رواية بنت في ورطه الفصل الثامن 8 بقلم كوكي سامح
رواية بنت في ورطه البارت الثامن
 |
| رواية بنت في ورطه الفصل الثامن 8 بقلم كوكي سامح |
رواية بنت في ورطه الجزء الثامن
__ حوريه شافت قفل بجنزير دهب على باب القصر وبقت تنادى بأعلى صوتها
يا امل.. يا امل!!
بتشد الباب بكل قوتها
الشاب كان واقف بعيد.. قرب منها
محتاجه مساعده يا انسه؟
بصت وراها ولما شافته
انت مين وعاوز منى ايه!؟
الشاب.. انا يا بنتى مش فكرانى
حوريه بنرفذه.. والله عمرى ما شوفتك
وابتدى يفكرها باليوم اللى كانت بتغرق
فى الترعه
بس حوريه مش بتسمع كل اللى شاغل دماغها
تتدخل القصر وتنادى على أمل
الشاب قرب من الباب
على فكره يا انسه واضح كده ان القصر فاضى
حوريه.. ازاى.. امل جوه.. وايوب وولاد عمه وسالى
الشاب.. والله انا معرفش
مسك الجنزير.. اصل باب القصر مقفول
بعدين انتى من وقت ما وصلتى
وحضرتك بتنادى على اللى اسمها امل دى
ومفيش اى حد بيرد عليكى
القصر فاضى
حورية قعدت على الأرض وبكسره
انا مليش حد غير ابن عمى ومسافر
حطت ايدها على خدها.. اعمل ايه دلوقتى
واروح فييين💔
الشاب.. معاكى رقمها.. طلع الفون من جيبه
وقالها تتصل بيها
_ انا مش معايا فون
فتحت ايدها
مش معايا غير المفاتيح دى ومعرفش عنها حاجه
الورقه وقعت من ايدها
خدتها من على الأرض.. والورقة دى!!؟
الشاب مهتمش بالورقه وخد المفاتيح منها
وبصلها اوى
بس المفاتيح مش بتاعه القصر
لان الجنزير دهب وضخم واكيد مفاتيحه
غير دى خالص!
حوريه.. ايوه ما انا عارفه
مفاتيح القصر فوق فى الخزنه
مفاتيح دهب ومطبوع عليها أسمى
الشاب.. اسمك ايه بقى
حوريه.. انا حور العين شمندى
الشاب بأعجاب.. الله اسمك حور العين
اسم جميل اوى
حوريه.. هو انا فى أسمى دلوقتى
المهم هعمل ايه واتصرف ازاى يا اسمك ايه؟
الشاب.. انا خالد يا حور
حوريه بدموع.. انا هعمل ايه دلوقتى يا استاذ
خالد وهروح على فين
مد ايده ليها
تعالى يلا قومى
حوريه بصتلوا.. على فين!
خالد.. هاتى ايدك
حوريه.. ليه؟
خالد.. علشان اخدك معايا من هنا
انا هساعدك يا حور العين
قامت واقفت.. هتساعدنى ازاى؟
هتعرف تدخلنى القصر
خالد.. اكيد.. بس لازم تيجى معايا
حوريه.. على فين بردوا
انا مش فاهمه حاجه..وبخوف عاوز تاخدنى
وتروح بيا على فين؟
خالد.. يا ستى متخافيش.. نتمشى شويه لحد ما امل ترجع
حوريه بلهفة.. انت عارف هى راحت فين؟
خالد.. وهعرف منين؟.. انا بس سمعتك بتنادى عليها والقصر مقفول
فأكيد بتشترى حاجه يعنى
وشويه وترجع
وبصراحه انا مش بعرف اركز غير لما افطر
واشرب كوبايه الشاى المتينه
واضح من شكلك انك مرهقه وتلاقيكى
عاوزه تفطرى
فقولت اعزمك على الفطار
حوريه.. انا فعلا جعانه
خالد.. طيب انا اعرف كافيه كويس
يلا نروح نفطر فيه لحد ما امل ترجع
__حوريه بداخلها.. بس ازاى أمشى معاه
ده انا حتى معرفوش، ورجعت قالت لنفسها
بس هعمل ايه!؟
مش يمكن القصر يفضل مقفول ووقتها بقى
اروح انا على فين.. ومفيش حل غير ان اروح معاه
__ مشيت معاه وخدها وركبوا أوبر
ونزلوا عند الكافيه
دخلوا وقعدوا مع بعض وطلب الفطار
خالد قاعد قصادها وعينه فى عينها
بس كانت شارده
خالد.. فى حاجه يا حور
حوريه خرجت من شرودها وبعدم وعى ضربت بإيدها على الترابيزه
انا غلطانه.. وبتأنيب ضمير
انا ايه بس اللى خلانى مسمعش كلام
امل لما قالت مخرجش من القصر
خالد بخضه.. فى ايه؟
حوريه.. اكيد أيوب واخته وولاد عمه هيستولو عليه وياخدوووه.. أما أنا بقى ارجع اكتئب
ويمكن كمان الدكتور يكسف العلاج
ولا يرجعونى المصحه تانى
خالد بذهول.. مصحه ايه وعلاج ايه؟
ممكن افهم علشان اققدر اساعدك
حوريه بصت شمال ويمين ونظرات عينها اتغيرت
لخوف وعدم اتزان.. اققولك بس متقولش لحد
خالد.. قولى يا ستى وانا مش هقول
وبابتسامه تعجب.. مع انك قولتى كل حاجه!
حوريه.. الموضوع كله انى بحاول اثبت ان القصر مالكى امل وجلال قالوا كده
خالد.. مين جلال؟ وأمل تقربلك ايه
حوريه.. جلال ده ابن عمى إنما امل الممرضه
اللى بتابع علاجى
خالد.. هو انتى تعبانه.. مع ان مش باين عليكى
حوريه.. والله انا مش فاكره حاجه
بس هى قالت انى تعبانه من قبل ما ارجع من امريكا
خالد.. نعم.. هو انتى كنتى فى أمريكا!
طيب ازاى؟ وافتكر لما نقذها من الترعه!؟
وبداخله.. الظاهر كده انها مجنونه وبتخرف
يأما بتعمل مصيبه وهتوقعنى معاها
لانها عامله عبيطه ومش فكرانى
ورجع من تفكيرو.. كملى كملى
حوريه.. اه كنت فى أمريكا
وعملت حادثه انا وجوز ماما وماما واخويا الوحيد
وكلهم ماتوا فى الحادثه وانا الوحيده
اللى ربنا نجانى
وبعد الحادثه انا تعبت نفسياً ودخلت مصحه
وجالى اكتئاب ومن يومها وانا بتعالج
وباخد حقن وأدويه تهد الحيل
ومسكت دراعها وشاورت على مكان الحقن
شايف يا استاذ خالد
خالد.. يااه ده مكانها ازرق اوى
حوريه.. عارف.. القصر اللى انت شوفتوا انا بقى ورثته من جوز امى
واكتشفت من ساعه واحده بس ان جوز ماما
طلع بابا أيوب واخته سالى
وانا مكنتش اعرف! بجد مفاجأه
لأن امل مقالتش ان جوز ماما يبقى والد أيوب
ومسكت دماغها
اه علشان كده أيوب عاوز القصر وبيقولى يا نصابه
خالد.. هو أيوب بيقولك يا نصابه
وبداخله وبابتسامه سخريه.. اكيد نصابه
ما هو مش معقول واحده زيك تبقى صاحبه القصر
ده كله وكمان راجعه من امريكا
وبتتعالج.. انا حاسس انى هتجنن
من كام يوم وبايدى لسه مخرجها من الترعه
يبقى ازاى كانت فى أمريكا
معنى كلامها بيقول انها مكانتش فى مصر اصلا
يأما البت دى وراها حاجه كبيره بس لازم اعرفها
حوريه مسكت دماغها " صدااع صداااع "
وبصراااخ " صداااع جامد هيفرتك دماغى"
خالد بخوف قام شد الكرسى وقرب منها
ومسك دماغها.. طيب ثوانى هشوفلك مسكن
مسكت بطنها.. اه.. ورجعت مياااه كتير
خالد.. تعالى على الحمام
وكان بيحاول يسندها.. لمسها
ايه ده.. بترتعشى كده ليه!؟
جسمك متلج اوى 😱
_ مش بقولك انى بتعالج.. الحقنى انا تعبانه
حاسه ان روحى سايبه منى وهبوط رهيييب
واديتو الورقه والمفاتيح.. خدوهم منها
وبتوتر.. اعمل ايه دلوقتى يارب
حوريه وقعت من ايده واغمى عليها
خالد ب ارتباك وخضه😰.. حور العين.. مالك
الناس اتجمعت حواليهم
خالد بيفوق حور.. ولما كانت تفوق
كانت بترجع مياه بسسسس
ويغمى عليها تانى
خالد اتخض لما شاف الناس حواليهم
وبدأو يسألوا هى مين
قال إنها خطيبته وعندها انيميا
حاده بتخليها يغمى عليها اوقات كتير
وشويه وتفوق
شالها وخرج بيها بره الكافيه وخد اوبر علشان
يروح بيها على اققرب مستشفى
إنما بداخله.. لو روحت بيها مستشفى
هدخل فى س و ج
اولا انا معرفهاش ولا اعرف حاجه عنها
ثانيا هى قالت إنها عندها اكتئاب وبتتعالج
وبتاخد حقن وأدويه كتير
والأهم بقى انها صاحبت قصر
وانا اساسا انقذتها من ترعه
وبصراحه اخاف يكون وراها مصيبه
لان كلامها كله فى حاجه غلط
وبسرعه تفكير.. خد قرار
وطلب من السواق انه يغير الطريق وراح بيها
على بيته ولأن جارتهم ممرضه
فقال أنها هتابع حالتها
وممكن يطلب دكتور فى البيت
افضل من المستشفى
الاوبر وصل _
خالد نزل وعلى ايده حوريه
ودخل بيها على شقته وبقى يخبط برجله على باب الشقه
منال " اخته" ثوانى ياللى على الباب
لما فتحت وبزعيييق.. مش معاك مفتاح
خالد دخل بسرعه على اوضته
منال بتعجب شديد.. ايه ده مين دى يا خالد
قتيله😰.. يا نهار اسود ومنيل😱
خالد نيم حور على السرير
وبيحاول يفوقها
منال جريت على المطبخ.. ماما
الام.. فى ايه مسروعه كده ليه!؟
منال.. خالد ابنك جاى وعلى ايده بنت
الظاهر كده مقتوله وبقت تلطم على وشها
الام.. قتيله😰
خرجت بره المطبخ ولقت خالد قصادها
الام.. قتيله ايه دى يا ابنى
خالد بتوتر.. دى بنت مغمى عليها وقولت اساعدها
الام بخوف وغضب.. ازاى يعنى تتدخل بيتنا
بنت منعرفهاش
خالد.. بعدين يا امى
الام.. مش بعدين.. انا عاوزه اعرف مين البنت دى؟
خالد تجاهل كلام الام وقرب من منال وطلب منها تروح تنادى ناديه " الممرضه جارتهم"
علشان تطمنه على حور
وفعلا راحت ورجعت ب بالممرضه
ولما شافتها قالت إنها مش فاهمه فى حالتها
خالد.. هى رجعت مياه كتير وكانت حاسه بصداع
واغمى عليها
الممرضه.. يمكن هبوط
عموما هى محتاجه دكتور
بس اللى اقدر اعملوا معاها هركب لها محاليل
وهقيس لها الضغط
لو هبوط هتفوق على المحاليل
وان شاء الله خير
وجابت جهاز الضغط وبعد ما شافتو
قالت ان ضغطها واطى شويه
ويبقى كده هبوط
وركبت لها المحاليل
خالد.. هتفوق يا ناديه
ناديه.. ان شاء الله.. المحلول بياخد وقت وانا هقعد جمبها لحد ما تقوم بالسلامه
بس مين دى يا خالد؟
قربيتكم.. انا اول مره اشوفها
خالد.. اه حاجه زى كده.. قريبتنا من بعيد
ناديه.. مممم.. ربنا يطمنكم عليها
__ خرج خالد وكان باين عليه التوتر والخوف
الام شدته من ايده على اوضتها وبخوف وغضب
مين دى يا خالد؟
وتعرفها منين؟ فى ايه بينك وما بينها ها
طمنى يا ابنى
خالد بداخله " لو قولت انى اعرفها مش هخلص
ووقتها ماما مش هتسكت وممكن تطرد حور "
الام.. رد عليه انت تعرفها؟
خالد مسك ايدها وقعد بيها على السرير
يا ست الكل ليه القلق ده كله
الحكايه بسيطه خالص وانا خارج الصبح
لقيت البنت دى فى وشى وكانت بتسألينى
على اسم شارع معين وهى بتتكلم معايا فجأه
وقعت واغمى عليها
فقولت اساعدها علشان كانت لوحدها
ومش معاها اى حد.. صعبت عليه
الام.. يا حبيبى انا خايفه عليك
الدنيا بقت وحشه ومبقاش فيها امان
انا مليش غيرك انت واختك وتعبت فى تربيتكم
لحد ما بقيت راجل يعتمد عليه
واختك بقت ست البنات
خالد.. ما علشان انا راجل واتربيت كويس
حبيت اساعد البنت لأنها كانت لوحدها
الام.. ربنا يبعد عنك ولاد الحرام يا ابنى
خالد بداخله " والله يا ماما انا نفسى مش مطمن
ومش عارف حور وراها ايه"
يتبع.....
لقراءة باقي حلقات الرواية اضغط على (رواية بنت في ورطه)