القائمة الرئيسية

الصفحات

رواية ملاك يونس الفصل السادس 6 بقلم سارة محمد

 رواية ملاك يونس الجزء السادس 6 بقلم سارة محمد

رواية ملاك يونس الحلقة السادسة 6 بقلم سارة محمد

رواية ملاك يونس البارت السادس 6 بقلم سارة محمد

رواية ملاك يونس الفصل السادس 6 بقلم سارة محمد

رواية ملاك يونس الفصل السادس 6 بقلم سارة محمد


مامتها : مالك يحبيبتى ايه الى حصل . . 
اتفضل يدكتور والله لتتفضل . . دا انت اول مره تيجى عندنا . . 
والله لتدخل وتشرب حاجه . . 
عاوز الناس يقولوا علينا بخله ولا اى ؟ ! 
ملاك فى سرها : جو الامهات المصريه هيشتغل بقا . . 
ملاك دخلت اوضتها واترمت على السرير . . 
وخلاص مش قادره بتروح فى النوم . . مكنتش حاسه خلاص ب الى حواليها . . 
وفى لحظه قامت وقفت بسرعه بعد مفتكرت انه دخل وانه مع مامتها وانه ممكن يقولها على مرضها . . . .
ملاك قعدت على السرير تانى وهى بتفكر تعمل اى دالوقتى وهى مش قادره تقوم تقف . . . 
ملاك فى سرها وهى بتتنهد بتعب : اهو كدا موته وكدا موته مفيش قدامى حل تانى . . . 
وفى اللحظه دى مامتها ويونس سمعوا صوت حاجه اتهبدت جامد على الارض جاى من اوضه ملاك فى اللحظه يونس ومامتها طلعوا يجروا على اوضه ملاك . . 
واول مدخلوا من باب الأوضه لقوا ملاك واقعه على الأرض والفاظه واقعه جنبها ومكسوره . . ..
مامتها قربت منها بخوف .. .. .. 
يونس قالها متخافيش . . 
شيليها معايا بس من على الأرض . . . . 
وشالوها من على الأرض وحطوها على السرير . . . 
يونس : انا اتلهيت فى درجه حرارتها الى كانت مرتفعه ونسيت اقيسلها الضغط تانى . . 
عندك جهاز ضغط ؟ !.
مامتها بخوف : لاء . . . بس جارتى عندها . . 
يونس : طيب ممكن تجيبيه . . 
ملاك فى اللحظه دى حسيت انها هتتقفش . . فبدءت تفتح عينيها . . 
مامتها : اجيبلها كبايه عصير يدكتور ؟ !.
يونس : اه . .   يا ريت . . 
مامتها خرجت من الأوضه . . 
ويونس بص لملاك وقالها . . 
يونس : حاسه ب ايه ؟ ! 
ملاك : حاسه انى تعبانه وعاوزه انام . . 
اوعا تكون قولت لماما حاجه . . 
يونس بأستهبال : حاجه زى اى ؟ ! 
مامتها دخلت فى اللحظه دى بكبايه العصير . . 
يونس : خليها ترتاح بس وتاكل كويس وتشرب سوايل ولو حصل حاجه رقمى مع ملاك . . 
والف سلامه عليها . . 
مامه ملاك : انت لسا مشربتش العصير . . 
يونس : مره تانيه ان شاء الله . . 
ومامه ملاك وصلته لحد الباب وشكرته ومشا . . 
مامتها : هجيبلك الاكل يحبيبتى . . 
ملاك : لا يماما انا مش قادره اكل طفى النور بس واقفلى الباب لو سمحتى . . . 
مامتها : الدكتور القمر الى لسا ماشى دا قال انك لازم تاكلى وبعدين انتى حتى مشربتيش كبايه العصير . . 
ملاك بتعب : القمر !.
طيب بالله عليكى طفى النور واقفلى الباب وانا هقوم كمان شويا . . 
غطينى بس . . 
مامتها غطيتها وخرجت بعد مقفلت النور . . 
ملاك تليفونها رن الصبح . . 
مسكت التليفون بالعافيه وقفلت المنبه . . ومكانتش قادره تقوم من على السرير . . . 
رنت على احمد . . 
احمد : الو يا ملاك عامله ايه ؟. . 
ملاك : انا مش هقدر اجى النهارده يا احمد انا متأسفه . . . 
احمد : ليه مالك . . الف سلامه . . 
ملاك : الحمدلله . . تعبانه شويا بس . . 
احمد : خلاص انا هتصرف ولا يهمك . . 
ملاك قغلت مع احمد وعينيها راحت فى النوم تانى . . 
اما يونس فصحا الصبح ولبس وجهز وراح المستشفى واول مدخل اوضه العمليات علشان يبداء على طول لاحظ ان ملاك مش موجوده . . 
يونس بص ل احمد وقاله . . 
يونس : اومال هى فين ؟ ! 
احمد : هى مين ؟ 
يونس بصيله وسكت . . . 
احمد : ااه ملاك . . تعبانه .  ومش هتيجى النهارده . . 
يونس بزعيق : وهنشتغل ازاى بقا كدا ان شاء الله . . . الى مش اد الشغل ميشتغلش . . 
احمد : هدى اعضاءك يدكتور . . انا اتصرفت ودكتور هند وافقت انها تساعدنا فى عمليه النهارده . . 
#ساره_محمد
وفى اللحظه دى دخلت هند . . 
يونس بصيلها بنظره مكنتش واضحه ولا تتفسر . . 
هند مدت ايديها وسلمت على يونس. . . 
هند : ازيك يا يونس . . 
يونس ممديلهاش ايديه . . 
احمد مد أيديه بسرعه وسلم هو عليها . . 
احمد : ازيك يهند . . عاش من شافك والله . . 
اشكرا انك هتساعدينا النهارده . . 
هند ابتسمت ل احمد علشان تدارى على كسفتها . . 
يونس بصوت عالى . . 
مش هنبدء بقااا ولا اى ؟ . . 
هند : يالا نبدء يدكتور . . . . 
يونس بدء العمليه وهند اخدت مكان ملاك . . . . 
وفى نص العمليه يونس كان عرقان . . 
هند ات منديل وراحت قربت منه علشان تمسحله العرق ولسا بترفع ايديها على وشه وهى ماسكه المنديل . . 
راح يونس سايب الى فى ايديه . . . وسادت منديل وماسح العرق وكان شكلها وحش اووى .. . . . 
المهم العمليه خلصت ويونس رجع بسرعه على مكتبه واول مقعد الباب خبط . . 
يونس : ادخل . . 
هند دخلت وقعدت كمان وقالتله . . 
هند : مش هتشكرنى ؟ ! 
يونس : انتى جايه علشان تجاملى  احمد مش جايه علشان تجاملينى انا  . . . 
هند : ومين الى قال كدا . . انت عارف انك عندى حاجه تانيه . . 
يونس : عاوزه اى يا هند . . هاتى من الأخر . . 
هند : عاوزه اباركلك على الانجاز المُبهر الى انت وصلتله . . 
يونس : وبعدين ؟ 
هند : مالك ييونس بتتعامل معايا كدا ليه ؟ ! 
انا سيبته على فكره . . 
يونس : وانا اى علاقتى ؟ 
هند : انا بحبك . . 
يونس ضحك وقام وقف ورا هند وقالها . . 
يونس : انتى بتحبى النجاح والشخص الناجح . . انتى الى زيك مبيحبوش أشخاص . . . انما بيحبوا نجاحهم . . 
هند قامت بسرعه ومشيت وهى متعصبه . . واحمد دخل عند يونس . . 
يونس بزعيق : انت جبتها ليه ؟ ! 
احمد : مكنش فى غيرها قدامى. . . . 
يونس كان متدايق بسبب ان هند كانت معاه فى الكليه وكانت اول بنت هو حبها وهى علقته بيها بس لما راح علشان يتقدملها رفضته واتجوزت الدكتور بتاعهم . . 
والنهارده يونس وصل لدرجه كبيره جدا من النجاح . . وهند بعد ملقيته نجح قررت انها ترجعله تانى . . وخصوصا بعد متطلقت . .
احمد : فوضك منها بقا . . بقولك اى . . الحفله والمؤتمر متنساش . . . 
يونس : انا كنت ناسى خالص فعلا . . 
احمد : انا وانت وملاك لازم نروح . . التيم بحاله . . 
هنسافر بكره الفجر . . 
انا لسا هقول لملاك . . . . 
احمد : نسافر فى باص ولا بعربيتك ولا بعربيتى ؟ 
ولا كل واحد بعربيته . . 
بس كدا ملاك هتركب مع حد فينا لو روحنا كل واحد بعربيته . . 
اختار . . انت عاوز اى ؟ 
يونس : اى حاجه . . مش هتفرق . . 
احمد : دكتور البرت عامل خطه ان بعد المؤتمر الى فى الفاهره هنطلع بالطياره على لندن . 
#ساره_محمد
احمد كان بيكلم ملاك . . 
ملاك : انت بتقول اى يا احمد . . . انا اجيبها لماما ازاى دى ؟ ! 
احمد : بصى يملاك دا مستقبلك وانتى علشان متفوقه وناجحه وبتشتغلى على نفسك وعلشان كمان حظك حلو بقيتى فرد من التيم بتاعنا . . ودى فرصتك . . 
وبعدين دا شغل وتبع الشغل . . . هو انتى مسافره تلعبى ؟ ! 
وانا يستى ممكن اجى اقنع مامتك كمان . . 
ملاك فضلت تتحايل على مامتها . . 
مامتها : انا قولت لاء يعنى لاء . . 
ملاك قعدت على الكرسى وعيطت وقالتلها . . 
ملاك : يماما دا مستقبلى . . انتى تكرهيلى النجاح يعنى ؟ 
مامتها : انا قولت لاء . . مفيش سفر انتى اتجننتى ولا اى ؟ 
ملاك : يماما . . . يماما علشان خاطرى . . هيكون هناك اعظم الدكاتره واحسنهم من جميع أنحاء العالم . . والتيم بتاعنا هيتكرم . . . . ماما انتى اكتر واحده عارفه انا تعبت ازاى علشان اوصل . . انتى عارفه انى اخدت اعلى الدرجات وعملت الدكتوراه علشان يبقا زيى زى الدكاتره دول . . علشان كان حلمى انى اطلع دكتوره . . 
مامتها : هغير رأيى انا كدا ؟ ! 
ملاك دخلت اوضتها وفضلت تعيط . . .لانها كان نفسها بجد تسافر معاهم . . .
بعد دقيقتين مامتها فتحت باب الأوضه وقالتلها . . 
متنسيش تحطى الفستان الأحمر الى انا كنت عملتهولك فى شنطه السفر . . . 
 ملاك نطت من على السرير وطلعو تجرى عليها حضنتها . . 
تانى يوم الفجر . . احمد رن على ملاك . . 
احمد : ملاك انتى جاهزه ؟ 
ملاك : اه جاهزه . . . 
احمد اتصل على يونس وقاله . . 
Sara Mohamed 
احمد : انا هروح هسافر مع هند هى جاتلى البيت وقالتلى انها مش لقيا حد تروح معاه . . 
ممكن تاخد ملاك معاك . . . 
يونس : نعم ؟ ! 
احمد : لازم التيم كله يحضر زى ما انت عارف وانا قولتلها خلاص انك هتاخدها معاك  . . 
احمد اتصل تانى على ملاك وقالها . . 
احمد : يونس هيجيلك . . 
ملاك : نعم ؟ ! 
احمد : انا هاجى وراكم علشان فى حد جاى معايا ولسا بيجهز فى حاجته . . . 
يونس هيرن عليكى انزليله . . 
لازم التيم كله يحضر . . وربنا يسترها . .  
يونس حط شنطته فى العربيه وبعدين طلع بالعربيه وراح وقف قدام بيت ملاك ورن على رقمها . . 
ملاك : الو . . 
يونس : انزلى . . 
ملاك : حاضر . . 
ملاك نزلت ليونس وهى بتجر الشنطه وكانتولابسه بنطلون ارزق وبلوزه بيضا  . . . 
يونس نزل من العربيه وفتح شنطه العربيه وحط فيها الشنطه . . 
وركب العربيه وملاك واقفه مكانها . . 
يونس : اركبى . . 
ملاك : حاضر . . 
ملاك ركبت ويونس ساق وفضل ساكت . . . 
ملاك مسكت تليفونها وفضلت تقلب فيه شويا وبعدين . . 
قفلته وقالت . . . 
ملاك : انت متعصب ليه ؟ ! 
يونس : مين قال انى متعصب . . .
ملاك : اه نسيت صحيح انك على طول متعصب . . 
يونس : انتى بتستظرفى ؟ !.
ملاك اخدت نفس وقالتله . . 
ملاك : لاء انا بقول الحقيقه . . . 
ممكن توقف العربيه ؟ 
يونس : ليه ؟ 
ملاك : علشان اجيب الروايه من الشنطه اقراها علشان خاطر الطريق شكله طويل وممل . . 
يونس : انا مش هوقف العربيه علشان الهبل ده . . 
ملاك : هبل ؟ 
طيب شغل حاجه لو سمحت . . 
يونس : شغلى الى انتى عاوزاه . . . 
ملاك بدءت تقلب فى الاغانى واشتغلت اغنيه ل اليسا بتقول . . . 
مين الى قالك انك انت اى واحده مباحه ليك ؟ 
يعني لا عيني جت فـي عينيك
ولا فكرت فـي لحظة فيك
ولا حتى بان عليّ حاجة تدل على إعجابي بيك
ولا حتى وأنا مش واخدة بالي غلطت وإتدلعت عليك
وبرضه إديت الحق لنفسك تضايقني وتعدي حدودك
وبنظرت عينك تخنُقني بقيت كارهة وجودك
مين اللي قال لك إنك إنت أي واحدة مباحة ليك
(وبرضه إديت الحق لنفسك تضايقني وتعدي حدودك (وتعدي حدودك . . . 
يونس : ممكن تقفلى الأغانى ؟ !
ملاك : هو مش انت لسا قايلى شغلى ؟ 
يونس بعصبيه : اقفليها لو سمحتى . . 
ملاك : حااضر اهو قفلناها . . ممكن تبطل عصبيه بقا . . 
يونس بزعيق : انا مش متعصب . . 
ملاك : لا انت على طول متعصب . . 
يونس : وانتى على طول تعبانه . . على الاقل انا لو علطول عصبى بس فادر اعمل شغلى وعمرى مغيبت .   
ملاك رجعت بحزن شديد لورا وسكتت . . 
ويونس سكت لحد بعد الكلام ده خرج منه وهو متعصب . . 
وفضل سايق ومركز فى الطريق وبعدين ادير وبصيلها لقا هدومها عليها دم و . . . 
يتبع..
لقراءة الفصل السابع اضغط على (رواية ملاك يونس الفصل السابع)
لقراءة باقي الفصول اضغط على (رواية ملاك يونس)
reaction:

تعليقات

تعليق واحد
إرسال تعليق

إرسال تعليق