رواية حرب الملايكة الفصل الخامس 5 بقلم أروى طاهر المسلاتي

  رواية حرب الملايكة الجزء الخامس 5 بقلم أروى طاهر المسلاتي

رواية حرب الملايكة الحلقة الخامسة 5 بقلم أروى طاهر المسلاتي

رواية حرب الملايكة البارت الخامس 5 بقلم أروى طاهر المسلاتي

رواية حرب الملايكة الفصل الخامس 5 بقلم أروى طاهر المسلاتي

رواية حرب الملايكة الفصل الخامس 5 بقلم أروى طاهر المسلاتي


لوح الدخان ع الارض وعطي ضهره لي الشارع بيخش الحوش 
فجأءه يسمع بي صوت انوثي يرجف ...عدي!؟
وقف فتره وهوا مركز في الصوت يلي هز قلبه❤️
تلفت ببطئ وشافها💔
كانت هيا !
نفس الملامح يلي كان كان يدور فيها !
نفس الفم نفس الملامح نفس خصلات الشعر المتناثره بزبط
عقد حواجبه والصدمه معبيه دقايق بسيطه خلاته حاير ومش شي !
هادي هيا !؟
به وين كانت طول هادي السنين بعد ما توفو امها وبوها !
خداته ملامحها يلي كانت غريبه عليه بعد ما كبرت ومعش فكر في شي لين استعاد وعيه لما نطقت وتكلمت من جديد !
ليان:زادت لفت الوشاح بي احكام على راسها ......منعرفش لو تدكرني او لا 
انا ليان ...بنت خالتك بسمة الله يرحمها 
عدي:بدي يستعيد في ملامحه الاصليه وخفف من عقدت حواجبه  قعد مركز في منضرها يلي كان مبهدللللللل ....اي 
اكيد ندكرك ليان بنت عمي كيف ننساها !
ليان:مسحت عيونها وخدودها وانفها حمرررر من البرد تكلمت بصوت واضح عليه مزكوم وتاعب .....سمعت من خالتي وولدها انك شريت نصف الحوش واكيد عندك ولو شوية حكم 
شبكت يديها في بعض بتوتر ....عارفه انك بتقولي منو انتي باش نساعدك وانتي بنت عمي بي الاسم بس 
انا عالى الحافه 💔
ولو مساعدتنيش تعرف كويس انك انت سبب سقوطي من الحافه هادي 
عدي: سكت دقايق وهوا يشوفلها ويتمعن في حالتها 
شاف يمين ويسار وكلمها بصوته يلي كان كله رجوله ....شنو نوع المساعده بزبط!
ليان:بدت الدنيا حواليها اضبب والرؤيه تختفي شوي شوي .....خخ خالتي خديجه 
عدي:كان ملاحظ كويس كيف انها تتمايل بطريقه غريبه ....خيرها !
ليان:بدي حلقها يجف ووجها يصفر شوي شوي  حطت يدها على راسها بتعب ...انا خالتي تشتغل بيا م...
عدي:قرب منها بسرعه وقامها من على الارض 
ليان:دايخه ....نبي نقعد هنايا مم م ...منبيش نرجع 
عدي:قامها في مره وحده ودخلها الحوش وهيا فاقده الوعي تماما 
كان الحوش مضلم وهاااادي كل حد في غرفته ومفيش اي اصوات او حد في الصاله 
دخلها لي غرفته بهدوء 
وقف يشوفلها سارح والدكريات رجعت بيه لي 12 السنه فاتت 
✨كان عدي اسمر وضعيف مقعمز في تركينه الغرفه يلي كانت مفيهاش ولا فرش غير حصيره باليه  مقعمز في التركينه ووجها على الحيط كأنه معاقب💔
ركبته تنزف دم وهوا متحمل الالم بسيف ....دقايق وخشت عليه ليان ❤️بنوته صغيره في السن بي شعرها البني وضحكتها يلي كانت تجنن ....خشت تجررري متبيش حد يشوفها 
مسحتله رجله وحطت عليها كريم وهيا تقول ....الكريمه هادي ماما دارتهولي امس لما طحت معش تحس حاره بكل ره 
عدي:ابتسملها ببرائه ❤️
ليان:طلعت من جيبها زوز طروف حلوه وهربت بسرعه من الدار لما سمعت مرت بو عدي جايه من بعيد ✨
فاق عدي من دكرياته القديمه وعيونه حمررر لما ادكر نفسه كيف كان ضعيف وهيا الشي الوحيد وقتها يلي مخلي لي حياته طعم ❤️
خش للحمام جاب سطل صغير فيه اميه مصقعه !
نحى جاكيته  وقام كمامه ...قرب منها نحى جاكيت الصوف يلي كانت لابساته وبدي يوزع في كمادات الميه البارده على جسمها شوي شوي
___________________________________
طق طق طق 
رتال:منو!
محمد:فتح الباب وخش ....خوك الغالي منو بيكون يعني !
رؤى:دهنت الكريمه في يديها ورقدت على السرير.....اطلع  وطفي الضي بنرقد 
محمد:هاتي شحن ايفون وحده منكم 
رتال:نحت السماعات من ودنها .....الشحن فوق الطاوله تريحه نهارك اسود محمد وربي معاد نعطيك حاجه ره !
محمد:خدي الشحن وطلع من جناح البنات 
متجه للجناح يلي فيه غرفته هوا وولد عمه طلال 
وهوا في طريقه لي غرفة ولد عمه شاف باب غرفة عدي مفتوح !
شاف منضر واحد بس !.....كان عدي ينحي في جاكيت ليان عشان يحط الكمادات على جسمها 
وقف محمد مصدوم ومدهول من المنضر يلي قدامه 
عدي يلي مش قادرين يشدو عليه ولا لقطه غلط !
اليوم مدخل بنت ينحيلها في ملابسها وسط الحوش من داخل !؟؟؟
_________________________________
ناهد:مسحت دموعها بسررررعه ......ع الاقل طقي ع الباب ياساااره
ساره خشت وسكرت الباب ...من امتى في بينا ابواب حني؟
ناهد:تمسح في دموعها بقوه وسرعه....شنو فيه جايه في نص الليل ؟
ساره :قعمزت على السرير ...تعرفيني نكسد بروحي ديمه ومنبيش نمشي لي رتال ورؤى المسمومات مبردهم كيف  راحو 
عقدت حواجبها :انتي خيره عيونك هكي ....كنتي تبكي !!
ناهد :مافيا شي انا كويسه ولو سمحتي اطلعي بنرقد 
ساره :ناهد انا وياك الزوز زي بعض معندناش خوات 
يعني لو اضايقتي وتبي تحكيلي شي معين عادي احكيلي احسن ماتمشي لي خوك طلال يقتلك طول 😂
ناهد:كانت ردة فعلها عنيفه 
عيطت عليها بقووه ودفتها من على السرير ....خلاااااص قتلك امشييييييي من عليا خليني في حالي 
ساره :وقفت ....تمام 
ردي بالك مزال تفكري تجي بيني وبينك كلمه يا ناهد مكانش في نيتي شي غير نهدرزو شويه ونشوف شنو مضايقك لكن واضح انك فهمتيني غلط 
يالله اقعدي فيها هكي عيطي صبح وليل لين ياكلك الهم ......وطلعت وخلتها 
اما ناهد زادت نهارت اكتر بي البكي💔
__________________________________
انفتح الباب وخش محمد بي حمااسسسس 
محمد :خش يجري نقز على السرير وطلال ناض مخلوعع 
محمد:تي نوووووووض شوف نووووض 
طلال:طاح على وجها اللاب توب يلي كان فاتحه ....تي الزح ياراجلل اهدااا خيرك النم قلبت الدنيا عليا 
محمد:طلع تالفونه....شوففف شووووووف 
طلال:عدل تقعميزته وقعد يتفرج اول ما نفتح الفيديو لين كمل وكان الفيديو فيه عدي 
ينحي في جزء بسيط من ملابس ليان ومكانش واضح شي من وجه ليان ابداا 
طلال:بصدمه ....هادا امتىىىىى وكيف صار هكيي 
محمد :شفت ولا ...مداير روحه رزين ع اساس  حتى الكلام ميتكلمش 
اخرتها جايب معاه الصايعه متعه لوسط الحوش ويعري فيها .....تو نوريه خشمه يلي رافعه هادا بنجيبه ع الارض تو تشوف 
طلال:حسب رائيي متلعبش بي عداد عمرك يكون احسن انت تعرف كويس وين كان محبوس الخ 
ويلي ينحبس غادي صدقني الرحمه تنعدمم من قلبه ومعش يرجع طبيعي  
محمد:بالله اسكت انت وخليك في ثقافتك البايخه هيا 
طلال:هز راسه يمين يسار بمعنى مفيش فايده منك 
اما محمد ناض للبلاكونا يعيد في الفيديو اكتر من مره ويفكر شنو ممكن يدير بيه !
             🔥رويـــــــات بنـــــوتـــة الــشـــيخ🔥
              🔥أروى الطـــــــاهـــــر المسلاتي🔥
              👑القروب الاصلي400الف عضو👑
طلعت الشمس 
ولو بنجو للحق صعب نقولو شمس بسبب الغيوم يلي كانت عازلتها على الارض ❤️
ريحة التراب تفهمي كويس انها كانت ليلة ممطرة 
النسمه البارده والشوارع يلي تلمع من المطر 
اصوات الرعد الخفيفه وزحمة الشوارع والناس يلي ماشيه لي خدمتها 
القهوا يلي واصله ريحتها لاخر الشارع من الكفيهات ❤️❤️
اصوات الصغار يلي كانت ضحكاتهم وكلامهم عالي وهما متجهين للمدرسه 
بننتقلو من المناضر الحلوه هادي لي منضر اخي 💔
لان ببساطه مش ديمه الحياة قنينه نفس منشوفو فيها
وسط كل هادا الهدوء والروقان طلع صوت عااااالي 
صوت عياط وصريخ وسبان 🔞
احمد:الصبح النم شنو فيه ؟
خديجه:هربت الكلبه من جديييييد هربت الوسخه هادي كان نعلق عليها وربي نوريها نجوم في عز الضهر 
احمد:تلفت للجيها التانيه ورقد وهوا يقول .....تو ترجع زي كل مره 
ادور ادور ومصيرها راجعه مش رح تلقى حد 
خديجه :والراجل يلي متفاهمه معاه ؟
احمد:اطلعيله انتي 
خديجه : طلعت من الغرفه متكنطيه ....ولعت سيارتها وقررت ادير دوره ممكن تلاقيها في الطريق
____________________________________
نوري:يلبس في سوريته قدام المرايا ....وساره منو بيروح بيها من الجامعه ؟
ليلى:انت الاب ولا انا !
بعدين هادا اليوم الوحيد يلي بنفطر فيه برااابعيد على اللفعات نساوين خوك منبيكش تعكرلي مزاجي حتى شويه 
نوري : بخ عطره .....يستر الله من قراراتك وطلعاتك المفاجأءه هادي ...اطلعي قدامي تحركي
_________________________________
على سفرة الفطور ..
صالحة :تنخص في راجلها ضاغطه على سنونها بعنف وتحكي ....ولد خوك الجربوع هادا مش كان عنده نص الحوش يعني يتحكم فينا 
انا تواااا نبي نطلع 
مروان:رد عليها بنفس اسلوب كلامها ويحاول ميوضحش قدام حد ...الجربوع يلي تحكي عليه مش نص الحوش بس عنده 
ومش ديمه يتحكم فيك اكيد اليوم في شي معين بنحكو فيه 
صالحة:على سفرة الفطور ؟؟
مروان :اي اسكتي
جيداء:شافت لي ساعة يدها ....كأن تأخرت على خدمتي ؟؟
نجيب:اصبري نفهمو شنو فيه  
ناهد:بوي عندي اختبار 
نجيب :الصبر 
رتال:شنو قصتهم اليوم كلهم يتهامسو 
رؤى:الله اعلم اكيد في مصيبه 
رتال:شوفي وجه ناهد تقول تتوحم رايحه صفراء مع بعضها 
رؤى:امالا ساره الايلاينر بتوصل بيه للادن والوسطى
رتال:ضحكت والميه كلها طلعت من فمها بقوه 
صالحه:تحشمو يابنااااات
نوري:صباح الخير 
ردو كلهم وهما يفطرو .....صباح النور 
عدي: حط فنجان القهوا على جيها ....شويه عمي انت والمدام ....واشر على كراسي الطاوله 
ليلى:انا مستعجله و...
عدي:بي اسلوب حااازم ونضره جديه ..... شويه قلت 
نوري :ع طول اتجه للكرسي ومرته لحقاته
_________________________________
ليان:فتحت عيوني وكنت متوقعه نشوف نفس الباب مسكر عليا من برا 
بننزل من سرير الحديد يلي راقده عليه وضهري واجعني منه وبنطق ع الباب ونتصبح في وجه خالتي يلي الله واعلم اليوم تكون راضية عليا ولا لا !
لكن مصارش هكي ..⚜️
فتحت عيوني على غرفة جدرانها ابيض من الغيوم ❤️
كل ديكورها على الاسود 
كل شي كان مرتب وريحته حلوه❤️
قعمزت وكان جسمي كلها مغطي بي شرشاف ابيض داخله اعشاب غريبه مش شايفتها قبل 
حاسه ان صحتي احسن بي هلبا ❤️
شويه وادكرت شنو درت امس ولمنو مشيت وطلبت المساعده !!!!
حطت يدها ع راسها بخوف !
فكرت في شي واحد بسس ....وين تكون حاليا خالتها ؟؟
اكيد تكون معصبه منها 
عدي هل يرجعها !؟
اكيد مستحيل يتحمل مسؤليتها اكيد رح يفكر في الف حاجه غلط !
ويفكر انها هربت من خالتها لانها مدايره كوارث 
ناضت من السرير بسرررعه وهيا نادمه تلقط وتلبس في حوايجها 
لبست جاكيتها وخدت كندرتها ولفت الوشاح على راسها بطريقه فوضويه 
لكن اول ما وصلت للباب هوووب .....
لقاته مسكر بي المفتاح !
______________________________
عدي :مقعمز اليوم في اول كرسي على طاولة الفطور 
هوا يحكم ويطلق وهما مجبورين يسمعو ونفدو بعد ماكان طفل يدوسو عليه زي الحشره ومفيش حد اشفق عليه حتى بي كلمه طيبه!!
عدي:وهادي الحاجات يلي بنتكلم عليها .....
نوري:الصيانه يلي بتحكي عليها متستحملش ان نقعدو هنايا !؟
عدي:صعب يا عمي الصيانه هادي مش تجميليه للحوش 
الحوش محتاج اعادة بناء تامه لصرف الصحي 
مروان :بدي يصب عرق ....يعني ندورو ايجار لين تكمل الصيانه ولا كيف !
عدي:لا ...عندي استراحه واسعه تسدنا كلنا نقعدو فيها لين يكملو العمال 
نجيب:الفرحه بانت على وجها ....والله كترناه عليك ياولد خوي مقصرتش الحق 
عدى:ابتسم .... ولو !!
اهلي انتم .........قال الكلمه هادي وعيونه مليانه حقد 
حقد طفل منساش ولا شي من ماضيه 
عدي:وقف وهوا يساوي في ساعته ....اه نسيت 
ليان بنت عمي حسين الله يرحمه فوق في غرفتي 
طلال:شاف لي محمد طوول 
عدي:جت امس وكانت حالتها تاعبه شوي 
ع الاغلب بتقعد معانا ومش راجعه لي حوش خالتها ...شاف لي رتال ورؤى وساره وناهد 
منبيش مشاكل البنات المعتاده يلي تصير 
رحبو بيها من اليوم هيا وحده من اهل الحوش ....وسيبهم وطلع وهوا يولع في دخانه
محمد:هه ياحبيبي ناقص البنقلا يلي ع الطريق بس مسكنوش معانا 
ناهد:انا نراجي فيك برا 
نجيب:جاي بنتي هي 
ليلى :الله يلعن الوقت يلي عيله تامه تسمع في كلام فرخ عنده شوية فلوس 
مروان :كلمه منبيش نسمعها لان دمي فاير اطلعي وانتي ساكته
_____________________________
ليان :تجمدت في مكاني لما انفتح الباب 
انفتح الباب وريحته سبقاته قبل مايخش ❤️.......
يتبع..

لقراءة الفصل السادس اضغط على (رواية حرب الملايكة الفصل السادس)
لقراءة باقي الفصول اضغط على (رواية حرب الملايكة)
تعليقات



حجم الخط
+
16
-
تباعد السطور
+
2
-