رواية أبايزو الفصل الأول 1 بقلم دينا عبدالحميد
رواية أبايزو البارت الأول
 |
| رواية أبايزو الفصل الأول 1 بقلم دينا عبدالحميد |
رواية أبايزو الجزء الأول
قاعده تحت القمر وفجأه صوت رساله وظهرت قدمها رساله ماسنجر كانت من اكونت غريب اول مره تشوفه وهي مبتقبلش ناس غريبه.
فتحت لقت الي باعت رساله وبيقول انتي فعلا بتحبي الظابط ده ولا بتغظيني بيه
استغربت من السؤال وفضلت تركز شويه ومش فاهمه حاجه وبعدين ضغطت ع الاعدادت وعملت بلوك فوراً بس الغريب البلوك قال لازم بعد 48ساعه
ازاي وهي اول مره تشوف الاكونت ده
48ساعه يعني ده شخص كان عندها واتحظر والحظر اتفك ازاي كده
قطع شرودها رساله تانيه سكتي ليه
اوعي تكوني بتسالي نفسك البلوك اتفك ازاي ،عشان اكيد مش هتعرفي بسهوله ومحدش عنده اجابه غيري
فضلت متنحه وبعدين جتلها فكره وعملت بلوك ماسنجر
وبعدين لفت ف الشات ملقتش حاجه قديمه
ابتسمت بهدوء وقفلت نت
و رجعت تسمع اغنيه (حبيبي بالبنط العريض )
وهي بتشرب كوباية قهو وتقراء (رواية نصف عذراء ) بتاعة كاتبه شابه كده ظهرت جديد اسمها ديناعبدالحميد باستمتاع
(*شكل الروايا مشوقه تعالوا نبقا نقراها انا وانتم عشان نشجع الكاتبه نرجع لحكايتنا*)
فضلت تقراء لحد الهوا ما بدأ يشتد فدخلت
قلعت حجابها ولبست لبس بيت ظهر
عيون بني فاتح قريبه من عسلي
وشعر اسود طويل
وبشره قمحي فاتح قريبه من الابيض وطولها وسط
واحم... كيرفي ووش مدور
فيه خدو️ ووزن متوسط وملامح هاديه
ودخلت ع سريرها بس قبل متنام بصت ع السرير الي حنب سريرها وبين السريرين طرقه فيها كومدينو عند الجدار
وصورها مليه الاوضه ف بوسترات ع الحيط هي وبنت كمان من نفس سنها بصت بابتسامه للبنت الي مش اقل منا جمال نفس الملامح بس البنت شعر اصفر وعيون زرقاء وقالت بهدوء ملاك وانتي نايمه يا غيداء والله قمر نوم الهنا
واتغطت ونامت
الفجر قلقت ع صوت رسايل كتير قلقها قفلت نت وقامت تصلي ونسيت الرسايل الي ف الفون وخرجت ع جامعتها ووقفت تضحك مع صحبتها
صوت رساله ع الفون العادي فتحتها لقت رقم غريب بيقول
بطلي هزار واتحركي من عندك عشان مزعلكيش
بصت بصدمه واتجهلت الرساله وكملت ضحك مع صحبتها وخلص اليوم ورجعت فتحت نت لقت رسايل كتير متعصبه وبتقول حسابك معايا ولقت صور بتحمل
مجرد مشافت الصور اغمي عليها من الصدمه وفونها وقع فصل شحن فاقت لقت راجل عجوز شعره ابيض بص شكله رياضي وده عمها اسمه رياض
وست شيك بس بنت بلد وعيونها خضراء ودي مراته اسمها سريا
كانواقاعدين جنبها
رياض بحنان مالك يا روميساء
روميساء بتوتر مفيش انا كويسه
سريا ومالك متوتره ووشك مخطوف
روميساء بسرحان ها لاء لا مفيش
سريا مظنش انتي مخبيه ايه يا روما
روميساء بتصنع التعب مفيش بس مرهقه
سريا بصت بتضيق عين متأكده
روميساء بتردد اي....ايوه
كانت سريا هتتكلم بس رياض قطعها وقال سيبي روميساء ترتاح وبعدين نبقا نفهم
سريا كانت هتتكلم وبتقول بس .....
قاطعها رياض وقال
رياض لاء يا سريا منغير بس سيبيها ترتاح
واخدها وقام طلعها ورجع ل روميساء وقال بحنان روميساء انتي بنتي ومسئوليتي من يوم وفاة اهلك وباس خدها وقال متاكد لما يجي وقت هتحكيلي مالك وانا مستني اما تجهزى وتحكي وغطاها وخرج
مسكت روميساء فونها تااكد وفعلا كان شات كتير بينها وبين الشخص ده وكله كلام مش كويس وصور وحشه ليها بلبس البيت وبشعرها واكتر من كده
فضلت تعيط روميساء بصدمه هي متعرفهوش ومبتكلمش شباب بس ازاى ده والاغرب انه نفس الرقم الي حظرته بليل ورجعت بالرسايل لقته هو الى بعت الفجر
كان بيزعقلها وكمل بالصور
فضلت روميساء تفكر بحيره وخوف ازاى حصل ده
لحد مقررت انها تفهم مين ده
بعتتله رساله مردش
والتانيه والتالته كذالك
يأست وقفلت الفون وبدأت تعيط بحسره وهى مش فاهمه ايه ده
يُتبع ..
- لقراءة باقي حلقات الرواية اضغط على (رواية ابايزو)