القائمة الرئيسية

الصفحات

رواية خطوه مميته الفصل الخامس 5 بقلم أروى طاهر المسلاتي

 رواية خطوه مميته الفصل الخامس 5 بقلم أروى طاهر المسلاتي

رواية خطوه مميته البارت الخامس

رواية خطوه مميته الفصل الخامس 5 بقلم أروى طاهر المسلاتي


رواية خطوه مميته الجزء الخامس 

اذن صلاة العشاء وبدت الشوارع فاضيه بكري بكري 
بسبب الصقع❤️
النسمه البارده صعب يتحملها اي حد بدون دفئ❤️
روحت ريان من المشفى بعد ما تأكدو ان كل شي سليم وتمام 
روحت وهيا متحشمه قدام فجره وادم بسبب الحادث 
مع سيف والساعه11في الليل اي حد رح يفكر غلط ❌
خشت غرفتها والاوضاع كانت متوتره !
سكرت على نفسها الباب وقلبها بيطلع من الخوف تراجي امتى تخش عليها فجره يلي ربتها كأنها امها ❤️
وكيف رح تكون ردة فعلها على الحادث يلي صار !!
اما فجره كانت في الغرفه يلي جنبها لكن!!!
لكن كانت في عالم تاااااني خايفه ومرعوبه من يلي صار في هديل 💔
لانها من اول ما روحت من الشيخ وهيا ترجع في دم ومش قادره توقف على رجليها ووجها اصفررر💔
الصدمه والرهبه كانت عند مصعب !
مصعب يلي بعد ماقلب الدنيا على مرتها وسألها بتهديد وين كنتيييييي ومع منو وشتمها بي افضع الكلام 
ردت عليه بي كلمتين بس !
كلمتين خلاته واقف مصدوم مش فاهم يلي سمعه جديات ولا يتوهم 
الكلمتين هاذم كانو ....منو انت ؟!
وقف مصعب بصدمه مفهمش كلامها 
لان حرفيا حتى نضراتها كأنها اول مره تشوفه 💔
ادور بي عيًونها في الغرفه كأنها تبي تشوف شخص واحد تعرفه لكن مش لاقيه 
حتى راجلها متعرفتش عليه من يكون ؟
نهد حيله اكتر واكتر لما فهم من الدكتور ان الضربه جت ع راسها واثرت على جزء الدماغ متع الذاكره !
يعني مش رح يعرف هيا مع منو كانت 
ولا يقدر يعاقبها ع شي هوا ميعرفاش وميقدرش يكتشفه 
___________________________________
يعقوب:ماشي جاي قدام الحوش ...لوح دخانه ووقف على ادم لما شافه طلع ...وين بوك؟
ادم:جاوب ونضرة الكره في عيونه لي عمه واضحه ....ميشاورش فيا لما يطلع 
يعقوب:تنهد بي تعصب....من الصبح نتصل بيه عاطي موعد لي الناس من الصبح يراجو فيه والف مكالمه اتصلت بيه بدون رد
ادم:قام عيونه الناعسه وحط يديه في جيوب الجاكيته متعه....ياما مدايرهم الحركات هاذي قبل مش جديد عليه 
يعقوب:حشمني اليوم لا حول ولاقوة الا بالله بسسس الواحد شنو بيقول استغفر الله وخلاص 
قاطع حوارهم سياره درست قدام الحوش 
نزل منها راجل كبير في السن واضحه علي وجها ملامح الكبر❤️
لحيته ناصعة البياض وكثيفه بشكل كبير 
ملابسه كانت بسيطه نفس سيارته يلي نزل منها 
ادم:يشوفله من بعيد نازل من السياره ....هاذا قاعد يجي ؟
يعقوب:كل نهاية اسبوع لازم يطل ع ريان
ادم:السريب هاذا بنسكره  خلاص معش نبي المشي والجي الزايد 
يعقًوب:شافله بعلامات استغراب....هاذا حمدي يا ادم
انت عارف كويس انه كان يخدم عند بوها قبل وكان يربي فيها من صغرها 
مقدرش ينساها وبين فتره وفتره يطل عليها مرات حتى يطمن في بوها عليها بتمنعه حتى هوا ولا شنو 
ادم :جاوبه بي استفزاز ...هوا واي حد تاني ميعجبنيش 
يعقوب:شن دخللللك؟؟؟
البنت لو رسمي خايف عليها ابعتها لي بوها في مصر و....
حمدي:السلام عليكم ياوجوه الخير 
يعقوب:ابتسم....وعليكم السلام
ادم:ساكت ويشوفله من فوق لعند لوطه
حمدي:يحكي بتوتر....ست البنات قاعده ولا.....
ادم:قاطعه ...راقده
يعقوب:شبح لي ادم بحقد....الراقد ينوض ياولدي 
نوضها خلي عمها حمدي  يطمن عليها
ادم:قرن حواجبها .....نومة الشتي حرام يقطعوها ويلي يبي يجي زياره يجي في مواعيد مناسبه 
حمدي:ارتبك وابتسم بي توتر....اي صح عندك الحق سامحني 
هاذا وين كملت خدمتي خلاص خليها راقده المهم هيا بخير تو نجي وقت تاني نطمن عليها 
بس بالله عليك لو مفيهاش تعب عطيها هاذم ...ومدله كيسه 
ادم:شافله من فوق لعند لوطه وبعد وقت طووويل خذي الكيسه وخش بدون حتى مايخلي السلام 
يعقوب:تنهد بعدم راحه....الزفت هاذا
مدوراش لان هاذا حاله معاهم كلهم تعالا في اي وقت تاني يكون هوا مش موجود 
حمدي:ابتسم بطيبه❤️....صحيت ربي يخليك يارب 
يعقوب:العفو
وقف ادم قدام غرفة ريان وفتح الكيسه يفتش شنو فيها 
كانت عباره على علب شكلاته بسيطه وشوية شيبس وحجات حلوه ابسط من البساطه نفسها 
فتح الباب بدون مايطق 
ناضت ريان قعمزت وهيا مخلوعه بعد ماكانت راقده!
ادم:لوح الشكاره ع السرير.....جابهالك صاحب بوك 
ريان:لمعت عيونها وابتسمت ....حمدي ؟؟
وينه هوا هنايا 
ادم:يشوفلها بي عيونه الذابله....روح 
والسريب هاذا معش نبيك 
ريان:وقفت..كيف !
ادم:كلامي واضح معش في لاصاحب بوك لا شي 
بوك كان يبيك راهو جي خداك قداش ليه 
ريان:تعبو عيونها دموع وتكلمت بعنف وصوت عااالي ...ع اساس انت مخلي مجااااال تي انت ضي ربي متخليش فيا نشوف فيه 
طلعاتي من الحوش كلها لما نمرض بسس كيف تبي بابا يجي ياخدني ولا حتى يعلم اني عايشه ؟
ادم:قرب منها وريان نزلت عيونها وتمسح في دموعها 
قاملها راسها بيده 
ريان:تنفست بتعب من العياط والخوف بدت تسمع في دقات قلبها لين بدي يتكلم 
ادم:انا مش سيف ولا بوي !
انا ادم وردي بالك الف الف مره صوتك هاذا مزال يعلى بي الطريقه هيا 
قلت معش فيه حمدي يعني معش في 
كلمتني منعاودهاش مرتين مفيش داعي توريني انيابك الضعيفه هاذي خيرك منقصهولك ...سيبها وعطاها بي الضهر بيطلع 
نزلو دموعها ووقف عند الباب لما سمعها تقوله...به علاش هكي ؟
كرهتني في حوشكم يلي حبيته من لما جيت خليتني نقول خلاص نبي نرجع لي بوي مهما كان شكله💔
علاش ادير هكككي 
وقف ادم شويه وهوا عاطيها بضهر بعدين سيبها وطلع بدون مايقول كلمه 
نهاااااااارت ريان ع الارض وراسها ع السرير تبكي بحرقه💔
حتى اخر حاجه من ريحة اهلها بتختفي !
اما ادم سكر الباب ويده قاعده على المقبض جاوب ع سؤالها وهوا مسكر عيونه وقلبه بيطلع .....لاني نموت في الأرض يلي تمشي عليها !
رح نقعد مباعدك على اي حد نشك انه بياخدك مني 
حتى لو كان بوك ياريان
فتح عيونه ورجع لي طبيعته ....رتب شعرها بيده بي حركه خفيفه وطلع 
            🔥رويـــــــات بنـــــوتـــة الــشـــيخ🔥
          🔥أروى الطـــــــاهـــــر المسلاتي🔥
           👑القروب الاصلي400الف عضو👑
ساعه وهوا مقعمز في سيارته سرحان 💔
مأترش فيه الصقع ولا صوت الرعد يلي كان بيفلق الدنيا 
ولا حتى صوت الثلج الصغير يلي ينزل على مرش السياره ويسبب في ضجه!
كان سارح في عالم برووحه والتفكير بيقتله💔
بيقتله بي الموت البطيئ  لانها اسئله بدون جواب 
فتح باب السياره والمطر تصب عليه بدون اهتمام 
وقف قدام باب شقته وملامح التعب باينه على وجها 
روح من المشفى تارك مرته مع اهلها حتى هما مش فاهمين ولا شي من يلي صار 
طق مرتين وهوا طايح ع الباب بتعب بعدين ركب المفتاح وفتحه عشان يلاقي ملاك يراجي فيه ❤️
وقف يشوفلها وهوا مش مذكر شي 
لين ابتسمت وبدت تحكي بعفويه وببساطه 
فاطمه؛اهلا يا افندي انا ....
مصعب:ضحك بهزوه وهوا حيله مهدود....افندي ؟!
فاطمه:عقدت حواجبها ببرائه ...اي مش انت ضابط؟هكي سمعتهم ينادو فيك 
بدت مركزه فيه وتوسعو عيونها 
حطت يدها ع قلبها وشهقت....مبلووول من المطر تو تمرض رد بالك 
خش غير حوايجك لان العشي واتي 
المدام وين هيا مش معاك ؟
ابتسم مصعب وكمل طريقه لي غرفة النوم وهوا داخله يقول ...يااااااه قداش دوتها هلبا !
وهوا في طريقه لي دار النوم كان مذهول من حوشه
قداش ليه مشفاش بي الطريقه المرتبه والنضيفه هاذي!
فتح غرفة ولده وكان حرفيااا كل شي في مكانه 
العابه حوايجه حجاته الصغيره 
وكان هوا راقد زي الملاك في سريره ❤️
واضح على ملامحه الصغيره انه متغطي نضيف شبعان ومروق 
ابتسم والدمعه في عينه 
علاش الاوضاع هاذي معاشهاش لما مرته معاه ؟؟
باس ولده بهدوء ورجع لي غرفة نومه ...بدل ملابسه وطلع وهوا حاس بي جسمه مكسر 
قعمز على طاولة الاكل وهوا يشوف لي فاطمه كيف حاطه السمعات في ودانها وادير في حركات اضحك ولما شفاته تحشمت❤️
حطت العشي على الطاوله وكان عباره على رز بلاو وكمونيه وسلاطه ❤️
كان مرتب بي طريقه حلوه هلبا 
مصعب:رفع عيونه فيها بذهول ...امتى لحقتي اديري هاذا كله؟
فاطمه:مسحت وجها بي كم قفطانها البايد وابتسمت ....اسرار بنات هاذم 😂❤️
يالله انا كملت اليوم بنروح وبنسبه للبيبي  وتيتله  رضاعه و....
مصعب:قاطعها...لالالا ءءء 
ت تقدري تباتي ؟! 
مع ...نقصد ان نبيك مع ولدي الفتره هاذي لان اوضاعي ملخبطه 
فاطمه:اسفه منقدرش🥺
مصعب:وقف وشافلها بترجي ...بالله عليك ارجوك 
مرتي دايره حادث في المصحه نبيك تهتمي بي ولدي لعند تروح امه بس 
فاطمه:سكتت وهيا تفكر بتوتر ومتحشمه 
مصعب:بدي يصر عليها اكتر....بالله عليك نعطيك قداش ماتبي 
فاطمه:خذت نفس عميق ....به تمام 
مصعب:ابتسم براحه...الله يبارك فيك ربي يسترك
فاطمه:ولو يا افندي مستحيل ننسى معروفك ليا 
قعمز مصعب وقلبه مرتاح على ولده 
رغم ان هموم الدنيا كانت ع راسه ومعنداش نيه ياكل اي شي لكن محبش يردها ويحشمها وبدي ياكل وهوا ملااحض نضرات فاطمه يلي كانت تخطف فيهم ليه عشان تعرف عجبه الاكل ولا لا 
____________________________________
مفيش حاجه تقعد مجهوله !
ومفيش خبر يقعد مش معروف لاخر العمر ومن بينهم خبر وفاة حاتم يلي نزل زي الصاعقه على مرته وولاده وحتى خوه 💔
وصل الخبر وكانت اسوء ليله تمر عليهم ومفيش حد سكت من البكي واولهم ريان💔
نفس اي خبر واعر واي محنه تصير اول من سمع وجي ووقف هما الاهل 💔
تعبى الحوش في لحضات  رغم سوء الطقس يلي برا والعاصفه يلي كانت صايره لكن مفيش حد غاب من الاهل 
سواء كانو خالات او حتى عمات 💔
في ناس تبكي رسمي واجعها  الميت 💔
وناس تانيه ماصدق حصلت فرصه تبكي على همها بدون ما حد يسألها خيرك !!؟
زي هديل يلي فقدت اكتر شخص ممكن انه يصدقها او يوقف معاها 💔
__________________________________
ثاني يوم ⛅️
الشمس متعرفش فلان مات!
او فلان حزين او فلان طايح في مصيبه 
مهما صار من كوارث الشمس رح تطلع ورح يبدا النهار الجديد غضب على الكل🤷🏻‍♀️
ولان يوم الشتاء كان قصير بسرعه ماجت الساعه 1الضهر
طلع الثابوت من الحوش وفجره وريان حاضنين بعض ويبكو من وسط خاطرهم 
ادم ماسك اعصابه لكن سيف قلبه رهيف ميتحملش💔
مسكو الثابوت ومشو بيه مع الجنازه 
هما يمشو وشريط حياتهم يفوت قدامهم 💔
اذكرو كل لحضه خش بوهم معاه شي بسيط فرحهم بيه 💔
اذكرو كل لحضه نحى من فمه باش يعطيهم 💔
اذكرو لي كل اللحضات يلي بوهم كان شاقي وتاعب عشان يوفرلهم حجاتهم الخاصه❤️
لي كل لحضه ضحكهم ولعبهم فيها 💔
لي كل لحضه خاف عليهم اكتر من نفسه 💔
لي كل لحضه مخلى شي في خاطرهم ولو على حساب صحته 💔
نزلت دموع هلبا ناس 💔
واختارت السماء تبكي معاهم حتى هيا ونزلت المطر❤️
__________________________________
الساعه 7المغرب :-
في خيمة العزي 💔:-
قرب ادم فمه على وذن مصعب يسأل....خوك طارق وين ؟
مصعب:ليه يومين في تونس 
ادم:هز راسه بمعنى تمام وطلع من الخيمه 
يعقوب:شن صار ؟...مرتك شن وضعها 
مصعب :من لما روحت امس معش نعلم 
يعقوب:معرفتو شي قاعدين؟
مصعب:يحكي بحزن.....لا يابوي معرفنا ولا شي 
لا وين كانت ولا مع منو 
يعقوب:ولدك سراج وين ؟...جيبه لي اختك هديل ادير بالها عليه غلط يقعد عند اهلها 
مصعب:لالا في مكان تاني دايرين بالهم عليه متشغلش بالك
يعقوب :وين م....
وقاطعوه ناس وقف يقبل في العزاء 
________________________________
خشت بنت صغيرونه بعمر ال10سنوات تجري للحوش وتلعب 
وقفت قدام ريان....اسمعي يبيك ولد خالي 
ريان:سألك وهيا تمسح في خشمها وعيونها متورمات...سيف؟!
البنت:لا ادم 
ريان:بعدت البطانيه من عليها وناضت 
ادم:كان واقف يتفرج ع القمر ويسأل في داخله ....رسمي هاذي اول ليله لي بوي في القبر ولا نحلم!؟
ريان:نعم؟
ادم؛تلفت وشافها ❤️
حس ان قلبه بيطلع منها لما قعد مركز في ملامحها❤️
عيونها الحمر وفانيلية الصوف يلي واصله لعند رقبتها بروحها حكايه ❤️
ريان:قتلي ان ناديت و....
ادم:اي 
بري البسي يلي في راسك لازم يغيروه اليوم 
ريان:حطت يدها عشان تمس الشاش الابيض واستغربت داخلها كيف ادم قاعد مذكر حتى بعد وفاة بوه؟!
جاوبت وهيا مستغربه...توا!؟
ادم:نراجي فيك في السياره 
ريان:مش ضروري اليوم حتى بكرا م.......
ادم:متعطليش ....وسيبها وطلع 
_________________________________
سيف:فك يده من يديها بقوه....موتي انحرقي في ستين داهيييييه 
انتي حماره متعرفيش الضروف يلي نمر بيها ؟؟؟
بوي مات امس جايه اليوم تقوليلي حامل دبرلي وانا شن دخلي فيك ولا امتى قربت عليك اصلا 
هديل:تبكي بشهقه ....لا سيف ارجوك 
متجيش توا تنكر كل شي وربي حصلت حرام عليك 💔
شن دنبي كان في قطعه صغيره منك قاعده تكبر هنايا حرام عليك مش قادره نوقف انا 
سيف:مش قادره توقفي مش قادره ترقدي كلها امورك هاذي 
طلعيني من راسك  سامعه ....وسيبها 
خشت هديل وهيا حاسه بي حجات غريبه تصير داخل جسمها دكطاحت ع الفراش وسكرت عيونها بتعب💔
بدي وجها اصفر وكل ملامحها نقلبت 💔
_______________________________
مصعب:خش لي حوشه ورمي نفسه ع الكنبه بتعب 
سكر عيونه وهوا نادم انه زار مرته في المشفى قبل مايروح !
نضرات اهلها كأن مصعب يلي مرتبك الغلط مش بنتهم 
حاطين اللوم عليه وهوا مش فاهم علاش؟؟
سكر عيونه يبي يرقد لمن فجآه سمع ضحكه قويه طالعه من غرفة ولده ❤️
ناض بخطوات خفيفه يقرب على دار ولده وشاف من الشق 
شاف فاطمه تحكي وتضحك مع شخص وتتكلم بي صيغةً المذكر كأنها تحكي مع ولد !
فتح الباب بعنف وخش 
____________________________________
ركبت ريان وهيا تاعبه من المصحه ودوشتها 
نزلت مراية السياره وشافت الفاشه البيضه الجديده يلي كانت ع راسها ❤️
رجعت المرايه لي مكانها واستندت على الكرسي 
ادم:ولع السياره وطلع من بركيدجو المصحه 
كانت ريان ساكته وطول الوقت سارحه ....ساوت شال الصوف يلي كانت لابساته 
وحطت يدها على الكرسي 
بدون اي مناسبه او مقدامات ادم مسك يدها❤️...يتبع
لقراءة باقي حلقات الرواية اضغط على (رواية خطوة مميته)
reaction:

تعليقات

5 تعليقات
إرسال تعليق

إرسال تعليق