القائمة الرئيسية

الصفحات

رواية خادمتي الخاصة الفصل الثاني 2 بقلم جهاد أشرف

 رواية خادمتي الخاصة الفصل الثاني 2 بقلم جهاد أشرف

رواية خادمتي الخاصة البارت الثاني

رواية خادمتي الخاصة الفصل الثاني 2 بقلم جهاد أشرف


رواية خادمتي الخاصة الجزء الثاني 

-دعوة ايه!! 
=ها دعوة... ااااه 
مكملتش الجملة وكنت وقعت في حضنه بسبب سرعة السواق
اتكلم ببرود - هتفضلي نايمة كدا كتير
بعدت عنه بسرعة...دورت وشي للشباك علي ما نوصل مش عايزة اشوفه...هو الجو حر ليه!!؟
وصلنا..،دخلنا واول ما دخلت رميت شنطته علي الارض  وفضلت احرك في كتفي عشان وجعني
=اااه كتفي الجبلة سايبني اشيل الشنطة وهو ماشي كدا 
كنت ماشية وداخلة اوضتي..وقفني صوته
-استني متمشيش 
بصتله = عايز ايه
-ايه هي الدعوة اللي دعتيها عشان الصحفيين يمشوا ورايا
=انت ليه مش بتحب الصحفيين؟ وكمان انت ممثل واكيد الكل هيكتب عنك
- متجاوبيش السؤال بسؤال
=انا دعيت دعوة امتي دا! انا مش فاكرة... إنت فاكر!
عملت نفسي من بنها عشان مش عايزة اناقشه 
رفع حاجبه- اومال ايه دعوتي اتحققت بسرعة دي 
طب انا ليه مقلهوش وكمان انا مدعتش عليه بحاجة وحشة يعني 
=ماما قالتلي نصيحة زمان إني ابقا بتاعة مصلحتي مع الشخص بتاع مصلحته 
بصلي بإستغراب من الكلام اللي بقوله وانا مش فهماه انا كمان 
=بمعني انك عايز اجاوبك يبقا تجاوبني علي سؤالي انا كمان...يعني هات وخد 
-اعتقد خلي نصيحتك لنفسك انا مش بتهدد 
اتكلمت بثقة = دا مش تهديد دي مساومة يعني احنا الاتنين مستفادين
رد بسخرية وهو ماشي ومديني ضهره
-خلي مساومتك لنفسك وانا اكيد هعرف 
سابني وطلع بردوا الشخص دا بارد ومغرور وتنح وقليل الذوق وفيه كل الصفات المتخلفة اللي زيه..يا ربي ايه دا!
ليه وقعت مع الشخص السمج دا!!
-الشخص السمج دا البنات كلها هتموت عليه 
=ااااااااه 
صوتت لما لقيته بيتكلم جمب ودني...بصتله بذهول
-بطلي تفكري بصوت عالي 
المرة دي انا اللي سبته ومشيت...يا رب اخلص الفترة دي علي خير  قبل اما ابقا قليلة الذوق زيه 
كنا واقفين في المطبخ انا وماما ماجدة وقولت استغل الفرصة واعرف اي معلومة عنه.
=ماما ماجدة ممكن اسألك سؤال 
ابتسمت - اسألي يحبيبتي 
الست دي انا هاخدها وانا ماشية من هنا عشان هي خسارة فيه
= هو والد مراد فين انا مشوفتهوش من ساعة ما جيت هو متوفي؟
- والد مراد.....
-الاكل جهز؟ انا جعان 
ايه اللي جابه دلوقتي دا مش وقته خالص
-خصلنا يا حبيبي ملك بس بتعمل السلطة 
ماما ماجدة قالت كدا وخرجت تظبط السفرة...بصتله بغل ورجعت اقطع السلطة بعصبية
صوتت = اااه 
كنت بقطع السلطة والسكينة عورتني
جه بعد ما كان خارج من المطبخ..مسك صباعي ومتكلمش  وسحبني وراه وحط صباعي تحت الحنفية 
-تعالي
خدني وطلعنا اوضته قعدت علي السرير وبصيت لاوضته بإعجاب كانت منظمة ونضيفة.... خرج من الحمام اللي في اوضته  وفي ايده علبة 
=انت هتعمل ايه 
- صباعك اتفتح جامد فا هعقملك الجرج 
قومت وقفت وكنت ماشية= لا شكرا هو كويس شوية وهيخف 
مسك ايدي ورفع حاجبه وابتسم بسخرية   -استني..متقوليش انك بتخافي من الادوية
=لا طبعا مش بخاف.. بس هو بيحرق 
ابتسم وظهرت غمازاته - لا مش بيحرق يا طفلة
ضحكت=ايه دا انت ابتسمت!انت بتضحك زينا 
رجع لبروده- زيكوا ازاي يعني 
=اصل انا من ساعة ما جيت هنا ومشوفتكش بتضحك
-إنتي راغية ليه ممكن تثبتي عشان اخلص
سكتت.. قعد جمبي علي السرير و مسك صباعي وبيعقمه وساكت ومركز في اللي بيعمله...ركزت فيه وملامحه هو ازي مغرور وحنين في نفس الوقت!اكيد وراه سر كبير مش عايز حد يعرفه وانا اللي هعرفه...
افتكرت ان هو قال عليا طفلة 
زعقت=صح انت ازاي تقول عليا طفلة 
كان لسه بيعقم صباعي
-عشان مفيش  حد بيخاف كدا غير الاطفال
=عندي 24 سنة ويجي واحد يقولي طفلة... صح انت عندك كام سنة 
رد بهدوء - 28 سنة 
=هو انا ممكن اسألك سؤال 
-يعني لو قولتلك لا هتسكتي 
=لا طبعا...هو انت والدك فين وليه مش بتقول اسمه 
ساب صباعي وقام وقف واتكلم ببرود
- انا خلصت..قومي اطلعي برا 
قال كدا وسابني ودخل الحمام...مش انا قولت دا واحد مترباش...
عدي اسبوعين 
=اكتشفت فيه حاجات جديدة  زي إن هو طيب جدا وحنين وبيلعب رياضة اول ما يصحي من النوم 
-ايه المعلومات دي يا ملك دي معلومات مش هتخليكي تترقي دي هترفدك خالص 
=طب اعمل ايه يا آية قوليلي هو شخص غامض وبيبن شخصيته المغرورة ومش عارفة اكتشف فيه اي حاجة جديدة 
-صاحبيه
=نعم! اصاحبه ازاي يعني 
-صاحبيه عشان يقدر يثق فيكي وساعتها هيقدر يحكي عن حياته ليكي وهو واثق فيكي 
=تفتكري ممكن 
-افتكر جداا بيحصل كدا في الافلام 
=انا ازاي بسمع كلام واحدة زيك انا هقفل دلوقتي.. سلام 
-خلي بالك من نفسك... سلام 
كنت بكلم آية وببعتلها المعلومات اللي عرفتها عنه..ما هو بردوا دي مش معلومات ما اي شاب بيعمل اللي هو بيعمله..، انا هصاحبه زي ما آية قالت هحاول اخليه يثق فيا..... خرجت من اوضتي لما سمعته بيندهلي
=نعم 
-تعالي ورايا 
جزيت علي سناني = حاضر 
مشيت معاه لحد ما وصلنا ل اوضته ودخلت 
- امسكي اقرأي السناريو الفيلم  دا وبعد ما تخلصيه هتلخصهولي عشان اشوف اوافق علي تصويره ولا لا 
=وانا ما...حاضر عايزه امتي 
كمت هعترض بس افتكرت كلام آية 
بصلي بإستغراب ورفع حاجبه- ايه دا انتي وافقتي بالسرعة دي مش هتقولي لا 
اه دا عايزني ادخل معاه في جدال معاه واتخانق
=لا طبعا مينفعش انت المدير بتاعي وانا لازم اسمع كلامك
-طب اتفضلي الفيلم اهو وعايزك تخلصيه في يوم 
كنت هزعق واقوله يوم واحد ازاي بس تلفوني رن.. بعدت عنه شويه وفتحت الفون ورديت
=احمد عامل ايه وحشتني جدا 
-وانتي عاملة ايه يا اوزعة عايزك ترجعي بسرعة... مش لاقي حد ارخم عليه 
=عايزني ارجع عشان ترخم بس مش عشان وحشتك
ضحك - لا طبعا وحشتيني...اتصلت عشان اقولك كل سنة وانتي طيبة النهاردة عيد ميلادك 
ضحكت - افتكرته بردوا..وانت طي..ااه 
مكملتش جملتي بسبب اللي نتش مني الفون وقفله
 اتعصبت=انت ازاي تاخده مني كدا وبتاخده ليه اصلا
-انتي ازاي تكلمي في الفون وانتي بتشتغلي 
استغربت= بشتغل فين وبعدين انت مالك اتكلم ولا متكلمش لو سمحت هات الفون 
رد ببرود - لا الفون مش هتاخديه غير لما تخلصي تقرأي الفيلم 
= بقولك هات الفون 
الجرس رن
- انزلي افتحي 
بصتله بجمود
- انزلي افتحي هتفضلي واقفة كدا 
رميت الورق اللي ادهولي بعصبيه علي السرير ونزلت...يا رب تكون ماما ماجدة عشان تنجدني من المتخلف دا..فتحت الباب 
= مين حضرتك
- انا اسف مش دي شقة مراد 
= اه هي اتفضل 
دخلته وقعدته في الصالون وطلعت للكائن قليل الذوق اللي فوق 
=في واحد عايزك تحت 
-نازل 
كان خارج ورجع تاني 
-خديي الورق واخرجي من الاوضة ومتلعبيش في حاجة مش بتاعتك 
اتريقت= هلعب في حاجة مش بتاعتي ليه؟ انا مش متطفلة زيك 
سابني وخرج وانا خدت الورق وكنت خارجة وافتكرت ان هو كان خارج فاضي ومش معاه الفون...سبت الورق وتجولت في الاوضة كنت بفتح الادراج واي حاجة 
=هيكون حطه فين...تحت المخدة 
قلبت المخدة ومكانش فيه حاجة
-بتعملي ايه 
دورت وشي=بعمل......يا نهار اسوووود 
رجعت خطوتين لوراء من اللي شوفته
اتكلمت بخوف = بالله لو بتحب ربنا ما تقرب عليا وخليك بعيد......
يُتبع

reaction:

تعليقات