رواية جنان في بيت صعيدي الفصل الخامس 5 بقلم أسماء حبيب

 رواية جنان في بيت صعيدي الفصل الخامس 5 بقلم أسماء حبيب

رواية جنان في بيت صعيدي الفصل الخامس 5 بقلم أسماء حبيب

رواية جنان في بيت صعيدي الفصل الخامس 5 بقلم أسماء حبيب

جنان بصت لمنصور وبتمثل الكسوف،،، ألي تشوفه يا اونكل .
حمدان بأبتسامه،،، علي خيره الله، اني قولت انك هتكوني بأمان طول ما انتي تحت جناح منصور.
جنان بضحك،،، جري أي يا ابو الصرصير انتَ اتقلبت ذكر بط ههههه.
الكل ضحك علي مداعبتها لمنصور بس منصور علي اخره منها فعلياً.
حمدان بأبتسامه،،، طيب اني هجيب المأذون ونكتبوا الكتاب والفرح ان شاء الله نعمله بكره علشان الاستاذ حاتم يحضره اتفقنه اكده!
حاتم،،، الي تشوفه يا كبير ادام جنان موافقه.
~ في الحاره الشعبيه..... 
في بيت عمار.. 
دنيا بسرعه بتعمل سندوتش قبل ما تروح شغلها في المدرسه،،،،  ماااما كلمي طنط نفيسه عيزاكي بتنادي تحت. 
نرجس وكانت بطبق الهدوم في الصاله معاهم،،،  طيب قوللها جايه. 
جهاد وبترتب كتب الجامعه علشان تنزل،،،  خالتوا هتأخر في الجامعه النهارده عندي محضرات كتير ماشي. 
نرجس،،،  طيب خلي بالك من نفسك يا بت يا جهاد علشان عصابات خطف البنات كترت اليومين دول. 
دنيا وبتبلع الاكل بسرعه وبتحط اديها في جمبها،،،  وانا بنت البطه السوده ولا كنتي مرات ابويه وانا معرفش شمعنا مش بتحظريني انا كمان يخشي. 
نرجس وبتلوي فمها بسخريه،،، احظر مين دا انتي مفروض يعملوا عليكي حظر  يا زين ما خلفتي يا نرجس بلطجيه وشويه وهتبقي رد سجون.
عمار طلع من الاوضه وشايل شنطه علي كتف واحد،،، صباح المشاكل الدوريه في البيت.
دنيا بزهق وبتلبس الكوتشي،،،، صباحك عسل يا برنس وصلني بالعجله بتعتك علشان متأخره.
جهاد بضحك،،، صباح المصالح ألي بتتصالح انا نزله.
دنيا وبتمسك شنطتها،،، اه وانا كمان.
نرجس بحب،،، خلوا بلكم من نفسكم هااا ولو حد اداكوا حاجه مش تخدوها ومتبقيش طفسه يا دنيا ماشي.
دنيا،،، طول عمرك فهماني ههههه.
عمار،،،، وانا مش ليا نصيب في الدعوه يا اخت نرجس.
نرجس بملل،،، غور يتك دهيه وانتَ عامل زي الست البيره الي مش لقيه عريس، امشي يلي جيبله الجلطه والوكسه.
عمار وبمسح دموع وهميه وبصوت تمثيل البكاء،،،، وكتمه في قلبك وسكته يا نرجس يختي كل الحب ده يااااه بتعزيني والله انا عارف.
نرجس وجايه تسحب الشبشب الي علي الارض لقت عمار جري علي تحت وكان بضحك، سمعت صوت جاي من البلكونه،،، يااااانرجسسسس.
نرجس طلعت البلكونه بعد ما لبسه الخمار بتعها،،، ايوه يا ام احمد.
ام احمد الي اسمها نفيسه،،،، مش هتروحس السوق ولا أي يختي!
نرجس بتذكر،،، اه في شويه حجات عيزه اجبها، هرص الهدوم في الدولاب ونزل علي طول 5 دقايق ونزله.
نفيسه،،، طيب بسرعه علشان حبسه احمد في الاوضه.
نرجس بضحك،،،، ههههه يوه لي كدا.
نفيسه بغيظ،،، الواد قال أيه يختي بقولي روحي السوق بمكروباص هو انا السواق الي ابويه جبهولك، رحت قفله الاوضه قبل ما يطلع جيل مهبب مبجيش غير بالضرب علي الدماغ.
نرجس بضحك،،، يختااااي بسرعه وهكون تحت عندك.
اما تحت احمد من الشباك بتاع اوضته الي علي الشارع،،، ياااماما افتحييي هتأخر علي الشغل والله.
نفيسه،،، عظيم بيمين منتي طالع غير لما توصلني انا وعمتك نرجس السوق عايز امك تتحشر في مكرباص مش خايف علي امك تتعاكس يا واد.
احمد بشلل مكتوم وبيمسح علي وشه،،،، يا ست الكل انا لو مش رحت الشغل هترفد ولو اترفدت مش هتروحي السوق خالص لان مش هيكون في فلوووس وهنشحت بقي الاكل من عمتوا نرجس.
نفيسه ببرود،،، لما تترفد يبقي ربنا يسهلها.
احمد بأسي علي حاله وماسك في حديد الشباك،،، شكراً علي ثقتك الغليه.
نرجس ومسكه شنطه الخضار وبتضحك علي احمد الي واقف في الشباك بشلل،،، معلش يبني والله لبست بسرعه علشان خاطرك.
نفيسه وبتقوم من علي العتبه وبتخش تفتح لحمد.
احمد خرج وفتح باب العربيه ( العربيه عاديه جداً مش من مودلات القرن)،،،، اتفضلي يا نفيسه هانم يا ست الهوانم اتفضلي.
نفيسه وبتدخل بفخر،،، ايون كدا تعدل.
نرجس فتحت الباب ودخلت واحمد وصلهم السوق.....
احمد بسرعه،،، اي خدمه تاني اتفضلي بقي علشان اتأخرت.
مامة احمد نزلت هي ونرجس ودخلوا يشتروا حجات للبيت من خضار وفاكها وبعض البس البسيط وادوات بيحتجوها في البيت دنهم يتسوقوا  من غير تعب وقعدين يتكلموا وهما مشين في موضيع كتير لاما عن عيلهم او الاكل والطلبات وهاكذا....
~ عند عمار.....
وقف عمار قدام المدرسه ألي بتشتغل فيها أخته...
عمار بسرعه،،، انجزي علشان متأخرش علي التابور يا أخشي.
دنيا بضحك،،، وربنا انا ما عرفه اضحك عليك ولا ازعل عليك يا اخي يتك وكسه روح روح ربنا يحنن عليك.
عمار قبل ما يمشي بالعجله،،، خدتيني لحم ورميتيني عضم يا بنت نرجس اختي غرضك مني ورمتيني اااه شرفي لا انتي تتجوزيني علشان نصلح غلطتنا.
دنيا بصتله بقرف وبتدخل علي شغلها.
عمار،،، هو انا لي محدش من بتنا طايقني اكنش انا العمل السفلي المعمول للبيت ااممم جايز برضوا اللهم احفظنااا.
عمار مشي بالعجله وقرب علي مدرسته.
عمار وركن عجلته جمب محل قبل ما يدخل المدرسه،،، بالله عليك يا عم صبحي مش هوصيك العجله هااا العجله يا عم صبحي انا اروح فيك في دهيه بقولك اهو.
عم صبحي البقال وكان قاعد قدام المحل علي الكرسي،،، اني مش عارف انتَ بقالك سنين بتركنها وبتلاقيها لازم اسطوانه كل يوم يكونش النهارده الي هتتسرق يعني!
عمار وبيشيل شنطته علي كتف واحد وداخل المدرسه بضحك،،، قلب الام يا عم صبحي بقي ههههه.
وكالعاده بيكون داخل متأخر...
بواب المدرسه،،، انجز يا خويه انجز الحصه ألاولي بدأت يا موكوس.
عمار بحصره،،،، حتي انتَ كمان عليا.
عمار مشي بسرعه في الحوش بتاع المدرسه علشان ميقبلش الناظر ويسمع ألاسطوانه بتاعت التأخير وطلع علي السلم بسرعه وكان بينهج وهو ماشي في الممر، كانت في مس بتشرح في الفصل...
عمار بعدم اهتمام للمس ودخل وبشاور لزميله،،، صباااحكووو فللل.
عمار لقي عصايه بتمنعه مبترجعه لوره.
المس بهدوء شديد،،، هي زريبه اهلك دي يا فندم ازاي تدخل الفصل كدا!
عمار بغيظ،،، لووو سمحتي يا أبله انتي وأوعي كدا عصايه ابله نظيره دي ومتجبيش سيره اهلي علي لسانك ماشي يختي وسعي كدا ربنا يسترك دنيا وأخره.
عمار جاي يدخل لقه المس شدته من قفاه ورجعته تاني يقف قدمها،،، اولاً مسميش أبله انا المس بتاعتك ثانياً  انا مش بياعه خضار في شارعكم علشان تتكلم معايه بالطريقه دي، ثالثاً انتَ مطرود من الحصه لان انا مش بدخل حد بعدي اتفضل بره.
عمار تنح.....
المس راحت قفله الباب في وشه والكل كان في الفصل عامل ليها حساب واحترام شديد.المس وجت تكمل...
عمار ودخل راسه فجأه من شباك الفصل،،،، اولا بقي يا أبـــــــــله مفروض متسديش الباب في وش التلموذ بتاعك علشان كدا بتجرحي شعوه التلموذ ماشي ثانباً مفروض ان اهلك يكونوا علموكي متسديش الباب قبل ما تستأذني من الي قدامك كنتي قوليلي بعد ازنك يا عمار وبعدين ارزعيه في وشي عادي لاااكن كدا عيييب عيييب يا متعلمه يا بتاعه المدارس هااا وثااااالثاً بقي مفروض انك تكوني ديموقراطيه شويه وتعملي حساب لظروف الناس انا بتأخر علشان بوصل الحروسه بتاعتي لمدرستها فياريت تعذري الناس يااامفتريه كشفت راسي ودعيت عليكي يا ي... واد يا ذكي اسمها اي الوليا دي.
ذكي،،، احمم المس نغم.
عمار وبيكمل كلامه،،، كشفت راسي ودعيت عليكي يا نغم يا بنت ام نغم، روحي اشوف فيكي يوم وانا الي بقول يا فتاح يا عليم ونويت اذاكر وهو علي رأي العندليب لما قال طريقك مسدوووداً مسدوووداً مسدووووداً.
عمار طلع راسه من الشباك وكمل تمشيه في الممر وحط ايده في جيب البنطلون وبيصفر..
نعم من قدام باب الفصل،،،، خد تعاله.
عمار بتمثيل،،، انا يا أبلتي.
نغم بهدوء،،، اه انتَ.
عمار راح ليها بملل،،، يااانعم.
نعم بنفس الهدوء،،، ادخل.
عمار ورفع احد حواجبه،،،، يا شيخه بسهوله دي!
نغم بهدوء مع نبره مخيفه،،، مش هعيد كلامي تاني.
عمار بقلق،،، ربنا يسترها علي ولايانا.
نرجع تاني في السوق....
بحد حوالي 5سعات لف...
نرجس بسرعه،،، لاااء يا نفيسه سيبي احمد في شغله احنا نروح المرادي بالمكروباص.
نفيسه بانهيده،،، طااايب.
مشيوا نحيه موقف المكروباصات بس ست وقفتهم،،، لو سمحتم ممكن اعرف بس اوصل شارع ****ازاي!
نرجس،،، يوووه دا احنا جران علي كدا احنا من نفس الشارع بس غريبه مشفتكيش قبل كدا!
الست دي بهدوء،،، اصل انا اشتريت شقه هناك وسكنت فيها انا وابني فاروق.
نفيسه،،، تنوروا الدنيا كلها تعالي اركبي معانه...
ركبوا المكروباص وطبعاً طنط نفيسه مش مبطلع كلام...
نفيسه،،، والله يا هدي يختي الواد احمد مغلبني بس اعمل اي قلب الام بقي الي ينشك بصعب عليا.
هدي بأبتسامه جميله بس مداريه تحت النقاب،،، ربنا يحفظهولك يارب.
نفيسه،،، احممم هو ابنك متجوز يا هدي!
هدي،،، لا والله مش عرفه مش راضي كل اما افتحه في الموضوع يقول مفيش عروسه هجبها منين انا عرفه انه بتلكك بس فعلا مش لقيه في الزمن ده بنت حشمه ومحترمه وهاديه تنفع زوجه لأبني، تعرفي تجبيلي عروسه يا ام احمد.
نفيسه بسرعه،،، يااااه دا ربنا بحبك، بنت نرجس مدرسه بنت هديااااااه.
علي الصعيد ألاخر في الفصل...
دنيا ومشعلقه الطفل من قفاه،،، وانتَ بقي ياااااادلعدي عملي فيها روميوا يااااااانحنوووح يبتاع سووسووو وربنا لشعلققك علي باب الفصل وهخليك عبره لمن يعتبر...
نفيسه وبتكمل كلمها،،، وطيبه كدا وحنينه حتي تنفع ام اوييي دي بلسم مع العيال...
علي الصعيد ألاخر في الفصل...
دنيا بتشد بنت من هدومها،،، ونتي يا نوحي يا نوحي مقضياها تسبيل اقفييييي عدل لوربنا افرج عليكي الفصل والمدرسه وامه لا أله إلا الله اناااا مش عرفه احنا في مدرسه ولا علي الدائري مقضينها شقط اي الجيل المهبب دا يا ربي دي استحاله اتكون مدرسه ابتدائي  اقعدي اقعدييييي يلي فرسني.
نفيسه بتلذذ،،، ولا صوتها الحنين الدافييي...
علي الصعيد ألاخر في الفصل...
دنيا بزعيق،،، ركزووووووو لا وربناااا انفخكم وفسيكم واحد واحد وبذاااات انتي ياااااض يا نحنوح فهميييين.
الاطفال بسرعه،،، فهمين 
هدي بأبتسامه،،، ما شاء الله تبارك المولي، لا كدا بقي يا نرجس اخد منك معاد بس بعد اما افاتح ابني الاول.
نرجس بفرحه لبنتها،،، ياااه دا انتي تشرفي.
علي الصعيد ألاخر في الفصل...
دنيا بتنهيده،،، عيال مبتجيش غير بالعين البني، يلا طلعوا الكتاب ومسمعععش نفس فهمييين.
الاطفال بسرعه،،، فهمين يا أبله.
دنيا بأبتسامه جميله،،، اذا كان كدا نبدأ الحصه يا كتاكيتي في نص السط ونكتب موقع مصر الجغرافي.
~في الاوضه عند جنان.....
جنان وبتكلم زهره في التلفون،،،، اه وربنا المأذون زمانه جاي اهو.
زهره بضحك،،، وكبرتي يا جنان وهتبقي عروسه هاااهاااي مين كان يصدق يا ناس الله يكون في عونك يا منصور علي الي هيحصل فيك انا اشفقت عليه.
جنان بخبث،،، احبك ونتي فهماني يا هرهر.
زهره بتنهيده،،، اعلش يا جوجو افصل معاكي اصل حوسه دخل ومش بعيد انه لو شفني بتكلم يسقطني السنادي وفقيها علقه محترمه.
جنان،،، سولام بس مش تنسي تسلميلي عليه ابن روحيه وربنا وحشني ابقو هاتو اتنين كيلوا موز وعملوا زياره.
زهره،،، من عنياااا افصلي يا رغايه هنطرد.
جنان وبتفصل الخط وقعده قدام المرايه تظبط طرحتها وبتستعد لكتب الكتاب وكان الكل في البيت مستني المأذون...
نواره مرات اسماعيل بتخبط علي الباب،،، جنه يا جنه.
جنان بأبتسامه هي عرفه انها هي لانها الوحيده الي بتندها باجنه،،،، ادخلي يا قلب جنه.
دخلت نواره لهدوء وكانت هتقفل الباب لقت زينه دخلت بسرعه،،،، جوووجووو المأذون زمانه جاي خلصتي!
جنان بضحك،،، اهلا اهلا بخبتي التقيله الي كسفتني كسفه لا يغمض لها الجفن اتفضحت علني النهارده بسببك.
زينه بضحك،،، وه حد قال ليكي تتزحلقي علي سور السلم اكده هههههه دا اني ضحكت عليكي ضحك كاااد اكده.
حميده والده منصور دخلت عليهم فجأه.
جنان بهمس،،، اششش الست الحكيمه جت.
حميده بجمود،،، يلا يا عروسه المأذون تحت.
جنان بأبتسامه،،، حاضر يا طنط جايه وراكي اهو.
نواره بأبتسامه،،، زي الجمر يا جنه.
جنان بضحك،،، بقولك اي انا قلبي رهيب بضعف من الكلام الحلو فحظري هزروط الدنيا حنان.
زينه ونواره ضحكوا ونزلوا مع جنان لتحت في الجنينه...
كانت فاطمه وفتحيه والدتها وحميده والده منصور ونواره وجنان وزينه  وبعض ستات العيله قعدين علي ارضيات جميله من الاسفتج المريح والرجاله في الجمب الاخر... 
المأذون وهو بيقوم بأجراء امور كتب الكتاب طلب جنان علشان تمضي. 
جنان ومشيه بفخر وقعده علي كرسي،،،،  امضي فين بسرعه علشان انا فضيه مش ورايه حاجه بليز. 
المأذون اتنهد ودها قلم،،،  اهو امضي اهنه. 
جنان بضيق،،،  قلم ازرق اي دا لااااء هتلي قلم احمر. 
منصور بشلل،،، لاااااااه هتمضي بده ماااله ده يا ام المصايب. 
جنان،،،  انتَ بتزعقلي يا ابو الصراصيرررر طيبببب  ،  طلقوني منوااا مش عيزاااه طلقوني اعاااء يا ميله بختك يا جوجو كان مستخبيلك او شنبات فين يختي منك للي كلت درع جوزها ني مش مستوي هه بس ومنك لله يا عمي كامل كله منك ألاهي لو كنت بتشرب تزور لو كنت بتاكل تفتس لو كنت ماشي تقع علي بوزك منااااك لله. 
منصور بصدمه وكذالك المأذون وحمدان كان بيضحك ومعظم الموجودين من افراد العيله وحاتم مسح علي وشه بتعب من تصرفات جنان. 
منصور بهدوء عكس كميه الغضب القاتله الي جواه،،،،  يعني الهوليله دي علشان علشان جلم احمر مش أكده،  برعييييييي هات قلم احمااااار. 
جنان بأبتسامه مكر وفس سرها،،،  ولسه يا ابو الصرصير ألي هتشوفه علي اديه،  علشان تعرف تعاملني بأحترام وسط الناس وخصوصاً الي اسمها فاطمه دي صبرك عليا يا ابن حميده.....
يتبع..
لقراءة الفصل السادس : اضغط هنا
لقراءة جميع فصول الرواية : اضغط هنا
تعليقات



حجم الخط
+
16
-
تباعد السطور
+
2
-