رواية عشق الفارس الجزء الرابع والثلاثون 34 بقلم أحلام تامر

  رواية عشق الفارس الفصل الرابع والثلاثون 34 بقلم أحلام تامر

رواية عشق الفارس الجزء الرابع والثلاثون 34 بقلم أحلام تامر

رواية عشق الفارس الحلقة الرابعة والثلاثون 34 بقلم أحلام تامر

رواية عشق الفارس الفصل الرابع والثلاثون 34 بقلم أحلام تامر

رواية عشق الفارس الجزء الرابع والثلاثون 34 بقلم أحلام تامر


خالد وناصر راحو المستشفى عشان يطمنو علي جودي ونهي
جودي حالتها كويسه بس دموعها مش بتفارق خدها
نهي فقدت حاسه النطق مما جعل الكل حزين من اجلها.
تم اذن خروج كل من نهي ومديحه وجودي من المستشفى..
فارس وخالد اخدو نهي وجودي البيت وريماس واياد وناصر راحو البيت مع مديحه..
ريماس نورتي بيتك يا ماما
مديحه بنورك ي حبيبتي ونظرت الي المنزل بحب. لسه مغيرتش حاجه فيه
ناصر ولا هغير انتي نسيتي اننا اختارنا كل حاجه سوا.. ولو فكرت اغير يبقي نغيرها سوا
اياد احم احم نحن هنا..
ناصر اتلم يلا انا ابوك
اياد طب ماشي خلي جو الرومانسيه ده بين بعضكو متبقوش مفضوحين كده
ناصر بص لاياد بذهول ونظر الي مديحه موجها كلامه لها انتي ربتيه ازاي ده
مديحه والله معرف بيجيب الكلام ده منين
اياد بص لريماس لا حول ولا قوه الا بالله اي يا جماعه هو انا بقول كلام هيروغلوفي
ناصر ولا اطلع بره
اياد اييي اطلع اي..
ناصر بره ي شمام من هنا
اياد عيب كده يحج نا شمام برضو.. طب اي رايك بقي اني همشي
ناصر بالسلامة
اياد وهاخد هدومي معايا
ناصر بالسلامة
اياد ومش هتشوف وشي تاني
ناصر بالسلامة
اياد بخبث وهاخد مديحه معايا
ناصر بالسلا.. امشي يا ابن الكل*ب من هنا
اياد بمرح يلا يا مامي بابي مش عايرنا معاه
ريماس بضحك خلاص يخربتك فصلتني اي كميه البرود ده
ناصر حبيبه بابا اللي طالعه قمر لابوها
اياد اوبااا تقصد اي يعني.. تقصد اني وحش ومش طالع لابويا وطالع لامي.. لا لا كده مسمحلكش يا بابا انت عمال تشتم فيا ونا ساكت لكن عند امي واستوب
مديحه يا واد اتلم بقي عمال تنكش ف ابوك ليه
ناصر طب عقابا ليك والله لتغدينا انهارده
اياد اي ههه مستحيل
ناصر انا حلفت
اياد بابا متهزرش انا مبعرفش اعمل حاجه ده انا بقضي حاجتي بصعوبه.. تقولي اطبخ.
ناصر فيه حاجه اسمها نت ابحث ودور واعملنا اكل.
اياد بص لريماس اكنه بيقولها هتساعديني
ناصر وولا ريماس ولا مديحه هيغششوك. 
اياد بتمثيل اللهجه الصعيديه يعني ده اخر كلامك يابووي
ناصر ببرود اه يلا ع المطبخ وف خلال ساعه الاكل يجهز وبص لمديحه تعالي يلا عشان تستريحي وانت يلا يلا اتكل علي الله عشان جعانين
اياد دخل المطبخ وريماس وراه
ريماس لازم تستظرف 
اياد روح اخوها والله 
ريماس متفكرش عندك جوجل اساله
اياد طب اعمل اي طب 
ريماس بصت وراها عشان تتاكد ان ابوها مش هيسمعها واردفت بصوت منخفض اعمل مكرونه وفراخ بانيه
اياد ازاي دي
ريماس بصوت منخفض الفراخ البانيه جاهزه ف الفريزر كل اللي عليك تطلعها وتحطها ف الزيت لحد ما يبقي لونها دهبي وبس 
اياد روحي يا شيخه الله يسترك 
ريماس يلا عد الجمايل دي عشان تعرف اني خيري عليك
اياد اه يا ريماس الكلب والله لوريكي بس اصبري عليا بس
ريماس سابت اياد وخرجت قعدت في البلكونه وافتكرت زعيق فارس لها وبدات دموعها تنزل يا تري هو عامل اي دلوقتي عايزه تطمن عليه كان وضعه غريب ف المستشفى وقررت انها تروح عنده تطمن عليه
اياد رغم الضحك والهزار بس قلبه واكله علي جودي كان نفسو تكون حلاله عشان يفضل جنبها دايما يطمنها. يواسيها. يحسسها بالأمان ويحضنها ويطبطب عليها وقت زعلها بس للاسف 
عند ناصر ومديحه دخلت الاوضه كانت مترتبه ونضيفه وكل حاجه زي ما كانت زمان 
مديحه بدموع انا اسفه يا ناصر اني سبتك زمان بس والله كنت مجبره فوزيه اختي هيه اللي اجبرتني وقالتلي انها بتحبك وانها تعبانه وفاضل ايام بسيطه علي ما تقابل رب كريم. فضلت تتحايل عليا وتترجاني ومسكتني من نقطه اني امها ربتني واعتبرتني زي بنتها
ناصر حط ايدو علي خدها ششش خلاص اللي فات مات زي ما بيقولو احنا ولاد انهارده وبعدين يستي اعتبري انك ممشتيش ولا حاجه لاني كده كده كنت مسافر وبعيد عنك 
مديحه حضنته انا بحبك اوي يا ناصر عمر حبي ليك ما قل بالعكس دايما بيزيد 
ناصر ونا كمان بحبك يا عيون ناصر و..... 
________
ف فيلا الشرقاوي 
دخل الكل فارس كان ساند نهي وخالد كان ساند جودي وطلعو كل واحده علي اوضتها
جودي فارس
فارس اي يا حبيبتي 
جودي هو بابا هيحصل معاه اي
فارس معرفش يرد عليها وسكت 
جودي بعياط بابا هيعدموه صح
فارس راح لها واخدها في حضنه خير باذن الله متقلتقيش
جودي انا خايفه اوي.. خايفه بابا يروح مني نا بحبه اوي يا فارس 
فارس مسك وشها بين ايديه بخفه جودي انتي مع الحق ولا لأ مع ابخير ولا الشر
جودي مع الخير طبعا
فارس بدا يتكلم مع جودي ويفهمها غلط ابوها كان لازم يعمل كده زي ما بيقولو لازم يدق علي الحديد وهو سخن..
فارس جودي لو فيه واحد اتسبب ف قت*ل ارواح بريئه.. اتسبب ف قت*ل جنود كانو بيدافعو علي وطنهم وبيحمو بلدهم من المجرمين.. اتسبب ف جعل حياه الشباب متدمره.. ده كده ينفع يبقو معانا
جودي لا
فارس وهو ده اللي عمي هاني عمله.. جودي انا مش بقولك اكرهيه لا نا بعرفك انو هيتم معاقبه عمي علي اللي عمله وانتي لازم تبقي قويه عشان انتي اللي هتساعدي طنط نهي انها تعدي الازمه دي لازم تعدوها سوا واحنا معاكو وف ضهركو.. انتي شايفه طنط حالتها عامله ازاي.. انتي الوحيده اللي هتقدري تساعدي امك
جودي مسحت دموعها بشجاعه وانا قويه وهقدر اتخطي الازمه دي مهما كانت النتايج
فارس بابتسامه هيه دي جودي اللي اعرفها وحضنها وباس راسها بحنان اخوي
يلا بقي اسيبك تستريحي شويه 
جودي بابتسامة باهته تمام تصبح علي خير 
فارس وانتي من اهل الخير 
______
عند نهي كانت حالتها زي ما هيه مش بتتكلم وبس باصه الي نقطه ما 
انتصار كانت قاعده معاها وعماله تدعي ربنا يعدي الامور علي خير 
____
خالد كان قاعد ف الريسبشن وفارس نزل له 
فارس:بابا 
خالد نعم يبني
فارس بابا ارجوك بلاش تزعل انا خايف تتاذي
خالد اعمل اي يبني بقي انا افضل سنين احارب ف الماف*يا ويطلع اخويا من ضمنهم 
فارس عارف احساسك يا بابا عمي هاني كنت بعتبره زيك بالظبط ومكنتش اتوقع منه كده كلنا انصدمنا
خالد انا حاسس اني في حلم.. الموضوع اغرب مما اتخيل
فارس مسد علي ابوه بابا لازم نبقي اقوي من كده طنط نهي وجودي دلوقتي مسؤلين مننا مش لازم نبقي قدامهم ضعاف كده امال هما يعملو اي
______
عند ريماس جهزت عشان تروح لفارس وتطمن علي جودي 
اياد كان خلص الاكل وخرج بلغ الكل ان الاكل جهز وبدا هو وريماس يحطو الاكل علي السفره
فعلا اياد عمل مكرونه وبانيه والمكرونه كانت حلوه
ناصر منت طلعت بتعرف تعمل اكل اهو
اياد دي خبراات
ناصر طيب اعمل حسابك تعمل الاكل كل يوم
اياد ايي
ناصر يك اوه
اياد طب ماشي بكره ييجي بس ونعمل اللي انت عايزه يا حاج
ناصر ايوه كده اتلم
ريماس خلصت اكل وقالت بابا انا هروح اشوف جودي وفارس
اياد بسرعه ونا كمان
ناصر بغلاسه وانت كمان اي.. طب هيه راحه تشوف جوزها انت هتروح ليه
اياد بمرح جوزتي.. احم اقصد صاحبي اه ما فارس صديق عمري
ناصر ان كان كده ماشي ? روحو سوا وانتي يا ريماس هتباتي هناك
ريماس باحراج اه يا بابا لازم افضل معاهم 
ناصر خير الابنه والزوجه يبنتي ربنا يحميكي ويحفظك من كل شر 
ريماس راحت ناحيته وباسته حبيبي يا بابي والله 
مديحه طب ونا مليش بوسه ولا اي
ريماس انتي تؤمري يا جميل وراحت باستها وخرجت واياد استاذن وخرج وراها و.... 
يتبع...
لقراءة الفصل الخامس والثلاثون اضغط على (رواية عشق الفارس الفصل الخامس والثلاثون)
لقراءة باقي الفصول اضغط على (رواية عشق الفارس)
تعليقات



حجم الخط
+
16
-
تباعد السطور
+
2
-