رواية عشق الأسد الجزء الرابع 4 بقلم أمل نبيل
رواية عشق الأسد الحلقة الرابعة 4 بقلم أمل نبيل
رواية عشق الأسد البارت الرابع 4 بقلم أمل نبيل
 |
| رواية عشق الأسد الفصل الرابع 4 بقلم أمل نبيل |
رواية عشق الأسد الفصل الرابع 4 بقلم أمل نبيل
....:يا بابا يلا هتتأخر اصحا بقا
إبراهيم:أنا صاحى يا بنتى اهو
أيسل:طيب يلا كويس هروح اصحى البت منه وارجعلك يا هيما يا قمر انت علشان نفطر.
راحت ايسل علشان تصحى اختها ودخلت لقيتها بتصلى وبعد ما منه خلصت قالتلها :حرما
منه:جمعا ان شاء الله
ايسل:يلا يا بقا علشان نفطر
منه:ماشى انا هاجى وراكى
مشيت أيسل ومنه راحت وراها وبعد ما فطروا راح ابراهيم شغله وراحت أيسل ومنه الجامعة بتاعتهم
*معلومة بسيطة كده أيسل فى رابعة جامعة ومنه فى أولى الاتنين فى كلية هندسة علشان عايزيين يكونو مهندسين هما الاتنين *
انتهى اليوم ورجع ابراهيم للبيت قابلته أيسل بإبتسامتها المرحة
أيسل مبتسمة: هيما وحشتنى يا راجل، اوعى تكون مصلتش الضهر ولا العصر هزعل منك
إبراهيم مبتسم:لاء متقلقيش صلتهم وأنا في الشغل.
أيسل:ايوة كده يا هيما يلا الغدا جاهز عملتهولك بإيديا
منه: يا سلام على اساس انى مكنتش بعمل معاكى
أيسل:معلش انا ناكره للجميل
منه:طول عمرك مش حاجة جديدة يعنى
ايسل:طيب يلا يا ام لسان طويل علشان ناكل يلا يا بابا .
جلسوا جميعا علي طاولتهم الصغيرة المتواضعة ، يتناولون الغدا وسط مزاح أيسل ومنه
إبراهيم مبتسم:ربنا يديم عليكم الضحكة يا ولاد، قوليلى يا أيسل اخبار الجامعة معاكى ايه.
أيسل:تمام يا بابا كويسة
منه:يعنى مسألتنيش يعنى
إبراهيم بضحك:طيب يا ام لسانين انتى اخبار الجامعة معاكى ايه
منه:ميت فل وعشرة
أيسل:باردة أوى
منه:من بعد ما عندكوا
وبعد ما خلصوا اكل ابراهيم راح يريح شوية و دخل اوضته وفضل يبص على صورة مراته وبعد كده راح نام .
فى الخارج
كانت أيسل بتذاكر لمنه وبعد كده راحوا ناموا.
صحيت أيسل من النوم وأدت صلاتها ،وفضلت تدعى بعد أن انتهت من الصلاة وقرأه وردها بدأت روتينها اليومي من تحضير الافطار ، وايقاظ الجميع
أيسل:يلا يا جماعة الفطار جهز
إبراهيم:ماشى يا حبيبتى جايين اهو.
استنت أيسل باباها يخلص الفطار وقالت:بابا ممكن اطلب منك طلب
ابراهيم:اطلبى يا حبيبتى
أيسل:كنت عايزة انزل أشتغل يا بابا
ابراهيم:ايسل احنا قفلنا عالموضوع ده من زمان .
أيسل:علشان خاطرى يا بابا والنبى
منه:وانا كمان يا بابا عايزة اشتغل
ابراهيم:وانتى عايزة تشتغلى ليه يا ست منه.
منه:عادى يعنى يا بابا
أيسل:اركنى انتى على جنب كده شوية بس والنبى يا بابا علشان خاطرى وافق
ابراهيم:اما ارجع هبقا اشوف الموضوع ده بعدين يا ايسل ،همشى انا بقا علشان متأخرش هتعوزوا حاجة يا حبايبى
أيسل ومنه:عايزين سلامتك يا حبيبى.
_________
يا لينا........يا لينا.....لينا
تململت فى سريرها وقالت:امم صباح الخير يا دادة منى
منى:صباح النور يا قمر، يلا اصحى بقا
لينا:هوا ابيه أسر راح شغله ولا لسه
م
نى:لايا حبيبتى اسر مستنينا تحت علشان نفطر سوا .
ليا:تمام يا دادة أنا هاخد شاور واغير هدومى عالسريع وهنزل
منى :ماشى يا حبيبتى متتأخريش علشان تروحى الجامعة اوك.
لينا:اوك يا قمر
وتطلع منى من الاوضة وتنزل تحت وبعد شوية تنزل لينا وتلاقى اسر ومنى قاعدين عالسفرة مستنيينها علشان يفطروا
لينا:ابيه هوا ابيه احمد هيرجع امتى
اسر :مش عارف والله يا لينا
منى:الواد ده وحشنى اوى.
اسر:مش عارف امتى هيقدر ينسا
لينا:والنبى يا ابيه لما تكلمه تخلينى اكلمه علشان وحشنى .
اسر:حاضر يا قمرى، همشى أنا بقا.
ويبوس منى من راسها ولينا من خدها ويمشى
__________
أيسل كانت ماشية فى الشارع بتتكلم فى التليفون مع صاحبتها وبتقولها:الو يا الاء
الاء:خير يا أيسل
أيسل:وحشتيني يا حب عمرى
الاء:ما انتى لسه شايفانى امبارح وكنت فى وش امك طول اليوم وهنتقابل بعد دقايق يا بت انتى
أيسل:يا دين امى على الرومانسية إللى انتى فيها ما تردى عدل يا الاء
الاء:أيسل أنا مش فاضية لفراغك العاطفى ده.
منه من جنب أيسل:قولى للعره دى سما إيجت ولا لسه.
أيسل:منه بتقولك ياعره سما إيجت ولا لسه
الاء:والنعمه مافى حد عره غيرك انتى واختك
أيسل:الله وأنا مالى يا رمضان ده اناا حتى كنت بقول.......
أيسل فجأة اااااااه يا رجلى .
نزل من العربية شاب وقال:ايه يا متخلفة انتى ماشية تتكلمى فى الشارع.
أيسل رفعت وشها وقالت :يعنى انت تخبطنى ولاء كمان بتزعقلى يا بجحتك يا شيخ.
الشاب اول ما شاف عنيها سرح فيهم جامد وبعد كده خاد باله من الكلام اللي قالته وقال:انا بردو إللى بجح
منه:خلاص يا أيسل.
أيسل:مين دى إللى خلاص عليا النعمه ما يحصل أنا لازم اجيب حقى.
الشاب:حق مين،انتى إللى ماشية فى الشارع بتتكلمى فى التليفون وكمان بتزعقى وبتقولى عليا بجح.
أيسل:أنا اعمل إللى انا عيزاه وفى اى وقت وكمان انت متعلييش صوتك عليا انت فاهم أنا مش عارفة ايه يا ربى البلاوى إللى بتتحدف علينا دى
الشاب:انتى شكلك تربية شوارع وأنا وقتى مهم ومش اسر الصياد إللى هيضع وقته معاكى.
وركب عربيته ومشى
أيسل:يا ابن الك**بقا أنا تربية شوارع.
منه:خلاص بقا يا أيسل.
أيسل:انا يسيبنى ويمشى ومعرفش اجيب حقى ،والله اما اشوفك تانى أنا هوريك
منه:يا حجة خلاص بقا
كل ده والاء على الخط
الاء:فى ايه يا بت
حكت أيسل كل إللى حصل
الاء بضحك:بقا أيسل إبراهيم حد يعمل معاها كده ومتجبش حقها
أيسل:اشوفه انا تانى بس ده عيل قليل الادب
الاء:سيبك من ده كله مز ولا مش مز
أيسل:مز ايه بس ده حاجة كده كنافة بالمهلبية.
الاء:طالما كده يبقا يعمل اللى هوا عايزه.
أيسل:بس مش لدرجة انه يخبطنى ويبجح فيا كمان من غير ما يعتذر .
الاء:خلاص سيبك انتى فين دلوقتى .
أيسل:أنا خلاص قربت اوصل الجامعة اهو
منه:يابت اسأليها سما إيجت ولا لسه.
أيسل:والنبى يا الاء سما إيجت ولا لسه اصل الأخت هتبيض جنبى هنا.
الاء:لسه في الطريق
أيسل:طيب خلصا سلام
الاء:سلام
___________
وصل اسر الشركة بتاعته ودخل بغروره المعتاد ولسه بيفتح المكتب ويدخل لقا قدامه صاحبه وصديق عمره احمد .
أسر:احمد واحشنى يا راجل تعالى في حضنى
وحضنوا بعض
اسر:ايه الغيبة دى كلها يا راجل.
احمد:ما انت عارف اللى فيها يا اسر
اسر:انسى بقا يا احمد وعيش حياتك
احمد:لا يمكن انى انسا إللى هيا عملته يا اسر، المهم سيبك انت من الحوار ده لينا عاملة ايه ودادة منى
اسر:كلهم حلوين وكانو لسه بيسألونى عليك النهاردة، استنا هتصل عليهم اقولهم.
احمد:لاء خليها مفاجأة ليهم كده كده انا هتغدى عندك النهاردة
اسر:هتتغدى عندى ليه بقا.
احمد:عندك مانع.
اسر:لاء خالص
احمد:بحسب بس
اسر:ابقا اجمع بعد كده.
احمد بضحك:أنا نفسى اعرف انت ازاى كده
اسر:كده ازاى
احمد:بتضحك وتهزر مع القريبين منك ومع الغرب بتبقا لوح تلج
اسر:عادى.
وقعدوا مع بعض شويه وبعد كده دخلت السكرتيرة لبس قصير وضيق وميك اب اوفر اوى.
السكرتيرة:حضرتك عايزنى .
اسر:ايوة هاتيلى الملف بتاع اخر مشروع اللى اديتهولك امبارح.
السكرتيرة بدلع ومياصة:حاجة تانية .
احمد ضحك
اسر:لاء شكرا.
طلعت السكرتيرة من المكتب
اسر:مالك ضحكت ليه .
احمد بضحك: ايه يا عم الناس اللي انت مشغلها معاك دى يا عم.
اسر:نعمل ايه بقا
احمد:يالهوى يعنى يوم ما هعين سكرتيرة هتكون كده.
اسر :هتعين سكرتيرة ليه.
احمد:اصلى ناويت استقر هنا
اسر:بجد
احمد:بجد
_________
يخلص اليوم ويروح اسر واحمد ومنى لينا فرحوا اوى برجوع احمد
_________
ايسل ومنه روحوا من الجامعة وابراهيم روح من الشغل وكانت ايسل ومنه بيعملوا الأكل
ابراهيم:ايه الريحة الحلوة دى يا بنات.
أيسل:والنعمه انت اللى حلو
إبراهيم:طيب خلصى بقا علشان هموت من الجوع.
منه:مسافة ثوانى والاكل هيكون جاهز يا قمر.
وبعد شوية حطوا الاكل عالسفرة وبعد ما خلصوا اكل
أيسل ومنه غسلوا المواعين وروقوا وراحوا يقعدوا مع ابوهم شوية.
أيسل:قلت ايه يا بابا فى موضوع الشغل.
ابراهيم:يا بنتى بلاش الموضوع ده
ايسل:علشان خاطرى يا بابا وافق بليز.
ورسمت دور البراءة على وشها
"اظن ان كلكم بتعملوا كده لما تكونوا عايزيين حاجة صح😂😂"
إبراهيم:ماشى يا أيسل موافق
أيسل:هاااااى.
إبراهيم:بصى بقا انتى هما محتاجيين موظفين معايا في الشركة فممكن تقدمى فيها وكده.
أيسل:تمام يا بابا هقدم بكره ان شاء الله.
ابراهيم:انشاء الله.
منه:طيب وانا يا بابا.
إبراهيم:يا بنتى انا عايزك تركزى في مذاكرتك وانشاء الله لما تخلصى تبقى تشتغلى.
منه:ماشى يا بابا.
___________
عند اسر راح علشان ينام بس عيون أيسل مش راضية تسيبه
أسر:يوووه يا اسر مش دى اللى تفكر فيها دى وحده جربوعة تربية شوارع.
واخد وقت طويل علشان يعرف ينام
___________
أيسل صلت العشا وقعدت تقرأ قرآن وتدعى ربنا انه يوفقها في شغلها وبعد كده صلت قيام الليل ونامت .
__________
أشرقت الشمس معلنه عن بداية يوم جديد ماليان بالمفاجأت.
صحيت أيسل من نومها وصلت الفجر وقرأة قرآن ودخلت المطبخ جهزت الفطار ،ودخلت صحت منه وابوها وفطروا وبعد كده راحت مع ابوها الشركة علشان تقدم في الشغل ،ومنه راحت جامعتها .
_________
عند اسر صحى ولبس وكان في قمة الشياكة ونزل على السلم بمنتهى الثقة وقعد على السفرة.
لينا:ايه يا عم الشياكة دى ،ده انا لو بنت كنت اتجوزتك.
اسر ومنى ضحكوا جامد
اسر بضحك:اومال انتى ايه 😂😂
لينا:الله أنا مالى هيا بتتقال كده .
منى:طيب قولى لولا انى اختك كنت اتجوزتك .
لينا:تصدقى صح 😂😂
اسر:طيب همشى أنا بقا، سلام
لينا ومنى:سلام
_______
وصل اسر الشركة وكان عاقد في مكتبه بيفكر في أيسل وقال:وبعدين بقا انتى مش هتروحى من دماغى.
خبط الباب ودخلت السكرتيرة المكتب وقالت بدلع: اللى مقدمين على الوظيفة موجودين بره يافندم تحب ادخلهم.
اسر:ايوة يا هيام دخليهم
طلعت هيام ودخل وراها على طول احمد
احمد:طيب اسال على صحبك حتى ده انت بقالك كتير مسألتش
اسر:كتير ايه يا بنى ده كنا مع بعض امبارح
احمد:امبارح اهو يعنى بقالك فترة برضو
اسر بضحك: معلش يا ختى.
احمد:بتعمل ايه
اسر:هشوف اللى مقدمين الوظيفة.
احمد: تمام ماشى همشى أنا.
اسر:لاء خليك.
طلعت هيام وقالت لأيسل:اتفضلى.
قامت أيسل كانت متوترة شوية وبعد كده قالت دعاء هديت وراحت مخبطة على الباب وداخلة .
اسر وأيسل اول ما شافوا بعض
: انت تانى
:انتى تانى
يتبع..
لقراءة الفصل الخامس اضغط على (رواية عشق الأسد الفصل الخامس)
لقراءة باقي الفصول اضغط على (رواية عشق الأسد)