رواية حياة فارس الصعيد الفصل الثالث عشر 13 بقلم جهاد موسى

 رواية حياة فارس الصعيد الجزء الثالث عشر 13 بقلم جهاد موسى

رواية حياة فارس الصعيد الحلقة الثالثة عشر 13 بقلم جهاد موسى

رواية حياة فارس الصعيد البارت الثالث عشر 13 بقلم جهاد موسى

رواية حياة فارس الصعيد الفصل الثالث عشر 13 بقلم جهاد موسى

رواية حياة فارس الصعيد الفصل الثالث عشر 13 بقلم جهاد موسى


عند فارس كان نايم وبعد فتره قصيره صحى على صوت تليفونه 
فارس بنعاس/ ميين 
شخص / الحق يافارس بيه مش لاقيين الغول اختفى 
فارس بغضب / امتا حصل الكلام ده 
الشخص / حالا 
فارس قفل فى وشه وقام لبس بسرعه واتجه على القسم الخاص للصعيد 
فارس دخل والشر فى عنيه قابله شخص 
احمد / الغول اختفى 
فارس مسكه من هدومه بغضب واداله بونيه فى وشه 
فارس بعصبيه / ازاى يهرب والحراسه دى كلها عليه واضح انى اللى مشغلهم معايا مش رجاله 
احمد بغضب / انا مسمحلكش احنا كنا بنراقبه زى كل يوم بس مره وحده كان فى خناقه فى العنبر بتاعه انشغلنا فيها وزوغ مننا 
فارس افتكر المكان اللى كانت حياه  مخطوفه فيه وشك انه ممكن يكون هناك 
فارس / جهز قوه وتعالى معايا 
فى اقل من خمس دقايق كانت فى قوه كبيره جدا ومجهزه بالسلا"ح ومشيت مع فارس 
عند حياه قلقت لما ملقتش فارس جمبها وكانت مصدعه جدا ودايخه اخدت ثلاثه حبات من البرشام اللى الدكتور كتبهولها ونامت بسرعه جدا 
وصل فارس المكان المهجور وطلع بس ملقاش  حد وده عصبه جدا وكان نازل من على السلالم سمع صوت واطى جدا فضل يتلفت بس مش شايف اى حاجه فضل ماشى لغيط ماوصل لحيطه وكان الصوت واضح قرب عشان يسمع اكتر ولقى الحيطه اتقلبت وهو بقى الناحيه التانيه بص لقى الغول موجود ومعاه رجاله كتير جدا والمخد"رات ماليه المكان  
الغول بشر / ولا ووقعت تانى ورفع عليه السلا"ح وكان هيدوس على الزينات  فارس فى اللحظه دى حس ان خلاص نهايته قربت بس كان سايب روحه مع حياه فى الوقت ده طلعت طل"قه بس كانت فى دماغ الغول  فارس بص وراه لقى نوح هو اللى ماسك المسد"س والدموعه فى عنيه
فارس بشرود / نووح 
نوح بدموع / ايوا نوح اللى اخد حق ابوه من شويه المجر"مين دول  لمجرد انه عرف حقيقتهم وكان رأيسهم عايز يتجوز بنته نوح اللى كان متهدد بأخته وكان بيأذيها عشان يبينلهم انه مستبيع بس خلاص كل حاجه خلصت 
فارس ضعف لما شافه بالمنظر ده وراح حضنه بسرعه 
فارس / تعرف انا صبرت عشان اعرف الحقيقه بس مندمتش 
نوح بفرحه / انا عايز اوريك حاجه 
فارس / ايه 
شده نوح من ايده وركب عربيته وفاضل ماشى لغيط ماوصل مكان على البحر ومهجور نزل فارس من عربيته وهو مش فاهم اى حاجه بص لقى شخص واقف بس مديله ظهره فارس بلع ريقه بخوف وبص لنوح بعدم فهم نوح هز راسه ببتسامه فارس قرب منه وهو  بيتوقع كذا حاجه فى دماغه الشخص ده لف بوشه لفارس وكان فى لزقه صغيره على دماغه  والدموع ماليه وشه وفى عنيه نظره حب وشوق وفرحه 
سليم / فارس 
فارس / فضل يمشى ايده على وشه وهو بيضحك وتايه وقاله س..سليم انا كنت حاسس ان انت لما شوفتك وبعد عنه مره واحده وكمل بصريخ ودموع انت عملت ليييه كده هاا هونت عليك طب امك وابوك وياسمين وورد هانوا عليك ررررد عليا كانوا بيموتو فى غيابك مجرد انهم مش هيشوفوك تانى كانو بيموتو سليم قرب عليه وحضنه جامد وفارس كان بيتنفس بسرعه جدا وبيترعش 
نوح كان واقف عمال يعيط من منظرهم 
بعد فتره طويله بعد فارس عن سليم 
سليم / غذب عنى انا لما فوقت بعد ضرب النا"ر  لقيت صحابى كلهم متصفين وغرقا"نين فى دمه"م ولقيت الغول هرب عانيت لغيط ماوصلت المستشفى مكنتش فاكر اى حاجه كان عندى ارتجاج فى المخ وفقدان فى الذاكره بس كان مؤقت الغول لما عرف حاول يقتل"نى  بس لما عرف انى فقدت الذاكره شغلنى معاه وبعد فتره رجعتلى الذاكره نتيجه حادثه لما كنت بقضى عمليه معاه عرفت نوح كان شغال معانا كان هو كمان عايز يأخد حق اخوه كنت براقبك وكنت واخد عهد على نفسى انى اخد حق صحابى وانا اللى خطفت هدى واتفقت معاها 
فارس / على قد ماانا روحى رجعتلى بس قلبى شايل منك 
سليم /  انا عايز اشوف ابوى وأمى ومسح دموعه 
فارس اخده واتجهوا للقصر كان الكل صاحى لما عرفوا اللى حصل 
دخل فارس وسليم ونوح 
ماجده ومنشاوى اول ماشافوه سليم مكنوش مسدقين 
حياه بفرحه / سليم 
ياترى حياه تعرف سليم منين 
يتبع..
لقراءة الفصل الرابع عشر اضغط على (رواية حياة فارس الصعيد الفصل الرابع عشر)
لقراءة باقي الفصول اضغط على (رواية حياة فارس الصعيد)
تعليقات



حجم الخط
+
16
-
تباعد السطور
+
2
-