القائمة الرئيسية

الصفحات

رواية خادمتي الخاصة الفصل الثالث 3 بقلم جهاد أشرف

 رواية خادمتي الخاصة الفصل الثالث 3 بقلم جهاد أشرف

رواية خادمتي الخاصة البارت الثالث

رواية خادمتي الخاصة الفصل الثالث 3 بقلم جهاد أشرف


رواية خادمتي الخاصة الجزء الثالث 

= بالله لو بتحب ربنا ما تقرب عليا وخليك بعيد......
بيقرب عليا وانا نطيت علي السرير 
- اهدي متخافيش
اتعصبت =اهدي مخافش ازاي انت مش شايف ماسك ايه في ايدك 
-دي قطة
اتكلمت بخوف = بلا قطة بلا كلب ابعدها عني بسرعة 
قرب عليا- اوعدك ان هي مش هتعملك حاجة 
سابها وهي نطت علي السرير وبعدها محستش بحاجة 
- ملك ملك فوقي
فتحت عيني علي صوت هادي بيتكلم، افتكرت اللي حصل وقومت مفزوعة 
=القطة.. القطة فين 
اتكلم بهدوء وحنية اول مرة اشوفهم
- اهدي خلاص مشيتها...انتي عندك فوبيا من القطط!!؟
هزيت راسي بمعني اه وقومت 
= انا اسفة عملتك ازعاج وتعبتك معايا 
- محصلش حاجة انتي كويسة دلوقتي
= اه.. عن إذنك؟ 
سبته وخرجت روحت اوضتي واول ما قفلت الباب اتنفست بصوت عالي ... ايه الاحراج دا...كان لازم حوار القطة دا النهاردة...بقا انا مكنتش بخاف من حاجة يغمي عليا من قطة قصاده....
افتكرت فوني فا خرجت عشان اخده...كنت طالعة وسمعت صوت في المطبخ...رجعت ودخلت المطبخ 
= إنت بتعمل ايه 
كان مركز في اللي بيعمله ومبصليش
 - انتي شايفة ايه
= وانت بتعرف تطبخ 
رد بسخرية - وهدخل المطبخ ليه لو مش بعرف
= صح معاك حق..طب انا كنت..
قاطعني - انتي مش هتقوليلي هات وانا اطبخ بدالك بما انك البنت يعني 
=واقولك ليه انت اللي عايز تاكل مش انا وكمان انا لو بعرف اطبخ كنت عزمت عليك والله يا عسل 
-عسل!!
=متركزش اوي..المهم دلوقتي انا عايزة فوني 
كان بيقطع الخضار وهو بيكلمني 
-انتي قرأتي الفيلم الاول 
=لا 
رد ببرود - اما تخلصيه ابقي خدي فونك
= طب انت خدت الفون وقطعت المكالمة بتاعتي واحمد كدا هيقلق عليا 
اتكلم بفضول مش ظاهر اوي 
- أحمد مين
=حبيبي وحياتي وكل حاجة حلوة في دنيتي اتولدت بحبه و....
-جهزي السفرة 
=نعم!
بصلي بجمود واتكلم بحدة 
-جهزي السفرة عشان ناكل 
هو ماله دا هو انا قلت حاجة غلط ولا هو بيغير!
لا لا اكيد مش بيغير هو بيحبني عشان يغير عليا؟ وكمان انا ليه مقولتش ان هو اخويا علي طول بدل قصيدة الشعر اللي قولتها فيه دلوقتي!!
كنا بناكل انا وهو ومفيش صوت غير صوت المعالق 
=صح هي فين ماما ماجدة 
-في دار المسنين
اتصدمت = فين 
- راحت دار المسنين في ايه مالك 
=بتودي والدتك دار مسنين..، عايز ترتاح منها!..... انا اول ما شوفتك مستريحتش لك بردوا... انا قولت كل اللي عنيهم حلوة زي القطط زيك كدا بيطلعوا غدارين زيهم بالظبط 
رد ببرود- خلصتي 
=لو عايز تاني معنديش مشكلة 
- الدار بتاعتها و هي راحت هناك عشان بتزور الناس اللي ملهمش حد وبتقعد معاهم وهتيجي بكرا
مش بقول انا بقيت قليلة الذوق زيه 
- اعتذري 
=نعم 
-انتي غلطي فيا والمفروض تعتذري 
=هات فوني وانا اعتذرلك 
-قومي البسي عشان هنمشي 
بصتله بإستغراب
=هنروح فين..انت معندكش تصوير النهاردة 
- هنروح مشوار 
هو ماله النهاردة بيتصرف عكس طبيعته معايا خالص بقا محترم...مسألتش تاني وقومت لبست وخرجنا وهو اللي كان سايق  العربية...نزلنا من العربية 
بصيت للمكان ورجعت بصتله بإستغراب 
= ميتم!!احنا ايه اللي جايبنا هنا 
فتح شنطة العربية وطلع منها هدايا كتير..جابهم امتي دول!
-تعالي شيلي معايا 
شيلت معاه ودخلنا وقابلتنا ست كبيرة في السن..من كلامهم عرفت ان الميتم بتاعه..،خلص كلام و خرج للاولاد وفرحوا اول ما شافوه...وقفت بعيد اتفرج عليه وهو بيضحك وبيعلب من الاطفال كأنه طفل معاهم..اكيد عنده شخصية غير اللي بيظهرها معايا
كنا راجعين في العربية،كنت سرحانة وبفكر هعمل ايه وابعد ولا لا ولو مبعدتش هعرف عن حياته ازاي
- بتخافي من القطط ليه 
فوقت علي صوته،وهو مهتم ليه!
=وانت بتخاف من الصحافة ليه 
رد بهدوء - انا مش بخاف من الصحافة انا مش بحب حد يدخل في حياتي وعايز حياتي تبقا هادية 
=بس انت ممثل والمفروض عارف انك هتبقا حديث الجميع والكل هيكتب عنك 
-انا داخل التمثيل عشان حاجة معينة مش عشان ابقا حديث الجميع والصحافة تكتب عني 
استغربت واتكلمت بفضول حاولت مبينهوش 
=ممكن اعرف ايه هي الحاجة دي 
-لا 
اتكلمت في سري =دا انت بارد 
-سمعتك علي فكرا 
= ما تسمع هو انا يعني هخاف...انا عايزة فوني 
-اما نروح ابقي خديه
هو ماله هادي النهاردة ليه ومزاجه رايق ومش بيتكلم ببرود زي الاول..اكيد فيه حاجة غلط 
وصلنا ودخلت اوضتي وكان في علبة علي السرير 
=جت هنا ازاي دي وبتعمل ايه 
قربت منها وفتحتها كان فيها فستان شكله جميل جداا وبسيط رجعت بصيت للعلبة كان فيها ورقة،فتحتها وكان مكتوب فيها 'اخرجي برا' 
خرجت ولقيته واقف عند السفرة كان فيه تورته علي السفرة
=ايه دا كله
-كل سنة وانتي طيبة 
ابتسمت= وانت طيب بس عرفت ازاي ان النهاردة يوم ميلادي 
-كنت شوفتها في البطاقة بتاعتك وكمان انا عملت كدا عشان انتي بعيد عن اهلك واكيد كنت بتحتفلوا سوا 
ضحكت = هو الصراحة اليوم دا احمد اللي بيفكرني بيه دايما وانا بنساه...انت اللي جايب الفستان اللي جوا دا صح 
-اه كنت جايبلك قطة بس اول مرة اشوف بنت بتخاف من القطة 
=انا حقيقي آسفة بس انا عندي فوبيا منهم من وانا صغيرة...بس انت طلعت طيب مش زي ما كنت فاكرة 
- كنتي فاكرة ايه
= كنت فاكرة انك مغرور وعندك مشكلة في بوئك عشان كدا مبتضحكش و وانت صغير شربت ماية ساقعة كتير عشان كدا بارد معايا و كنت بتشرب قلة ذوق بدل اللبن وانت صغير 
اتكلمت بسرعة وانا بعدهم علس صوابعي وهو بصلي بذهول 
ضحك بصوت عالي- ايه دا كله 
=ايه دا انت عندك غمازات..يا بختك انا معنديش 
-انتي شكلك مجنونة...انا داخل انام تصبحي علي خير 
=استني 
وقف- في ايه تاني 
=مش هتاكل معايا تورته دا انت اللي جايباها، استني خليك واقف مكانك متمشيش
دخلت المطبخ جبت شمعة وكبريت وخرجت ولعتها وحطتها في التورتة 
سأل بإستغراب
-انتي بتعملي ايه 
=هتمني امنية
-انتي بتصدقي الحاجات دي 
= هنجرب ونشوف 
اتمنيت امنية في سري وبعدين طفيت الشمعة 
-اتمنيتي ايه 
اتكلمت بسرعة=اتمنيت نبقا اصحاب 
بصينا لبعض عشر ثواني بستوعب انا قولت ايه وهو المفروض يعمل ايه 
ابتسم- موافق 
= احلف قول والله 
اتلكم بثقة - لو مش مصدقة يبقا خلاص مش لازم... مفيش صحوبية من غير ثقة 
ابتسمت=لا لا طبعا مصدقة دا انا مصدقت 
-ما صدقتي ايه 
=هاا لا لا مفيش...قصدي يعني حد يطول يصاحب الممثل مراد 
- طب انا هسيبك تستوعبي براحتك وانا هطلع انام تصبحي علي خير 
=وانت من اهله 
طلع اوضته وانا فضلت اتنطط زي الاطفال من الفرحة لحد ما وصلت ل اوضتي....انا مش مصدقة جزء من مهمتي خلص خلاص قربت امشي من هنا...بس 
قعدت علي السرير بيأس وفكرت إن احنا بقينا اصحاب يعني هيثق فيا وانا كدا هكسر ثقته لو عملت اللي عايزاه 
=ملك فوقي انتي جاية هنا عشان شغل مش عشان تصاحبي حد 
صح... انا هنام دلوقتي وبكرا ابقا افكر بهدوء 
تاني يوم كنا قاعدين بنفطر انا وهو وماما ماجدة رجعت...
=صح انا عايزة الفون بتاعي 
-انتي خلصتي شغلك؟ اما تخلصي شغلك ابقي خدي فونك 
=انت رجعت لشخصيتك القديمة ولا ايه بالله رجعلي فوني وبعدين ارجع مترجعش مليش فيه 
- فون ايه وشخصية قديمة ايه؟انتوا بتكلموا في ايه 
=ماما ماجدة خلي ابنك يرجعلي تليفوني نتشه مني امبارح وانا بتكلم فيه 
- ابنك!! ابنها دا ملهوش اسم يعني..،وبعدين قوليلها كنتي بتكلمي مين 
=بكلم مين انت مالك رجعلي التليفون
-رجعلها تليفونها يا مراد مترخمش عليها 
رد ببرود = اما تخلص الشغل اللي قولتلها عليه وهرجعه 
- مراد رجعلها الفون ومترخمش عليها كتير،وانا داخلة ارتاح عشان تعبانة شوية 
قالت كدا وقامت وهو قام يسندها واتكلم بقلق 
-مالك تعبانة اجبلك دكتور
ابتسمت عشان تطمنه-لا يحبيبي انا كويسة بس انت عارف السفر متعب فا انا هدخل انام شوية وهبقا كويسة 
كنت متابعاهم لحد ما ماما ماحدة دخلت اوضتها وهو اتكلم
-تعالي خدي فونك 
نيننني..، متعجرف ومتخلف وانا اللي كنت مفكرة اننا بقينا اصحاب دا ميصاحبش بني آدمين دا عايز حيوانات يصاحبهم 
-اتفضلي فونك ومشوفكيش قاعدة عليه وانتي بتشتغلي 
نتشت الفون منه = وانت مالك هو انت امي 
- امك!!!
=ايوا امي بس اللي تقولي سيبي الزفت دا من ايدك شوية انما انت تقولي ليه 
سبته فاتح بقه من الدهشة ونزلت ومردتش عليه...،دخلت اوضتي وسجلت كل حاجة حصلت امبارح عليه عشان منساش حاجة 
عدي اسبوعين ومحصلش حاجة غير ان انا وهو بقينا ناقر ونقير اكتر من الاول مش عارفة البنات بتحب فيه ايه دا!!!
كنا في موقع التصوير بتاعه... واقفة بعمله قهوة جت واحدة معرفهاش واتكلمت بتكبر 
-اعمليلي فنجان قهوة معاكي 
=ايدك دول ولا مستلفاهم من حد 
-ايه!انتي بتقولي ايه 
=عارفة لو كنتي طلبتيها بإحترام كنت عملتها لك بس انا شايفة انك مش مشلولة اعمليها لنفسك وكمان انا مش شغالة عندك 
اتعصبت-انتي ازاي تكلميني كدا 
اتنهدت بصوت = اللهم طولك يا روح 
جه صوت من ورايا واتكلم ببرود
-هي مش شغالة عندك ممكن تعمليها لنفسك زي ما قالتلك 
مدهاش فرصة ترد ومسك ايدك ومشينا..دخلنا اوضته 
=مين دي انا كان ثواني وهجبها من شعرها 
-دي بطلة الفيلم 
=دي بطلة الفيلم!! دا انا احلي منها 
ابتسم- اكيد طبعا 
رفعت حاجبي = انت بتتريق...
اتكلمت بثقة=وبعدين انا متأكدة ان انا ممكن امثل احسن منها 
-تجربي 
=اجرب ايه 
-امسكي دا ورق النص هتعملي نفسك البطلة قدامي وهتقولي الكلام اللي مكتوب دا وانا هتدرب معاكي
=موافقة 
مسكت الورق وقرأت المكتوب بصوت عالي 
=البطل بيقرب من البطلة...
رفعت راسي لقيته قريب مني جدا، اتوترت لما لقيته قرب مني جامد... مش كدا يا اخ عايزة اتنفس..كملت قرأة
= وبعدين بيقول للبطلة انا...
- انا بحبك.....
يُتبع

reaction:

تعليقات