو وضعها !
كبيره ولا صغيره حلوه ولا مش مريحه !
نوري:يسوق ويحكي ...الاستراحه كان مش كبيره ميتكلم عدي ويقول بنقعدو فيها لين اتم الصيانه 
واكيد مريحه متخافيش زيها زي القصر يلي رتبه في اقل من شهر 
ليلي:اخخخخ بس لو جيت فالح يانوري وادير يلي نقولك عليه 
راهو توا عندنا قصر بروحنا انا وياك وساره بسس 
نوري:ضحك.....قصر لينا بروحنا !
والله شكلك يا مرا بديتي تودري ... من وين بيجي القصر !
صالحه:ينجاب قصر وفلوس وسيارااات زياده 
مروان :اي وكيف !
صالحه :اضحكو عليه !
مروان :قرن حواجبه ...على منو تقصدي !
صالحه :عدددي 
اخدم معاه في اي شي انت وولدك وكل مره نحو منه مبلغ بدون ما يعلم !
هوا خيره يخلط على المالح زي مايقولو ومستحيل يحس بي مبالغ بسيطه مهناش
نوري:لكن هكي اسمها نخنب فيه 
وانتي عارفه لو شدني بثابت نخنب فيه كيف بيكون منضري قدامه !؟
ليلى:كيف بيكون منضرك قدامه يابعدي ؟؟
مروان:منضري بيبدا اخخخخي 
نخنب في واحد مسكني بلاش ويصرف عليا وعلى صغاري !
صالحه :خليك امالا هكي 
خلي يسبقك النوري ولا خوك نجيب واقعد هكي انت وولدك 
خلي نقعدو طووول عمرنا هكي بدون حوش خاص بينا
             🔥رويـــــــات بنـــــوتـــة الــشـــيخ🔥
              🔥أروى الطـــــــاهـــــر المسلاتي🔥
              👑القروب الاصلي400الف عضو👑
الساعه 9 في الليل :__
ليان:خشت لي غرفة عدي ومقدرت تلمس ولا شي في الغرف من الخوف والتوتر يلي كانت فيه 
كل يلي داراته انها خدت مساحه صغيرونه من السرير ورقدت ❤️
كانت قاعده تحس بي شوية اثار للبرده !
رقدت على حاشية السرير وتغطت بي جاكيتها لعند جت الساعه 9 في الليل 
طق الباب مرتين وخش عدي 
خش كأن متأكد من وجودها داخل!....
خش عشان يلقاها مقعزه علي حاشية السرير كأنها خايفه توسخ شي !او تفسد شي!
عدي:خش نحى جاكيته وقعد يتصرف في الغرفه كأنها مش موجوده !
ليان:لبست جاكيتها ... اءء انااا 
انا من بكري نراجي فيك ...نبي نروح عدي تفاهملي مع لراجل يلي برا منبيش الوضع يتأزم مع خالتي اكتر من هكي !
عدي:تجاهل كلامها كله ....انتي توا نوضي معاي 
بنمشو للاستراحه يلي بنقعدو فيها ....بنمشو اليوم واختاري الغرفه يلي تناسبك قبل ما يسبقونا العيله بكرا 
ليان:عقدت حواجبها !.....استراحة شنو ! 
وعيلة شنو وغرفة شنوو! 
نقولك انا نبي نرووووح 
عدي:اسبقيني لي السياره ليان تلقيها مفتوحه
ليان:تعصبببت ....متسمعش فيا انت ولا شنو !!
عدي افهم نبي نروح وربي انا هكي وفي ورطه  منبيش نزيد نقعداكتر من هكي !
عدي:قرب منها خطوات ....وانا قتلك مكانك وصلتيه ❤️
مش رح نخليك ترجعي 
ولا نسمح لي حد يحك في ورطه !
ليان: سألت بي اندفاع ...علاااش !
عدى:اسبقيني لي السياره شوي ولاحقك 
ليان :شافتله بي نضرت استسلام وطلعت
______________________________________
ناهد:طلعت بهدوء وسكرت باب الحوش وهيا تحكي بي التالفون ...تعبتني 💔
حرمتني من النوم الساهل الله يحرمك من الجنه !
لعند امتى بنقعد على الحال هادا حرام عليك تعبت معش قادره اكتر من هكي خلاص 
خلااااااااص خلاص حفضت تهديداتك ليا وربي 
بتنشر كل شي وبتخليني مش قادره نقيم عيوني في اهلي ومعش نقدر نطلع من الحوش خلاص حفضتتت ....تلفتت وهيا تحكي بعصبيه عشان تشوف ضياء مقعمز في نفس السياره يلي هيا متكيه عليها 
نزلت التالفون وهيا مصدومه وقلبها بيطلع !
سكرت الخط وهيا تبلع في ريقها ...لانها ببساطه لو وصلت الدوه لي عدي المشكله رح تكبر !
بحكم ان عدي كان ميبيش سمعة العيله تنهز بي كلمه !
ضياء:انتي بخير !
ناهد:هزت راسها بسرعه بمعنى اي بدون ماتتكلم 
ضياء:نزل من السياره وهوا يشوفلها ....اءء الواضح ان ..
الواضح ان في مشكله!
ناهد:صاحت فيه ...لااااااااا..لالالالا انا كويسه!
ضياء:عقد حواجبه من ردها يلي كان هلبا قوي وواضح انه كان بسبب الخوف ...تمام 
عطاها بضهر بيركب لي السيااره بس رجع تلفت من جديد ...
في حال احتجتي شي وملقيتيش حد او خايفه من شي تفضلي 
ناهد:تشوفله وهيا خايفه 
ضياء:اءء و و براحتك يعني في الاخر بس حبيت نقولك !
ناهد:اناا .. اءء انا منبيش 
ضياء:يستنى فيها تقول جمله مفيده!
ناهد:مم منبيش عدي يعرف بي يلي سمعته .. 
ضياء:تمام 🤷🏻‍♂️
ناهد:خدت نفس عميق وخشت تجررري
__________________________________
رتال:اطبق في الحوايج وتستف فيهم في الشنطه ....تصدقي حاسه ان امي مش ناويه ع خير !
رؤى:تقيم في عطورها .....خليها بالك تربي نساوين عمك 
رتال:مكانش قصدي ع نساوين عمك !
قصدي ع شي تاني هداك اليوم سمعتها بي وداني 
رؤى:واقفه ع الروشن اطبق في الحوايج ....تعاااالي شوفي 
رتال:ليان!...هادي شنو مركبها مع عدي في ها الليل!
رؤى:واضحه حبيبتي جايبها للحوش هوا ومطلعها هوا!
رتال:سرحت..
رؤى:يالله امورهم ....شنو كنتي تحكي خيرها امي !
رتال:بصدمه...شي شي
___________________________________
ناهد:سكرت باب الدار على نفسها ولوحت تالفونها ....رح يقوله 
وربي رح يقوله  عدي صاحبه مستحيل يضم عليه شييي
انتهيتتتت انا 
وقربت بسرعه على الروشن عشان تشوف ضياء يحكي مع عدي وليان مقعمزه في السياره ❤️
وقلبها بيطييييييح من الخوف وعلى اعصابها
_______________________________
ليان:بعد طررريق طووويله وصلنا !
كانت الطريق طويله لدرجة رقدت مرتين في الطريق ...مفيش ولا اي كلمه نقالت طول الطريق !
نزلت للاستراحه وانا مش قادره نمشي خطوتين على بعضهم من الخوف 
الدنيا ليل والمكان منعرفاش ولا فاهمه حتى شنو فيه في راس عدي يلي كان متغيررر بشكل كبير سواء شكله ولا حتى طبعه !
درس سيارته في القراج المخصص ليها 
ونزلت قعدت واقفه في مكاني ماسكه شنطي ونتفرج لي فتح الباب بي المفتاح يلي كان في يده واشرلي بمعنى خشي !
الاستراحه من برا كلها ضي ومنضرها خيالي ❤️
لمحت تقريبا اصطبل متع فرس 
خشيت وانا رجليا يرجفووو حاسه في شي غريب صاير او بيصير 
قعدت نتأمل في الصالونات والرخام يلي قدامي لين قاطعني صوته 
عدي:اختاري 
ليان:شنو !؟
عدي:في 4 غرف في الطابق الارضي 
والباقي في الطابق الثاني اختاري الغرفه يلي تعجبك 
ليان:انا نبي نروح عدي 
عدي :تعالي معاي ....ومشي قدامها 
ليان :منعرفش علاش !
وشنو الشي يلي خلاني نلحقه رغم خوفي 💔
عدي:شوفي الغرفه هيا 
ليان:كانت الغرفه كلها باللون الخشبي❤️
في الابيض هاديه الوانها ومريحه للعين ....حلوه 
عدي:خلاص تمام هيا ليك 
ليان:تنهدت وخشت وسط الدار تتفرج ع الغرفه 
لين فجأءه حست بي الباب تسكر 
عدي:تعرفي اني دورت عليك هلبا !!..
يتبع..

لقراءة الفصل السابع اضغط على (رواية حرب الملايكة الفصل السابع)
لقراءة باقي الفصول اضغط على (رواية حرب الملايكة)
reaction:

تعليقات